ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກປະທານສູນກາງແນວລາວສ້າງຊາດ ພ້ອມດ້ວຍຄະນະ ໄດ້ລົງຢ້ຽມຢາມພົບປະໂອ້ລົມພະນັກງານຫຼັກແຫຼ່ງ ເມືອງວັງວຽງ ແຂວງວຽງຈັນ. ໂດຍມີທ່ານ ຄຳພັນ ສິດທິດຳພາ ກຳມະການສູນກາງພັກເລຂາພັກແຂວງເຈົ້າແຂວງວຽງຈັນ, ມີທ່ານ ເທບພະໄທ ແກ້ວເຂັມເພັດ ຄະນະປະຈຳພັກແຂວງປະທານແນວລາວສ້າງຊາດແຂວງວຽງຈັນ, ພະນັກງານຫຼັກແຫຼ່ງເມືອງວັງວຽງ ເຂົ້າຮ່ວມຮັບຟັງ ທີ່ສະໂມສອນຫ້ອງວ່າການປົກຄອງເມືອງວັງວຽງ ໃນວັນທີ 25 ມິຖຸນາ ຜ່ານມາ.
ທ່ານ ບຸນຈັນ ມາລາວົງເລຂາພັກເມືອງເຈົ້າເມືອງວັງວຽງ ໄດ້ລາຍງານສະພາບການພັດທະນາເສດຖິດ-ສັງຄົມຂອງເມືອງໂດຍຫຍໍ້ວ່າ: ຕະຫຼອດໄລຍະຜ່ານມາຄະນະນຳຂອງເມືອງວັງວຽງໄດ້ເອົາໃຈໃສ່ສຶກອົບຮົມການເມືອງແນວຄິດໃຫ້ແກ່ຖັນແຖວສະມາຊິກພັກ, ພະນັກງານ, ທະຫານ, ຕຳຫຼວດ ແລະ ປະຊາຊົນລາວບັນດາເຜົ່າ ຊຶ່ງເຫັນວ່າປະຊາຊົນທົ່ວເມືອງວັງວຽງມີແນວຄິດອຸ່ນອ່ຽນທຸ່ນທ່ຽງ, ດ້ານເສດຖະກິດແມ່ນຍັງສືບຕໍ່ຂະຫຍາຍຕົວຢ່າງຕໍ່ເນື່ອງ, ດ້ານວຽກງານປ້ອງກັນຊາດ-ປ້ອງກັນຄວາມສະຫງົບ ແມ່ນສາມາດຮັກສາໄດ້ສະຖຽນລະພາບມີຄວາມສະຫງົບໂດຍພື້ນຖານ. ພ້ອມກັນນີ້, ທ່ານ ສີສຸພັນ ວັດທະນາວົງ ຄະນະປະຈຳພັກເມືອງປະທານແນວລາວສ້າງຊາດເມືອງວັງວຽງ ໄດ້ລາຍງາຍການຈັດຕັ້ງປະຕິບັດວຽກງານແນວລາວສ້າງຊາດຂອງເມືອງຕະຫຼອດໄລຍະຜ່ານມາຊຶ່ງທ່ານໄດ້ຍົກໃຫ້ເຫັນບາງວຽກງານທີ່ພົ້ນເດັ່ນເປັນຕົ້ນແມ່ນຄະນະກຳມະການແນວລາວສ້າງຊາດເມືອງໄດ້ເອົາໃຈໃສ່ສຶກສາອົບຮົມເຕົ້າໂຮມຄວາມສາມັກຄີປະຊາຊາຊົນລາວບັນດາເຜົ່າ, ບັນດາສາສະໜາ, ຊັ້ນຄົນ-ການຈັດສັງຄົມ ແລະ ເພດ-ໄວ ຢູ່ເມືອງວັງວຽງ ຊຶ່ງຖືສຳຄັນຜູ້ຊົງຄຸນວຸດທິບັນດາຊົນເຜົ່າເພື່ອເປັນກຳລັງແຮງໃນການປຸກລະດົມປະຊາຊົນຈັດຕັ້ງປະຕິບັດມະຕິ XI ຂອງພັກ, ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງແນວລາວສ້າງຊາດ ກໍຄືມະຕິກອງປະຊຸມໃຫຍ່ອົງຄະນະພັກເມືອງວັງວຽງ ຄັ້ງທີ VII ຊຶ່ງສາມາດປະກາດຮັບຮອງ ເມືອງວັງວຽງເປັນເມືອງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດໃນວັນທີ 30 ພຶດສະພາ 2024 ຜ່ານມາ ເປັນເມືອງທີ 3 ຂອງແຂວງວຽງຈັນ.
ໂອກາດນີ້, ທ່ານປະທານສນຊ ໄດ້ມີຄຳເຫັນໂອ້ລົມຕໍ່ພະນັກງານຫຼັກແຫຼ່ງເມືອງວັງວຽງ ຊຶ່ງກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ບັນດາຜົນງານທີ່ຄະນະນຳຂອງເມືອງວັງວຽງຍາດມາໄດ້ຕະຫຼອດໄລຍະຜ່ານມາ ແລະ ທ່ານໄດ້ເນັ້ນບາງບັນຫາສຳຄັນຄືໃຫ້ຄະນະນຳຂອງເມືອງສືບຕໍ່ຊີ້ນຳ ນຳພາປະຊາຊົນລາວບັນດາເຜົ່າຈັດຕັ້ງປະຕິບັດມະຕິ XI ຂອງພັກ, ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງແນວລາວສ້າງຊາດ, ສືບຕໍ່ເຕົ້າໂຮມຄວາມສາມັກຄີບັນດາຊົນເຜົ່າໃຫ້ເປັນປຶກແຜ່ນ ແລະ ພ້ອມກັນຈັດຕັ້ງປະຕິ 4 ການຫັນປ່ຽນຂອງແນວລາວສ້າງຊາດ ໃຫ້ປະກົດຜົນເປັນຈິງ ພ້ອມທັງປະຕິບັດ 2 ວາລະແຫ່ງຊາດ ເປັນຕົ້ນແມ່ນວາລະແກ້ໄຂຢາເສບຕິດ ແລະ ຄວາມຫຍຸ້ງຍາກທາງດ້ານເສດຖະກິດ ໃຫ້ເປັນຮູບປະທຳ.
(ຂ່າວ-ພາບ: ສນຊ)
ທ່ານ ບຸນຈັນ ມາລາວົງເລຂາພັກເມືອງເຈົ້າເມືອງວັງວຽງ ໄດ້ລາຍງານສະພາບການພັດທະນາເສດຖິດ-ສັງຄົມຂອງເມືອງໂດຍຫຍໍ້ວ່າ: ຕະຫຼອດໄລຍະຜ່ານມາຄະນະນຳຂອງເມືອງວັງວຽງໄດ້ເອົາໃຈໃສ່ສຶກອົບຮົມການເມືອງແນວຄິດໃຫ້ແກ່ຖັນແຖວສະມາຊິກພັກ, ພະນັກງານ, ທະຫານ, ຕຳຫຼວດ ແລະ ປະຊາຊົນລາວບັນດາເຜົ່າ ຊຶ່ງເຫັນວ່າປະຊາຊົນທົ່ວເມືອງວັງວຽງມີແນວຄິດອຸ່ນອ່ຽນທຸ່ນທ່ຽງ, ດ້ານເສດຖະກິດແມ່ນຍັງສືບຕໍ່ຂະຫຍາຍຕົວຢ່າງຕໍ່ເນື່ອງ, ດ້ານວຽກງານປ້ອງກັນຊາດ-ປ້ອງກັນຄວາມສະຫງົບ ແມ່ນສາມາດຮັກສາໄດ້ສະຖຽນລະພາບມີຄວາມສະຫງົບໂດຍພື້ນຖານ. ພ້ອມກັນນີ້, ທ່ານ ສີສຸພັນ ວັດທະນາວົງ ຄະນະປະຈຳພັກເມືອງປະທານແນວລາວສ້າງຊາດເມືອງວັງວຽງ ໄດ້ລາຍງາຍການຈັດຕັ້ງປະຕິບັດວຽກງານແນວລາວສ້າງຊາດຂອງເມືອງຕະຫຼອດໄລຍະຜ່ານມາຊຶ່ງທ່ານໄດ້ຍົກໃຫ້ເຫັນບາງວຽກງານທີ່ພົ້ນເດັ່ນເປັນຕົ້ນແມ່ນຄະນະກຳມະການແນວລາວສ້າງຊາດເມືອງໄດ້ເອົາໃຈໃສ່ສຶກສາອົບຮົມເຕົ້າໂຮມຄວາມສາມັກຄີປະຊາຊາຊົນລາວບັນດາເຜົ່າ, ບັນດາສາສະໜາ, ຊັ້ນຄົນ-ການຈັດສັງຄົມ ແລະ ເພດ-ໄວ ຢູ່ເມືອງວັງວຽງ ຊຶ່ງຖືສຳຄັນຜູ້ຊົງຄຸນວຸດທິບັນດາຊົນເຜົ່າເພື່ອເປັນກຳລັງແຮງໃນການປຸກລະດົມປະຊາຊົນຈັດຕັ້ງປະຕິບັດມະຕິ XI ຂອງພັກ, ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງແນວລາວສ້າງຊາດ ກໍຄືມະຕິກອງປະຊຸມໃຫຍ່ອົງຄະນະພັກເມືອງວັງວຽງ ຄັ້ງທີ VII ຊຶ່ງສາມາດປະກາດຮັບຮອງ ເມືອງວັງວຽງເປັນເມືອງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດໃນວັນທີ 30 ພຶດສະພາ 2024 ຜ່ານມາ ເປັນເມືອງທີ 3 ຂອງແຂວງວຽງຈັນ.
ໂອກາດນີ້, ທ່ານປະທານສນຊ ໄດ້ມີຄຳເຫັນໂອ້ລົມຕໍ່ພະນັກງານຫຼັກແຫຼ່ງເມືອງວັງວຽງ ຊຶ່ງກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ບັນດາຜົນງານທີ່ຄະນະນຳຂອງເມືອງວັງວຽງຍາດມາໄດ້ຕະຫຼອດໄລຍະຜ່ານມາ ແລະ ທ່ານໄດ້ເນັ້ນບາງບັນຫາສຳຄັນຄືໃຫ້ຄະນະນຳຂອງເມືອງສືບຕໍ່ຊີ້ນຳ ນຳພາປະຊາຊົນລາວບັນດາເຜົ່າຈັດຕັ້ງປະຕິບັດມະຕິ XI ຂອງພັກ, ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງແນວລາວສ້າງຊາດ, ສືບຕໍ່ເຕົ້າໂຮມຄວາມສາມັກຄີບັນດາຊົນເຜົ່າໃຫ້ເປັນປຶກແຜ່ນ ແລະ ພ້ອມກັນຈັດຕັ້ງປະຕິ 4 ການຫັນປ່ຽນຂອງແນວລາວສ້າງຊາດ ໃຫ້ປະກົດຜົນເປັນຈິງ ພ້ອມທັງປະຕິບັດ 2 ວາລະແຫ່ງຊາດ ເປັນຕົ້ນແມ່ນວາລະແກ້ໄຂຢາເສບຕິດ ແລະ ຄວາມຫຍຸ້ງຍາກທາງດ້ານເສດຖະກິດ ໃຫ້ເປັນຮູບປະທຳ.
(ຂ່າວ-ພາບ: ສນຊ)
