ພິທີເປີດສະມາຄົມທຸລະກິດບໍລິການຈັດຫາງານລາວໄດ້ຈັດຂຶ້ນເມື່ອບໍ່ດົນມານີ້ ໂດຍມີ ທ່ານນາງໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ(ຮສສ), ທ່ານນາງ ອີນາ ມາຈໍລູນີແຕ ເອກອັກຄະລັດຖະທູດສຳນັກງານຜູ້ຕາງໜ້າສະຫະພາບເອີຣົບປະຈຳລາວ, ທ່ານນາງ ມີແກນ ຈອນສ ເອກອັກຄະລັດຖະທູດແຫ່ງປະເທດອົສຕຣາລີປະຈຳລາວ, ທ່ານ ວຽງປະສິດ ເທບພະສຸດາ ຜູ້ຕາງໜ້າອົງການແຮງງານສາກົນປະຈຳສປປລາວ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານນາງໃບຄຳ ຂັດທິຍະ ກ່າວວ່າ: ຜ່ານຄວາມພະຍາຍາມສູງຂອງບັນດາຜູ້ປະກອບການດ້ານການບໍລິການຈັດຫາງານໃນການຄົ້ນຄວ້າ, ເກັບກຳຂໍ້ມູນ, ລະດົມແນວຄວາມຄິດບວກກັບຄວາມຮັບຜິດຊອບຂອງກົມການຈັດຫາງານ ແລະ ພາກສ່ວນທີ່ກ່ຽວຂ້ອງຕ່າງໆທັງພາກລັດ, ພາກທຸລະກິດນັບແຕ່ສູນກາງຮອດທ້ອງຖິ່ນດ້ວຍການສະໜັບສະໜູນທາງດ້ານທັດສະນະ, ເຕັກນິກ, ວິຊາການ ແລະ ງົບປະມານຈາກບັນດາປະເທດສະຫະພາບອີຢູ ໂດຍຜ່ານໄອໂລ ແລະການສະໜັບສະໜູນຈາກລັດຖະບານອົສຕຣາລີ ໂດຍແມ່ນສະຖານທູດອົສຕຣາລີເປັນໃຈກາງ, ມາຮອດມື້ນີ້, ສະມາຄົມທຸລະກິດບໍລິການຈັດຫາງານ ໄດ້ຮັບການສ້າງຕັ້ງຂຶ້ນຢ່າງເປັນລະບົບຄົບຊຸດຕາມນິຕິກໍາໄດ້ນົດໄວ້.
ຜົນສຳເລັດຂອງການສ້າງຕັ້ງສະມາຄົມດັ່ງກ່າວ, ເປັນພຽງຜົນສຳເລັດເບື້ອງຕົ້ນ, ບັນຫາສຳຄັນແມ່ນໝາກຜົນຂອງການເຄື່ອນໄຫວຂອງສະມາຄົມ ໃນການບໍລິການຈັດຫາງານໃຫ້ແກ່ຜູ້ອອກແຮງງານກໍຄືສະໜອງແຮງງານໃຫ້ແກ່ບັນດາຕໍາແໜ່ງງານ ທັງພາຍໃນ ແລະ ຕ່າງປະເທດ ເພື່ອເປັນການປະກອບສ່ວນຢ່າງຕັ້ງໜ້າເຂົ້າໃນການແກ້ໄຂຄວາມທຸກຍາກຂອງປະຊາຊົນ ກໍຄືກຳລັງແຮງງານເຮັດໃຫ້ກຳລັງແຮງງານມີລາຍໄດ້, ມີວຽກເຮັດງານທຳທີ່ໝັ້ນຄົງ, ມີສະຫວັດດີການສັງຄົມຢ່າງເປັນລະບົບຄົບຊຸດ ເພື່ອຮັບປະກັນໃຫ້ເສດຖະກິດມີການຂະຫຍາຍຕົວ ທັງເປັນການສ້າງຄວາມໝັ້ນທ່ຽງໃຫ້ແກ່ຂະແໜງການຜະລິດ ແລະບໍລິການໄດ້ດຳເນີນທຸລະກິດດ້ວຍຄວາມລາບລື່ນ ແລະ ມີຜົນສຳເລັດ.
ໂອກາດນີ້, ທ່ານລັດຖະມົນຕີ ຮສສ ໄດ້ສະແດງຄວາມຫວັງວ່າ: ສະມາຄົມຈັດຫາງານຈະເປັນສ່ວນໜຶ່ງໃນການປະສານສົມທົບກັບຜູ້ປະກອບການພາຍໃນ ເພື່ອປັບປຸງສະພາບແວດລ້ອມ, ເງື່ອນໄຂຂອງການເຮັດວຽກທີ່ເອື້ອອຳນວຍ, ສ້າງຕຳແໜ່ງງານທີ່ໝັ້ນຄົງ ເພື່ອສ້າງແຮງຈູງໃຈດຶງດູດແຮງງານໃຫ້ເຂົ້າສູ່ຕະຫຼາດແຮງງານພາຍໃນໃຫ້ຫຼາຍຂຶ້ນ.
ສະມາຄົມທຸລະກິດບໍລິການຈັດຫາງານລາວ ແມ່ນການເຕົ້າໂຮມຄວາມສາມັກຄີເປັນປຶກແຜ່ນ, ເປັນການເພີ່ມກຳລັງແຮງທາງດ້ານສະຕິປັນຍາ, ກຳລັງຊັບພະຍາກອນ ເພື່ອສາມາດແຂ່ງຂັນກັບກົນໄກເສດຖະກິດຕະຫຼາດທັງເປັນການຫຼຸດຜ່ອນການແກ້ງແຍ່ງແຂ່ງຂັນທາງດ້ານທຸລະກິດ ເພື່ອປົກປ້ອງແລະ ຊ່ວຍເຫຼືອຊຶ່ງກັນ ແລະ ກັນ ພ້ອມກັນເຕີບໃຫ່ຍຂະຫຍາຍຕົວໄປຂ້າງໜ້າເພື່ອຊ່ວຍພາກລັດໃນການຄຸ້ມຄອງ ແລະ ດັດສົມລະຫວ່າງຄວາມຕ້ອງການ ແລະ ຄວາມອາດສາມາດໃນການສະໜອງແຮງງານໃນເງື່ອນໄຂປັດຈຸບັນ ແລະ ອະນາຄົດ.
ຂ່າວ-ພາບ: ຂ່າວສານ ຮສສ
ທ່ານນາງໃບຄຳ ຂັດທິຍະ ກ່າວວ່າ: ຜ່ານຄວາມພະຍາຍາມສູງຂອງບັນດາຜູ້ປະກອບການດ້ານການບໍລິການຈັດຫາງານໃນການຄົ້ນຄວ້າ, ເກັບກຳຂໍ້ມູນ, ລະດົມແນວຄວາມຄິດບວກກັບຄວາມຮັບຜິດຊອບຂອງກົມການຈັດຫາງານ ແລະ ພາກສ່ວນທີ່ກ່ຽວຂ້ອງຕ່າງໆທັງພາກລັດ, ພາກທຸລະກິດນັບແຕ່ສູນກາງຮອດທ້ອງຖິ່ນດ້ວຍການສະໜັບສະໜູນທາງດ້ານທັດສະນະ, ເຕັກນິກ, ວິຊາການ ແລະ ງົບປະມານຈາກບັນດາປະເທດສະຫະພາບອີຢູ ໂດຍຜ່ານໄອໂລ ແລະການສະໜັບສະໜູນຈາກລັດຖະບານອົສຕຣາລີ ໂດຍແມ່ນສະຖານທູດອົສຕຣາລີເປັນໃຈກາງ, ມາຮອດມື້ນີ້, ສະມາຄົມທຸລະກິດບໍລິການຈັດຫາງານ ໄດ້ຮັບການສ້າງຕັ້ງຂຶ້ນຢ່າງເປັນລະບົບຄົບຊຸດຕາມນິຕິກໍາໄດ້ນົດໄວ້.
ຜົນສຳເລັດຂອງການສ້າງຕັ້ງສະມາຄົມດັ່ງກ່າວ, ເປັນພຽງຜົນສຳເລັດເບື້ອງຕົ້ນ, ບັນຫາສຳຄັນແມ່ນໝາກຜົນຂອງການເຄື່ອນໄຫວຂອງສະມາຄົມ ໃນການບໍລິການຈັດຫາງານໃຫ້ແກ່ຜູ້ອອກແຮງງານກໍຄືສະໜອງແຮງງານໃຫ້ແກ່ບັນດາຕໍາແໜ່ງງານ ທັງພາຍໃນ ແລະ ຕ່າງປະເທດ ເພື່ອເປັນການປະກອບສ່ວນຢ່າງຕັ້ງໜ້າເຂົ້າໃນການແກ້ໄຂຄວາມທຸກຍາກຂອງປະຊາຊົນ ກໍຄືກຳລັງແຮງງານເຮັດໃຫ້ກຳລັງແຮງງານມີລາຍໄດ້, ມີວຽກເຮັດງານທຳທີ່ໝັ້ນຄົງ, ມີສະຫວັດດີການສັງຄົມຢ່າງເປັນລະບົບຄົບຊຸດ ເພື່ອຮັບປະກັນໃຫ້ເສດຖະກິດມີການຂະຫຍາຍຕົວ ທັງເປັນການສ້າງຄວາມໝັ້ນທ່ຽງໃຫ້ແກ່ຂະແໜງການຜະລິດ ແລະບໍລິການໄດ້ດຳເນີນທຸລະກິດດ້ວຍຄວາມລາບລື່ນ ແລະ ມີຜົນສຳເລັດ.
ໂອກາດນີ້, ທ່ານລັດຖະມົນຕີ ຮສສ ໄດ້ສະແດງຄວາມຫວັງວ່າ: ສະມາຄົມຈັດຫາງານຈະເປັນສ່ວນໜຶ່ງໃນການປະສານສົມທົບກັບຜູ້ປະກອບການພາຍໃນ ເພື່ອປັບປຸງສະພາບແວດລ້ອມ, ເງື່ອນໄຂຂອງການເຮັດວຽກທີ່ເອື້ອອຳນວຍ, ສ້າງຕຳແໜ່ງງານທີ່ໝັ້ນຄົງ ເພື່ອສ້າງແຮງຈູງໃຈດຶງດູດແຮງງານໃຫ້ເຂົ້າສູ່ຕະຫຼາດແຮງງານພາຍໃນໃຫ້ຫຼາຍຂຶ້ນ.
ສະມາຄົມທຸລະກິດບໍລິການຈັດຫາງານລາວ ແມ່ນການເຕົ້າໂຮມຄວາມສາມັກຄີເປັນປຶກແຜ່ນ, ເປັນການເພີ່ມກຳລັງແຮງທາງດ້ານສະຕິປັນຍາ, ກຳລັງຊັບພະຍາກອນ ເພື່ອສາມາດແຂ່ງຂັນກັບກົນໄກເສດຖະກິດຕະຫຼາດທັງເປັນການຫຼຸດຜ່ອນການແກ້ງແຍ່ງແຂ່ງຂັນທາງດ້ານທຸລະກິດ ເພື່ອປົກປ້ອງແລະ ຊ່ວຍເຫຼືອຊຶ່ງກັນ ແລະ ກັນ ພ້ອມກັນເຕີບໃຫ່ຍຂະຫຍາຍຕົວໄປຂ້າງໜ້າເພື່ອຊ່ວຍພາກລັດໃນການຄຸ້ມຄອງ ແລະ ດັດສົມລະຫວ່າງຄວາມຕ້ອງການ ແລະ ຄວາມອາດສາມາດໃນການສະໜອງແຮງງານໃນເງື່ອນໄຂປັດຈຸບັນ ແລະ ອະນາຄົດ.
ຂ່າວ-ພາບ: ຂ່າວສານ ຮສສ
