(ສພຊ) - ກອງປະຊຸມອົບຮົມສ້າງຄວາມເຂັ້ມແຂງໃຫ້ແກ່ສະມາຊິກສະພາແຫ່ງຊາດ (ສສຊ) ທີ່ເປັນກໍາມະການຂອງກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ (ກສຕສ), ສະມາຊິກສະພາປະຊາຊົນແຂວງ (ສສຂ) ໃນຂົງເຂດເສດຖະກິດແລະ ວິຊາການຊ່ວຍວຽກຂອງກໍາມາທິການກສຕສ, ເສນາທິການຊ່ວຍວຽກຂອງຄະນະກໍາມະການເສດຖະກິດ, ແຜນການ ແລະ ການເງິນຂອງສະພາປະຊາຊົນແຂວງ (ສພຂ) 7 ແຂວງ:ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ເຊກອງ, ຈໍາປາສັກ ແລະ ອັດຕະປືໄດ້ຈັດຂຶ້ນໃນວັນທີ 15-16 ກໍລະກົດ ນີ້ ທີ່ເມືອງປາກຊ່ອງ ແຂວງຈໍາປາສັກໂດຍການເປັນປະທານຂອງທ່ານ ນາງ ປິ່ງຄໍາ ລາຊະສິມມາປະທານກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ;ເຂົ້າຮ່ວມມີປະທານ ແລະ ຮອງປະທານ ສພຂ ຈໍາປາສັກ, ຄະນະຮັບຜິດຊອບ ແລະ ພາກສ່ວນທີ່ກ່ຽວຂ້ອງ.
ຈຸດປະສົງຂອງການຝຶກອົບຮົມ ແມ່ນເພື່ອສ້າງຄວາມຮັບຮູ້ ແລະ ຄວາມເຂົ້າໃຈຕໍ່ວຽກງານການປະເມີນຜົນກະທົບທາງດ້ານສິ່ງແວດລ້ອມ, ສັງຄົມ ແລະທໍາມະຊາດໃຫ້ແກ່ສະມາຊິກສະພາແລະ ວິຊາການ ໃນການຄົ້ນຄວ້າວິເຄາະ, ວິໄຈ ແລະ ສັງລວມບັນຫາຕ່າງໆໃຫ້ແກ່ຄະນະປະຈໍາສະພາແຫ່ງຊາດ(ຄປຈສພຊ) ແລະ ສພຂ; ແລກປ່ຽນບົດຮຽນ, ຂໍ້ມູນກ່ຽວກັບການຈັດຕັ້ງປະຕິບັດວຽກງານການປະເມີນຜົນກະທົບທາງດ້ານສິ່ງແວດລ້ອມ, ສັງຄົມແລະ ທໍາມະຊາດ ຂອງບັນດາໂຄງການລົງທຶນ ທັງເປັນການສ້າງຄວາມເຂັ້ມແຂງທາງດ້ານວິຊາການໃຫ້ແກ່ພະນັກງານຂອງ ສພຊ ແລະ ສພຂ.
ໃນການກ່າວເປີດກອງປະຊຸມ, ທ່ານ ນາງ ປິ່ງຄໍາ ລາຊະສິມມາ ໄດ້ມີຄຳເຫັນວ່າ: ຕະຫຼອດໄລຍະຜ່ານມາ ຄະນະປະຈໍາສະພາແຫ່ງຊາດ ໄດ້ຖືສໍາຄັນວຽກງານຍົກສູງຂີດຄວາມສາມາດໃຫ້ແກ່ສະມາຊິກສະພາ ແລະ ວິຊາການທີ່ເປັນເສນາທິການໃຫ້ ສພຊ ແລະ ສພຂ ໂດຍມີການຊຸກຍູ້, ສົ່ງເສີມ ແລະ ອໍານວຍຄວາມສະດວກໃຫ້ແກ່ວຽກງານຍົກສູງສ້າງຄວາມສາມາດ ໃຫ້ໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງແນໃສ່ຮັບປະກັນການປະຕິບັດພາລະບົດບາດຂອງ ສສຊ ແລະ ສສຂ ກໍຄືຂອງ ສພຊ ແລະ ສພຂ ໃຫ້ມີປະສິດທິພາບ ແລະ ມີປະສິດທິຜົນສູງຂຶ້ນເລື້ອຍໆ ໂດຍສະເພາະການສ້າງ, ປັບປຸງກົດໝາຍ, ນິຕິກຳໃຕ້ກົດໝາຍ (ດ້ານນິຕິບັນຍັດ), ການຕົກລົງບັນຫາສໍາຄັນພື້ນຖານຂອງປະເທດຊາດ ແລະຂອງທ້ອງຖິ່ນ, ການຕິດຕາມກວດກາການຈັດຕັ້ງປະຕິບັດລັດຖະທຳມະນູນ, ກົດໝາຍ ແລະນິຕິກຳໃຕ້ກົດໝາຍ ຂອງບັນດາອົງການຈັດຕັ້ງລັດຂັ້ນຕ່າງໆຜ່ານ ສພຊ ແລະ ສພຂ; ດ້ວຍເຫດນີ້, ຈຶ່ງມີຄວາມຈໍາເປັນຕ້ອງໄດ້ຝຶກອົບຮົມຍົກສູງສ້າງຂີດຄວາມສາມາດແລະຄວາມຮັບຮູ້ທາງດ້ານວິຊາການສະເພາະດ້ານໃຫ້ແກ່ສະມາຊິກສະພາແລະ ວິຊາການທີ່ກ່ຽວຂ້ອງໃຫ້ເລິກເຊິ່ງ ແລະ ກວ້າງຂວາງ.
ໃນກອງປະຊຸມ, ທ່ານ ຄໍາມ່ວນ ຊົມສີຫາປັນຍາ ຮອງປະທານກໍາມາທິການ ກສຕສ ໄດ້ເຜີຍແຜ່ມະຕິຂອງຄະນະປະຈໍາສະພາແຫ່ງຊາດ ວ່າດ້ວຍຂັ້ນຕອນການພິຈາລະນາແຜນພັດທະນາພະລັງງານໄຟຟ້າ ແລະ ແຮ່ທາດແຫ່ງຊາດ, ໂຄງການສຳປະທານພັດທະນາໄຟຟ້າ, ບໍ່ແຮ່ ແລະ ໂຄງລ່າງພື້ນຖານ ສະບັບເລກທີ 02/ຄປຈ, ລົງວັນທີ 06/01/2022 ແລະ ຮັບຟັງການສະເໜີບົດຈາກຜູ້ຕາງໜ້າຂອງກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມໃນຫົວຂໍ້ 1). ຂັ້ນຕອນ ແລະ ການປະເມີນລາຄາທີ່ດິນ, 2). ຂັ້ນຕອນ ແລະ ວິທີການຄົ້ນຄວ້າກ່ຽວກັບການປະເມີນຜົນກະທົບຕໍ່ສິ່ງແວດລ້ອມ, ສັງຄົມ ແລະ ທຳມະຊາດ ທີ່ຕິດພັນກັບການພັດທະນາໂຄງການເຊັ່ນ: ໂຄງການພະລັງງານໄຟຟ້າ, ໂຄງການຂຸດຄົ້ນແຮ່ທາດ ແລະ ການພັດທະນາໂຄງລ່າງພື້ນຖານ, 3). ຂັ້ນຕອນ ແລະ ວິທີການຄົ້ນຄວ້າລາຄາຫົວໜ່ວຍຊົດເຊີຍຕໍ່ຜົນກະທົບຕໍ່ສິ່ງແວດລ້ອມ, ສັງຄົມ ແລະທຳມະຊາດ.ຈາກນັ້ນ, ຜູ້ເຂົ້າຮ່ວມໄດ້ສຸມໃສ່ຄົ້ນຄວ້າ, ປະກອບຄຳຄິດຄຳເຫັນ ແລະ ສົນທະນາແລກປ່ຽນບົດຮຽນຊຶ່ງກັນແລະກັນຢ່າງກົງໄປກົງມາ.
ກອງປະຊຸມຄັ້ງນີ້ໄດ້ຮັບການສະໜັບສະໜູນຊ່ວຍເຫຼືອທາງດ້ານງົບປະມານຈາກໂຄງການສ້າງຄວາມເຂັ້ມແຂງໃຫ້ແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງຫຼື ສະເຕັບສ (STEPs) ໂດຍຜ່ານກອງເລຂາຄຸ້ມຄອງແຫຼ່ງທຶນຊ່ວຍເຫຼືອໃຫ້ແກ່ສະພາແຫ່ງຊາດ.
(ຂ່າວ-ພາບ: ນາງ ກົງໃຈ ແສງອໍາພັນ)
ຈຸດປະສົງຂອງການຝຶກອົບຮົມ ແມ່ນເພື່ອສ້າງຄວາມຮັບຮູ້ ແລະ ຄວາມເຂົ້າໃຈຕໍ່ວຽກງານການປະເມີນຜົນກະທົບທາງດ້ານສິ່ງແວດລ້ອມ, ສັງຄົມ ແລະທໍາມະຊາດໃຫ້ແກ່ສະມາຊິກສະພາແລະ ວິຊາການ ໃນການຄົ້ນຄວ້າວິເຄາະ, ວິໄຈ ແລະ ສັງລວມບັນຫາຕ່າງໆໃຫ້ແກ່ຄະນະປະຈໍາສະພາແຫ່ງຊາດ(ຄປຈສພຊ) ແລະ ສພຂ; ແລກປ່ຽນບົດຮຽນ, ຂໍ້ມູນກ່ຽວກັບການຈັດຕັ້ງປະຕິບັດວຽກງານການປະເມີນຜົນກະທົບທາງດ້ານສິ່ງແວດລ້ອມ, ສັງຄົມແລະ ທໍາມະຊາດ ຂອງບັນດາໂຄງການລົງທຶນ ທັງເປັນການສ້າງຄວາມເຂັ້ມແຂງທາງດ້ານວິຊາການໃຫ້ແກ່ພະນັກງານຂອງ ສພຊ ແລະ ສພຂ.
ໃນການກ່າວເປີດກອງປະຊຸມ, ທ່ານ ນາງ ປິ່ງຄໍາ ລາຊະສິມມາ ໄດ້ມີຄຳເຫັນວ່າ: ຕະຫຼອດໄລຍະຜ່ານມາ ຄະນະປະຈໍາສະພາແຫ່ງຊາດ ໄດ້ຖືສໍາຄັນວຽກງານຍົກສູງຂີດຄວາມສາມາດໃຫ້ແກ່ສະມາຊິກສະພາ ແລະ ວິຊາການທີ່ເປັນເສນາທິການໃຫ້ ສພຊ ແລະ ສພຂ ໂດຍມີການຊຸກຍູ້, ສົ່ງເສີມ ແລະ ອໍານວຍຄວາມສະດວກໃຫ້ແກ່ວຽກງານຍົກສູງສ້າງຄວາມສາມາດ ໃຫ້ໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງແນໃສ່ຮັບປະກັນການປະຕິບັດພາລະບົດບາດຂອງ ສສຊ ແລະ ສສຂ ກໍຄືຂອງ ສພຊ ແລະ ສພຂ ໃຫ້ມີປະສິດທິພາບ ແລະ ມີປະສິດທິຜົນສູງຂຶ້ນເລື້ອຍໆ ໂດຍສະເພາະການສ້າງ, ປັບປຸງກົດໝາຍ, ນິຕິກຳໃຕ້ກົດໝາຍ (ດ້ານນິຕິບັນຍັດ), ການຕົກລົງບັນຫາສໍາຄັນພື້ນຖານຂອງປະເທດຊາດ ແລະຂອງທ້ອງຖິ່ນ, ການຕິດຕາມກວດກາການຈັດຕັ້ງປະຕິບັດລັດຖະທຳມະນູນ, ກົດໝາຍ ແລະນິຕິກຳໃຕ້ກົດໝາຍ ຂອງບັນດາອົງການຈັດຕັ້ງລັດຂັ້ນຕ່າງໆຜ່ານ ສພຊ ແລະ ສພຂ; ດ້ວຍເຫດນີ້, ຈຶ່ງມີຄວາມຈໍາເປັນຕ້ອງໄດ້ຝຶກອົບຮົມຍົກສູງສ້າງຂີດຄວາມສາມາດແລະຄວາມຮັບຮູ້ທາງດ້ານວິຊາການສະເພາະດ້ານໃຫ້ແກ່ສະມາຊິກສະພາແລະ ວິຊາການທີ່ກ່ຽວຂ້ອງໃຫ້ເລິກເຊິ່ງ ແລະ ກວ້າງຂວາງ.
ໃນກອງປະຊຸມ, ທ່ານ ຄໍາມ່ວນ ຊົມສີຫາປັນຍາ ຮອງປະທານກໍາມາທິການ ກສຕສ ໄດ້ເຜີຍແຜ່ມະຕິຂອງຄະນະປະຈໍາສະພາແຫ່ງຊາດ ວ່າດ້ວຍຂັ້ນຕອນການພິຈາລະນາແຜນພັດທະນາພະລັງງານໄຟຟ້າ ແລະ ແຮ່ທາດແຫ່ງຊາດ, ໂຄງການສຳປະທານພັດທະນາໄຟຟ້າ, ບໍ່ແຮ່ ແລະ ໂຄງລ່າງພື້ນຖານ ສະບັບເລກທີ 02/ຄປຈ, ລົງວັນທີ 06/01/2022 ແລະ ຮັບຟັງການສະເໜີບົດຈາກຜູ້ຕາງໜ້າຂອງກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມໃນຫົວຂໍ້ 1). ຂັ້ນຕອນ ແລະ ການປະເມີນລາຄາທີ່ດິນ, 2). ຂັ້ນຕອນ ແລະ ວິທີການຄົ້ນຄວ້າກ່ຽວກັບການປະເມີນຜົນກະທົບຕໍ່ສິ່ງແວດລ້ອມ, ສັງຄົມ ແລະ ທຳມະຊາດ ທີ່ຕິດພັນກັບການພັດທະນາໂຄງການເຊັ່ນ: ໂຄງການພະລັງງານໄຟຟ້າ, ໂຄງການຂຸດຄົ້ນແຮ່ທາດ ແລະ ການພັດທະນາໂຄງລ່າງພື້ນຖານ, 3). ຂັ້ນຕອນ ແລະ ວິທີການຄົ້ນຄວ້າລາຄາຫົວໜ່ວຍຊົດເຊີຍຕໍ່ຜົນກະທົບຕໍ່ສິ່ງແວດລ້ອມ, ສັງຄົມ ແລະທຳມະຊາດ.ຈາກນັ້ນ, ຜູ້ເຂົ້າຮ່ວມໄດ້ສຸມໃສ່ຄົ້ນຄວ້າ, ປະກອບຄຳຄິດຄຳເຫັນ ແລະ ສົນທະນາແລກປ່ຽນບົດຮຽນຊຶ່ງກັນແລະກັນຢ່າງກົງໄປກົງມາ.
ກອງປະຊຸມຄັ້ງນີ້ໄດ້ຮັບການສະໜັບສະໜູນຊ່ວຍເຫຼືອທາງດ້ານງົບປະມານຈາກໂຄງການສ້າງຄວາມເຂັ້ມແຂງໃຫ້ແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງຫຼື ສະເຕັບສ (STEPs) ໂດຍຜ່ານກອງເລຂາຄຸ້ມຄອງແຫຼ່ງທຶນຊ່ວຍເຫຼືອໃຫ້ແກ່ສະພາແຫ່ງຊາດ.
(ຂ່າວ-ພາບ: ນາງ ກົງໃຈ ແສງອໍາພັນ)
