ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ຫ້ອງການອະນຸລັກແຫ່ງນູແວນເຊລັງ ລາຍງານການພົບເຫັນຊາກສັດທະເລຂະໜາດໃຫຍ່ທີ່ຄາດວ່າຈະເປັນປາວານແຂ້ວຈອບ (spade-toothed whale) ຊຶ່ງຖືກຈັດເປັນປາວານທີ່ຫາຍາກທີ່ສຸດຂອງໂລກ ເທິງຫາດຊາຍເມືອງດະນີດິນ ຂອງປະເທດ, ໂດຍປາວານໂຕນີ້ອາດຕາຍໃນວັນທີ່ຖືກພົບເຫັນ ຫຼື ຕັ້ງແຕ່ 1-2 ວັນກ່ອນຖືກພົບເຫັນ.

ລາຍງານລະບຸວ່າ: ສັດທະເລທີ່ຄາດວ່າເປັນປາວານແຂ້ວຈອບໂຕຜູ້ນີ້ ມີຂະໜາດຍາວປະມານ 5 ແມັດ ແລະ ເກີຍຕື້ນຫາດຊາຍແຫ່ງໜຶ່ງຂອງເມືອງດະນີດິນ ໃນວັນທີ 4 ກໍລະກົດ ຜ່ານມາ. ໂດຍການກວດສອບດີເອັນເອຈະໃຊ້ເວລາຫຼາຍອາທິດ ເພາະຄວາມຫາຍາກ ແລະ ຫາກຜົນຮັບຢືນຢັນວ່າເປັນປາວານແຂ້ວຈອບ ຈະນັບວ່າເປັນການຄົ້ນພົບທາງວິທະຍາສາດທີ່ສຳຄັນຫຼາຍ.

ທ່ານ ເກບ ເດວີສ ຜູ້ຈັດການຝ່າຍປະຕິບັດການແຄມຝັ່ງໂອຕາໂກ ຂອງເມືອງດະນີດິນ ກ່າວວ່າ: ປາວານແຂ້ວຈອບ ຖືເປັນໜຶ່ງໃນສັດລ້ຽງລູກດ້ວຍນົມຂະໜາດໃຫຍ່ທີ່ຜູ້ຄົນຮູ້ຈັກໜ້ອຍທີ່ສຸດໃນຍຸກສະໄໝ ໃໝ່, ໂດຍມີການເກັບຕົວຢ່າງຈາກທົ່ວໂລກໄດ້ 6 ລາຍການ ນັບຕັ້ງແຕ່ທົດສະວັດ 1.800 ເປັນຕົ້ນມາ.

ອີກຢ່າງໜຶ່ງ, ຊາວເມືອງດະນີດິນ ເປັນຜູ້ພົບເຫັບຊາກປາວານທີ່ຫາຍາກໂຕນີ້ ລະຫວ່າງນັ່ງກວດສອບສະພາບຄື້ນທະເລຜ່ານຄຣິບວິດີໂອຈາກຫ້ອງເວັບແຄມທີ່ຢູ່ບ້ານກ່ອນອອກໄປຫຼິ້ນກິລາໂຕ້ຄື້ນ.