ກອງປະຊຸມ ສະຫຼຸບການຈັດຕັ້ງປະຕິບັດໂຄງການສະໜັບສະໜູນອາຊະຍາກຳສັດປ່າ ຢູ່ ສປປ ລາວ ປະຈຳປີ 2023 ແລະ ວາງແຜນກິດຈະກຳໂຄງການ ປະຈຳປີ 2024 ລະຫວ່າງອົງການໄອຍະການປະຊາຊົນສູງສຸດ ແລະ ອົງການອະນຸລັກສັດປ່າປະຈຳ ສປປ ລາວ ໄດ້ຈັດຂຶ້ນໃນ ວັນທີ 5 ກໍລະກົດນີ້ ທີ່ເມືອງວັງວຽງ ແຂວງວຽງຈັນ ໂດຍມີ ທ່ານ ວິລະວົງ ພົມກອງ ຮອງຫົວໜ້າກົມຕິດຕາມກວດກາການດຳເນີນຄະດີແພ່ງ ອົງການໄອຍະການປະຊາຊົນສູງສຸດ, ມີທ່ານ ສັນຕິ ໄຊປັນຍາ ຜູ້ອຳນວຍການອົງການອະນຸລັກສັດປ່າ ປະຈຳ ສປປ ລາວ, ມີພາກສ່ວນກ່ຽວຂ້ອງ ເຂົ້າຮ່ວມ.
ທ່ານ ສັນຕິ ໄຊປັນຍາ ກ່າວວ່າ: ກອງປະຊຸມໃນຄັ້ງນີ້ ໄດ້ພ້ອມກັນສະຫຼຸບຕີລາຄາ, ທົບທວນຄືນ ແລະ ຮັບຟັງການລາຍງານ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວໃນໄລຍະຜ່ານມາ ຂອງໂຄງການສະໜັບສະໜູນ ການສະກັດກັ້ນ ການຄ້າຂາຍສັດປ່າທີ່ຜິດກົດໝາຍ ຢູ່ ສປປ ລາວ ປະຈຳປີ 2023, ພ້ອມທັງວາງແຜນກິດຈະກຳໂຄງການ ປະຈໍາປີ 2024ຮັບຟັງການນຳສະເໜີຫຍໍ້ ກ່ຽວກັບແຜນງານລິເລີ່ມ ການສ້າງຜູ້ນຳດ້ານວຽກງານອາຊະຍາກຳສັດປ່າ (WCLI).
ສະນັ້ນ, ເພື່ອເປັນການປະເມີນຄືນ ແລະ ຖອດຖອນບົດຮຽນ ກ່ຽວກັບຜົນການຈັດຕັ້ງປະຕິບັດວຽກງານຕະຫຼອດໄລຍະທີ່ຜ່ານມາ ສາມາດຍົກໃຫ້ເຫັນດ້ານດີ ໃນຫຼາຍດ້ານໂດຍສະເພາະແມ່ນສ້າງຄວາມເຂັ້ມແຂງໃຫ້ແກ່ ອົງການໄອຍະການປະຊາຊົນ ແລະ ເຈົ້າໜ້າທີ່ຂອງອົງການສືບສວນ-ສອບສວນ ໃນຂອບເຂດທົ່ວປະເທດ ໃຫ້ມີຄວາມເຂົ້າໃຈ ແລະ ສາມາດຜັນຂະຫຍາຍເຂົ້າສູ່ວຽກງານຕົວຈິງໃຫ້ມີປະສິດທິຜົນ.
ທ່ານສັນຕິ ໄຊປັນຍາຍັງຮຽກຮ້ອງໃຫ້ຜູ້ເຂົ້າຮ່ວມກອງປະຊຸມຄັ້ງນີ້ ຈົ່ງພ້ອມກັນປະກອບຄໍາຄິດຄໍາເຫັນ ໃສ່ບົດລາຍງານ ໂຄງການສະໜັບສະໜູນການສະກັດກັ້ນ ການຄ້າຂາຍສັດປ່າ ທີ່ຜິດກົດໝາຍຢູ່ ສປປລາວ ປີ 2023 ໃຫ້ມີເນື້ອໃນຄົບຖ້ວນສົມບູນ ພ້ອມທັງຍົກໃຫ້ເຫັນຈຸດດີ, ສິ່ງທ້າທາຍ ແລະ ພ້ອມກັນຄົ້ນຄວ້າກໍານົດແຜນວຽກໃນຕໍ່ໜ້າ ກໍຄືແຜນວຽກທີ່ຈະເຮັດສໍາລັບປີ 2024 ແລະ ຂໍ້ສະເໜີຕ່າງໆຢ່າງລະອຽດ.
ໂຄງການສະໜັບສະໜູນ ສະກັດກັ້ນ ການຄ້າຂາຍສັດປ່າ ທີ່ຜິດກົດໝາຍ ຢູ່ ສປປ ລາວ ເປັນໂຄງການຮ່ວມມື ລະຫວ່າງ ອົງການໄອຍະການປະຊາຊົນສູງສຸດ ແລະ ອົງການອະນຸລັກສັດປ່າ ປະຈຳ ສປປ ລາວ, ຈຸດປະສົງຫຼັກຂອງໂຄງການແມ່ນເພື່ອສະກັດກັ້ນ ແລະ ຕ້ານການຄ້າຂາຍສັດປ່າທີ່ຜິດກົດໝາຍ ແລະ ອາຊະຍາກໍາສັດປ່າຂ້າມຊາດ ໂດຍການຍົກລະດັບຄວາມອາດສາມາດໃນການສະໜອງຂໍ້ມູນແຫຼ່ງຂ່າວ; ເສີມສ້າງຄວາມອາດສາມາດດ້ານການບັງຄັບໃຊ້ກົດໝາຍ; ຄວາມອາດສາມາດ ດ້ານການດຳເນີນຄະດີິ; ຍົກສູງທາງດ້ານຄວາມຮັບຮູ້ ແລະ ຄວາມໝາຍໝັ້ນໃນການແກ້ໄຂບັນຫາ ການຄ້າຂາຍສັດປ່າທີ່ຜິດກົດໝາຍ; ປັບປຸງດ້ານວຽກງານສືບສວນ- ສອບສວນ ກ່ຽວກັບອາຊະຍາກຳສັດປ່າ ແລະ ການປະສານງານ ລະຫວ່າງ ໜ່ວຍງານບັງຄັບໃຊ້ກົດໝາຍ ໂດຍຜ່ານອົງການໄອຍະການປະຊາຊົນ; ປັບປຸງການຮ່ວມມື ລະຫວ່າງ ກົມກວດກາປ່າໄມ້ ແລະ ໜ່ວຍງານທີ່ກ່ຽວຂ້ອງ ພາຍໃຕ້ທີມງານ ລາວເວັນ (Lao-WEN); ປັບປຸງການຮ່ວມມືສາກົນ ແລະ ສ້າງຄວາມເຂັ້ມແຂງ ທາງດ້ານການຈັດຕັ້ງປະຕິບັດ ສົນທິສັນຍາສາກົນ ໄຊເຕັດ ແລະ ຂອບກົດໝາຍ ເພື່ອສະກັດກັ້ນ ແລະ ຕ້ານການຄ້າຂາຍສັດປ່າທີ່ຜິດກົດໝາຍ ແລະ ອາຊະຍາກໍາສັດປ່າຂ້າມຊາດ ຢູ່ ສປປ ລາວ.
ໂຄງການນີ້ໄດຮັບທຶນຊ່ວຍເຫຼືອຈາກຜູ້ໃຫ້ທຶນ ຈາກສາກົນ ເຊັ່ນ: ໜ່ວຍງານຕ້ານຢາເສບຕິດ ແລະ ບັງຄັບໃຊ້ກົດໝາຍສາກົນ ຂອງກະຊວງການຕ່າງປະເທດ ສະຫະລັດອາເມຣິກາ (INL); ສະຫະພາບເອີຣົບ (EU); ກະຊວງສິ່ງແວດລ້ອມ, ອະນຸລັກທໍາມະຊາດ ແລະ ຄວາມປອດໄພດ້ານນິວເຄລຍ ຂອງສະຫະພັນເຢຍລະມັນ (BMU); ອົງການ ຈີໄອແຊັດ (GIZ)ແລະ ອົງການ ອະນຸລັກສັດປ່າ (WCS).
ຂ່າວ: ຄຳປະສິດ
ທ່ານ ສັນຕິ ໄຊປັນຍາ ກ່າວວ່າ: ກອງປະຊຸມໃນຄັ້ງນີ້ ໄດ້ພ້ອມກັນສະຫຼຸບຕີລາຄາ, ທົບທວນຄືນ ແລະ ຮັບຟັງການລາຍງານ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວໃນໄລຍະຜ່ານມາ ຂອງໂຄງການສະໜັບສະໜູນ ການສະກັດກັ້ນ ການຄ້າຂາຍສັດປ່າທີ່ຜິດກົດໝາຍ ຢູ່ ສປປ ລາວ ປະຈຳປີ 2023, ພ້ອມທັງວາງແຜນກິດຈະກຳໂຄງການ ປະຈໍາປີ 2024ຮັບຟັງການນຳສະເໜີຫຍໍ້ ກ່ຽວກັບແຜນງານລິເລີ່ມ ການສ້າງຜູ້ນຳດ້ານວຽກງານອາຊະຍາກຳສັດປ່າ (WCLI).
ສະນັ້ນ, ເພື່ອເປັນການປະເມີນຄືນ ແລະ ຖອດຖອນບົດຮຽນ ກ່ຽວກັບຜົນການຈັດຕັ້ງປະຕິບັດວຽກງານຕະຫຼອດໄລຍະທີ່ຜ່ານມາ ສາມາດຍົກໃຫ້ເຫັນດ້ານດີ ໃນຫຼາຍດ້ານໂດຍສະເພາະແມ່ນສ້າງຄວາມເຂັ້ມແຂງໃຫ້ແກ່ ອົງການໄອຍະການປະຊາຊົນ ແລະ ເຈົ້າໜ້າທີ່ຂອງອົງການສືບສວນ-ສອບສວນ ໃນຂອບເຂດທົ່ວປະເທດ ໃຫ້ມີຄວາມເຂົ້າໃຈ ແລະ ສາມາດຜັນຂະຫຍາຍເຂົ້າສູ່ວຽກງານຕົວຈິງໃຫ້ມີປະສິດທິຜົນ.
ທ່ານສັນຕິ ໄຊປັນຍາຍັງຮຽກຮ້ອງໃຫ້ຜູ້ເຂົ້າຮ່ວມກອງປະຊຸມຄັ້ງນີ້ ຈົ່ງພ້ອມກັນປະກອບຄໍາຄິດຄໍາເຫັນ ໃສ່ບົດລາຍງານ ໂຄງການສະໜັບສະໜູນການສະກັດກັ້ນ ການຄ້າຂາຍສັດປ່າ ທີ່ຜິດກົດໝາຍຢູ່ ສປປລາວ ປີ 2023 ໃຫ້ມີເນື້ອໃນຄົບຖ້ວນສົມບູນ ພ້ອມທັງຍົກໃຫ້ເຫັນຈຸດດີ, ສິ່ງທ້າທາຍ ແລະ ພ້ອມກັນຄົ້ນຄວ້າກໍານົດແຜນວຽກໃນຕໍ່ໜ້າ ກໍຄືແຜນວຽກທີ່ຈະເຮັດສໍາລັບປີ 2024 ແລະ ຂໍ້ສະເໜີຕ່າງໆຢ່າງລະອຽດ.
ໂຄງການສະໜັບສະໜູນ ສະກັດກັ້ນ ການຄ້າຂາຍສັດປ່າ ທີ່ຜິດກົດໝາຍ ຢູ່ ສປປ ລາວ ເປັນໂຄງການຮ່ວມມື ລະຫວ່າງ ອົງການໄອຍະການປະຊາຊົນສູງສຸດ ແລະ ອົງການອະນຸລັກສັດປ່າ ປະຈຳ ສປປ ລາວ, ຈຸດປະສົງຫຼັກຂອງໂຄງການແມ່ນເພື່ອສະກັດກັ້ນ ແລະ ຕ້ານການຄ້າຂາຍສັດປ່າທີ່ຜິດກົດໝາຍ ແລະ ອາຊະຍາກໍາສັດປ່າຂ້າມຊາດ ໂດຍການຍົກລະດັບຄວາມອາດສາມາດໃນການສະໜອງຂໍ້ມູນແຫຼ່ງຂ່າວ; ເສີມສ້າງຄວາມອາດສາມາດດ້ານການບັງຄັບໃຊ້ກົດໝາຍ; ຄວາມອາດສາມາດ ດ້ານການດຳເນີນຄະດີິ; ຍົກສູງທາງດ້ານຄວາມຮັບຮູ້ ແລະ ຄວາມໝາຍໝັ້ນໃນການແກ້ໄຂບັນຫາ ການຄ້າຂາຍສັດປ່າທີ່ຜິດກົດໝາຍ; ປັບປຸງດ້ານວຽກງານສືບສວນ- ສອບສວນ ກ່ຽວກັບອາຊະຍາກຳສັດປ່າ ແລະ ການປະສານງານ ລະຫວ່າງ ໜ່ວຍງານບັງຄັບໃຊ້ກົດໝາຍ ໂດຍຜ່ານອົງການໄອຍະການປະຊາຊົນ; ປັບປຸງການຮ່ວມມື ລະຫວ່າງ ກົມກວດກາປ່າໄມ້ ແລະ ໜ່ວຍງານທີ່ກ່ຽວຂ້ອງ ພາຍໃຕ້ທີມງານ ລາວເວັນ (Lao-WEN); ປັບປຸງການຮ່ວມມືສາກົນ ແລະ ສ້າງຄວາມເຂັ້ມແຂງ ທາງດ້ານການຈັດຕັ້ງປະຕິບັດ ສົນທິສັນຍາສາກົນ ໄຊເຕັດ ແລະ ຂອບກົດໝາຍ ເພື່ອສະກັດກັ້ນ ແລະ ຕ້ານການຄ້າຂາຍສັດປ່າທີ່ຜິດກົດໝາຍ ແລະ ອາຊະຍາກໍາສັດປ່າຂ້າມຊາດ ຢູ່ ສປປ ລາວ.
ໂຄງການນີ້ໄດຮັບທຶນຊ່ວຍເຫຼືອຈາກຜູ້ໃຫ້ທຶນ ຈາກສາກົນ ເຊັ່ນ: ໜ່ວຍງານຕ້ານຢາເສບຕິດ ແລະ ບັງຄັບໃຊ້ກົດໝາຍສາກົນ ຂອງກະຊວງການຕ່າງປະເທດ ສະຫະລັດອາເມຣິກາ (INL); ສະຫະພາບເອີຣົບ (EU); ກະຊວງສິ່ງແວດລ້ອມ, ອະນຸລັກທໍາມະຊາດ ແລະ ຄວາມປອດໄພດ້ານນິວເຄລຍ ຂອງສະຫະພັນເຢຍລະມັນ (BMU); ອົງການ ຈີໄອແຊັດ (GIZ)ແລະ ອົງການ ອະນຸລັກສັດປ່າ (WCS).
ຂ່າວ: ຄຳປະສິດ
