ໃນວັນທີ 2ກໍລະກົດຜ່ານມາທີ່ກະຊວງໂຍທາທິການ ແລະ ຂົນສົ່ງ (ຍທຂ), ທ່ານ ງາມປະສົງ ເມືອງມະນີລັດຖະມົນຕີກະຊວງໂຍທາທິການ ແລະ ຂົນສົ່ງ(ຍທຂ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ບາໂກດຽກ ບູການັອຟ (Mr Bakhodir Burkhanov) ຜູ້ປະສານງານອົງການສະຫະປະຊາຊາດ (ສປຊ) (United Nations Resident Coordinator ຫຼື UNRC) ຄົນໃໝ່ປະຈໍາສປປລາວ.
ໂອກາດນີ້,ທ່ານ ງາມປະສົງ ເມືອງມະນີ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຊົມເຊີຍຢ່າງຈິງໃຈຕໍ່ທ່ານ ບາໂກດຽກ ບູການັອຟ ທີ່ໄດ້ຮັບການແຕ່ງຕັ້ງເປັນຜູ້ປະສານງານອົງການ ສປຊ ຄົນໃໝ່ປະຈໍາສປປລາວພ້ອມທັງສະແດງຄວາມຂອບໃຈ ແລະ ຕີລາຄາສູງຕໍ່ການພົວພັນຮ່ວມມືຊ່ວຍເຫຼືອຂອງອົງການ ສປຊໃຫ້ແກ່ ສປປ ລາວ ເວົ້າລວມ ແລະ ເວົ້າສະເພາະຂະແໜງການ ຍທຂ ໃນໄລຍະຜ່ານມາ. ທ່ານລັດຖະມົນຕີກະຊວງ ຍທຂຍັງໄດ້ສະແດງຄວາມເຊື່ອໝັ້ນວ່າ ພາຍໃຕ້ການນໍາພາຂອງຜູ້ປະສານງານຄົນໃໝ່ທີມງານອົງການເຄືອຂ່າຍ ສປຊຈະເພີ່ມທະວີການຮ່ວມມື ແລະ ການສະໜັບສະໜູນໃຫ້ແກ່ວຽກງານການພັດທະນາໂຄງລ່າງພື້ນຖານຂອງຂະແໜງຍທຂ ໂດຍການຈັດຕັ້ງປະຕິບັດຜ່ານບັນດາກິດຈະກໍາ ແລະ ໂຄງການຕ່າງໆ.
ທ່ານລັດຖະມົນຕີກະຊວງ ຍທຂ ໄດ້ຖືໂອກາດດັ່ງກ່າວສະແດງຄວາມຂອບໃຈຕໍ່ອົງການ ສປຊ ປະຈໍາ ສປປ ລາວທີ່ຍາມໃດກໍໄດ້ໃຫ້ການຊ່ວຍເຫຼືອ ໂດຍຜ່ານບັນດາຫ້ອງການ UN-Habitat, UNECE, USOPS, UNESCAP ເປັນຕົ້ນການເພີ່ມທະວີການຮັບມືກັບສະພາບດິນຟ້າອາກາດ ແລະ ໄພພິບັດຂອງເຂດຊົນນະບົດ ແລະ ຕົວເມືອງທີ່ມີຄວາມສ່ຽງຫຼາຍທີ່ສຸດໃນສປປ ລາວ; ເສີມຂະຫຍາຍຄວາມສາມາດໃນການປັບຕົວຢູ່ບັນດາແຂວງຂອງສປປ ລາວ ແລະ ການສ້າງທີ່ຢູ່ອາໄສທີ່ປອດໄພ ແລະ ເຂົ້າເຖິງການບໍລິການຕ່າງໆໃຫ້ກັບຊຸມຊົນທີ່ມີຄວາມສ່ຽງ.ນອກຈາກນັ້ນ, ແມ່ນການປັບປຸງລະບົບການອອກໃບຂັບຂີ່ໃນ ສປປ ລາວ ໂດຍທຶນຂອງກອງທຶນຄວາມປອດໄພທາງຫຼວງຂອງອົງການ ສປຊ ເພື່ອສ້າງຄວາມເຂັ້ມແຂງໃຫ້ແກ່ກະຊວງ ຍທຂ, ໂຮງຮຽນສອນຂັບລົດແຂວງ, ນະຄອນຫຼວງວຽງຈັນ ແລະ ພາກສ່ວນທີ່ກ່ຽວຂ້ອງກັບການອອກອະນຸຍາດໃບຂັບຂີ່; ການສະໜອງນໍ້າໃນຊຸມຊົນ ແລະ ການສ້າງລະບົບນໍ້າປະປາໃນຕົວເມືອງ;ການສະໜັບສະໜູນສໍາລັບການພັດທະນາຍຸດທະສາດຕົວເມືອງອັດສະລິຍະແຫ່ງຊາດຂອງສປປ ລາວ.
ການຢ້ຽມຢາມຄັ້ງນີ້, ທ່ານ ບາໂກດຽກ ບູການັອຟ ໄດ້ປຶກສາຫາລືກ່ຽວກັບການໃຫ້ຄວາມຮູ້ແກ່ນັກຂັບຂີ່ລົດຈັກໄຟຟ້າ, ວຽກງານຄວາມປອດໄຟໂຄງການປັບປຸງການສອບເສັງໃບຂັບຂີ່ຢູ່ແຂວງສະຫວັນນະເຂດແລະ ແຜນໃນການຈະຈັດຕັ້ງປະຕິບັດກ່ຽວກັບ Intelligence Transport System (ITS).ຈາກນັ້ນ, ທ່ານ ບາໂກດຽກ ບູການັອຟ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງທ່ານລັດຖະມົນຕີກະຊວງ ຍທຂ ແລະ ມີຄວາມຍິນດີທີ່ຖືກມອບໝາຍໃຫ້ຈັດຕັ້ງປະຕິບັດໜ້າທີ່ອັນສູງສົ່ງຂອງຕົນຢູ່ສປປ ລາວແລະ ຈະສືບຕໍ່ໃຫ້ການສະໜັບສະໜູນ-ຮ່ວມມືກັບກະຊວງ ຍທຂ ທາງດ້ານການພັດທະນາໂຄງລ່າງພື້ນຖານ, ການພັດທະນາທາງດ້ານບຸກຄະລາກອນ ແລະ ການສ້າງຄວາມເຂັ້ມແຂງໃຫ້ແກ່ຂະແໜງ ຍທຂ ໃຫ້ນັບມື້ນັບມີການພັດທະນາຂຶ້ນເລື້ອຍໆ.
ຂ່າວ: ກະຊວງ ຍທຂ
ໂອກາດນີ້,ທ່ານ ງາມປະສົງ ເມືອງມະນີ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຊົມເຊີຍຢ່າງຈິງໃຈຕໍ່ທ່ານ ບາໂກດຽກ ບູການັອຟ ທີ່ໄດ້ຮັບການແຕ່ງຕັ້ງເປັນຜູ້ປະສານງານອົງການ ສປຊ ຄົນໃໝ່ປະຈໍາສປປລາວພ້ອມທັງສະແດງຄວາມຂອບໃຈ ແລະ ຕີລາຄາສູງຕໍ່ການພົວພັນຮ່ວມມືຊ່ວຍເຫຼືອຂອງອົງການ ສປຊໃຫ້ແກ່ ສປປ ລາວ ເວົ້າລວມ ແລະ ເວົ້າສະເພາະຂະແໜງການ ຍທຂ ໃນໄລຍະຜ່ານມາ. ທ່ານລັດຖະມົນຕີກະຊວງ ຍທຂຍັງໄດ້ສະແດງຄວາມເຊື່ອໝັ້ນວ່າ ພາຍໃຕ້ການນໍາພາຂອງຜູ້ປະສານງານຄົນໃໝ່ທີມງານອົງການເຄືອຂ່າຍ ສປຊຈະເພີ່ມທະວີການຮ່ວມມື ແລະ ການສະໜັບສະໜູນໃຫ້ແກ່ວຽກງານການພັດທະນາໂຄງລ່າງພື້ນຖານຂອງຂະແໜງຍທຂ ໂດຍການຈັດຕັ້ງປະຕິບັດຜ່ານບັນດາກິດຈະກໍາ ແລະ ໂຄງການຕ່າງໆ.
ທ່ານລັດຖະມົນຕີກະຊວງ ຍທຂ ໄດ້ຖືໂອກາດດັ່ງກ່າວສະແດງຄວາມຂອບໃຈຕໍ່ອົງການ ສປຊ ປະຈໍາ ສປປ ລາວທີ່ຍາມໃດກໍໄດ້ໃຫ້ການຊ່ວຍເຫຼືອ ໂດຍຜ່ານບັນດາຫ້ອງການ UN-Habitat, UNECE, USOPS, UNESCAP ເປັນຕົ້ນການເພີ່ມທະວີການຮັບມືກັບສະພາບດິນຟ້າອາກາດ ແລະ ໄພພິບັດຂອງເຂດຊົນນະບົດ ແລະ ຕົວເມືອງທີ່ມີຄວາມສ່ຽງຫຼາຍທີ່ສຸດໃນສປປ ລາວ; ເສີມຂະຫຍາຍຄວາມສາມາດໃນການປັບຕົວຢູ່ບັນດາແຂວງຂອງສປປ ລາວ ແລະ ການສ້າງທີ່ຢູ່ອາໄສທີ່ປອດໄພ ແລະ ເຂົ້າເຖິງການບໍລິການຕ່າງໆໃຫ້ກັບຊຸມຊົນທີ່ມີຄວາມສ່ຽງ.ນອກຈາກນັ້ນ, ແມ່ນການປັບປຸງລະບົບການອອກໃບຂັບຂີ່ໃນ ສປປ ລາວ ໂດຍທຶນຂອງກອງທຶນຄວາມປອດໄພທາງຫຼວງຂອງອົງການ ສປຊ ເພື່ອສ້າງຄວາມເຂັ້ມແຂງໃຫ້ແກ່ກະຊວງ ຍທຂ, ໂຮງຮຽນສອນຂັບລົດແຂວງ, ນະຄອນຫຼວງວຽງຈັນ ແລະ ພາກສ່ວນທີ່ກ່ຽວຂ້ອງກັບການອອກອະນຸຍາດໃບຂັບຂີ່; ການສະໜອງນໍ້າໃນຊຸມຊົນ ແລະ ການສ້າງລະບົບນໍ້າປະປາໃນຕົວເມືອງ;ການສະໜັບສະໜູນສໍາລັບການພັດທະນາຍຸດທະສາດຕົວເມືອງອັດສະລິຍະແຫ່ງຊາດຂອງສປປ ລາວ.
ການຢ້ຽມຢາມຄັ້ງນີ້, ທ່ານ ບາໂກດຽກ ບູການັອຟ ໄດ້ປຶກສາຫາລືກ່ຽວກັບການໃຫ້ຄວາມຮູ້ແກ່ນັກຂັບຂີ່ລົດຈັກໄຟຟ້າ, ວຽກງານຄວາມປອດໄຟໂຄງການປັບປຸງການສອບເສັງໃບຂັບຂີ່ຢູ່ແຂວງສະຫວັນນະເຂດແລະ ແຜນໃນການຈະຈັດຕັ້ງປະຕິບັດກ່ຽວກັບ Intelligence Transport System (ITS).ຈາກນັ້ນ, ທ່ານ ບາໂກດຽກ ບູການັອຟ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງທ່ານລັດຖະມົນຕີກະຊວງ ຍທຂ ແລະ ມີຄວາມຍິນດີທີ່ຖືກມອບໝາຍໃຫ້ຈັດຕັ້ງປະຕິບັດໜ້າທີ່ອັນສູງສົ່ງຂອງຕົນຢູ່ສປປ ລາວແລະ ຈະສືບຕໍ່ໃຫ້ການສະໜັບສະໜູນ-ຮ່ວມມືກັບກະຊວງ ຍທຂ ທາງດ້ານການພັດທະນາໂຄງລ່າງພື້ນຖານ, ການພັດທະນາທາງດ້ານບຸກຄະລາກອນ ແລະ ການສ້າງຄວາມເຂັ້ມແຂງໃຫ້ແກ່ຂະແໜງ ຍທຂ ໃຫ້ນັບມື້ນັບມີການພັດທະນາຂຶ້ນເລື້ອຍໆ.
ຂ່າວ: ກະຊວງ ຍທຂ
