ວິທະຍຸກະຈາຍສຽງຫວຽດນາມລາຍງານຫວ່າງມໍ່ໆມານີ້ວ່າ: ພື້ນຖານເສດຖະກິດດີຈີຕອນໃນປັດຈຸບັນຂອງພາກພື້ນອາຊີຕາເວັນອອກສ່ຽງໃຕ້ ເຕີບໂຕຢ່າງກະໂດດຂັ້ນ, ບັນລຸມູນຄ່າ 100 ຕື້ໂດລາ (ເພີ່ມຂຶ້ນ 8 ເທົ່າ ພາຍໃນຮອບເວລາ 8 ປີ) ແລະ ໄດ້ຮັບການຄາດຄະເນວ່າ ອາດຈະຂຶ້ນເຖິງ 835 ຕື້ໂດລາ ໃນປີ 2030 ດ້ວຍປັນຍາປະດິດ (AI).

ຂ່າວລະບຸວ່າ: ເມື່ອແບ່ງປັນໃນລາຍການ ສ້າງອະນາຄົດ AI ຫວຽດນາມ ຈັດໂດຍສູນນະວັດຕະກຳແຫ່ງຊາດ (NIC), ກະຊວງແຜນການ ແລະ ການລົງທຶນ ຫວຽດນາມ ແລະ ບໍລິສັດ ກູເກິລ (Google) ໄດ້ເລີ່ມຕົ້ນການເຄື່ອນໄຫວໃນທ້າຍອາທິດຜ່ານມາຢູ່ຮ່າໂນ້ຍ, ທ່ານ ມາກ ວູ ຜູ້ອຳນວຍການຝ່າຍບໍລິຫານ Google ຮັບຜິດຊອບພາກພື້ນ ອາຊີ - ປາຊີຟິກໃຫ້ຮູ້ວ່າ: ພື້ນຖານເສດຖະກິດດີຈີຕອນໃນປັດຈຸບັນຂອງພາກພື້ນ ອາຊີຕາເວັນອອກສ່ຽງໃຕ້ ເຕີບໂຕຢ່າງກະໂດດຂັ້ນ, ບັນລຸມູນຄ່າ 100 ຕື້ໂດລາ (ເພີ່ມຂຶ້ນ 8 ເທົ່າ ພາຍໃນຮອບເວລາ 8 ປີ) ແລະ ໄດ້ຮັບການຄາດຄະເນວ່າ ອາດຈະຂຶ້ນເຖິງ 835 ຕື້ໂດລາ ໃນປີ 2030, ດ້ວຍປັນຍາປະດິດ (AI). ພິເສດ ໃນນັ້ນ, ພື້ນຖານເສດຖະກິດດີຈີຕອນຂອງ ຫວຽດນາມ ຈະເຕີບໂຕ 11 ເທົ່າໃນປີ 2030 ແລະ ບັນລຸ 220 ຕື້ໂດລາ, ເທົ່າກັບເຄິ່ງໜຶ່່ງ GDP ປັດຈຸບັນຂອງ ຫວຽດນາມ.

ຫວຽດນາມ ມີປະຊາກອນໜຸ່ມ ແລະ ມີຄວາມຮູ້ກ່ຽວກັບເຕັກໂນໂລຊີ. ປະຊາຄົມວິສາຫະກິດເລີ່ມຕົ້ນທຸລະກິດຢ່າງຂະຫຍັນຂັບເຄື່ອນ ກໍຄືການສົ່ງເສີມຈາກ ລັດຖະບານ, ບັນດາກະຊວງ, ຂະແໜງການ. ລັດຖະບານ ຫວຽດນາມ ມີຍຸດທະສາດ AI ແຫ່ງຊາດ ເພື່ອຊຸກຍູ້ພື້ນຖານເສດຖະກິດດີຈີຕອນ. ຕາມການຄາດຄະເນຂອງ Google ແລ້ວ, ພື້ນຖານເສດຖະກິດ ເອເລັກໂຕຣນິກຂອງ ຫວຽດນາມ ຖືວ່າຈະເຕີບໂຕຢູ່ໃນລະດັບກະໂດດຂັ້ນ. ລະບົບນິເວດເລີ່ມຕົ້ນທຸລະກິດທີ່ຟົດຟື້ນຂອງ ຫວຽດນາມ ໄດ້ພັດທະນາຂຶ້ນຫຼາຍກວ່າ 4.000 ບໍລິສັດ.