ສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສະພາແຫ່ງຊາດລາວ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງສະຫາຍ ຫງວຽນ ຄັກ ດິ້ງ ກໍາມະການສູນກາງພັກ ຮອງປະທານສະພາແຫ່ງຊາດ ແຫ່ງ ສສ ຫວຽດນາມ ພ້ອມດ້ວຍຄະນະ ໃນວັນທີ 4 ກໍລະກົດນີ້ ທີ່ສະພາແຫ່ງຊາດ ໃນໂອກາດ ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ.
ໂອກາດດັ່ງກ່າວ, ສະຫາຍ ໄຊສົມພອນ ພົມວິຫານ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ສະຫາຍ ຫງວຽນ ຄັກ ດິ້ງ ທີ່ໄດ້ນຳພາຄະນະ ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ຊຶ່ງເປັນການປະກອບສ່ວນສໍາຄັນ ເຂົ້າໃນການຮັດແໜ້ນ ແລະ ເສີມຂະຫຍາຍ ສາຍພົວພັນມິດຕະພາບ ອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ, ເວົ້າສະເພາະ ລະຫວ່າງ ສອງອົງການນິຕິບັນຍັດ ຂອງສອງປະເທດ ໃຫ້ນັບມື້ເຂົ້າສູ່ລວງເລິກ ແລະ ແຕກດອກອອກຜົນຍິ່ງໆຂຶ້ນ. ພ້ອມທັງ ສະແດງຄວາມຂອບໃຈ ຕໍ່ຄະນະຜູ້ແທນຂອງສະພາແຫ່ງຊາດ ສສ ຫວຽດນາມ ທີ່ໄດ້ມາບັນລະຍາຍ ເອກະສານຕ່າງໆ ທີ່ກ່ຽວຂ້ອງກັບການປັບປຸງລັດຖະທໍາມະນູນ ຂອງ ສສ ຫວຽດນາມ ຊຶ່ງເປັນບົດຮຽນທີ່ສໍາຄັນຫຼາຍ ແກ່ຄະນະກໍາມະການລະດັບຊາດ ປັບປຸງລັດຖະທໍາມະນູນ ສະບັບປີ 2015 ຂອງ ສປປ ລາວ ເພື່ອນໍາເອົາບົດຮຽນ ໄປໝູນໃຊ້ເຂົ້າໃນການປັບປຸງລັດຖະທໍາມະນູນ ສະບັບປີ 2015 ຂອງ ສປປ ລາວ ໃຫ້ມີເນື້ອໃນທີ່ສົມບູນ, ຮັດກຸມ ເພື່ອຮັບປະກັນການຈັດຕັ້ງ ແລະ ການເຄື່ອນໄຫວວຽກງານ ຂອງກົງຈັກການຕັ້ງຂອງພັກ, ລັດ ຂອງ ສປປ ລາວ ໃຫ້ມີຄວາມເຂັ້ມແຂງ. ພ້ອມນີ້, ສະຫາຍ ຍັງໄດ້ສະແດງຄວາມປິຕິຊົມຊື່ນ ທີ່ເຫັນວ່າ ການພົວພັນຮ່ວມມື ລະຫວ່າງ ສະພາແຫ່ງຊາດລາວ ແລະ ສະພາແຫ່ງຊາດຫວຽດນາມ ໄດ້ຮັບການເສີມຂະຫຍາຍ ທັງທາງກວ້າງ ແລະ ທາງເລິກ ສະເໝີມາ ແລະ ສະແດງຄວາມຂອບໃຈ ຕໍ່ສະພາແຫ່ງຊາດຫວຽດນາມ ທີ່ໄດ້ໃຫ້ການສະໜັບສະໜູນທາງດ້ານວິຊາການ, ອຸປະກອນຮັບໃຊ້ກອງປະຊຸມຈໍານວນໜຶ່ງ ແລະ ຫວັງຢ່າງຍິ່ງວ່າ ຄະນະຜູ້ແທນຂັ້ນສູງ ຂອງສະພາແຫ່ງຊາດຫວຽດນາມ ຈະເຂົ້າຮ່ວມກອງປະຊຸມໃຫຍ່ ລັດຖະສະພາ ລະຫວ່າງຊາດອາຊຽນ ຄັ້ງທີ 45 ທີ່ສະພາແຫ່ງຊາດລາວ ເປັນເຈົ້າພາບ ໃນທ້າຍເດືອນຕຸລານີ້ ຊຶ່ງເປັນການສະໜັບສະໜູນ ແລະ ໃຫ້ກໍາລັງໃຈແກ່ສະພາແຫ່ງຊາດລາວ ເພື່ອເຮັດສໍາເລັດພັນທະສາກົນຂອງຕົນ.
ສະຫາຍ ຫງວຽນ ຄັກ ດິ້ງ ກໍໄດ້ສະແດງຄວາມຂອບໃຈ ຕໍ່ສະຫາຍ ໄຊສົມພອນ ພົມວິຫານ ທີ່ໄດ້ໃຫ້ການຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງແຈ້ງຈຸດປະສົງ ຂອງການເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ແລະ ແຈ້ງຜົນສຳເລັດ ຂອງຊຸດສໍາມະນາວິທະຍາສາດ ກ່ຽວກັບບົດຮຽນການປັບປຸງລັດຖະທໍາມະນູນ ແລະ ຜົນການພົບປະສອງຝ່າຍ ລະຫວ່າງ ສອງສະພາແຫ່ງຊາດ ຫວຽດນາມ-ລາວ ໃຫ້ສະຫາຍ ປະທານສະພາແຫ່ງຊາດລາວ ຮັບຊາບ.
ຂ່າວ-ພາບ: ນາງແສງຈັນ
ໂອກາດດັ່ງກ່າວ, ສະຫາຍ ໄຊສົມພອນ ພົມວິຫານ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ສະຫາຍ ຫງວຽນ ຄັກ ດິ້ງ ທີ່ໄດ້ນຳພາຄະນະ ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ຊຶ່ງເປັນການປະກອບສ່ວນສໍາຄັນ ເຂົ້າໃນການຮັດແໜ້ນ ແລະ ເສີມຂະຫຍາຍ ສາຍພົວພັນມິດຕະພາບ ອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ, ເວົ້າສະເພາະ ລະຫວ່າງ ສອງອົງການນິຕິບັນຍັດ ຂອງສອງປະເທດ ໃຫ້ນັບມື້ເຂົ້າສູ່ລວງເລິກ ແລະ ແຕກດອກອອກຜົນຍິ່ງໆຂຶ້ນ. ພ້ອມທັງ ສະແດງຄວາມຂອບໃຈ ຕໍ່ຄະນະຜູ້ແທນຂອງສະພາແຫ່ງຊາດ ສສ ຫວຽດນາມ ທີ່ໄດ້ມາບັນລະຍາຍ ເອກະສານຕ່າງໆ ທີ່ກ່ຽວຂ້ອງກັບການປັບປຸງລັດຖະທໍາມະນູນ ຂອງ ສສ ຫວຽດນາມ ຊຶ່ງເປັນບົດຮຽນທີ່ສໍາຄັນຫຼາຍ ແກ່ຄະນະກໍາມະການລະດັບຊາດ ປັບປຸງລັດຖະທໍາມະນູນ ສະບັບປີ 2015 ຂອງ ສປປ ລາວ ເພື່ອນໍາເອົາບົດຮຽນ ໄປໝູນໃຊ້ເຂົ້າໃນການປັບປຸງລັດຖະທໍາມະນູນ ສະບັບປີ 2015 ຂອງ ສປປ ລາວ ໃຫ້ມີເນື້ອໃນທີ່ສົມບູນ, ຮັດກຸມ ເພື່ອຮັບປະກັນການຈັດຕັ້ງ ແລະ ການເຄື່ອນໄຫວວຽກງານ ຂອງກົງຈັກການຕັ້ງຂອງພັກ, ລັດ ຂອງ ສປປ ລາວ ໃຫ້ມີຄວາມເຂັ້ມແຂງ. ພ້ອມນີ້, ສະຫາຍ ຍັງໄດ້ສະແດງຄວາມປິຕິຊົມຊື່ນ ທີ່ເຫັນວ່າ ການພົວພັນຮ່ວມມື ລະຫວ່າງ ສະພາແຫ່ງຊາດລາວ ແລະ ສະພາແຫ່ງຊາດຫວຽດນາມ ໄດ້ຮັບການເສີມຂະຫຍາຍ ທັງທາງກວ້າງ ແລະ ທາງເລິກ ສະເໝີມາ ແລະ ສະແດງຄວາມຂອບໃຈ ຕໍ່ສະພາແຫ່ງຊາດຫວຽດນາມ ທີ່ໄດ້ໃຫ້ການສະໜັບສະໜູນທາງດ້ານວິຊາການ, ອຸປະກອນຮັບໃຊ້ກອງປະຊຸມຈໍານວນໜຶ່ງ ແລະ ຫວັງຢ່າງຍິ່ງວ່າ ຄະນະຜູ້ແທນຂັ້ນສູງ ຂອງສະພາແຫ່ງຊາດຫວຽດນາມ ຈະເຂົ້າຮ່ວມກອງປະຊຸມໃຫຍ່ ລັດຖະສະພາ ລະຫວ່າງຊາດອາຊຽນ ຄັ້ງທີ 45 ທີ່ສະພາແຫ່ງຊາດລາວ ເປັນເຈົ້າພາບ ໃນທ້າຍເດືອນຕຸລານີ້ ຊຶ່ງເປັນການສະໜັບສະໜູນ ແລະ ໃຫ້ກໍາລັງໃຈແກ່ສະພາແຫ່ງຊາດລາວ ເພື່ອເຮັດສໍາເລັດພັນທະສາກົນຂອງຕົນ.
ສະຫາຍ ຫງວຽນ ຄັກ ດິ້ງ ກໍໄດ້ສະແດງຄວາມຂອບໃຈ ຕໍ່ສະຫາຍ ໄຊສົມພອນ ພົມວິຫານ ທີ່ໄດ້ໃຫ້ການຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງແຈ້ງຈຸດປະສົງ ຂອງການເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ແລະ ແຈ້ງຜົນສຳເລັດ ຂອງຊຸດສໍາມະນາວິທະຍາສາດ ກ່ຽວກັບບົດຮຽນການປັບປຸງລັດຖະທໍາມະນູນ ແລະ ຜົນການພົບປະສອງຝ່າຍ ລະຫວ່າງ ສອງສະພາແຫ່ງຊາດ ຫວຽດນາມ-ລາວ ໃຫ້ສະຫາຍ ປະທານສະພາແຫ່ງຊາດລາວ ຮັບຊາບ.
ຂ່າວ-ພາບ: ນາງແສງຈັນ
