ສານປະຊາຊົນສູງສຸດ(ສສປສ) ໄດ້ຈັດກອງປະຊຸມເຜີຍແຜ່ ຂໍ້ຕົກລົງ ວ່າດ້ວຍ ການສະສາງລົດ ຂອງລັດ ສະບັບເລກທີ 169/ນຍ, ລົງວັນທີ 28 ທັນວາ 2023, ແຈ້ງການຂອງກະຊວງການເງິນ ສະບັບເລກທີ0589/ກງ, ລົງວັນທີ 15 ກຸມພາ 2024 ແລະ ນິຕິກຳທີ່ກ່ຽວຂ້ອງ ຂຶ້ນ ເມື່ອບໍ່ມານີ້,ໂດຍການເປັນປະທານຂອງທ່ານ ຄຸນ ຜາສຸກ ຄະນະປະຈຳພັກຮອງປະທານສານປະຊາຊົນສູງສຸດ, ມີບັນດາ ຫົວໜ້າກົມ, ຄະນະສານ, ສະຖາບັນຄົ້ນຄວ້າ ແລະ ຝຶກອົບຮົມ, ຂັ້ນພະແນກ, ພະນັກງານປະຈຳການຜູ້ນໍາໃຊ້ລົດປ້າຍຟ້າ, ອະດີດການນໍາ - ພະນັກງານບໍານານ ຜູ້ນໍາໃຊ້ລົດຕົວຈິງ ຫຼື ຄອບຄົວຜູ້ນໍາໃຊ້ລົດປ້າຍຟ້າ,

ທ່ານ ສົມບູນ ແກ່ນປະເສີດ ຫົວໜ້າພະແນກກົມຊັບສິນແຫ່ງລັດ ກະຊວງການເງິນໄດ້ເຜີຍແຜ່ຂໍ້ຕົກລົງຂອງທ່ານນາຍົກລັດຖະມົນຕີ ສະບັບເລກ ທີ 169/ນຍ ວ່າດ້ວຍການສະສາງລົດຂອງລັດ ຊຶ່ງວມມີ 5 ໜວດ, 12 ມາດຕາ, ແຈ້ງການຂອງກະຊວງການເງິນ ເລກທີ 0589/ກງ ເລື່ອງການຈັດຕັ້ງປະຕິບັດຂໍ້ຕົກລົງວ່າດ້ວຍການສະສາງລົດຂອງລັດ ແລະ ເຜີຍແຜ່ປຶ້ມຄູ່ມື ແນະນໍາຂັ້ນຕອນການຈັດຕັ້ງປະຕິບັດຕີລາຄາລົດໂດຍສະເພາະບັນດາທ່ານທີ່ປະຕິບັດວຽກງານຕົວຈິງກ່ຽວກັບການຄຸ້ມຄອງນໍາໃຊ້ລົດຂອງລັດແຕ່ລະປະເພດ ໃຫ້ກຳໄດ້ຢ່າງລະອຽດທາງດ້ານຫຼັກການ, ເປົ້າໝາຍ, ເງື່ອນໄຂ, ຂັ້ນຕອນ ການສະສາງ ແລະ ຖອນຄືນລົດຂອງລັດ, ແນໃສ່ຫັນກຳມະສິດລົດຂອງລັດທີ່ພະນັກງານນໍາໃຊ້ຊຶ່ງການຈັດຕັ້ງຂອງລັດບໍ່ມີແຜນການນໍາໃຊ້ແລ້ວນັ້ນໃຫ້ຂາດຕົວ, ແກ້ໄຂບັນຫາບຸກຄົນ ຫຼື ການຈັດຕັ້ງຊຶ່ງບໍ່ນອນໃນອົງການຈັດຕັ້ງຂອງລັດແຕ່ນໍາໃຊ້ລົດຂອງລັດໃຫ້ສຳເລັດ, ເພື່ອເປັນການກະກຽມໃຫ້ແກ່ການກວດກາ,ຈັດສັນ, ດຸ່ນດ່ຽງການນໍາໃຊ້ລົດຂອງລັດໃນແຕ່ລະບາດກ້າວໃຫ້ຖືກຕ້ອງ, ແກ້ໄຂລົດທີ່ພະນັກງານບຳນານໄດ້ເອົາໄປນໍາໃຊ້ຜ່ານມານັ້ນ. ພ້ອມກັນນັ້ນຜູ້ເຂົ້າຮ່ວມໄດ້ປະກອບຄໍາຄິດຄໍາເຫັນເພື່ອແລກປ່ຽນໃສ່ເອກະສານທີ່ໄດ້ເຜີຍແຜ່ນັ້ນຢ່າງກົງໄປກົງມາບົນພື້ນຖານເພື່ອຄວາມເປັນເອກກະພາບໃນການຈັດຕັ້ງປະຕິບັດໃນຕໍ່ໜ້າໃຫ້ມີຜົນສຳເລັດຕາມລະດັບຄາດໝາຍ.

(ຂ່າວ-ພາບ:ສສປສ)