ວິທະຍຸກະຈາຍສຽງຫວຽດນາມລາຍງານວ່າ: ຕາມໂຕເລກຫຼ້າສຸດຂອງກົມລົງທຶນຕ່າງປະເທດ (ກະຊວງແຜນການ ແລະ ການລົງທຶນ), 7 ເດືອນຜ່ານມາ ມີເງິນລົງທຶນໂດຍກົງຈາກຕ່າງປະເທດ (FDI) ໄດ້ຈົດທະບຽບເຂົ້າ ຫວຽດນາມເພີ່ມຂຶ້ນຫຼາຍກວ່າ 10% ເມື່ອທຽບໃສ່ໄລຍະດຽວກັນຂອງປີກາຍ. ໃນຂະນະນັ້ນ, ສຳລັບການປ່ອຍທຶນ FDI ກໍບັນລຸ 12,5 ຕື້ກວ່າໂດລາເພີ່ມຂຶ້ນ 8,4% ເມື່ອທຽບໃສ່ໄລຍະດຽວກັນ.
ຂ່າວລະບຸວ່າ: ກ່ຽວກັບຂົງເຂດລົງທຶນ, ຂະແໜງອຸດສາຫະກຳປຸງແຕ່ງ, ປະດິດສ້າງນຳໜ້າດ້ວຍຍອດເງິນລົງທຶນບັນລຸ 12,65 ຕື້ກວ່າໂດລາ. ຂະແໜງດຳເນີນທຸລະກິດອະສັງຫາລິມະຊັບຢືນອັນດັບທີ 2; ຖັດຈາກນັ້ນແມ່ນຂະແໜງ: ຂາຍສົ່ງ-ຂາຍຍ່ອຍ; ການເຄື່ອນໄຫວດ້ານວິຊາການ, ວິທະຍາສາດເຕັກໂນໂລຊີ ແລະ ຂະແໜງອື່ນໆ.
ກ່ຽວກັບຄູ່ຮ່ວມມືລົງທຶນ, ສິງກະໂປ ນຳໜ້າ, ກວມເອົາກວ່າ 1/4ຍອດເງິນລົງທຶນເຂົ້າ ຫວຽດນາມ. ຖັດມາແມ່ນ ຮົງກົງ (ຈີນ), ຍີ່ປຸ່ນ, ຈີນ, ສເກົາຫຼີ... ພິເສດ, ເປັນຄັ້ງທຳອິດກີກິດສະຖານ ໄດ້ຈົດທະບຽນລົງທຶນໃໝ່. ດັ່ງນັ້ນ, ປັດຈຸບັນນີ້ ມີ 147 ປະເທດ ແລະ ເຂດແຄ້ວນລົງທຶນເຂົ້າ ຫວຽດນາມ.
ໃນຂົງເຂດການລົງທຶນນັ້ນ, ບັກນິງ ແມ່ນແຂວງນຳໜ້າ ດ້ວຍຍອດເງິນລົງທຶນຈົດທະບຽນເກືອບ 3,3 ຕື້ໂດລາ. ຖັດຈາກນັ້ນແມ່ນ ກວາງນິງ, ນະຄອນ ໂຮ່ຈິມິນ; ບ່າເຣ້ຍ - ຫວູງເຕົາ; ຮ່າໂນ້ຍ, ຫາຍຟ່ອງ.