ທ່ານ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບອໍາລາ ຂອງທ່ານ ນາງ ໂຄໂລນເນອັບປຸຮາມິລາເກ ຈາມິນດາ ອິໂນກາ ໂຄໂລນເນ (ColonneAppuhamillage Chaminda Inoka CoIonne) ເອກອັກຄະລັດຖະທູດ ແຫ່ງ ສາທາລະນະລັດສັງຄົມນິຍົມ ປະຊາທິປະໄຕ ສີລັງກາ ປະຈໍາ ສປປ ລາວໃນວັນທີ 4 ກໍລະກົດນີ້ ທີ່ສະພາແຫ່ງຊາດ.
ໃນໂອກາດດັ່ງກ່າວ, ທ່ານ ບຸນທອງ ຈິດມະນີ ໄດ້ສະແດງຄວາມຕ້ອນຮັບ, ຊົມເຊີຍ ພ້ອມທັງຕີລາຄາສູງ ຕໍ່ທ່ານທູດ ທີ່ໄດ້ມາປະຕິບັດໜ້າທີ່ການເປັນທູດ ປະຈໍາ ສປປ ລາວ ຈົນສໍາເລັດ, ທັງຕີລາຄາສູງ ຕໍ່ການພົວພັນຮ່ວມມືສອງຝ່າຍ ທີ່ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ, ໄລຍະຜ່ານມາ ສອງປະເທດ ໄດ້ມີການພົວພັນກັນທາງດ້ານການທູດ, ການເມືອງ ແລະ ການສະໜັບສະໜູນຊຶ່ງກັນ ແລະ ກັນ ທັງໃນເວທີພາກພື້ນ ແລະ ສາກົນ. ຫວັງວ່າ ທັງສອງປະເທດຈະສືບຕໍ່ໃຫ້ການສະໜັບສະໜູນຊຶ່ງກັນ ແລະ ກັນໃນອະນາຄົດ ທັງສະແດງຄວາມຫວັງວ່າ ທັງສອງປະເທດ ລາວ-ສີລັງກາ ຈະສືບຕໍ່ສົ່ງເສີມ ສາຍພົວພັນຮ່ວມມື ຂອງສອງປະເທດ ໃຫ້ຂະຫຍາຍຕົວເຂົ້າສູ່ລວງເລິກ ແລະ ກວມເອົາຫຼາຍຂົງເຂດ ຂອງການແລກປ່ຽນຮ່ວມມືຊຶ່ງກັນ ແລະ ກັນ ໂດຍສະເພາະ ການສົ່ງເສີມໃຫ້ມີການລົງທຶນໂດຍກົງຈາກຕ່າງປະເທດ, ການຄ້າ ຂອງທັງສອງປະເທດ, ແລກປ່ຽນທາງດ້ານວັດທະນະທໍາ, ການທ່ອງທ່ຽວ ແລະ ການປົກປັກຮັກສາສັນຕິພາບ ໃຫ້ມີສະຖຽນລະພາບ, ມີຄວາມຢູ່ເຢັນເປັນສຸກ ເພື່ອຜົນປະໂຫຍດ ຂອງປະຊາຊົນສອງຊາດ ລາວ-ສີລັງກາ.
ໃນປີ 2018 ສອງຝ່າຍໄດ້ລົງນາມບົດບັນທຶກຄວາມເຂົ້າໃຈ ວ່າດ້ວຍການສ້າງຕັ້ງກົນໄກປຶກສາຫາລື ດ້ານການເມືອງ ລະຫວ່າງ ສອງກະຊວງການຕ່າງປະເທດ ລາວ-ສີລັງກາ, ນອກນັ້ນ ສປປ ລາວ ໄດ້ອໍານວຍຄວາມສະດວກ ໃຫ້ປະຊາຊົນສີລັງກາ ສາມາດເອົາວີຊາກັບດ່ານເຂົ້າ ສປປ ລາວໄດ້ (ມີຜົນບັງຄັບໃຊ້ ວັນທີ 1ສິງຫາ 2018),
ທ່ານຮອງປະທານປະເທດ ສະແດງຄວາມຫວັງວ່າ ພາຍຫຼັງທ່ານທູດເດີນທາງກັບປະເທດ ທ່ານທູດຈະສືບຕໍ່ປະກອບສ່ວນເຂົ້າໃນການສົ່ງເສີມການພົວພັນຮ່ວມມື ລະຫວ່າງ ສອງປະເທດ ໂດຍສະເພາະການຊຸກຍູ້, ສົ່ງເສີມ ບັນດານັກທຸລະກິດ ແລະ ນັກທ່ອງທ່ຽວສີລັງກາ ໃຫ້ເຂົ້າມາລົງທຶນ ແລະ ທ່ອງທ່ຽວຢູ່ ສປປ ລາວ ນັບມື້ຫຼາຍຂຶ້ນ ແລະ ອອຍພອນໄຊ ໃຫ້ທ່ານທູດ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ເດີນທາງກັບຄືນປະເທດດ້ວຍຄວາມສະຫວັດດີພາບ ແລະ ປະສົບຜົນສໍາເລັດໃນໜ້າທີ່ວຽກງານໃໝ່ ທີ່ທ່ານທູດຈະໄດ້ຮັບຜິດຊອບໃນອະນາຄົດ.
ຂ່າວ-ພາບ:ແສງຈັນ
ໃນໂອກາດດັ່ງກ່າວ, ທ່ານ ບຸນທອງ ຈິດມະນີ ໄດ້ສະແດງຄວາມຕ້ອນຮັບ, ຊົມເຊີຍ ພ້ອມທັງຕີລາຄາສູງ ຕໍ່ທ່ານທູດ ທີ່ໄດ້ມາປະຕິບັດໜ້າທີ່ການເປັນທູດ ປະຈໍາ ສປປ ລາວ ຈົນສໍາເລັດ, ທັງຕີລາຄາສູງ ຕໍ່ການພົວພັນຮ່ວມມືສອງຝ່າຍ ທີ່ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ, ໄລຍະຜ່ານມາ ສອງປະເທດ ໄດ້ມີການພົວພັນກັນທາງດ້ານການທູດ, ການເມືອງ ແລະ ການສະໜັບສະໜູນຊຶ່ງກັນ ແລະ ກັນ ທັງໃນເວທີພາກພື້ນ ແລະ ສາກົນ. ຫວັງວ່າ ທັງສອງປະເທດຈະສືບຕໍ່ໃຫ້ການສະໜັບສະໜູນຊຶ່ງກັນ ແລະ ກັນໃນອະນາຄົດ ທັງສະແດງຄວາມຫວັງວ່າ ທັງສອງປະເທດ ລາວ-ສີລັງກາ ຈະສືບຕໍ່ສົ່ງເສີມ ສາຍພົວພັນຮ່ວມມື ຂອງສອງປະເທດ ໃຫ້ຂະຫຍາຍຕົວເຂົ້າສູ່ລວງເລິກ ແລະ ກວມເອົາຫຼາຍຂົງເຂດ ຂອງການແລກປ່ຽນຮ່ວມມືຊຶ່ງກັນ ແລະ ກັນ ໂດຍສະເພາະ ການສົ່ງເສີມໃຫ້ມີການລົງທຶນໂດຍກົງຈາກຕ່າງປະເທດ, ການຄ້າ ຂອງທັງສອງປະເທດ, ແລກປ່ຽນທາງດ້ານວັດທະນະທໍາ, ການທ່ອງທ່ຽວ ແລະ ການປົກປັກຮັກສາສັນຕິພາບ ໃຫ້ມີສະຖຽນລະພາບ, ມີຄວາມຢູ່ເຢັນເປັນສຸກ ເພື່ອຜົນປະໂຫຍດ ຂອງປະຊາຊົນສອງຊາດ ລາວ-ສີລັງກາ.
ໃນປີ 2018 ສອງຝ່າຍໄດ້ລົງນາມບົດບັນທຶກຄວາມເຂົ້າໃຈ ວ່າດ້ວຍການສ້າງຕັ້ງກົນໄກປຶກສາຫາລື ດ້ານການເມືອງ ລະຫວ່າງ ສອງກະຊວງການຕ່າງປະເທດ ລາວ-ສີລັງກາ, ນອກນັ້ນ ສປປ ລາວ ໄດ້ອໍານວຍຄວາມສະດວກ ໃຫ້ປະຊາຊົນສີລັງກາ ສາມາດເອົາວີຊາກັບດ່ານເຂົ້າ ສປປ ລາວໄດ້ (ມີຜົນບັງຄັບໃຊ້ ວັນທີ 1ສິງຫາ 2018),
ທ່ານຮອງປະທານປະເທດ ສະແດງຄວາມຫວັງວ່າ ພາຍຫຼັງທ່ານທູດເດີນທາງກັບປະເທດ ທ່ານທູດຈະສືບຕໍ່ປະກອບສ່ວນເຂົ້າໃນການສົ່ງເສີມການພົວພັນຮ່ວມມື ລະຫວ່າງ ສອງປະເທດ ໂດຍສະເພາະການຊຸກຍູ້, ສົ່ງເສີມ ບັນດານັກທຸລະກິດ ແລະ ນັກທ່ອງທ່ຽວສີລັງກາ ໃຫ້ເຂົ້າມາລົງທຶນ ແລະ ທ່ອງທ່ຽວຢູ່ ສປປ ລາວ ນັບມື້ຫຼາຍຂຶ້ນ ແລະ ອອຍພອນໄຊ ໃຫ້ທ່ານທູດ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ເດີນທາງກັບຄືນປະເທດດ້ວຍຄວາມສະຫວັດດີພາບ ແລະ ປະສົບຜົນສໍາເລັດໃນໜ້າທີ່ວຽກງານໃໝ່ ທີ່ທ່ານທູດຈະໄດ້ຮັບຜິດຊອບໃນອະນາຄົດ.
ຂ່າວ-ພາບ:ແສງຈັນ
