ພິທີປະກາດເມືອງນາກາຍ ແຂວງຄຳມ່ວນ ເປັນເມືອງຢຸດຕິການຖ່າຍຊະຊາຍ ແລະ ເປີດແຫຼ່ງທ່ອງທ່ຽວ 3 ແຫ່ງທີ່ຕິດພັນກັບປີທ່ອງທ່ຽວລາວ ຂຶ້ນໃນວັນທີ 17 ກໍລະກົດຜ່ານມາ ທີ່ສະໂມສອນເມືອງນາກາຍ ໂດຍມີທ່ານ ແກ້ວອຸດອນ ບຸດສິງຂອນ ຮອງເຈົ້າແຂວງຄຳມ່ວນ, ມີທ່ານນາງ ບົວກາ ແກ້ວມະນີ ເຈົ້າເມືອງນາກາຍ, ທ່ານ ໄຊສົມບູນ ສຸວັນດາລາ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ທ່ານ ສົມຈິດ ອໍ່າພິລາວົງ ຮອງຫົວໜ້າພະແນກສາທາລະນະສຸກແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ພາຍຫຼັງທ່ານນາງ ບົວກາ ແກ້ວມະນີ ໄດ້ໃຫ້ກຽດກ່າວເປີດພິທີ. ຈາກນັ້ນ, ຕາງໜ້າຄະນະຮັບຜິດຊອບໄດ້ ຜ່ານບົດສະຫຼຸບການຈັດຕັ້ງປະຕິບັດກິດຈະກຳຊຸມຊົນເປັນເຈົ້າການດ້ານສຸຂະອະນາໄມ (ຊຈສ) ຊຶ່ງໄດ້ຍົກໃຫ້ເຫັນ ການຈັດຕັ້ງປະຕິບັດວຽກງານຂອງຄະນະຮັບຜິດຊອບຢຶດໝັ້ນຕາມ 5 ຫຼັກການ, 4 ມາດຕະຖານ ແລະ ດຳເນີນໄປ ຕາມ 3 ໄລຍະທີ່ໄດ້ຮັບການປັບປຸງ, ພັດທະນາດີຂຶ້ນ ແລະ ມີຜົນສຳເລັດ ສາມາດສ້າງບ້ານແບບຢ່າງສາທາລະ ນະສຸກໄດ້ 31 ບ້ານ ແລະ ສ້າງບ້ານຊຸມຊົນເປັນເຈົ້າດ້ານສຸຂະອະນາໄມໄດ້ 31 ບ້ານເທົ່າກັບ 100% ຂອງຈຳ ນວນບ້ານໃນທົ່ວເມືອງ. ພ້ອມທັງຜ່ານບົດສະຫຼຸບລາຍງານການກະກຽມເປີດສະຖານທີ່ທ່ອງທ່ຽວທາງທຳມະຊາດ 3 ແຫ່ງຄື: 1. ຊົມວິວທ່າລັງລ່ອງເຮືອສາຍນໍ້າເທີນ (ເຂດບ້ານທ່າລັ່ງ), 2. ທ່ອງທ່ຽວສາຍນໍ້າໂຊດ, ຕາດຍິ້ມ, ໄມ້ຮິ້ງ ຊໍາ, 3. ທ່ອງທ່ຽວຍ່າງປ່າເບິ່ງສັດປ່ານໍ້າແຈ (ເຂດນາຫາວ-ນາວາງ) ຊຶ່ງແຫຼ່ງທ່ອງທ່ຽວທັງ 3 ແຫ່ງພ້ອມທີ່ຈະເປີດ ໃຫ້ບໍລິການແຂກໃນລະດັບແຫຼ່ງທ່ອງທ່ຽວຂອງຊຸມຊົນ ໂດຍກຸ່ມທ່ອງທ່ຽວຊຸມຊົນຂັ້ນບ້ານເປັນຜູ້ຮັບຜິດຊອບໃນການ ຄຸ້ມຄອງ ແລະ ບໍລິການ.
ທ່ານ ແກ້ວອຸດອນ ບຸດສິງຂອນ ກ່າວວ່າ: ການປະກາດຮັບຮອງເມືອງນາກາຍ ເປັນເມືອງຢຸດຕິການ ຖ່າຍຊະຊາຍໃນຄັ້ງນີ້ແມ່ນຜົນສໍາເລັດໃນການຈັດຕັ້ງປະຕິບັດຄາດໝາຍຈຸດສຸມຕົວຊີ້ວັດ ໜຶ່ງໃນຂົງເຂດສາທາລະ ນະສຸກ ຊຶ່ງແມ່ນຜົນສຳເລັດລວມຂອງອົງຄະນະພັກແຂວງ, ຄະນະພັກ-ອົງການປົກຄອງທຸກຂັ້ນ, ຄະນະນຳເມືອງ, ພະນັກງານແພດ-ໝໍ ຕະຫຼອດຮອດປະຊາຊົນບັນດາເຜົ່າພາຍໃນເມືອງນາກາຍ, ຜັນຂະຫຍາຍຍຸດທະສາດທີ່ໄດ້ກຳ ນົດໄວ້ເພື່ອບັນລຸເປົ້າໝາຍ ເປັນປະເທດຢຸດຕິການຖ່າຍຊະຊາຍໃນປີ 2025, ຮອດປີ 2030 ໃຫ້ໝົດທຸກຄົນໄດ້ ເຂົ້າເຖິງນໍ້າດື່ມສະອາດປອດໄພ ສາມາດຈັດຫາໄດ້ຢ່າງເປັນທຳ, ທຸກຄົນສາມາດເຂົ້າເຖິງສຸຂະອະນາໄມ. ທ່ານຮອງເຈົ້າແຂວງຄຳມ່ວນ ໄດ້ຮຽກຮ້ອງໃຫ້ອໍານາດການປົກຄອງ, ການຈັດຕັ້ງທຸກພາກສ່ວນ ແລະ ປະຊາ ຊົນຊາວເມືອງນາກາຍ ຈົ່ງພ້ອມກັນປົກປັກຮັກສານາມມະຍົດ ສ້າງຄວາມຍືນຍົງໝັ້ນຄົງ ຂອງຊຸມຊົນເປັນເຈົ້າການ ດ້ານສຸຂະອະນາໄມໃນແຕ່ລະຄອບຄົວ ຕ້ອງປົກປັກຮັກສາ ແລະ ເສີມຂະຫຍາຍຜົນງານດັ່ງກ່າວ ສືບຕໍ່ເປັນແບບຢ່າງ ໃຫ້ບ່ອນອື່ນໆ ເພື່ອກາຍເປັນບ້ານສາທາລະນະສຸກແບບຢ່າງ, ຢຸດຕິການຖ່າຍຊະຊາຍຕະຫຼອດໄປ ແລະ ໃຫ້ກາຍ ເປັນບ້ານພັດທະນາ. ສຳລັບການເປີດແຫຼ່ງທ່ອງທ່ຽວ 3 ແຫ່ງຂອງເມືອງໃຫ້ທຸກພາກສ່ວນໃນສັງຄົມ ໂດຍສະເພາະ ຊາວເມືອງນາກາຍ ຈົ່ງພ້ອມກັນເປັນເຈົ້າພາບທີ່ດີຕ້ອນຮັບແຂກບ້ານ-ແຂກເມືອງ ດ້ວຍໄມຕີຈິດມິດຕະພາບມີຮອຍ ຍິ້ມອັນອົບອຸ່ນ, ມີຄວາມປອດໄພ ຜູ້ທີ່ໄດ້ມາທ່ຽວແລ້ວກໍ່ຢາກກັບມາທ່ຽວຕື່ມອີກ.
ໃນພິທີໄດ້ມອບໃບຢັ້ງຢືນເມືອງຢຸດຕິການຖ່າຍຊະຊາຍ, ມອບໃບຍ້ອງຍໍໃຫ້ກົມກອງ, ບຸກຄົນ. ຈາກນັ້ນບັນ ດາການນຳໄດ້ຮ່ວມເປີດປ້າຍ, ລັ່ນຄ້ອງ 9 ບາດເພື່ອປະກາດຮັບຮອງເມືອງນາກາຍ ເປັນເມືອງຢຸດຕິການຖ່າຍ ຊະຊາຍ ແລະ ເປີດແຫຼ່ງທ່ອງທ່ຽວ 3 ແຫ່ງທີ່ຕິດພັນກັບປີທ່ອງທ່ຽວລາວ 2024 ຢ່າງເປັນທາງການ. ຂ່າວ:ກອງຄຳ
ພາຍຫຼັງທ່ານນາງ ບົວກາ ແກ້ວມະນີ ໄດ້ໃຫ້ກຽດກ່າວເປີດພິທີ. ຈາກນັ້ນ, ຕາງໜ້າຄະນະຮັບຜິດຊອບໄດ້ ຜ່ານບົດສະຫຼຸບການຈັດຕັ້ງປະຕິບັດກິດຈະກຳຊຸມຊົນເປັນເຈົ້າການດ້ານສຸຂະອະນາໄມ (ຊຈສ) ຊຶ່ງໄດ້ຍົກໃຫ້ເຫັນ ການຈັດຕັ້ງປະຕິບັດວຽກງານຂອງຄະນະຮັບຜິດຊອບຢຶດໝັ້ນຕາມ 5 ຫຼັກການ, 4 ມາດຕະຖານ ແລະ ດຳເນີນໄປ ຕາມ 3 ໄລຍະທີ່ໄດ້ຮັບການປັບປຸງ, ພັດທະນາດີຂຶ້ນ ແລະ ມີຜົນສຳເລັດ ສາມາດສ້າງບ້ານແບບຢ່າງສາທາລະ ນະສຸກໄດ້ 31 ບ້ານ ແລະ ສ້າງບ້ານຊຸມຊົນເປັນເຈົ້າດ້ານສຸຂະອະນາໄມໄດ້ 31 ບ້ານເທົ່າກັບ 100% ຂອງຈຳ ນວນບ້ານໃນທົ່ວເມືອງ. ພ້ອມທັງຜ່ານບົດສະຫຼຸບລາຍງານການກະກຽມເປີດສະຖານທີ່ທ່ອງທ່ຽວທາງທຳມະຊາດ 3 ແຫ່ງຄື: 1. ຊົມວິວທ່າລັງລ່ອງເຮືອສາຍນໍ້າເທີນ (ເຂດບ້ານທ່າລັ່ງ), 2. ທ່ອງທ່ຽວສາຍນໍ້າໂຊດ, ຕາດຍິ້ມ, ໄມ້ຮິ້ງ ຊໍາ, 3. ທ່ອງທ່ຽວຍ່າງປ່າເບິ່ງສັດປ່ານໍ້າແຈ (ເຂດນາຫາວ-ນາວາງ) ຊຶ່ງແຫຼ່ງທ່ອງທ່ຽວທັງ 3 ແຫ່ງພ້ອມທີ່ຈະເປີດ ໃຫ້ບໍລິການແຂກໃນລະດັບແຫຼ່ງທ່ອງທ່ຽວຂອງຊຸມຊົນ ໂດຍກຸ່ມທ່ອງທ່ຽວຊຸມຊົນຂັ້ນບ້ານເປັນຜູ້ຮັບຜິດຊອບໃນການ ຄຸ້ມຄອງ ແລະ ບໍລິການ.
ທ່ານ ແກ້ວອຸດອນ ບຸດສິງຂອນ ກ່າວວ່າ: ການປະກາດຮັບຮອງເມືອງນາກາຍ ເປັນເມືອງຢຸດຕິການ ຖ່າຍຊະຊາຍໃນຄັ້ງນີ້ແມ່ນຜົນສໍາເລັດໃນການຈັດຕັ້ງປະຕິບັດຄາດໝາຍຈຸດສຸມຕົວຊີ້ວັດ ໜຶ່ງໃນຂົງເຂດສາທາລະ ນະສຸກ ຊຶ່ງແມ່ນຜົນສຳເລັດລວມຂອງອົງຄະນະພັກແຂວງ, ຄະນະພັກ-ອົງການປົກຄອງທຸກຂັ້ນ, ຄະນະນຳເມືອງ, ພະນັກງານແພດ-ໝໍ ຕະຫຼອດຮອດປະຊາຊົນບັນດາເຜົ່າພາຍໃນເມືອງນາກາຍ, ຜັນຂະຫຍາຍຍຸດທະສາດທີ່ໄດ້ກຳ ນົດໄວ້ເພື່ອບັນລຸເປົ້າໝາຍ ເປັນປະເທດຢຸດຕິການຖ່າຍຊະຊາຍໃນປີ 2025, ຮອດປີ 2030 ໃຫ້ໝົດທຸກຄົນໄດ້ ເຂົ້າເຖິງນໍ້າດື່ມສະອາດປອດໄພ ສາມາດຈັດຫາໄດ້ຢ່າງເປັນທຳ, ທຸກຄົນສາມາດເຂົ້າເຖິງສຸຂະອະນາໄມ. ທ່ານຮອງເຈົ້າແຂວງຄຳມ່ວນ ໄດ້ຮຽກຮ້ອງໃຫ້ອໍານາດການປົກຄອງ, ການຈັດຕັ້ງທຸກພາກສ່ວນ ແລະ ປະຊາ ຊົນຊາວເມືອງນາກາຍ ຈົ່ງພ້ອມກັນປົກປັກຮັກສານາມມະຍົດ ສ້າງຄວາມຍືນຍົງໝັ້ນຄົງ ຂອງຊຸມຊົນເປັນເຈົ້າການ ດ້ານສຸຂະອະນາໄມໃນແຕ່ລະຄອບຄົວ ຕ້ອງປົກປັກຮັກສາ ແລະ ເສີມຂະຫຍາຍຜົນງານດັ່ງກ່າວ ສືບຕໍ່ເປັນແບບຢ່າງ ໃຫ້ບ່ອນອື່ນໆ ເພື່ອກາຍເປັນບ້ານສາທາລະນະສຸກແບບຢ່າງ, ຢຸດຕິການຖ່າຍຊະຊາຍຕະຫຼອດໄປ ແລະ ໃຫ້ກາຍ ເປັນບ້ານພັດທະນາ. ສຳລັບການເປີດແຫຼ່ງທ່ອງທ່ຽວ 3 ແຫ່ງຂອງເມືອງໃຫ້ທຸກພາກສ່ວນໃນສັງຄົມ ໂດຍສະເພາະ ຊາວເມືອງນາກາຍ ຈົ່ງພ້ອມກັນເປັນເຈົ້າພາບທີ່ດີຕ້ອນຮັບແຂກບ້ານ-ແຂກເມືອງ ດ້ວຍໄມຕີຈິດມິດຕະພາບມີຮອຍ ຍິ້ມອັນອົບອຸ່ນ, ມີຄວາມປອດໄພ ຜູ້ທີ່ໄດ້ມາທ່ຽວແລ້ວກໍ່ຢາກກັບມາທ່ຽວຕື່ມອີກ.
ໃນພິທີໄດ້ມອບໃບຢັ້ງຢືນເມືອງຢຸດຕິການຖ່າຍຊະຊາຍ, ມອບໃບຍ້ອງຍໍໃຫ້ກົມກອງ, ບຸກຄົນ. ຈາກນັ້ນບັນ ດາການນຳໄດ້ຮ່ວມເປີດປ້າຍ, ລັ່ນຄ້ອງ 9 ບາດເພື່ອປະກາດຮັບຮອງເມືອງນາກາຍ ເປັນເມືອງຢຸດຕິການຖ່າຍ ຊະຊາຍ ແລະ ເປີດແຫຼ່ງທ່ອງທ່ຽວ 3 ແຫ່ງທີ່ຕິດພັນກັບປີທ່ອງທ່ຽວລາວ 2024 ຢ່າງເປັນທາງການ. ຂ່າວ:ກອງຄຳ
