ວັນທີ26ມິຖຸນານີ້, ທ່ານອະລຸນໄຊສູນນະລາດກໍາມະການສູນກາງພັກເລຂາພັກແຂວງເຈົ້າແຂວງຈໍາປາສັກໄດ້ຕ້ອນຮັບທ່ານນາງໂຕທິເຕີມຄະນະບໍລິຫານງານສູນກາງສະຫະພັນແມ່ຍິງຫວຽດນາມກຳມະການພັກແຂວງປະທານສະຫະພັນແມ່ຍິງແຂວງດັກລັກສສຫວຽດນາມພ້ອມຄະນະເຂົ້າພົບປະຢ້ຽມຢາມໃນໂອກາດເດີນທາງມາເຄື່ອນໄຫວຢ້ຽມຢາມ4ແຂວງພາກໃຕ້ຂອງລາວແລະແຂວງຈໍາປາສັກ. ການຕ້ອນຮັບ-ພົບປະຄັ້ງນີ້ຈັດຂຶ້ນຢູ່ຫ້ອງຮັບແຂກພິເສດຫ້ອງວ່າການແຂວງໂດຍມີນາງເຕດາວັນແກ້ວພິລາວັນກໍາມະການສູນກາງສະຫະພັນແມ່ຍິງລາວກຳມະການພັກແຂວງປະທານສະຫະພັນແມ່ຍິງແຂວງພ້ອມຄະນະ, ທ່ານນາງເລເລ້ຖຸ້ຍຕາງໜ້າກົງສູນໃຫຍ່ສສຫວຽດນາມປະຈໍາ4ແຂວງພາກໃຕ້ລາວ, ການນໍາພະແນກການຕ່າງປະເທດແຂວງ, ການນໍາຫົວໜ້າຫ້ອງວ່າການແຂວງພ້ອມດ້ວຍຄະນະຜູ້ແທນສະຫະພັນແມ່ຍິງ2ແຂວງເຂົ້າຮ່ວມ.
ໃນການພົບປະກ່ອນອື່ນ, ທ່ານນາງໂຕທີິເຕີມໄດ້ກ່າວຂອບໃຈຕໍ່ການຕ້ອນຮັບອັນອົບອຸ່ນຂອງທ່ານເຈົ້າແຂວງຈໍາປາສັກພ້ອມທັງແຈ້ງຈຸດປະສົງຂອງການມາເຄື່ອນໄຫວຢ້ຽມຢາມແລະເຮັດວຽກຢູ່ແຂວງຈໍາປາສັກຊຶ່ງຈະໄດ້ເຄື່ອນໄຫວຢ້ຽມຢາມແລະເຮັດວຽກຮ່ວມກັບສະຫະພັນແມ່ຍິງ4ແຂວງພາກໃຕ້ຂອງລາວພ້ອມທັງເຂົ້າຮ່ວມກອງປະຊຸມສະຫຼຸບກາງສະໄໝການຈັດຕັ້ງປະຕິບັດບົດບັນທຶກການຮ່ວມມືເພື່ອສັນຕິພາບແລະການພັດທະນາ, ການສຳມະນາແລກປ່ຽນບົດຮຽນກ່ຽວກັບຄວາມສະເໝີພາບຍິງ-ຊາຍໃນວຽກງານພະນັກງານເພດຍິງ. ຈາກນັ້ນກໍເຂົ້າພົບປະສະມາຄົມນັກທຸລະກິດຍິງບັນດາແຂວງພາກໃຕ້ຂອງລາວຕື່ມອີກ. ທັງນີ້ກໍເພື່ອແລກປ່ຽນບົດຮຽນໃນການເຄື່ອນໄຫວວຽກງານຂອງສະຫະພັນແມ່ຍິງ4ແຂວງພາກໃຕ້ລາວລວມທັງການພັດທະນາ-ຊຸກຍູ້ສົ່ງເສີມນັກທຸລະກິດເພດຍິງທັງເປັນປະກອບສ່ວນສະເຫຼີມສະຫຼອງວັນສ້າງຕັ້ງການພົວພັນທາງການທູດຫວຽດນາມ-ລາວຄົບຮອບ62ປີ (5/9/1962-5/9/2024) ແລະວັນເຊັນສົນທິສັນຍາມິດຕະພາບແລະການຮ່ວມມືຫວຽດນາມ-ລາວຄົບຮອບ47ປີ (18//7/1977-18/7/2024) ໃຫ້ມີເນື້ອໃນຄວາມໝາຍເລິກເຊິ່ງ.
ຕໍ່ມາ,ທ່ານເຈົ້າແຂວງຈໍາປາສັກກໍໄດ້ກ່າວຕ້ອນຮັບພ້ອມທັງຕີລາຄາສູງຕໍ່ການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຈໍາປາສັກຂອງຄະນະຜູ້ແທນສະຫະພັນແມ່ຍິງແຂວງດັກລັກ. ຈາກນັ້ນ, ທ່ານໄດ້ມີຄໍາເຫັນແນະນໍາໃຫ້ການນໍາສະຫະພັນແມ່ຍິງ2ແຂວງເອົາໃຈໃສ່ໂຄສະນາເຜີຍແຜ່, ສຶກສາອົບຮົມເອື້ອຍນ້ອງແມ່ຍິງໂດຍສະເພາະເອື້ອຍນ້ອງແມ່ຍິງທີ່ບໍ່ນອນຢູ່ໃນການຈັດຕັ້ງໃຫ້ຮັບຮູ້ເຂົ້າໃຈຢ່າງເລິກເຊິ່ງຕໍ່ກັບສາຍພົວພັນມິດຕະພາບ, ຄວາມສາມັກຄີແບບພິເສດແລະການຮ່ວມມືຮອບດ້ານລະຫວ່າງ2ຊາດລາວ-ຫວຽດນາມເພື່ອສືບຕໍ່ເສີມຂະຫຍາຍສາຍພົວພັນດັ່ງກ່າວໃຫ້ກວ້າງຂວາງແລະຍືນຍົງ. ນອກນີ້ກໍເອົາໃຈໃສ່ໂຄສະນາເຜີຍແຜ່ໃຫ້ເອື້ອຍນ້ອງແມ່ຍິງຮັບຮູ້ເຂົ້າໃຈສິດສະເໝີພາບບົດບາດຍິງ-ຊາຍທັງປຸກລະດົມຂົນຂວາຍໃຫ້ເອື້ອຍນ້ອງແມ່ຍິງເປັນເຈົ້າການເຂົ້າຮ່ວມໃນການຈັດຕັ້ງປະຕິບັດພາລະກິດປົກປັກຮັກສາແລະພັດທະນາປະເທດຊາດ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມກໍຄືພັດທະນາເສດຖະກິດຄອບຄົວໃຫ້ມີຄວາມຈະເລີນຮຸ່ງເຮືອງຂຶ້ນໄປເລື້ອຍໆ.
(ຂ່າວ-ພາບ: ທູນທອງໃຈ)
ໃນການພົບປະກ່ອນອື່ນ, ທ່ານນາງໂຕທີິເຕີມໄດ້ກ່າວຂອບໃຈຕໍ່ການຕ້ອນຮັບອັນອົບອຸ່ນຂອງທ່ານເຈົ້າແຂວງຈໍາປາສັກພ້ອມທັງແຈ້ງຈຸດປະສົງຂອງການມາເຄື່ອນໄຫວຢ້ຽມຢາມແລະເຮັດວຽກຢູ່ແຂວງຈໍາປາສັກຊຶ່ງຈະໄດ້ເຄື່ອນໄຫວຢ້ຽມຢາມແລະເຮັດວຽກຮ່ວມກັບສະຫະພັນແມ່ຍິງ4ແຂວງພາກໃຕ້ຂອງລາວພ້ອມທັງເຂົ້າຮ່ວມກອງປະຊຸມສະຫຼຸບກາງສະໄໝການຈັດຕັ້ງປະຕິບັດບົດບັນທຶກການຮ່ວມມືເພື່ອສັນຕິພາບແລະການພັດທະນາ, ການສຳມະນາແລກປ່ຽນບົດຮຽນກ່ຽວກັບຄວາມສະເໝີພາບຍິງ-ຊາຍໃນວຽກງານພະນັກງານເພດຍິງ. ຈາກນັ້ນກໍເຂົ້າພົບປະສະມາຄົມນັກທຸລະກິດຍິງບັນດາແຂວງພາກໃຕ້ຂອງລາວຕື່ມອີກ. ທັງນີ້ກໍເພື່ອແລກປ່ຽນບົດຮຽນໃນການເຄື່ອນໄຫວວຽກງານຂອງສະຫະພັນແມ່ຍິງ4ແຂວງພາກໃຕ້ລາວລວມທັງການພັດທະນາ-ຊຸກຍູ້ສົ່ງເສີມນັກທຸລະກິດເພດຍິງທັງເປັນປະກອບສ່ວນສະເຫຼີມສະຫຼອງວັນສ້າງຕັ້ງການພົວພັນທາງການທູດຫວຽດນາມ-ລາວຄົບຮອບ62ປີ (5/9/1962-5/9/2024) ແລະວັນເຊັນສົນທິສັນຍາມິດຕະພາບແລະການຮ່ວມມືຫວຽດນາມ-ລາວຄົບຮອບ47ປີ (18//7/1977-18/7/2024) ໃຫ້ມີເນື້ອໃນຄວາມໝາຍເລິກເຊິ່ງ.
ຕໍ່ມາ,ທ່ານເຈົ້າແຂວງຈໍາປາສັກກໍໄດ້ກ່າວຕ້ອນຮັບພ້ອມທັງຕີລາຄາສູງຕໍ່ການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຈໍາປາສັກຂອງຄະນະຜູ້ແທນສະຫະພັນແມ່ຍິງແຂວງດັກລັກ. ຈາກນັ້ນ, ທ່ານໄດ້ມີຄໍາເຫັນແນະນໍາໃຫ້ການນໍາສະຫະພັນແມ່ຍິງ2ແຂວງເອົາໃຈໃສ່ໂຄສະນາເຜີຍແຜ່, ສຶກສາອົບຮົມເອື້ອຍນ້ອງແມ່ຍິງໂດຍສະເພາະເອື້ອຍນ້ອງແມ່ຍິງທີ່ບໍ່ນອນຢູ່ໃນການຈັດຕັ້ງໃຫ້ຮັບຮູ້ເຂົ້າໃຈຢ່າງເລິກເຊິ່ງຕໍ່ກັບສາຍພົວພັນມິດຕະພາບ, ຄວາມສາມັກຄີແບບພິເສດແລະການຮ່ວມມືຮອບດ້ານລະຫວ່າງ2ຊາດລາວ-ຫວຽດນາມເພື່ອສືບຕໍ່ເສີມຂະຫຍາຍສາຍພົວພັນດັ່ງກ່າວໃຫ້ກວ້າງຂວາງແລະຍືນຍົງ. ນອກນີ້ກໍເອົາໃຈໃສ່ໂຄສະນາເຜີຍແຜ່ໃຫ້ເອື້ອຍນ້ອງແມ່ຍິງຮັບຮູ້ເຂົ້າໃຈສິດສະເໝີພາບບົດບາດຍິງ-ຊາຍທັງປຸກລະດົມຂົນຂວາຍໃຫ້ເອື້ອຍນ້ອງແມ່ຍິງເປັນເຈົ້າການເຂົ້າຮ່ວມໃນການຈັດຕັ້ງປະຕິບັດພາລະກິດປົກປັກຮັກສາແລະພັດທະນາປະເທດຊາດ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມກໍຄືພັດທະນາເສດຖະກິດຄອບຄົວໃຫ້ມີຄວາມຈະເລີນຮຸ່ງເຮືອງຂຶ້ນໄປເລື້ອຍໆ.
(ຂ່າວ-ພາບ: ທູນທອງໃຈ)
