ປະທານປະເທດ ໄດ້ອອກລັດຖະບັນຍັດ ເລກທີ 003/ປປທ, ລົງວັນທີ 9 ຕຸລາ 2023 ວ່າດ້ວຍການປັບປຸງອັດຕາອາກອນຊົມໃຊ້ຂອງບາງປະເພດສິນຄ້າ ໂດຍເປົ້າໝາຍສຳຄັນ ກໍແມ່ນເພື່ອເປັນມາດຕະການຫຼຸດຜ່ອນການໄຫຼອອກຂອງເງິນຕາຕ່າງປະເທດ, ເພີ່ມທະວີການປະຢັດ, ຕ້ານການຟຸ່ມເຟືອຍ ແລະ ຮັບປະກັນການຈັດເກັບລາຍຮັບ ຈາກອາກອນຊົມໃຊ້ ເຂົ້າງົບປະມານແຫ່ງລັດໃຫ້ຖືກຕ້ອງ, ຄົບຖ້ວນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ.
ປະເພດສິນຄ້າທີ່ປັບປຸງອັດຕາອາກອນຊົມໃຊ້ ຕາມລັດຖະບັນຍັດສະບັບນີ້, ມີ 6 ປະເພດສິນຄ້າ ທີ່ໄດ້ກຳນົດໃນກົດໝາຍວ່າດ້ວຍການປັບປຸງບາງມາດຕາຂອງກົດໝາຍກ່ຽວກັບສ່ວຍສາອາກອນ ໃນໂຣແມັງ IV, ກົດໝາຍວ່າດ້ວຍອາກອນຊົມໃຊ້ ໃນມາດຕາ 15 ອັດຕາອາກອນຊົມໃຊ້ ຊຶ່ງໄດ້ມີການປັບປຸງດັ່ງນີ້:
1). ພາຫະນະ ທີ່ນໍາໃຊ້ນໍ້າມັນເຊື້ອໄຟ (ສະເພາະລົດຈິບ ແລະ ລົດເກັງ): ແຕ່ 1.000 ເຊເຊ ລົງມາ ແມ່ນປັບຈາກ 25% ມາເປັນ 31%; ເກີນ 1.000 ຫາ 1.600 ເຊເຊ ຈາກ 30% ມາເປັນ 41%; ເກີນ 1.600 ຫາ 2.000 ເຊເຊ ຈາກ 35% ມາເປັນ 56%; ເກີນ 2.000 ຫາ 2.500 ເຊເຊ ຈາກ 40% ມາເປັນ 66%; ເກີນ 2.500 ຫາ 3.000 ເຊເຊ ຈາກ 45% ມາເປັນ 82%; ເກີນ 3.000 ຫາ 4.000 ເຊເຊ ຈາກ 70% ມາເປັນ 127%; ເກີນ 4.000 ຫາ 5.000 ເຊເຊ ຈາກ 85% ມາເປັນ 200% ແລະ ພາຫະນະເກດີນ 5.000 ເຊເຊ ປັບຂຶ້ນຈາກ 90% ມາເປັນ 200%.
2). ເຫຼົ້າ ຫຼື ເຄື່ອງດື່ມທີ່ມີທາດເຫຼົ້າ ແມ່ນມີການກຳນົດເພີ່ມ ຄື: ຖ້າມີທາດເຫຼົ້າຕໍ່າກວ່າ 10% ລົງມາ ແມ່ນມີອັດຕາອາກອນຊົມໃຊ້ 72%; ຂະນະທີ່, ອັດຕາທີ່ປັບປຸງແມ່ນ ເຫຼົ້າ ແລະ ເຄື່ອງດື່ມທີ່ມີທາດເຫຼົ້າ ເກດີນ 23% ແມ່ນປັບຈາກ 70% ມາເປັນ 110% ແລະ ແຕ່ 23% ລົງມາຫາ 10% ແມ່ນປັບຈາກ 60% ມາເປັນ 90%.
3). ເບຍ ມີການປັບປຸງຈາກທີ່ອັດຕາອາກອນຊົມໃຊ້ແມ່ນ 50% ມາແບ່ງເປັນ 2 ປະເພດຄື: ເບຍທີ່ມີທາດເຫຼົ້າເກີນ 5% ຂຶ້ນໄປ ແມ່ນມີອັດຕາອາກອນຊົມໃຊ້ 70% ແລະ ເບຍທີ່ມີທາດເຫຼົ້າແຕ່ 0,5% ຫາ 5% ມີອັດຕາອາກອນຊົມໃຊ້ແມ່ນ 60%.
4). ປະເພດຢາສູບ: ຢາຊີກາ, ຢາສູບເປັນກອກ ຫຼື ເປັນຊອງ ແລະ ຢາສູບປະເພດອື່ນ ປັບຈາກ 50% ມາເປັນ 72% ແລະ ຢາເສັ້ນ 35% ມາເປັນ 47%.
5). ປະເພດເຄື່ອງດື່ມສຳເລັດຮູບ: ນໍ້າອັດລົມ, ນໍ້າໂຊດາ ແລະ ເຄື່ອງດື່ມຄ້າຍຄຽງ ປັບຈາກ 5% ມາເປັນ 12% ແລະ ເຄື່ອງດື່ມຊູກຳລັງ ປັບຈາກ 10% ມາເປັນ 17%.
6). ຕູ້ເກມຢອດຫຼຽນ, ເຄື່ອງຫຼິ້ນເກມທຸກຊະນິດ ແລະ ເຄື່ອງຫຼິ້ນເກມການພະນັນທຸກຊະນິດ ໂດຍໄດ້ຮັບອະນຸຍາດຢ່າງຖືກຕ້ອງ ແມ່ນມີການປັບປຸງ 35% ມາເປັນ 50%.
ລັດຖະບັນຍັດສະບັບດັ່ງກ່າວນີ້, ໄດ້ໃຫ້ລັດຖະບານແຫ່ງ ສປປ ລາວ ເປັນຜູ້ຈັດຕັ້ງປະຕິບັດ ແລະ ໄດ້ມີຜົນສັກສິດນັບແຕ່ວັນທີ່ປະທານປະເທດ ລົງລາຍເຊັນເປັນຕົ້ນໄປ ຊຶ່ງນັ້ນກໍໝາຍຄວາມວ່າ ການປັບປຸງອັດຕາອາກອນຊົມໃຊ້ 6 ປະເພດສິນຄ້າ ໄດ້ເລີ່ມນັບແຕ່ 9 ຕຸລານີ້ເປັນຕົ້ນໄປ.
(ຂ່າວ: ສຸກສະຫວັນ)
ປະເພດສິນຄ້າທີ່ປັບປຸງອັດຕາອາກອນຊົມໃຊ້ ຕາມລັດຖະບັນຍັດສະບັບນີ້, ມີ 6 ປະເພດສິນຄ້າ ທີ່ໄດ້ກຳນົດໃນກົດໝາຍວ່າດ້ວຍການປັບປຸງບາງມາດຕາຂອງກົດໝາຍກ່ຽວກັບສ່ວຍສາອາກອນ ໃນໂຣແມັງ IV, ກົດໝາຍວ່າດ້ວຍອາກອນຊົມໃຊ້ ໃນມາດຕາ 15 ອັດຕາອາກອນຊົມໃຊ້ ຊຶ່ງໄດ້ມີການປັບປຸງດັ່ງນີ້:
1). ພາຫະນະ ທີ່ນໍາໃຊ້ນໍ້າມັນເຊື້ອໄຟ (ສະເພາະລົດຈິບ ແລະ ລົດເກັງ): ແຕ່ 1.000 ເຊເຊ ລົງມາ ແມ່ນປັບຈາກ 25% ມາເປັນ 31%; ເກີນ 1.000 ຫາ 1.600 ເຊເຊ ຈາກ 30% ມາເປັນ 41%; ເກີນ 1.600 ຫາ 2.000 ເຊເຊ ຈາກ 35% ມາເປັນ 56%; ເກີນ 2.000 ຫາ 2.500 ເຊເຊ ຈາກ 40% ມາເປັນ 66%; ເກີນ 2.500 ຫາ 3.000 ເຊເຊ ຈາກ 45% ມາເປັນ 82%; ເກີນ 3.000 ຫາ 4.000 ເຊເຊ ຈາກ 70% ມາເປັນ 127%; ເກີນ 4.000 ຫາ 5.000 ເຊເຊ ຈາກ 85% ມາເປັນ 200% ແລະ ພາຫະນະເກດີນ 5.000 ເຊເຊ ປັບຂຶ້ນຈາກ 90% ມາເປັນ 200%.
2). ເຫຼົ້າ ຫຼື ເຄື່ອງດື່ມທີ່ມີທາດເຫຼົ້າ ແມ່ນມີການກຳນົດເພີ່ມ ຄື: ຖ້າມີທາດເຫຼົ້າຕໍ່າກວ່າ 10% ລົງມາ ແມ່ນມີອັດຕາອາກອນຊົມໃຊ້ 72%; ຂະນະທີ່, ອັດຕາທີ່ປັບປຸງແມ່ນ ເຫຼົ້າ ແລະ ເຄື່ອງດື່ມທີ່ມີທາດເຫຼົ້າ ເກດີນ 23% ແມ່ນປັບຈາກ 70% ມາເປັນ 110% ແລະ ແຕ່ 23% ລົງມາຫາ 10% ແມ່ນປັບຈາກ 60% ມາເປັນ 90%.
3). ເບຍ ມີການປັບປຸງຈາກທີ່ອັດຕາອາກອນຊົມໃຊ້ແມ່ນ 50% ມາແບ່ງເປັນ 2 ປະເພດຄື: ເບຍທີ່ມີທາດເຫຼົ້າເກີນ 5% ຂຶ້ນໄປ ແມ່ນມີອັດຕາອາກອນຊົມໃຊ້ 70% ແລະ ເບຍທີ່ມີທາດເຫຼົ້າແຕ່ 0,5% ຫາ 5% ມີອັດຕາອາກອນຊົມໃຊ້ແມ່ນ 60%.
4). ປະເພດຢາສູບ: ຢາຊີກາ, ຢາສູບເປັນກອກ ຫຼື ເປັນຊອງ ແລະ ຢາສູບປະເພດອື່ນ ປັບຈາກ 50% ມາເປັນ 72% ແລະ ຢາເສັ້ນ 35% ມາເປັນ 47%.
5). ປະເພດເຄື່ອງດື່ມສຳເລັດຮູບ: ນໍ້າອັດລົມ, ນໍ້າໂຊດາ ແລະ ເຄື່ອງດື່ມຄ້າຍຄຽງ ປັບຈາກ 5% ມາເປັນ 12% ແລະ ເຄື່ອງດື່ມຊູກຳລັງ ປັບຈາກ 10% ມາເປັນ 17%.
6). ຕູ້ເກມຢອດຫຼຽນ, ເຄື່ອງຫຼິ້ນເກມທຸກຊະນິດ ແລະ ເຄື່ອງຫຼິ້ນເກມການພະນັນທຸກຊະນິດ ໂດຍໄດ້ຮັບອະນຸຍາດຢ່າງຖືກຕ້ອງ ແມ່ນມີການປັບປຸງ 35% ມາເປັນ 50%.
ລັດຖະບັນຍັດສະບັບດັ່ງກ່າວນີ້, ໄດ້ໃຫ້ລັດຖະບານແຫ່ງ ສປປ ລາວ ເປັນຜູ້ຈັດຕັ້ງປະຕິບັດ ແລະ ໄດ້ມີຜົນສັກສິດນັບແຕ່ວັນທີ່ປະທານປະເທດ ລົງລາຍເຊັນເປັນຕົ້ນໄປ ຊຶ່ງນັ້ນກໍໝາຍຄວາມວ່າ ການປັບປຸງອັດຕາອາກອນຊົມໃຊ້ 6 ປະເພດສິນຄ້າ ໄດ້ເລີ່ມນັບແຕ່ 9 ຕຸລານີ້ເປັນຕົ້ນໄປ.
(ຂ່າວ: ສຸກສະຫວັນ)
