ພາສີປະຈຳແຂວງສະຫວັນນະເຂດໄດ້ຈັດພິທີປະກາດປະຕິບັດນະໂຍບາຍພະນັກງານ-ລັດຖະກອນ 8 ທ່ານ ພັກການຮັບອຸດໜູນບຳນານ ໄດ້ຈັດ ຂຶ້ນໃນວັນທີ 26 ກໍລະກົດນີ້, ທີ່ຫ້ອງປະຊຸມກົມກອງດັ່ງກ່າວ ໂດຍການເປັນປະທານຂອງທ່ານ ສົມຫວັງ ສົມຈິນດາ ຮອງຫົວໜ້າພາສີປະຈຳແຂວງ, ຊຶ່ງມີທ່ານ ພູຄຳ ອານົນທະວົງ ຮອງຫົວໜ້າພະແນກການເງິນແຂວງ, ການຈັດຕັ້ງກ່ຽວຂ້ອງ ພ້ອມດ້ວຍຄະນະນຳ ແລະພະນັກງານພາຍໃນພາສີປະຈຳແຂວງເຂົ້າຮ່ວມຢ່າງພ້ອມພຽງ.

ໃນພິທີ, ໄດ້ຜ່່ານຂໍ້ຕົກລົງຂອງລັດຖະມົນຕີກະຊວງການເງິນ ວ່າດ້ວຍການອະນຸມັດໃຫ້ພະນັກງານ-ລັດຖະກອນພັກການຮັບອຸດໜູນບຳນານ ຊຶ່ງໄດ້ອະນຸມັດໃຫ້ພະນັກງານຈຳນວນ 8 ທ່ານຄື: ທ່ານ ສີເມືອງ ສີຫາລາດ, ທ່ານ ຄຳຫວັນ ທ່ຽງຈັນໄຊ, ທ່ານ ອຸໄທ ແສນຍອດ, ທ່ານ ທອງເພັດ ຫຼວງວິຊາ, ທ່ານ ສີໃສ ເຄນວົງດາ, ທ່ານ ຈັນສະໝອນ ທຳມະວົງສິດ, ທ່ານ ນາງ ເພັດສະໝອນ ອິນສີຊຽງໃໝ່ ແລະທ່ານ ນາງ ລຳພອນ ສີໂນນະລາດ ທີ່ສັງກັດຢູ່ພາສີປະຈຳແຂວງສະຫວັນນະເຂດງວດ IIIເດືອນ 7-9 2024 .

ຈາກນັ້ນ, ທ່ານ ສົມຫວັງ ສົມຈິນດາ ກໍ່ໄດ້ຂຶ້ນມອບຂໍ້ຕົກລົງຂອງກະຊວງການເງິນ ພ້ອມດ້ວຍເງິນນະໂຍບາຍ ແລະຂອງຂວັນຈຳນວນໜຶ່ງໃຫ້ແກ່ບັນດາ8ທ່ານ.(ຂ່າວ:ສະຫວັນນະເຂດ)