ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 23 ກໍລະກົດ ຜ່ານມາຢູ່ນະຄອນຫຼວງຮ່າໂນ້ຍ, ຜູ້ທີ່ມີຄຸນງາມຄວາມດີທີ່ດີເດັ່ນ 350 ຄົນ ໄດ້ເຂົ້າຮ່ວມກອງປະຊຸມຍ້ອງຍໍຜູ້ທີ່ມີຄຸນງາມຄວາມດີຕໍ່ການປະຕິວັດທີ່ດີເດັ່ນໃນທົ່ວປະເທດປີ 2024 ແລະ ແນະນຳທະນາຄານແຢນ AND ນັກຮົບເສຍສະຫຼະຊີວິດເພື່ອຊາດ ແລະ ຍາດຕິພີ່ນ້ອງຂອງນັກຮົບເສຍສະຫຼະຊີວິດເພື່ອຊາດທີ່ບໍ່ທັນຢັ້ງຢືນຂໍ້ມູນໄດ້.

ນີ້ແມ່ນການເຄື່ອນໄຫວຈຸດສຸມໃນການສະເຫຼີມສະຫຼອງ 77 ປີແຫ່ງວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ (27 ກໍລະກົດ 1947 – 27 ກໍລະກົດ 2024). ບັນດາຜູ້ແທນເຂົ້າຮ່ວມກອງປະຊຸມແມ່ນຜູ້ທີ່ມີຄຸນງາມຄວາມດີຕໍ່ການປະຕິວັດຜ່ານໄລຍະຕ່າງໆ; ພະນັກງານຜູ້ອາວຸໂສ; ຜູ້ເຄື່ອນໄຫວປະຕິວັດ, ຕໍ່ສູ້, ປົກປັກຮັກສາປະເທດຊາດ, ປະຕິບັດພັນທະສາກົນຖືກສັດຕູຈັບຕົວກັກຂັງ; ຜູ້ຕາງໜ້າຍາດຕິພີ່ນ້ອງນັກຮົບເສຍສະຫຼະຊີວິດເພື່ອຊາດທີ່ມີການປະກອບສ່ວນຫຼາຍຢ່າງໃນພາລະກິດການປະຕິວັດ, ຕໍ່ສູ້, ປົກປັກຮັກສາ ແລະ ສ້າງສາປະເທດຊາດ.

ທ່ານ ເລືອງວັນອາທະຫານເສຍອົງຄະ ທີ່ມາຈາກແຂວງຊອັກຈັງສະແດງຄວາມຮູ້ສຶກວ່າ: ຂ້າພະເຈົ້າມີຄວາມເອກອ້າງທະນົງໃຈທີ່ສຸດທີ່ໄດ້ເຂົ້າຮ່ວມກອງປະຊຸມຜູ້ມີຄຸນງາມຄວາມດີຢູ່ຮ່າໂນ້ຍ. ຂ້າພະເຈົ້າເຫັນວ່າ, ພັກ-ລັດມີຄວາມເອົາໃຈໃສ່ດ້ານນະໂຍບາຍຢ່າງຮອບຄອບຖີ່ຖ້ວນຕໍ່ຄອບຄົວຜູ້ມີຄຸນງາມຄວາມດີ.