ຮ້ານຂາຍປຶ້ມ ແລະ ສຳນັກພິມດອກເກດຮ່ວມກັບສະມາຄົມນັກປະພັນ ແລະ ສະມາຄົມສົ່ງເສີມການອະນຸລັກສິລະປະວັນນະຄະດີ (ສອສວ) ໄດ້ຈັດງານສະຫຼອງປຶ້ມພາຄຶດພາຝັນຂອງດອກເກດຂຶ້ນເມື່ອບໍ່ດົນມານີ້ ທີ່ສວນໄຜ່ພັນກໍ ເມືອງໄຊທານີ ນະຄອນຫຼວງວຽງຈັນ ໂດຍການເປັນກຽດເຂົ້າຮ່ວມຂອງທ່ານນາງນາລີ ສີສຸລິດ ພັນລະຍາປະທານປະເທດແຫ່ງສປປ ລາວ, ທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ມີທ່ານນາງ ດາລາ ວິຣະວົງສ໌ກັນລະຍາ ສິລະປິນແຫ່ງຊາດ, ມີຄະນະສົງຈາກວັດປ່ານາຄູນ, ຄູ-ບາອາຈານ, ນັກຂຽນ, ນັກກະວີ ພ້ອມດ້ວຍແຂກຖືກເຊີນເຂົ້າຮ່ວມ.
ທ່ານນາງ ດວງເດືອນ ບຸນຍາວົງ ສິລະປິນດີເດັ່ນສາຂາວັນນະກຳ ໄດ້ຍົກໃຫ້ເຫັນຄວາມເປັນມາ,ແຮງບັນດານໃຈຂອງການຂີດຂຽນບົດກະວີດັ່ງກ່າວ ແລະ ໄດ້ກ່າວວ່າ: ປຶ້ມກະວີພາຄຶດພາຝັນໂດຍໄດ້ໂຮມບົດກະວີທີ່ປະພັນມາຫຼາຍກວ່າ 50 ປີ, ມີຫຼາຍສາເຫດຫຼາຍປັດໄຈທີ່ເຮັດໃຫ້ຂຽນແຕ່ງຄຳກອນເຫຼົ່ານີ້ອອກມາ ບໍ່ວ່າເຫດການບ້ານເມືອງ ຫຼືບຸກຄົນທີ່ຊຸກຍູ້ສົ່ງເສີມມາຕັ້ງແຕ່ໄວໜຸ່ມດ້ວຍສຳນຶກໃນໜ້າທີ່ມີເວທີໃຫ້ໄດ້ຝຶກຝົນປາຍປາກກາ. ມາຮອດປັດຈຸບັນໄດ້ມີແນວຄວາມຄິດຢາກຂຽນ, ຢາກສະແດງທັດສະນະຂອງຕົນ ໂດຍມີທ່ານນາງ ດາລາ ວິຣະວົງສ໌ກັນລະຍາ ຊຸກຍູ້ໃຫ້ໂຮມກະວີທັງໝົດເພື່ອສະດວກໃຫ້ແກ່ຜູ້ທີ່ຢາກສຶກສາຄົ້ນຄວ້າ. ແຕ່ຄຳກອນກະແຈກກະຈາຍຢູ່ຫຼາຍບ່ອນ ເສັ້ນທາງເດີນເຍີ້ນຍາວໄກໃຊ້ຄວາມພະຍາຍາມສົມຄວນ ເພື່ອຮວບຮວມປານນັ້ນກໍຍັງບໍ່ຄົບຖ້ວນໂດຍຕັ້ງຊື່ກະວີວ່າ:ພາຄຶດພາຝັນໂດຍມີທ່ານ ສຸກພັນສາ ພູຜາສຸກ ເປັນບັນນາທິການຊ່ວຍ. ດັ່ງນັ້ນ, ດ້ວຍຄວາມພະຍາຍາມຢາກໃຫ້ບົດກະວີຂອງພວກເຮົາເຜີຍແຜ່ໄປທົ່ວໂລກ. ມາຮອດມື້ນີ້ ກໍໄດ້ພິສູດແລ້ວວ່າ ເປັນໄປໄດ້ ຖ້າມີຄວາມພະຍາຍາມ ແລະຍ້ອນການສົ່ງເສີມ, ຊຸກຍູ້ຊຶ່ງກັນ ແລະ ກັນຂອງບັນດາທ່ານ.
ທ່ານນາງ ດວງເດືອນ ບຸນຍາວົງ ຍັງໄດ້ສະແດງຄວາມຮູ້ບຸນຄຸນ ຕໍ່ບັນດາທ່ານທີ່ໃຫ້ການອຸປະຖຳ, ຊ່ວຍເຫຼືອຊຸກຍູ້ຕະຫຼອດມາເຮັດໃຫ້ມີປຶ້ມບົດກະວີພາຄຶດພາຝັນຂຶ້ນມາຖ້າບໍ່ມີບັນດາທ່ານເຫຼົ່ານັ້ນ ກໍຈະບໍ່ມີປຶ້ມຫົວນີ້ອອກມາສູ່ສາຍຕາພວກທ່ານແລະ ຂ້າພະເຈົ້າກໍບໍ່ອາດບັນລຸຜົນສຳເລັດໄດ້.
ໃນໂອກາດນີ້, ທ່ານນາງ ດາລາວັນ ພອນແກ້ວ ຜູ້ອຳນວຍການຮ້ານຂາຍປຶ້ມດອກເກດ ແລະ ສຳນັກພິມ ໄດ້ເນັ້ນຢໍ້າເຖິງຄຸນຄ່າຂອງພາສາວັນນະຄະດີລາວ, ວັນນະຄະດີແປ ຜົນງານອັນລືຊື່ຂອງນັກປະພັນຣັດເຊຍ ມາກຊິມກ໊ອກກີ້ ດ້ວຍການຊຸກຍູ້ອຸປະຖຳການຈັດພິມໃໝ່ຕື່ມອີກ.
ໃນງານຄັ້ງນີ້, ຜູ້ເຂົ້າຮ່ວມຍັງໄດ້ຟັງການອ່ານບົດກາບກອນຂອງນັກອ່ານກອນ 11 ທ່ານ; ຮັບຊົມລາຍການພິເສດຟ້ອນດວງຈຳປາຂອງຫຼານນ້ອຍ. ພ້ອມນັ້ນ, ຍັງໄດ້ມີຄະນະສຽງແຄນແຖນຟ້າມາຮ່ວມສ້າງບັນຍາກາດ ຢ່າງເບີກບານມ່ວນຊື່ນ ແລະ ປະກອບສຽງແຄນອ້ອຍອິ່ນໃສ່ສຽງອ່ານກອນຂອງບັນດານັກກະວີເຮັດໃຫ້ໜ້າປະທັບໃຈເປັນຢ່າງດີ. ໃນໂອກາດນີ້, ທ່ານ ຄຳວຽງ ພົມມະຈັນ ຜູ້ຮັກຫອມທອມຜ້າລາວ ກໍໄດ້ມອບສິ້ນຈົກຂອງຊົນເຜົ່າມະກອງໃຫ້ພິພິທະພັນຫໍມູນແຖນແຕ່ງນໍາອີກ.
(ຂ່າວ: ວັນເພັງ, ຂໍ້ມູນ: ສອສວ, ພາບ: ກຳມາທິການເຜີຍແຜ່ສິລະທຳ ແລະ ປະຕິບັດກຳມະຖານ, ອພສ ສູນກາງ ແລະ ທ່ານ ສຸບັນ ຫຼວງລາດ)
ທ່ານນາງ ດວງເດືອນ ບຸນຍາວົງ ສິລະປິນດີເດັ່ນສາຂາວັນນະກຳ ໄດ້ຍົກໃຫ້ເຫັນຄວາມເປັນມາ,ແຮງບັນດານໃຈຂອງການຂີດຂຽນບົດກະວີດັ່ງກ່າວ ແລະ ໄດ້ກ່າວວ່າ: ປຶ້ມກະວີພາຄຶດພາຝັນໂດຍໄດ້ໂຮມບົດກະວີທີ່ປະພັນມາຫຼາຍກວ່າ 50 ປີ, ມີຫຼາຍສາເຫດຫຼາຍປັດໄຈທີ່ເຮັດໃຫ້ຂຽນແຕ່ງຄຳກອນເຫຼົ່ານີ້ອອກມາ ບໍ່ວ່າເຫດການບ້ານເມືອງ ຫຼືບຸກຄົນທີ່ຊຸກຍູ້ສົ່ງເສີມມາຕັ້ງແຕ່ໄວໜຸ່ມດ້ວຍສຳນຶກໃນໜ້າທີ່ມີເວທີໃຫ້ໄດ້ຝຶກຝົນປາຍປາກກາ. ມາຮອດປັດຈຸບັນໄດ້ມີແນວຄວາມຄິດຢາກຂຽນ, ຢາກສະແດງທັດສະນະຂອງຕົນ ໂດຍມີທ່ານນາງ ດາລາ ວິຣະວົງສ໌ກັນລະຍາ ຊຸກຍູ້ໃຫ້ໂຮມກະວີທັງໝົດເພື່ອສະດວກໃຫ້ແກ່ຜູ້ທີ່ຢາກສຶກສາຄົ້ນຄວ້າ. ແຕ່ຄຳກອນກະແຈກກະຈາຍຢູ່ຫຼາຍບ່ອນ ເສັ້ນທາງເດີນເຍີ້ນຍາວໄກໃຊ້ຄວາມພະຍາຍາມສົມຄວນ ເພື່ອຮວບຮວມປານນັ້ນກໍຍັງບໍ່ຄົບຖ້ວນໂດຍຕັ້ງຊື່ກະວີວ່າ:ພາຄຶດພາຝັນໂດຍມີທ່ານ ສຸກພັນສາ ພູຜາສຸກ ເປັນບັນນາທິການຊ່ວຍ. ດັ່ງນັ້ນ, ດ້ວຍຄວາມພະຍາຍາມຢາກໃຫ້ບົດກະວີຂອງພວກເຮົາເຜີຍແຜ່ໄປທົ່ວໂລກ. ມາຮອດມື້ນີ້ ກໍໄດ້ພິສູດແລ້ວວ່າ ເປັນໄປໄດ້ ຖ້າມີຄວາມພະຍາຍາມ ແລະຍ້ອນການສົ່ງເສີມ, ຊຸກຍູ້ຊຶ່ງກັນ ແລະ ກັນຂອງບັນດາທ່ານ.
ທ່ານນາງ ດວງເດືອນ ບຸນຍາວົງ ຍັງໄດ້ສະແດງຄວາມຮູ້ບຸນຄຸນ ຕໍ່ບັນດາທ່ານທີ່ໃຫ້ການອຸປະຖຳ, ຊ່ວຍເຫຼືອຊຸກຍູ້ຕະຫຼອດມາເຮັດໃຫ້ມີປຶ້ມບົດກະວີພາຄຶດພາຝັນຂຶ້ນມາຖ້າບໍ່ມີບັນດາທ່ານເຫຼົ່ານັ້ນ ກໍຈະບໍ່ມີປຶ້ມຫົວນີ້ອອກມາສູ່ສາຍຕາພວກທ່ານແລະ ຂ້າພະເຈົ້າກໍບໍ່ອາດບັນລຸຜົນສຳເລັດໄດ້.
ໃນໂອກາດນີ້, ທ່ານນາງ ດາລາວັນ ພອນແກ້ວ ຜູ້ອຳນວຍການຮ້ານຂາຍປຶ້ມດອກເກດ ແລະ ສຳນັກພິມ ໄດ້ເນັ້ນຢໍ້າເຖິງຄຸນຄ່າຂອງພາສາວັນນະຄະດີລາວ, ວັນນະຄະດີແປ ຜົນງານອັນລືຊື່ຂອງນັກປະພັນຣັດເຊຍ ມາກຊິມກ໊ອກກີ້ ດ້ວຍການຊຸກຍູ້ອຸປະຖຳການຈັດພິມໃໝ່ຕື່ມອີກ.
ໃນງານຄັ້ງນີ້, ຜູ້ເຂົ້າຮ່ວມຍັງໄດ້ຟັງການອ່ານບົດກາບກອນຂອງນັກອ່ານກອນ 11 ທ່ານ; ຮັບຊົມລາຍການພິເສດຟ້ອນດວງຈຳປາຂອງຫຼານນ້ອຍ. ພ້ອມນັ້ນ, ຍັງໄດ້ມີຄະນະສຽງແຄນແຖນຟ້າມາຮ່ວມສ້າງບັນຍາກາດ ຢ່າງເບີກບານມ່ວນຊື່ນ ແລະ ປະກອບສຽງແຄນອ້ອຍອິ່ນໃສ່ສຽງອ່ານກອນຂອງບັນດານັກກະວີເຮັດໃຫ້ໜ້າປະທັບໃຈເປັນຢ່າງດີ. ໃນໂອກາດນີ້, ທ່ານ ຄຳວຽງ ພົມມະຈັນ ຜູ້ຮັກຫອມທອມຜ້າລາວ ກໍໄດ້ມອບສິ້ນຈົກຂອງຊົນເຜົ່າມະກອງໃຫ້ພິພິທະພັນຫໍມູນແຖນແຕ່ງນໍາອີກ.
(ຂ່າວ: ວັນເພັງ, ຂໍ້ມູນ: ສອສວ, ພາບ: ກຳມາທິການເຜີຍແຜ່ສິລະທຳ ແລະ ປະຕິບັດກຳມະຖານ, ອພສ ສູນກາງ ແລະ ທ່ານ ສຸບັນ ຫຼວງລາດ)
