ພິທີພົບປະສອງຝ່າຍ ລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດ ແຫ່ງ ສສ ຫວຽດນາມ ຈັດຂຶ້ນໃນວັນທີ 4 ກໍລະກົດນີ້ ເພື່ອປຶກສາຫາລື ຫຼາຍບັນຫາສຳຄັນ ທີ່ຈະຕ້ອງໄດ້ຮ່ວມກັນ ສືບຕໍ່ຈັດຕັ້ງປະຕິບັດໃຫ້ບັນລຸຕາມຄາດໝາຍ ຊຶ່ງຝ່າຍລາວ ນຳໂດຍ ສະຫາຍ ຈະເລີນ ເຢຍປາວເຮີ ກໍາມະການສູນກາງພັກ ຮອງປະທານສະພາແຫ່ງຊາດ ແລະ ຝ່າຍຫວຽດນາມ ນຳໂດຍ ສະຫາຍ ຫງວຽນ ຄັກ ດິ້ງ ກໍາມະການສູນກາງພັກກອມມູນິດຫວຽດນາມ ຮອງປະທານສະພາແຫ່ງຊາດ ແຫ່ງ ສສ ຫວຽດນາມ ພ້ອມດ້ວຍຄະນະ ໃນໂອກາດ ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນລະຫວ່າງວັນທີ 3-5 ກໍລະກົດ 2024 ນີ້.
ໃນການພົບປະ ສະຫາຍ ຈະເລີນ ເຢຍປາວເຮີ ໄດ້ຕີລາຄາສູງຕໍ່ການຈັດກອງປະຊຸມສຳມະນາວິທະຍາສາດຮ່ວມກັນ ກ່ຽວກັບບົດຮຽນການປັບປຸງລັດຖະທໍາມະນູນ ແລະ ການຄົ້ນຄວ້າດ້ານນິຕິບັນຍັດຂອງສອງຝ່າຍໂດຍສະເພາະແມ່ນກອງປະຊຸມໃນຕອນເຊົ້າ ທີ່ເຕັມໄປດ້ວຍເນື້ອໃນ, ປະສົບການ ແລະ ບົດຮຽນອັນອຸດົມສົມບູນ ໃຫ້ແກ່ສະພາແຫ່ງຊາດລາວ ໃນການກະກຽມປັບປຸງລັດຖະທໍາມະນູນ ແລະ ຈະສືບຕໍ່ຈັດກອງປະຊຸມສຳມະນາຫົວຂໍ້ທີສອງ.
ໃນໄລຍະຜ່ານມາສອງຊາດລາວ-ຫວຽດນາມ ໄດ້ເພີ່ມທະວີຮັດແໜ້ນສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ທີ່ໄດ້ຮັບການສ້າງຕັ້ງ ແລະ ຖະນຸຖະໜອມໂດຍຮຸ່ນການນໍາທຳອິດ ຂອງສອງປະເທດ ແລະ ປັດຈຸບັນ ໄດ້ກາຍເປັນມໍລະດົກລວມລໍ້າຄ່າ, ເປັນກົດເກນແຫ່ງການຄົງຕົວ ແລະ ຂະຫຍາຍຕົວ ຂອງແຕ່ລະປະເທດ ແລະ ເປັນປັດໄຈແຫ່ງໄຊຊະນະຂອງການປະຕິວັດຂອງແຕ່ລະປະເທດ; ສຳລັບການພົວພັນຮ່ວມມື ລະຫວ່າງສະພາແຫ່ງຊາດລາວ ແລະ ສະພາແຫ່ງຊາດຫວຽດນາມ ກໍໄດ້ຮັບການເສີມຂະຫຍາຍທັງທາງກວ້າງ ແລະ ທາງເລິກສະເໝີມາ ຊຶ່ງໃນໄລຍະມໍ່ໆມານີ້ ສອງສະພາແຫ່ງຊາດ ໄດ້ມີການແລກປ່ຽນສານຊົມເຊີຍ, ສານອວຍພອນ ໃນໂອກາດວັນສໍາຄັນຕ່າງໆ, ແລກປ່ຽນການຢ້ຽມຢາມຂອງການນໍາຂັ້ນສູງໃນລະດັບຂັ້ນປະທານສະພາແຫ່ງຊາດ, ຮອງປະທານສະພາແຫ່ງຊາດ, ຂັ້ນປະທານກໍາມາທິການ, ສະມາຊິກສະພາແຫ່ງຊາດ ຕະຫຼອດຮອດຂັ້ນວິຊາການນໍາກັນ.
ສະຫາຍ ຮອງປະທານສະພາແຫ່ງຊາດລາວ ຍັງໄດ້ກ່າວສະແດງຄວາມຊົມເຊີຍ ແລະ ຂອບໃຈຕໍ່ການສະເໜີ ຂອງສະພາແຫ່ງຊາດຫວຽດນາມ ໃນການສ້າງປຶ້ມ 50 ປີ ແຫ່ງ ສາຍພົວພັນລະຫວ່າງສອງສະພາແຫ່ງຊາດ ລາວ-ຫວຽດນາມ ແລະ ແຈ້ງໃຫ້ຊາບວ່າ: ປັດຈຸບັນ ພວມດໍາເນີນປັບປຸງລັດຖະທໍາມະນູນໃຫ້ສອດຄ່ອງກັບສະພາບການພັດທະນາເສດຖະກິດ-ສັງຄົມໃນໄລຍະໃໝ່; ພ້ອມນີ້ ການສ້າງປື້ມ “50 ປີ ແຫ່ງສາຍພົວພັນລະຫວ່າງສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດ ແຫ່ງ ສສ ຫວຽດນາມ, ການຮ່ວມມືຮອບດ້ານ ແລະ ພັດທະນາ” ຊຶ່ງປັດຈຸບັນ ພວມດໍາເນີນຂັ້ນຕອນການຂຽນປຶ້ມດັ່ງກ່າວ. ເພື່ອສືບຕໍ່ພົວພັນຮ່ວມມືລະຫວ່າງສອງສະພາແຫ່ງຊາດ, ສະຫາຍ ຈະເລີນ ເຢຍປາວເຮີ ສະເໜີທິດທາງໃນຕໍ່ໜ້າ ດັ່ງນີ້:
1) ສືບຕໍ່ຈັດຕັ້ງປະຕິບັດເນື້ອໃນຈິດໃຈຂອງບົດບັນທຶກວ່າດ້ວຍການຮ່ວມມື (MOU) ລະຫວ່າງສອງສະພາແຫ່ງຊາດ ລາວ-ຫວຽດນາມ, ລະຫວ່າງສອງຄະນະເລຂາທິການສະພາແຫ່ງຊາດລາວ ແລະ ລະຫວ່າງກໍາມາທິການທີ່ກ່ຽວຂ້ອງ ໃຫ້ເປັນຮູບປະທຳ;
2) ສືບຕໍ່ຊຸກຍູ້ການຈັດຕັ້ງປະຕິບັດບັນດາສັນຍາ, ສົນທິສັນຍາ ແລະ ຂໍ້ຕົກລົງ ລະຫວ່າງສອງລັດຖະບານ ກໍຄືຜົນຂອງກອງປະຊຸມຂອງການນໍາຂັ້ນສູງຂອງສອງພັກ, ສອງລັດ ແລະ ບັນດາໂຄງການຮ່ວມມືຂອງສອງປະເທດ;
3) ສືບຕໍ່ຊຸກຍູ້ການພົວພັນຮ່ວມມືທາງດ້ານເສດຖະກິດ, ການຄ້າ ແລະ ການລົງທຶນ ລະຫວ່າງສອງປະເທດ ໃຫ້ຂະຫຍາຍຕົວສູງຂຶ້ນ ສົມຄູ່ກັບການພົວພັນຮ່ວມມືດ້ານການເມືອງ;
4) ສືບຕໍ່ຮ່ວມມືກັນໃນການສ້າງປື້ມ 50 ປີ ແຫ່ງສາຍພົວພັນລະຫວ່າງສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດແຫ່ງ ສສ ຫວຽດນາມ, ການຮ່ວມມືຮອບດ້ານ ແລະ ພັດທະນາ ເພື່ອເປັນມໍລະດົກໃຫ້ຄົນຮຸ່ນໜຸ່ມໄດ້ສຶກສາ, ສືບທອດ ແລະ ປົກປັກຮັກສາສາຍພົວພັນແບບພິເສດລາວ-ຫວຽດນາມ ມີໜຶ່ງດຽວໃນໂລກ ໃຫ້ໝັ້ນຄົງຕະຫຼອດໄປ;
5) ສືບຕໍ່ໃຫ້ບົດຮຽນດ້ານການສ້າງນິຕິກໍາຕ່າງໆທີ່ຕິດພັນກັບການສ້າງ ແລະ ປັບປຸງກົດໝາຍ ໃຫ້ສະມາຊິກສະພາແຫ່ງຊາດ ແລະ ບັນດາຂະແໜງການທີ່ກ່ຽວຂ້ອງ ເພື່ອສ້າງລັດຄຸ້ມຄອງດ້ວຍກົດໝາຍ, ພ້ອມນີ້ ກໍສະເໜີສືບຕໍ່ເຝິກອົບຮົມພາສາຫວຽດນາມ ໃຫ້ແກ່ພະນັກງານຂອງສະພາແຫ່ງຊາດລາວໃນຊູດຕໍ່ໄປ;
6) ສືບຕໍ່ສະໜັບສະໜູນ ແລະ ຮ່ວມມືກັນໃນການເຄື່ອນໄຫວໃນອົງການລັດຖະສະພາພາກພື້ນ ແລະ ສາກົນ; ໃນທ້າຍເດືອນຕຸລາ 2024 ສະພາແຫ່ງຊາດລາວ ຈະເປັນເຈົ້າພາບຈັດກອງປະຊຸມໃຫຍ່ໄອປາ (AIPA) ຄັ້ງທີ 45, ຫວັງຢ່າງຍິ່ງວ່າ ສະພາແຫ່ງຊາດຫວຽດນາມ ຈະສືບຕໍ່ໃຫ້ການຮ່ວມມື, ສະໜັບສະໜູນ ແລະ ຊ່ວຍເຫຼືອໃນການປະຕິບັດພັນທະສາກົນໃຫ້ມີຜົນສໍາເລັດ.
ຂ່າວ: ນາງແສງຈັນ
ໃນການພົບປະ ສະຫາຍ ຈະເລີນ ເຢຍປາວເຮີ ໄດ້ຕີລາຄາສູງຕໍ່ການຈັດກອງປະຊຸມສຳມະນາວິທະຍາສາດຮ່ວມກັນ ກ່ຽວກັບບົດຮຽນການປັບປຸງລັດຖະທໍາມະນູນ ແລະ ການຄົ້ນຄວ້າດ້ານນິຕິບັນຍັດຂອງສອງຝ່າຍໂດຍສະເພາະແມ່ນກອງປະຊຸມໃນຕອນເຊົ້າ ທີ່ເຕັມໄປດ້ວຍເນື້ອໃນ, ປະສົບການ ແລະ ບົດຮຽນອັນອຸດົມສົມບູນ ໃຫ້ແກ່ສະພາແຫ່ງຊາດລາວ ໃນການກະກຽມປັບປຸງລັດຖະທໍາມະນູນ ແລະ ຈະສືບຕໍ່ຈັດກອງປະຊຸມສຳມະນາຫົວຂໍ້ທີສອງ.
ໃນໄລຍະຜ່ານມາສອງຊາດລາວ-ຫວຽດນາມ ໄດ້ເພີ່ມທະວີຮັດແໜ້ນສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ທີ່ໄດ້ຮັບການສ້າງຕັ້ງ ແລະ ຖະນຸຖະໜອມໂດຍຮຸ່ນການນໍາທຳອິດ ຂອງສອງປະເທດ ແລະ ປັດຈຸບັນ ໄດ້ກາຍເປັນມໍລະດົກລວມລໍ້າຄ່າ, ເປັນກົດເກນແຫ່ງການຄົງຕົວ ແລະ ຂະຫຍາຍຕົວ ຂອງແຕ່ລະປະເທດ ແລະ ເປັນປັດໄຈແຫ່ງໄຊຊະນະຂອງການປະຕິວັດຂອງແຕ່ລະປະເທດ; ສຳລັບການພົວພັນຮ່ວມມື ລະຫວ່າງສະພາແຫ່ງຊາດລາວ ແລະ ສະພາແຫ່ງຊາດຫວຽດນາມ ກໍໄດ້ຮັບການເສີມຂະຫຍາຍທັງທາງກວ້າງ ແລະ ທາງເລິກສະເໝີມາ ຊຶ່ງໃນໄລຍະມໍ່ໆມານີ້ ສອງສະພາແຫ່ງຊາດ ໄດ້ມີການແລກປ່ຽນສານຊົມເຊີຍ, ສານອວຍພອນ ໃນໂອກາດວັນສໍາຄັນຕ່າງໆ, ແລກປ່ຽນການຢ້ຽມຢາມຂອງການນໍາຂັ້ນສູງໃນລະດັບຂັ້ນປະທານສະພາແຫ່ງຊາດ, ຮອງປະທານສະພາແຫ່ງຊາດ, ຂັ້ນປະທານກໍາມາທິການ, ສະມາຊິກສະພາແຫ່ງຊາດ ຕະຫຼອດຮອດຂັ້ນວິຊາການນໍາກັນ.
ສະຫາຍ ຮອງປະທານສະພາແຫ່ງຊາດລາວ ຍັງໄດ້ກ່າວສະແດງຄວາມຊົມເຊີຍ ແລະ ຂອບໃຈຕໍ່ການສະເໜີ ຂອງສະພາແຫ່ງຊາດຫວຽດນາມ ໃນການສ້າງປຶ້ມ 50 ປີ ແຫ່ງ ສາຍພົວພັນລະຫວ່າງສອງສະພາແຫ່ງຊາດ ລາວ-ຫວຽດນາມ ແລະ ແຈ້ງໃຫ້ຊາບວ່າ: ປັດຈຸບັນ ພວມດໍາເນີນປັບປຸງລັດຖະທໍາມະນູນໃຫ້ສອດຄ່ອງກັບສະພາບການພັດທະນາເສດຖະກິດ-ສັງຄົມໃນໄລຍະໃໝ່; ພ້ອມນີ້ ການສ້າງປື້ມ “50 ປີ ແຫ່ງສາຍພົວພັນລະຫວ່າງສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດ ແຫ່ງ ສສ ຫວຽດນາມ, ການຮ່ວມມືຮອບດ້ານ ແລະ ພັດທະນາ” ຊຶ່ງປັດຈຸບັນ ພວມດໍາເນີນຂັ້ນຕອນການຂຽນປຶ້ມດັ່ງກ່າວ. ເພື່ອສືບຕໍ່ພົວພັນຮ່ວມມືລະຫວ່າງສອງສະພາແຫ່ງຊາດ, ສະຫາຍ ຈະເລີນ ເຢຍປາວເຮີ ສະເໜີທິດທາງໃນຕໍ່ໜ້າ ດັ່ງນີ້:
1) ສືບຕໍ່ຈັດຕັ້ງປະຕິບັດເນື້ອໃນຈິດໃຈຂອງບົດບັນທຶກວ່າດ້ວຍການຮ່ວມມື (MOU) ລະຫວ່າງສອງສະພາແຫ່ງຊາດ ລາວ-ຫວຽດນາມ, ລະຫວ່າງສອງຄະນະເລຂາທິການສະພາແຫ່ງຊາດລາວ ແລະ ລະຫວ່າງກໍາມາທິການທີ່ກ່ຽວຂ້ອງ ໃຫ້ເປັນຮູບປະທຳ;
2) ສືບຕໍ່ຊຸກຍູ້ການຈັດຕັ້ງປະຕິບັດບັນດາສັນຍາ, ສົນທິສັນຍາ ແລະ ຂໍ້ຕົກລົງ ລະຫວ່າງສອງລັດຖະບານ ກໍຄືຜົນຂອງກອງປະຊຸມຂອງການນໍາຂັ້ນສູງຂອງສອງພັກ, ສອງລັດ ແລະ ບັນດາໂຄງການຮ່ວມມືຂອງສອງປະເທດ;
3) ສືບຕໍ່ຊຸກຍູ້ການພົວພັນຮ່ວມມືທາງດ້ານເສດຖະກິດ, ການຄ້າ ແລະ ການລົງທຶນ ລະຫວ່າງສອງປະເທດ ໃຫ້ຂະຫຍາຍຕົວສູງຂຶ້ນ ສົມຄູ່ກັບການພົວພັນຮ່ວມມືດ້ານການເມືອງ;
4) ສືບຕໍ່ຮ່ວມມືກັນໃນການສ້າງປື້ມ 50 ປີ ແຫ່ງສາຍພົວພັນລະຫວ່າງສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດແຫ່ງ ສສ ຫວຽດນາມ, ການຮ່ວມມືຮອບດ້ານ ແລະ ພັດທະນາ ເພື່ອເປັນມໍລະດົກໃຫ້ຄົນຮຸ່ນໜຸ່ມໄດ້ສຶກສາ, ສືບທອດ ແລະ ປົກປັກຮັກສາສາຍພົວພັນແບບພິເສດລາວ-ຫວຽດນາມ ມີໜຶ່ງດຽວໃນໂລກ ໃຫ້ໝັ້ນຄົງຕະຫຼອດໄປ;
5) ສືບຕໍ່ໃຫ້ບົດຮຽນດ້ານການສ້າງນິຕິກໍາຕ່າງໆທີ່ຕິດພັນກັບການສ້າງ ແລະ ປັບປຸງກົດໝາຍ ໃຫ້ສະມາຊິກສະພາແຫ່ງຊາດ ແລະ ບັນດາຂະແໜງການທີ່ກ່ຽວຂ້ອງ ເພື່ອສ້າງລັດຄຸ້ມຄອງດ້ວຍກົດໝາຍ, ພ້ອມນີ້ ກໍສະເໜີສືບຕໍ່ເຝິກອົບຮົມພາສາຫວຽດນາມ ໃຫ້ແກ່ພະນັກງານຂອງສະພາແຫ່ງຊາດລາວໃນຊູດຕໍ່ໄປ;
6) ສືບຕໍ່ສະໜັບສະໜູນ ແລະ ຮ່ວມມືກັນໃນການເຄື່ອນໄຫວໃນອົງການລັດຖະສະພາພາກພື້ນ ແລະ ສາກົນ; ໃນທ້າຍເດືອນຕຸລາ 2024 ສະພາແຫ່ງຊາດລາວ ຈະເປັນເຈົ້າພາບຈັດກອງປະຊຸມໃຫຍ່ໄອປາ (AIPA) ຄັ້ງທີ 45, ຫວັງຢ່າງຍິ່ງວ່າ ສະພາແຫ່ງຊາດຫວຽດນາມ ຈະສືບຕໍ່ໃຫ້ການຮ່ວມມື, ສະໜັບສະໜູນ ແລະ ຊ່ວຍເຫຼືອໃນການປະຕິບັດພັນທະສາກົນໃຫ້ມີຜົນສໍາເລັດ.
ຂ່າວ: ນາງແສງຈັນ
