ຂ່າວຕ່າງປະເທດລາຍງານ ໃນວັນທີ 2 ກໍລະກົດ ຜ່ານມາວ່າ: ກະຊວງການທ່ອງທ່ຽວຂອງກຳປູເຈຍ ລາຍງານຈຳນວນນັກທ່ອງທ່ຽວຊາວຈີນທີ່ມາທ່ຽວກຳປູເຈຍ ໃນໄລຍະເດືອນມັງກອນ ຫາ ເດືອນພຶດສະພາປີນີ້ ມີທັງໝົດ 326.003 ຄົນ ເພີ່ມຂຶ້ນ 43,1% ເມື່ອທຽບໃສ່ໃນໄລຍະດຽວກັນຂອງປີກ່ອນ.
ບົດລາຍງານລະບຸວ່າ: ຈໍານວນນັກທ່ອງທ່ຽວຊາວຈີນຄິດເປັນ 12,3% ຂອງຈໍານວນນັກທ່ອງທ່ຽວຕ່າງປະເທດທັງໝົດທີ່ມາທ່ຽວກຳປູເຈຍໃນຫ້າເດືອນທຳອິດຂອງປີນີ້ ຊຶ່ງລວມມີ2,64 ລ້ານຄົນ ເພີ່ມຂຶ້ນ 22% ເມື່ອທຽບກັບຈຳນວນນັກທ່ອງທ່ຽວຕ່າງປະເທດ 2,16. ລ້ານຄົນ ໃນໄລຍະດຽວກັນຂອງປີກ່ອນ.
ອີກຢ່າງໜຶ່ງ, ຈີນເປັນແຫຼ່ງນັກທ່ອງທ່ຽວຕ່າງປະເທດຂະໜາດໃຫຍ່ທີ່ສຸດອັນດັບສາມຂອງກຳປູເຈຍ ຮອງຈາກໄທ ແລະ ຫວຽດນາມ.
ກ່ອນໜ້ານີ້, ທ່ານ ສົກ ໂສເກນ ລັດຖະມົນຕີກະຊວງການທ່ອງທ່ຽວ ຂອງກຳປູເຈຍປະເມີນວ່າ: ຈຳນວນນັກທ່ອງທ່ຽວຊາວຈີນທີ່ມາທ່ຽວຢູ່ກຳປູເຈຍຍັງຄົງເພີ່ມຂຶ້ນຢ່າງຕໍ່ເນື່ອງ ໂດຍໄດ້ຮັບປະໂຫຍດຈາກປີແຫ່ງການແລກປ່ຽນລະຫວ່າງປະຊາຊົນກຳປູເຈຍ - ຈີນ 2024 ຊຶ່ງເລີ່ມແຕ່ເດືອນມັງກອນຜ່ານມາ.