ກອງປະຊຸມສ້າງຄວາມເຂັ້ມແຂງໃຫ້ຄະນະກຳມະການແຮງງານກ່ຽວກັບ ນະໂຍບາຍຄ່າແຮງງານ ແລະ ຄ່າຄອງຊີບ ໄດ້ຈັດຂຶ້ນໃນວັນທີ 27 ມິຖຸນາ ນີ້ ທີ່ໂຮງແຮມດອນຈັນພາເລດ ນະຄອນຫຼວງວຽງຈັນພາຍໃຕ້ການເປັນປະທານຂອງ ທ່ານ ວິໄລ ວົງຂະເສີມ ຮອງປະທານຄະນະບໍລິຫານງານສູນກາງສະຫະພັນກຳມະບານລາວ, ທ່ານ ນາງ ຢຸກິ ໂອດສູຈີ ຊ່ຽວຊານກ່ຽວກັບກິດຈະກຳຂອງຜູ້ອອກແຮງງານ, ອົງການແຮງງານສາກົນປະຈໍາພາກພື້ນອາຊີ-ປາຊີຟິກ (ILO), ທ່ານ ຊາວິເອ ແອສຕຸປິນັນ ຊ່ຽວຊານວຽກງານຄ່າຈ້າງແຮງງານ, ອົງການແຮງງານສາກົນ ປະຈໍາພາກພື້ນອາຊີ-ປາຊິຟິກຊຶ່ງມີພະນັກງານຕາງໜ້າຈາກກະຊວງ, ອົງການ ແລະ ພາກສ່ວນທີ່ກຽວຂ້ອງເຂົ້າຮ່ວມ.
ທ່ານ ວິໄລ ວົງຂະເສີມ ກ່າວວ່າ: ດັ່ງທີ່ ພວກເຮົາຮູ້ນໍາກັນແລ້ວວ່າ ວິກິດການຈາກສະພາບການແຜ່ລະບາດຂອງພະຍາດ ໂຄວິດ-19 ໃນໄລຍະຜ່ານ ແລະ ບັນຫາອື່ນໆເຊັ່ນ: ໄພທຳມະຊາດ, ພາວະເງິນເຟີ້ ແລະ ຄ່າຄອງຊີບສູງ ໃນປັດຈຸບັນ ໄດ້ສົ່ງຜົນກະທົບຕໍ່ການພັດທະນາເສດຖະກິດ-ສັງຄົມຂອງປະເທດ, ມັນມີຜົນກະທົບຫຼາຍຕໍ່ກັບຊີວິດການເປັນຢູ່ຂອງປະຊາຊົນລາວ ເວົ້າລວມ, ເວົ້າສະເພາະ ກະທົບຕໍ່ຊີວິດການເປັນຢູ່ຂອງກຳມະກອນ ແລະ ຊາວຜູ້ອອກແຮງງານລາວ, ແຮງງານຈໍານວນຫຼວງຫຼາຍຂາດລາຍຮັບ, ການມີວຽກເຮັດງານທໍາບໍ່ໝັ້ນຄົງ ເນື່ອງຈາກຄ່າແຮງງານ ບໍ່ສົມຄູ່ກັບຄ່າຄອງຊີບ, ເກີດການວ່າງງານບາງສ່ວນ, ເກີດມີການເຄື່ອນຍ້າຍແຮງງານພາຍໃນ ແລະ ໄປຕ່າງປະເທດ ແລະ ບັນຫາອື່ນໆ.
ສະນັ້ນ,ຈຶ່ງເຫັນໄດ້ເຖິງຄວາມສໍາຄັນດັ່ງກ່າວ ຕ້ອງໄດ້ມີການປຶກສາຫາລືກັນ ກ່ຽວກັບບັນຫາຄ່າແຮງງານ ແລະ ຄ່າຄອງຊີບທີ່ສູງກວ່າລາຍຮັບ ແລະ ຈະຕ້ອງໄດ້ສ້າງຄວາມເຂັ້ມແຂງໃຫ້ແກ່ຄະນະກຳມະການແຮງງານ ກ່ຽວກັບການຄົ້ນຄວ້ານະໂຍບາຍຄ່າແຮງງານ ແລະ ຄ່າຄອງຊີບ ເພື່ອເປັນການສົ່ງເສີມການຈ້າງແຮງງານ ແລະ ເປັນການຫຼຸດຜ່ອນການເຄື່ອນຍ້າຍແຮງງານ, ຫຼຸດຜ່ອນການຂາດແຄນແຮງງານ ໃນບາງຂົງເຂດ, ສ້າງຄວາມສົມດຸນໃນຄວາມຕ້ອງການຂອງຕະຫຼາດແຮງງານ ແລະ ເປັນການສົ່ງເສີມໃນການຄຸ້ມຄອງລັດ ຄຸ້ມຄອງເສດຖະກິດສັງຄົມ ແລະ ເພື່ອເປັນການປົກປ້ອງສິດ ແລະ ຜົນປະໂຫຍດ ຂອງສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານ.
ຈຸດປະສົງ ຂອງກອງປະຊຸມຄັ້ງນີ້:ເພື່ອສົ່ງເສີມ ແລະ ສ້າງຄວາມເຂັ້ມແຂງໃຫ້ຄະນະກຳມະການຄົ້ນຄວ້າ ການກໍານົດຄ່າແຮງງານຂັ້ນຕໍ່າສຸດຂອງແຮງງານ;ເພື່ອຮັບຟັງການນໍາສະເໜີທ່າອ່ຽງຄ່າຈ້າງງານລ່າສຸດ ແລະ ລະບົບຄ່າຈ້າງຂັ້ນຕໍ່າໃນອາຊຽນ, ການພັດທະນາແນວຄວາມຄິດຂອງຄ່າຈ້າງ (ໃນການດໍາລົງຊີວິດ), ເງື່ອນໄຂທາງດ້ານເສດຖະກິດ ແລະ ສັງຄົມ ເພື່ອກຳນົດຄ່າຈ້າງຂັ້ນຕໍ່າ, ວິທີການກໍານົດຄ່າຈ້າງຂັ້ນຕໍ່າ, ວຽກງານແຮງງານຂັ້ນຕໍ່າ ຈາກຊ່ຽວຊານອົງການແຮງງານສາກົນ ILO; ເພື່ອປຶກສາຫາລື ແລະ ແລກປ່ຽນກ່ຽວກັບການຄົ້ນຄວ້າຄ່າແຮງງານຂັ້ນຕໍ່າ ໃນ ສປປ ລາວ ຮ່ວມກັບຄະນະກຳມະການແຮງງານ ແລະ ພາກສ່ວນທີ່ກ່ຽວຂ້ອງ. ດັ່ງນັ້ນ ປະທານກອງປະຊຸມ ໄດ້ຮຽກຮ້ອງໃຫ້ ພ້ອມກັນຍົກສູງຄວາມຮັບຜິດຊອບ, ຄົ້ນຄວ້າ ແລະ ແລກປ່ຽນບົດຮຽນຊຶ່ງກັນ ແລະ ກັນ, ປຶກສາແກ້ໄຂບັນຫາ ໃນສ່ວນທີ່ຄະນະກຳມະການແຮງງານພວກເຮົາຂາດ ເວົ້າລວມ, ເວົ້າສະເພາະບັນຫາຄວາມເປັນເອກະພາບ ໃນການກໍານົດສູດຄິດໄລ່ ຫຼື ວິທີການທີ່ເປັນເອກະພາບກັນ ໃນການປັບຂຶ້ນຄ່າແຮງງານຂັ້ນຕໍ່າຂອງຜູ້ອອກແຮງງານ ເພື່ອເປັນການປະກອບສ່ວນຮັບປະກັນຄຸນນະພາບ, ຍົກສູງຊີວິດການເປັນຢູ່ຂອງຜູ້ອອກແຮງງານ, ການຈ້າງງານທີ່ເປັນທໍາ ຮັບປະກັນໄດ້ຜົນປະໂຫຍດຂອງຊາດ, ຜົນປະໂຫຍດຂອງຜູ້ໃຊ້ແຮງງານ ແລະ ຜູ້ອອກແຮງງານ ໃຫ້ດີຂຶ້ນ, ພັດທະນາເສດຖະກິດ ແລະ ສັງຄົມຂອງຊາດໃຫ້ຈະເລີນກ້າວໜ້າຂຶ້ນໄປເລື້ອຍໆ.
(ຂ່າວ-ພາບ ຕຸໄລເພັດ)
ທ່ານ ວິໄລ ວົງຂະເສີມ ກ່າວວ່າ: ດັ່ງທີ່ ພວກເຮົາຮູ້ນໍາກັນແລ້ວວ່າ ວິກິດການຈາກສະພາບການແຜ່ລະບາດຂອງພະຍາດ ໂຄວິດ-19 ໃນໄລຍະຜ່ານ ແລະ ບັນຫາອື່ນໆເຊັ່ນ: ໄພທຳມະຊາດ, ພາວະເງິນເຟີ້ ແລະ ຄ່າຄອງຊີບສູງ ໃນປັດຈຸບັນ ໄດ້ສົ່ງຜົນກະທົບຕໍ່ການພັດທະນາເສດຖະກິດ-ສັງຄົມຂອງປະເທດ, ມັນມີຜົນກະທົບຫຼາຍຕໍ່ກັບຊີວິດການເປັນຢູ່ຂອງປະຊາຊົນລາວ ເວົ້າລວມ, ເວົ້າສະເພາະ ກະທົບຕໍ່ຊີວິດການເປັນຢູ່ຂອງກຳມະກອນ ແລະ ຊາວຜູ້ອອກແຮງງານລາວ, ແຮງງານຈໍານວນຫຼວງຫຼາຍຂາດລາຍຮັບ, ການມີວຽກເຮັດງານທໍາບໍ່ໝັ້ນຄົງ ເນື່ອງຈາກຄ່າແຮງງານ ບໍ່ສົມຄູ່ກັບຄ່າຄອງຊີບ, ເກີດການວ່າງງານບາງສ່ວນ, ເກີດມີການເຄື່ອນຍ້າຍແຮງງານພາຍໃນ ແລະ ໄປຕ່າງປະເທດ ແລະ ບັນຫາອື່ນໆ.
ສະນັ້ນ,ຈຶ່ງເຫັນໄດ້ເຖິງຄວາມສໍາຄັນດັ່ງກ່າວ ຕ້ອງໄດ້ມີການປຶກສາຫາລືກັນ ກ່ຽວກັບບັນຫາຄ່າແຮງງານ ແລະ ຄ່າຄອງຊີບທີ່ສູງກວ່າລາຍຮັບ ແລະ ຈະຕ້ອງໄດ້ສ້າງຄວາມເຂັ້ມແຂງໃຫ້ແກ່ຄະນະກຳມະການແຮງງານ ກ່ຽວກັບການຄົ້ນຄວ້ານະໂຍບາຍຄ່າແຮງງານ ແລະ ຄ່າຄອງຊີບ ເພື່ອເປັນການສົ່ງເສີມການຈ້າງແຮງງານ ແລະ ເປັນການຫຼຸດຜ່ອນການເຄື່ອນຍ້າຍແຮງງານ, ຫຼຸດຜ່ອນການຂາດແຄນແຮງງານ ໃນບາງຂົງເຂດ, ສ້າງຄວາມສົມດຸນໃນຄວາມຕ້ອງການຂອງຕະຫຼາດແຮງງານ ແລະ ເປັນການສົ່ງເສີມໃນການຄຸ້ມຄອງລັດ ຄຸ້ມຄອງເສດຖະກິດສັງຄົມ ແລະ ເພື່ອເປັນການປົກປ້ອງສິດ ແລະ ຜົນປະໂຫຍດ ຂອງສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານ.
ຈຸດປະສົງ ຂອງກອງປະຊຸມຄັ້ງນີ້:ເພື່ອສົ່ງເສີມ ແລະ ສ້າງຄວາມເຂັ້ມແຂງໃຫ້ຄະນະກຳມະການຄົ້ນຄວ້າ ການກໍານົດຄ່າແຮງງານຂັ້ນຕໍ່າສຸດຂອງແຮງງານ;ເພື່ອຮັບຟັງການນໍາສະເໜີທ່າອ່ຽງຄ່າຈ້າງງານລ່າສຸດ ແລະ ລະບົບຄ່າຈ້າງຂັ້ນຕໍ່າໃນອາຊຽນ, ການພັດທະນາແນວຄວາມຄິດຂອງຄ່າຈ້າງ (ໃນການດໍາລົງຊີວິດ), ເງື່ອນໄຂທາງດ້ານເສດຖະກິດ ແລະ ສັງຄົມ ເພື່ອກຳນົດຄ່າຈ້າງຂັ້ນຕໍ່າ, ວິທີການກໍານົດຄ່າຈ້າງຂັ້ນຕໍ່າ, ວຽກງານແຮງງານຂັ້ນຕໍ່າ ຈາກຊ່ຽວຊານອົງການແຮງງານສາກົນ ILO; ເພື່ອປຶກສາຫາລື ແລະ ແລກປ່ຽນກ່ຽວກັບການຄົ້ນຄວ້າຄ່າແຮງງານຂັ້ນຕໍ່າ ໃນ ສປປ ລາວ ຮ່ວມກັບຄະນະກຳມະການແຮງງານ ແລະ ພາກສ່ວນທີ່ກ່ຽວຂ້ອງ. ດັ່ງນັ້ນ ປະທານກອງປະຊຸມ ໄດ້ຮຽກຮ້ອງໃຫ້ ພ້ອມກັນຍົກສູງຄວາມຮັບຜິດຊອບ, ຄົ້ນຄວ້າ ແລະ ແລກປ່ຽນບົດຮຽນຊຶ່ງກັນ ແລະ ກັນ, ປຶກສາແກ້ໄຂບັນຫາ ໃນສ່ວນທີ່ຄະນະກຳມະການແຮງງານພວກເຮົາຂາດ ເວົ້າລວມ, ເວົ້າສະເພາະບັນຫາຄວາມເປັນເອກະພາບ ໃນການກໍານົດສູດຄິດໄລ່ ຫຼື ວິທີການທີ່ເປັນເອກະພາບກັນ ໃນການປັບຂຶ້ນຄ່າແຮງງານຂັ້ນຕໍ່າຂອງຜູ້ອອກແຮງງານ ເພື່ອເປັນການປະກອບສ່ວນຮັບປະກັນຄຸນນະພາບ, ຍົກສູງຊີວິດການເປັນຢູ່ຂອງຜູ້ອອກແຮງງານ, ການຈ້າງງານທີ່ເປັນທໍາ ຮັບປະກັນໄດ້ຜົນປະໂຫຍດຂອງຊາດ, ຜົນປະໂຫຍດຂອງຜູ້ໃຊ້ແຮງງານ ແລະ ຜູ້ອອກແຮງງານ ໃຫ້ດີຂຶ້ນ, ພັດທະນາເສດຖະກິດ ແລະ ສັງຄົມຂອງຊາດໃຫ້ຈະເລີນກ້າວໜ້າຂຶ້ນໄປເລື້ອຍໆ.
(ຂ່າວ-ພາບ ຕຸໄລເພັດ)
