ໂດຍ: ບຸນຕອມ
ທ່ານ ເຫຼັກໄຫຼ ສີວິໄລ ກຳມະການສູນກາງພັກ ເລຂາພັກແຂວງ ເຈົ້າແຂວງເຊກອງ ໄດ້ລາຍງານໃຫ້ຮູ້ວ່າ:
ສຳລັບການພັດທະນາເສດຖະກິດຂອງແຂວງ,ເຖິງແມ່ນວ່າຈະປະເຊີນກັບຄວາມຫຍຸ້ງຍາກອັນໜັກໜ່ວງດ້ານການເງິນ-ເງິນຕາ ແລະ ລາຄານ້ຳມັນ, ລາຄາສິນຄ້າແພງ,ຄະນະພັກແຂວງພວກເຮົາກໍສາມາດຢັບຢັ້ງການເກີດວິກິດການຮ້າຍແຮງດ້ານເສດຖະກິດ, ທັງສາມາດຮັກສາການເຕີບໂຕດ້ານເສດຖະກິດ ໂດຍສະເລ່ຍ ຄື: ປີ 2023 ບັນລຸ 5,5%, ສະເລ່ຍ 3 ປີ ບັນລຸໄດ້ 4,2%,ລາຍຮັບສະເລ່ຍຕໍ່ຫົວຄົນບັນລຸ 917 ໂດລາ ໃນ 6 ເດືອນຕົ້ນປີ 2024 ບັນລຸ 6%.
ການສ້າງຖານການຜະລິດ ເພື່ອທົດແທນການນໍາເຂົ້າ ແມ່ນໄດ້ເກີດມີໜໍ່ແໜ່ງ ຄື: ແຂວງສາມາດກຸ້ມຕົນເອງ ດ້ານໄຂ່, ຊີ້ນໝູ, ງົວ-ຄວາຍ ແລະ ພືດຜັກຈຳນວນໜຶ່ງ.ການເກັບລາຍຮັບເຂົ້າງົບປະມານ ບັນລຸໄດ້ 234,30 ຕື້ກີບ,ການນໍາເຂົ້າສິນຄ້າປະຕິບັດໄດ້ທັງໝົດ 1,14 ລ້ານໂດລາ, ການສົ່ງອອກສິນຄ້າບັນລຸໄດ້ 86,53 ລ້ານໂດລາ, ເຮັດໃຫ້ເກີນດຸ່ນການຄ້າ ປະມານ 85,39 ລ້ານໂດລາ, ການສົ່ງອອກສ່ວນຫຼາຍແມ່ນກະແສໄຟຟ້າ, ຖ່ານຫີນ ແລະ ຜົນຜະລິດກະສິກໍາ ເຊັ່ນ: ມັນຕົ້ນແຫ້ງ, ແປ້ງມັນຕົ້ນ, ກາເຟ, ພືດຜັກ ແລະ ສັດໃຫຍ່ຈໍານວນໜຶ່ງ.ສະພາບການລົງທຶນລວມ: ໃນ 6 ເດືອນຕົ້ນປີ 2024 ໄດ້ທັງໝົດ 320,26 ຕື້ກີບ, ໃນນັ້ນ: ການລົງທຶນຈາກງົບປະມານລັດໂດຍກົງ 63,30 ຕື້ກີບ, ທຶນຊ່ວຍເຫຼືອ ແລະ ກູ້ຢືມ 117,48 ຕື້ກີບ ຫຼື 5 ລ້ານໂດລາ, ການລົງທຶນຂອງພາກເອກະຊົນພາຍໃນ ແລະ ຕ່າງປະເທດ(ລົງທຶນໃໝ່) 6,34 ລ້ານໂດລາ ຫຼື ເທົ່າກັບ 139,48 ຕື້ກີບ,ອັນພົ້ນເດັ່ນໂຄງການລົງທຶນຂອງພາກເອກະຊົນພາຍໃນ ແລະ ຕ່າງປະເທດ 2 ໂຄງການໃຫຍ່ ເປັນຕົ້ນ: ໂຄງການພັດທະນາໄຟຟ້າພະລັງງານລົມ(ມູນຊູນວິນ) 600 MW ໄດ້ປະຕິບັດໂຄງການສໍາເລັດ ໂດຍລວມ 70%, ປະກອບສ່ວນສ້າງວຽກເຮັດງານທຳໃຫ້ຄົນລາວກໍຄືຄົນທ້ອງຖິ່ນໄດ້ 2.000 ກ່ວາຄົນ. ໂຄງການຂຸດຄົ້ນປຸງແຕ່ງແຮ່ຖ່ານຫີນເພື່ອສົ່ງອອກ ແລະ ສ້າງຕັ້ງໂຮງງານໄຟຟ້າຄວາມຮ້ອນຖ່ານຫີນຂອງບໍລິສັດພະລັງງານໄຟຟ້າເຊກອງຈຳກັດ(ກຸ່ມບໍລິສັດພອນສັກ)ນອກຈາກການຂຸດຄົ້ນປຸງແຕ່ງຖ່ານຫີນສົ່ງອອກສ້າງລາຍຮັບໃຫ້ລັດແລ້ວ ຍັງໄດ້ປະກອບສ່ວນສ້າງວຽກເຮັດງານທຳໃຫ້ປະຊາຊົນໄດ້ເຖີງ 3.000 ກ່ວາຄົນສັງລວມແລ້ວ, ທັງສອງບໍລິສັດ ໄດ້ປະກອບສ່ວນສໍາຄັນ ເຂົ້າໃນການພັດທະນາ ເສດຖະກິດ-ສັງຄົມ ຂອງແຂວງ ທັງເປັນກຳລັງດັນຊຸກຍູ້ເສດຖະກິດ ຂອງແຂວງຂະຫຍາຍຕົວໄປຕາມທິດ ທີ່ໄດ້ກຳນົດໄວ້.ບັັນດາອົງການບໍລິຫານລັດທຸກຂັ້ນ ໄດ້ຮັບການປັບປຸງ ໄປຕາມທິດກະທັດຮັດ, ສົມເຫດສົມຜົນ, ຫຼຸດຜ່ອນຂັ້ນຂອດ, ສິ່ງກີດຂວາງ ທີ່ອັດຕັນ, ຫຍຸ້ງເຍີງ ໃນການພັດທະນາເສດຖະກິດ-ສັງຄົມ, ການບໍລິການຮັບໃຊ້ປະຊາຊົນ ຫຼຸດລົງເທື່ອລະກ້າວ, ຖ້າທຽບໃສ່ເມື່ອກ່ອນ ແມ່ນດີຂຶ້ນກວ່າເກົ່າ.
ການພົວພັນຮ່ວມມືກັບບັນດາປະເທດເພື່ອນມິດຍຸດທະສາດ ສສ ຫວຽດນາມ ຂະຫຍາຍຕົວສູ່ລະດັບສູງອັນໃໝ່. ພ້ອມນັ້ນ ຍັງສືບຕໍ່ເປີດກວ້າງການຮ່ວມມືສາກົນຫຼາກຫຼາຍຮູບແບບ ແລະ ຫຼາຍລະດັບ ບົນພື້ນຖານຢຶດໝັ້ນແນວທາງການຕ່າງປະເທດ ສັນຕິພາບ, ເອກະລາດ, ມິດຕະພາບ ແລະ ການຮ່ວມມື, ປະກອບສ່ວນສໍາຄັນເຂົ້າໃນການ ປົກປັກຮັກສາສັນຕິພາບ, ການຮ່ວມມືພັດທະນາ ຢູ່ໃນພາກພື້ນ ກໍຄືກັບບັນດາແຂວງພາກກາງ ສສ ຫວຽດນາມ. ສໍາລັບການລາຍງານຕົວແບບດ້ານການຜະລິດ, ການຄຸ້ມຄອງບໍລິຫານ, ການກໍ່ສ້າງຮາກຖານການເມືອງ ແມ່ນກຳບລັງສຸມໃສ່ໃຫ້ພາກສ່ວນດັ່ງກ່າວ ກະກຽມດ້ານເນື້ອໃນ ເພື່ອຄັດເລືອກ ແລະ ໄປປະກອບຄຳເຫັນຕໍ່ກອງປະຊຸມໃຫຍ່ອົງຄະນະພັກເມືອງ, ຫຼັງຈາກນັ້ນ ຈະໄດ້ຄັດເລືອກມາປະກອບຄຳເຫັນຢູ່ກອງປະຊຸມໃຫຍ່ຄັ້ງທີ XI ອົງຄະນະພັກແຂວງເຊກອງ, ແລ້ວຈຶ່ງຈະໄດ້ສົ່ງໄປປະກອບຄໍາເຫັນໃນກອງປະຊຸມໃຫຍ່ຄັ້ງທີ XII ຂອງພັກ.
ທ່ານ ເຫຼັກໄຫຼ ສີວິໄລ ກຳມະການສູນກາງພັກ ເລຂາພັກແຂວງ ເຈົ້າແຂວງເຊກອງ ໄດ້ລາຍງານໃຫ້ຮູ້ວ່າ:
ສຳລັບການພັດທະນາເສດຖະກິດຂອງແຂວງ,ເຖິງແມ່ນວ່າຈະປະເຊີນກັບຄວາມຫຍຸ້ງຍາກອັນໜັກໜ່ວງດ້ານການເງິນ-ເງິນຕາ ແລະ ລາຄານ້ຳມັນ, ລາຄາສິນຄ້າແພງ,ຄະນະພັກແຂວງພວກເຮົາກໍສາມາດຢັບຢັ້ງການເກີດວິກິດການຮ້າຍແຮງດ້ານເສດຖະກິດ, ທັງສາມາດຮັກສາການເຕີບໂຕດ້ານເສດຖະກິດ ໂດຍສະເລ່ຍ ຄື: ປີ 2023 ບັນລຸ 5,5%, ສະເລ່ຍ 3 ປີ ບັນລຸໄດ້ 4,2%,ລາຍຮັບສະເລ່ຍຕໍ່ຫົວຄົນບັນລຸ 917 ໂດລາ ໃນ 6 ເດືອນຕົ້ນປີ 2024 ບັນລຸ 6%.
ການສ້າງຖານການຜະລິດ ເພື່ອທົດແທນການນໍາເຂົ້າ ແມ່ນໄດ້ເກີດມີໜໍ່ແໜ່ງ ຄື: ແຂວງສາມາດກຸ້ມຕົນເອງ ດ້ານໄຂ່, ຊີ້ນໝູ, ງົວ-ຄວາຍ ແລະ ພືດຜັກຈຳນວນໜຶ່ງ.ການເກັບລາຍຮັບເຂົ້າງົບປະມານ ບັນລຸໄດ້ 234,30 ຕື້ກີບ,ການນໍາເຂົ້າສິນຄ້າປະຕິບັດໄດ້ທັງໝົດ 1,14 ລ້ານໂດລາ, ການສົ່ງອອກສິນຄ້າບັນລຸໄດ້ 86,53 ລ້ານໂດລາ, ເຮັດໃຫ້ເກີນດຸ່ນການຄ້າ ປະມານ 85,39 ລ້ານໂດລາ, ການສົ່ງອອກສ່ວນຫຼາຍແມ່ນກະແສໄຟຟ້າ, ຖ່ານຫີນ ແລະ ຜົນຜະລິດກະສິກໍາ ເຊັ່ນ: ມັນຕົ້ນແຫ້ງ, ແປ້ງມັນຕົ້ນ, ກາເຟ, ພືດຜັກ ແລະ ສັດໃຫຍ່ຈໍານວນໜຶ່ງ.ສະພາບການລົງທຶນລວມ: ໃນ 6 ເດືອນຕົ້ນປີ 2024 ໄດ້ທັງໝົດ 320,26 ຕື້ກີບ, ໃນນັ້ນ: ການລົງທຶນຈາກງົບປະມານລັດໂດຍກົງ 63,30 ຕື້ກີບ, ທຶນຊ່ວຍເຫຼືອ ແລະ ກູ້ຢືມ 117,48 ຕື້ກີບ ຫຼື 5 ລ້ານໂດລາ, ການລົງທຶນຂອງພາກເອກະຊົນພາຍໃນ ແລະ ຕ່າງປະເທດ(ລົງທຶນໃໝ່) 6,34 ລ້ານໂດລາ ຫຼື ເທົ່າກັບ 139,48 ຕື້ກີບ,ອັນພົ້ນເດັ່ນໂຄງການລົງທຶນຂອງພາກເອກະຊົນພາຍໃນ ແລະ ຕ່າງປະເທດ 2 ໂຄງການໃຫຍ່ ເປັນຕົ້ນ: ໂຄງການພັດທະນາໄຟຟ້າພະລັງງານລົມ(ມູນຊູນວິນ) 600 MW ໄດ້ປະຕິບັດໂຄງການສໍາເລັດ ໂດຍລວມ 70%, ປະກອບສ່ວນສ້າງວຽກເຮັດງານທຳໃຫ້ຄົນລາວກໍຄືຄົນທ້ອງຖິ່ນໄດ້ 2.000 ກ່ວາຄົນ. ໂຄງການຂຸດຄົ້ນປຸງແຕ່ງແຮ່ຖ່ານຫີນເພື່ອສົ່ງອອກ ແລະ ສ້າງຕັ້ງໂຮງງານໄຟຟ້າຄວາມຮ້ອນຖ່ານຫີນຂອງບໍລິສັດພະລັງງານໄຟຟ້າເຊກອງຈຳກັດ(ກຸ່ມບໍລິສັດພອນສັກ)ນອກຈາກການຂຸດຄົ້ນປຸງແຕ່ງຖ່ານຫີນສົ່ງອອກສ້າງລາຍຮັບໃຫ້ລັດແລ້ວ ຍັງໄດ້ປະກອບສ່ວນສ້າງວຽກເຮັດງານທຳໃຫ້ປະຊາຊົນໄດ້ເຖີງ 3.000 ກ່ວາຄົນສັງລວມແລ້ວ, ທັງສອງບໍລິສັດ ໄດ້ປະກອບສ່ວນສໍາຄັນ ເຂົ້າໃນການພັດທະນາ ເສດຖະກິດ-ສັງຄົມ ຂອງແຂວງ ທັງເປັນກຳລັງດັນຊຸກຍູ້ເສດຖະກິດ ຂອງແຂວງຂະຫຍາຍຕົວໄປຕາມທິດ ທີ່ໄດ້ກຳນົດໄວ້.ບັັນດາອົງການບໍລິຫານລັດທຸກຂັ້ນ ໄດ້ຮັບການປັບປຸງ ໄປຕາມທິດກະທັດຮັດ, ສົມເຫດສົມຜົນ, ຫຼຸດຜ່ອນຂັ້ນຂອດ, ສິ່ງກີດຂວາງ ທີ່ອັດຕັນ, ຫຍຸ້ງເຍີງ ໃນການພັດທະນາເສດຖະກິດ-ສັງຄົມ, ການບໍລິການຮັບໃຊ້ປະຊາຊົນ ຫຼຸດລົງເທື່ອລະກ້າວ, ຖ້າທຽບໃສ່ເມື່ອກ່ອນ ແມ່ນດີຂຶ້ນກວ່າເກົ່າ.
ການພົວພັນຮ່ວມມືກັບບັນດາປະເທດເພື່ອນມິດຍຸດທະສາດ ສສ ຫວຽດນາມ ຂະຫຍາຍຕົວສູ່ລະດັບສູງອັນໃໝ່. ພ້ອມນັ້ນ ຍັງສືບຕໍ່ເປີດກວ້າງການຮ່ວມມືສາກົນຫຼາກຫຼາຍຮູບແບບ ແລະ ຫຼາຍລະດັບ ບົນພື້ນຖານຢຶດໝັ້ນແນວທາງການຕ່າງປະເທດ ສັນຕິພາບ, ເອກະລາດ, ມິດຕະພາບ ແລະ ການຮ່ວມມື, ປະກອບສ່ວນສໍາຄັນເຂົ້າໃນການ ປົກປັກຮັກສາສັນຕິພາບ, ການຮ່ວມມືພັດທະນາ ຢູ່ໃນພາກພື້ນ ກໍຄືກັບບັນດາແຂວງພາກກາງ ສສ ຫວຽດນາມ. ສໍາລັບການລາຍງານຕົວແບບດ້ານການຜະລິດ, ການຄຸ້ມຄອງບໍລິຫານ, ການກໍ່ສ້າງຮາກຖານການເມືອງ ແມ່ນກຳບລັງສຸມໃສ່ໃຫ້ພາກສ່ວນດັ່ງກ່າວ ກະກຽມດ້ານເນື້ອໃນ ເພື່ອຄັດເລືອກ ແລະ ໄປປະກອບຄຳເຫັນຕໍ່ກອງປະຊຸມໃຫຍ່ອົງຄະນະພັກເມືອງ, ຫຼັງຈາກນັ້ນ ຈະໄດ້ຄັດເລືອກມາປະກອບຄຳເຫັນຢູ່ກອງປະຊຸມໃຫຍ່ຄັ້ງທີ XI ອົງຄະນະພັກແຂວງເຊກອງ, ແລ້ວຈຶ່ງຈະໄດ້ສົ່ງໄປປະກອບຄໍາເຫັນໃນກອງປະຊຸມໃຫຍ່ຄັ້ງທີ XII ຂອງພັກ.
