ຂ່າວຕ່າງປະເທດລາຍງານ ໃນທ້າຍອາທິດຜ່ານມາ, ສື່ມວນຊົນມຽນມາ ໂດຍອ້າງອີງຈາກຄະນະກຳມະການລົງທຶນພາກພື້ນຢາງກຸ້ງ (YRIC)ໄດ້ລາຍງານວ່າ: ຄະນະກຳມະການດັ່ງກ່າວ ໄດ້ອະນຸມັດ7 ໂຄງການລົງທຶນໃນນະຄອນຢາງກຸ້ງ ໃນເດືອນມິຖຸນາ ຜ່ານມາ ຊຶ່ງຈະສ້າງວຽກເຮັດງານທຳຫຼາຍກວ່າ 3.000 ຄົນ.
ການລົງທຶນດັ່ງກ່າວໄດ້ຮັບການອະນຸມັດດ້ວຍເງິນລົງທຶນທັງໝົດ 4.023 ຕື້ຈາດ (ສະກຸນເງິນມຽນ) ແລະ 4.845 ລ້ານໂດລາ, ໂດຍຄາດວ່າຈະສ້າງວຽກເຮັດງານທຳໃຫ້ທ້ອງຖິ່ນໄດ້ 3.060 ຄົນ.
ໂຄງການດັ່ງກ່າວຄອບຄຸມການລົງທຶນຂອງມຽນມາ 3 ໂຄງການໃນການບໍລິການໂຮງແຮມ, ການລົງທຶນຂອງຕ່າງປະເທດ ແລະ 4 ໂຄງການໃນຂະແໜງອຸດສາຫະກຳ.
