ກອງປະຊຸມຄະນະຊີ້ນໍາຂັ້ນແຂວງຄັ້ງທີI ຂອງການສໍາຫຼວດພົນລະເມືອງແລະທີ່ຢູ່ອາໄສທົ່ວປະເທດຄັ້ງທີV ປີ 2025 ໄດ້ຈັດຂຶ້ນໃນຕອນເຊົ້າຂອງວັນທີ 29 ກໍລະກົດນີ້, ທີ່ຫ້ອງປະຊຸມຫ້ອງວ່າການແຂວງໄຊຍະບູລີໂດຍການເປັນປະທານຂອງທ່ານພົງສະຫວັນສິດທະວົງກໍາມະການສູນກາງພັກເລຂາພັກແຂວງເຈົ້າແຂວງໄຊຍະບູລີທັງເປັນຫົວໜ້າຄະນະຊີ້ນໍາການສໍາຫຼວດພົນລະເມືອງທີ່ຢູ່ອາໄສຂັ້ນແຂວງ, ມີບັນດາຄະນະຊີ້ນໍາຂັ້ນແຂວງ, ຫົວໜ້າຄະນະຊີ້ນໍາຂັ້ນເມືອງ, ຫົວໜ້າຫ້ອງການສໍາຫຼວດຂັ້ນເມືອງ 11 ເມືອງພ້ອມດ້ວຍພະນັກງານຫຼັກແຫຼ່ງແລະວິຊາການພະແນກແຜນການແລະການລົງທຶນແຂວງເຂົ້າຮ່ວມ.
ທ່ານພົງສະຫວັນສິດທະວົງເຈົ້າແຂວງໄຊຍະບູລີຫົວໜ້າຄະນະຊີ້ນໍາຂັ້ນແຂວງໄດ້ກ່າວເປີດກອງປະຊຸມຊຶ່ງທ່ານໄດ້ກ່າວວ່າ: ການສໍາຫຼວດຄັ້ງນີ້ແມ່ນການສໍາຫຼວດໃຫຍ່ລະດັບຊາດທີ່ມີຄວາມໝາຍ, ຄວາມສໍາຄັນທີ່ສຸດເພາະເປັນການເກັບກຳແລະຈົດນັບພົນລະເມືອງເພື່ອຕິດຕາມສະພາບການຂະຫຍາຍຕົວແລະປັດໄຈທີ່ສົ່ງຜົນກະທົບຕໍ່ກັບການຂະຫຍາຍຕົວຂອງພົນລະເມືອງໃນທຸກໆ 10 ປີ. ສະນັ້ນ, ເພື່ອເປັນການກະກຽມຄວາມພ້ອມແລະວາງແຜນຮ່ວມກັນໃນການຈັດຕັ້ງປະຕິບັດວຽກງານດັ່ງກ່າວ. ພວກເຮົາຈຶ່ງໄດ້ເຊີນເອົາບັນດາທ່ານຫົວໜ້າຄະນະຊີ້ນໍາຂັ້ນເມືອງພ້ອມດ້ວຍຫົວໜ້າຫ້ອງການສໍາຫຼວດພົນລະເມືອງຂັ້ນເມືອງທັງໝົດເຂົ້າຮ່ວມກອງປະຊຸມໃນຄັ້ງນີ້. ແນໃສ່ເຮັດໃຫ້ມີຄວາມຮັບຮູ້ແລະເຂົ້າໃຈແຈ້ງຕໍ່ກັບເປົ້າໝາຍ, ວິທີການແລະຈັດວາງວຽກຕ່າງໆໃນແຕ່ລະໄລຍະແຕ່ນີ້ຫາມື້ສໍາຫຼວດໃຫຍ່ໃຫ້ຖືກຕ້ອງສອດຄ່ອງກັບແຜນດໍາເນີນງານກອງປະຊຸມໃຫຍ່ 3 ຂັ້ນຂອງອົງຄະນະພັກແຂວງທີ່ກໍານົດໄວ້ໃນແຕ່ລະໄລຍະ, ໄປຄຽງຄູ່ກັບການດໍາເນີນການກະກຽມແລະການສໍາຫຼວດພົນລະເມືອງແລະທີ່ຢູ່ອາໄສໃນຄັ້ງນີ້ໃຫ້ໄດ້ຮັບຜົນສໍາເລັດສູງ. ການສຳຫຼວດພົນລະເມືອງຄັ້ງນີ້ແມ່ນຈະໄດ້ກໍານົດເອົາຄົວເຮືອນເປັນຫົວໜ່ວຍພື້ນຖານຂອງການສຳຫຼວດໂດຍນຳໃຊ້ວິທີການຈົດນັບສະມາຊິກຂອງຄົວເຮືອນແລະທຸກຄົນທີ່ອາໄສຢູ່ເປັນປະຈຳໃນສປປລາວກວມເອົາພົນລະເມືອງສັນຊາດລາວ, ຄົນຕ່າງປະເທດ, ຄົນຕ່າງດ້າວແລະຄົນບໍ່ມີສັນຊາດ. ການສໍາຫຼວດຄັ້ງນີ້ຍັງກວມເອົາທຸກຄົນທີ່ເຄື່ອນໄຫວວຽກງານແລະສຶກສາຢູ່ຕ່າງປະເທດ, ກອງກຳລັງປ້ອງກັນຊາດ, ກອງກຳລັງປ້ອງກັນຄວາມສະຫງົບແລະຄົນທີ່ບໍ່ມີທີ່ພັກອາໄສ. ວິທິການສຳຫຼວດພົນລະເມືອງແລະທີ່ຢູ່ອາໄສໃນຄັ້ງນີ້ແມ່ນຕ້ອງໄດ້ສຳພາດໂດຍກົງນຳຫົວໜ້າຄົວເຮືອນຫຼືສະມາຊິກທີ່ມີອາຍຸ 15 ປີຂຶ້ນໄປທີ່ສາມາດສະໜອງຂໍ້ມູນຄົວເຮືອນຂອງຕົນ. ສໍາລັບເອກະສານແລະອຸປະກອນການສໍາຫຼວດແມ່ນຈະນຳໃຊ້ລະບົບການເກັບກຳຂໍ້ມູນດ້ວຍອຸປະກອນເອເລັກໂຕຣນິກແທັບເລັດ (Tablets) ເພື່ອເກັບກຳຂໍ້ມູນໂດຍຜ່ານລະບົບໂປຣແກຣມກາປີ (CAPI). ກຳນົດໝາຍຂອງການສຳຫຼວດແມ່ນການກຳນົດເອົາວັນທີ 1 ມີນາ 2025 ເປັນເອກະພາບກັນໃນທົ່ວປະເທດ. ໄລຍະເວລາການເກັບກຳຂໍ້ມູນຕົວຈິງແມ່ນ 21 ວັນນັບແຕ່ວັນທີ່ 1-21 ມີນາ 2025. ໂດຍອີງໃສ່ສະພາບພື້ນທີ່ຕົວຈິງຂອງເຂດສຳຫຼວດຖ້າເປັນເຂດຫ່າງໄກສອກຫຼີກ, ເຂດທຸລະກັນດານຫຼືເຂດທີ່ມີສະພາບການບໍ່ປົກກະຕິອາດຈະໄດ້ມີການສຳຫຼວດກ່ອນເວລາທີ່ໄດ້ກຳນົດໄວ້ເລັກນ້ອຍແຕ່ຕ້ອງສໍາເລັດກ່ອນວັນທີ 21 ມີນາ 2025. ຈາກນັ້ນທ່ານສອນສະຫວັນຈັນທະວົງຮອງຫົວໜ້າພະແນກແຜນການແລະການລົງທຶນຜູ້ຊີ້ນໍາວຽກງານສະຖິຕິໄດ້ຂຶ້ນຜ່ານຂໍ້ຕົກລົງເລກທີ 787/ຈຂ.ຊຍ, ລົງວັນທີ 23 ພຶດສະພາ 2024 ວ່າດ້ວຍການແຕ່ງຕັ້ງຄະນະຊີ້ນໍາຂັ້ນແຂວງແລະຄະນະຊີ້ນໍາຂັ້ນເມືອງການສໍາຫຼວດພົນລະເມືອງແລະທີ່ຢູ່ອາໄສທົ່ວແຂວງໄຊຍະບູລີຄັ້ງທີV ປີ 2025 ໂດຍແມ່ນທ່ານເຈົ້າແຂວງເປັນຫົວໜ້າຄະນະຊີ້ນໍາຂັ້ນແຂວງແລະບັນດາເມືອງແມ່ນເຈົ້າເມືອງເປັນຫົວໜ້າຄະນະຊີ້ນໍາຂັ້ນເມືອງ, ຜ່ານຂໍ້ຕົກລົງເລກທີ 788/ຈຂ.ຊຍ, ລົງວັນທີ 23 ພຶດສະພາ 2024 ວ່າດ້ວຍການແບ່ງຄວາມຮັບຜິດຊອບຂອງຄະນະຊີ້ນໍາຂັ້ນແຂວງໃນການສໍາຫຼວດພົນລະເມືອງແລະທີ່ຢູ່ອາໄສປີ 2025 ແລະຜ່ານຂໍ້ຕົກລົງເລກທີ 789/ຈຂ.ຊຍ, ລົງວັນທີ 23 ພຶດສະພາ 2024 ວ່າດ້ວຍການແຕ່ງຕັ້ງຄະນະຫ້ອງການສໍາຫຼວດພົນລະເມືອງແລະທີ່ຢູ່ອາໄສຄັ້ງທີV ປີ 2025 ແຂວງໄຊຍະບູລີໂດຍເຈົ້າແຂວງໄຊຍະບູລີແຕ່ງຕັ້ງທ່ານສອນສະຫວັນຈັນທະວົງຮອງຫົວໜ້າພະແນກແຜນການແລະການລົງທຶນແຂວງຜູ້ຊີ້ນໍາວຽກງານສະຖິຕິເປັນຫົວໜ້າຫ້ອງການຮັບຜິດຊອບຊີ້ນໍາລວມພ້ອມແຕ່ງຕັ້ງຮອງແລະຄະນະຄົບຊຸດພ້ອມນີ້ກໍໄດ້ແບ່ງຄວາມຮັບຜິດຊອບ, ໜ້າທີ່ແຕ່ລະທ່ານໃນຫ້ອງການສໍາຫຼວດພົນລະເມືອງທີ່ຢູ່ອາໄສປີ 2025. ຕອນທ້າຍປະທານກອງປະຊຸມໄດ້ມີຄໍາເຫັນເຈາະຈີ້ມແລະບັນດາຜູ້ເຂົ້າຮ່ວມໄດ້ພ້ອມກັນປະກອບຄວາມຄິດຄວາມເຫັນຢ່າງກົງໄປກົງມາເພື່ອໃຫ້ເປັນເອກະພາບກັນສິ່ງສໍາຄັນເມື່ອສໍາເລັດກອງປະຊຸມຄັ້ງນີ້ຄະນະຊີ້ນໍາຂັ້ນແຂວງຂັ້ນເມືອງຕ້ອງໄດ້ສ້າງແຜນລົງໂຄສະນາເຜີຍແຜ່ໃຫ້ຮາກຖານບ້ານແລະປະຊາຊົນເຂົ້າໃຈເຖິງຄວາມສໍາຄັນໃນບັ້ນສໍາຫຼວດພົນລະເມືອງທີ່ຢູ່ອາໄສຄັ້ງທີV ປີ 2025 ທຸກຄົນເປັນພົນລະເມືອງລາວຕ້ອງມີສ່ວນຮ່ວມທັງຮັບປະກັນເຮັດໃຫ້ການສໍາຫຼວດພົນລະເມືອງທີ່ຢູ່ອາໄສຄັງທີV ປີ 2025 ມີຄວາມວ່ອງໄວ, ຖືກຕ້ອງ, ຊັດເຈນແລະມີຄວາມປອດໄພ. (ຂ່າວ: ບຸນທີ)
ທ່ານພົງສະຫວັນສິດທະວົງເຈົ້າແຂວງໄຊຍະບູລີຫົວໜ້າຄະນະຊີ້ນໍາຂັ້ນແຂວງໄດ້ກ່າວເປີດກອງປະຊຸມຊຶ່ງທ່ານໄດ້ກ່າວວ່າ: ການສໍາຫຼວດຄັ້ງນີ້ແມ່ນການສໍາຫຼວດໃຫຍ່ລະດັບຊາດທີ່ມີຄວາມໝາຍ, ຄວາມສໍາຄັນທີ່ສຸດເພາະເປັນການເກັບກຳແລະຈົດນັບພົນລະເມືອງເພື່ອຕິດຕາມສະພາບການຂະຫຍາຍຕົວແລະປັດໄຈທີ່ສົ່ງຜົນກະທົບຕໍ່ກັບການຂະຫຍາຍຕົວຂອງພົນລະເມືອງໃນທຸກໆ 10 ປີ. ສະນັ້ນ, ເພື່ອເປັນການກະກຽມຄວາມພ້ອມແລະວາງແຜນຮ່ວມກັນໃນການຈັດຕັ້ງປະຕິບັດວຽກງານດັ່ງກ່າວ. ພວກເຮົາຈຶ່ງໄດ້ເຊີນເອົາບັນດາທ່ານຫົວໜ້າຄະນະຊີ້ນໍາຂັ້ນເມືອງພ້ອມດ້ວຍຫົວໜ້າຫ້ອງການສໍາຫຼວດພົນລະເມືອງຂັ້ນເມືອງທັງໝົດເຂົ້າຮ່ວມກອງປະຊຸມໃນຄັ້ງນີ້. ແນໃສ່ເຮັດໃຫ້ມີຄວາມຮັບຮູ້ແລະເຂົ້າໃຈແຈ້ງຕໍ່ກັບເປົ້າໝາຍ, ວິທີການແລະຈັດວາງວຽກຕ່າງໆໃນແຕ່ລະໄລຍະແຕ່ນີ້ຫາມື້ສໍາຫຼວດໃຫຍ່ໃຫ້ຖືກຕ້ອງສອດຄ່ອງກັບແຜນດໍາເນີນງານກອງປະຊຸມໃຫຍ່ 3 ຂັ້ນຂອງອົງຄະນະພັກແຂວງທີ່ກໍານົດໄວ້ໃນແຕ່ລະໄລຍະ, ໄປຄຽງຄູ່ກັບການດໍາເນີນການກະກຽມແລະການສໍາຫຼວດພົນລະເມືອງແລະທີ່ຢູ່ອາໄສໃນຄັ້ງນີ້ໃຫ້ໄດ້ຮັບຜົນສໍາເລັດສູງ. ການສຳຫຼວດພົນລະເມືອງຄັ້ງນີ້ແມ່ນຈະໄດ້ກໍານົດເອົາຄົວເຮືອນເປັນຫົວໜ່ວຍພື້ນຖານຂອງການສຳຫຼວດໂດຍນຳໃຊ້ວິທີການຈົດນັບສະມາຊິກຂອງຄົວເຮືອນແລະທຸກຄົນທີ່ອາໄສຢູ່ເປັນປະຈຳໃນສປປລາວກວມເອົາພົນລະເມືອງສັນຊາດລາວ, ຄົນຕ່າງປະເທດ, ຄົນຕ່າງດ້າວແລະຄົນບໍ່ມີສັນຊາດ. ການສໍາຫຼວດຄັ້ງນີ້ຍັງກວມເອົາທຸກຄົນທີ່ເຄື່ອນໄຫວວຽກງານແລະສຶກສາຢູ່ຕ່າງປະເທດ, ກອງກຳລັງປ້ອງກັນຊາດ, ກອງກຳລັງປ້ອງກັນຄວາມສະຫງົບແລະຄົນທີ່ບໍ່ມີທີ່ພັກອາໄສ. ວິທິການສຳຫຼວດພົນລະເມືອງແລະທີ່ຢູ່ອາໄສໃນຄັ້ງນີ້ແມ່ນຕ້ອງໄດ້ສຳພາດໂດຍກົງນຳຫົວໜ້າຄົວເຮືອນຫຼືສະມາຊິກທີ່ມີອາຍຸ 15 ປີຂຶ້ນໄປທີ່ສາມາດສະໜອງຂໍ້ມູນຄົວເຮືອນຂອງຕົນ. ສໍາລັບເອກະສານແລະອຸປະກອນການສໍາຫຼວດແມ່ນຈະນຳໃຊ້ລະບົບການເກັບກຳຂໍ້ມູນດ້ວຍອຸປະກອນເອເລັກໂຕຣນິກແທັບເລັດ (Tablets) ເພື່ອເກັບກຳຂໍ້ມູນໂດຍຜ່ານລະບົບໂປຣແກຣມກາປີ (CAPI). ກຳນົດໝາຍຂອງການສຳຫຼວດແມ່ນການກຳນົດເອົາວັນທີ 1 ມີນາ 2025 ເປັນເອກະພາບກັນໃນທົ່ວປະເທດ. ໄລຍະເວລາການເກັບກຳຂໍ້ມູນຕົວຈິງແມ່ນ 21 ວັນນັບແຕ່ວັນທີ່ 1-21 ມີນາ 2025. ໂດຍອີງໃສ່ສະພາບພື້ນທີ່ຕົວຈິງຂອງເຂດສຳຫຼວດຖ້າເປັນເຂດຫ່າງໄກສອກຫຼີກ, ເຂດທຸລະກັນດານຫຼືເຂດທີ່ມີສະພາບການບໍ່ປົກກະຕິອາດຈະໄດ້ມີການສຳຫຼວດກ່ອນເວລາທີ່ໄດ້ກຳນົດໄວ້ເລັກນ້ອຍແຕ່ຕ້ອງສໍາເລັດກ່ອນວັນທີ 21 ມີນາ 2025. ຈາກນັ້ນທ່ານສອນສະຫວັນຈັນທະວົງຮອງຫົວໜ້າພະແນກແຜນການແລະການລົງທຶນຜູ້ຊີ້ນໍາວຽກງານສະຖິຕິໄດ້ຂຶ້ນຜ່ານຂໍ້ຕົກລົງເລກທີ 787/ຈຂ.ຊຍ, ລົງວັນທີ 23 ພຶດສະພາ 2024 ວ່າດ້ວຍການແຕ່ງຕັ້ງຄະນະຊີ້ນໍາຂັ້ນແຂວງແລະຄະນະຊີ້ນໍາຂັ້ນເມືອງການສໍາຫຼວດພົນລະເມືອງແລະທີ່ຢູ່ອາໄສທົ່ວແຂວງໄຊຍະບູລີຄັ້ງທີV ປີ 2025 ໂດຍແມ່ນທ່ານເຈົ້າແຂວງເປັນຫົວໜ້າຄະນະຊີ້ນໍາຂັ້ນແຂວງແລະບັນດາເມືອງແມ່ນເຈົ້າເມືອງເປັນຫົວໜ້າຄະນະຊີ້ນໍາຂັ້ນເມືອງ, ຜ່ານຂໍ້ຕົກລົງເລກທີ 788/ຈຂ.ຊຍ, ລົງວັນທີ 23 ພຶດສະພາ 2024 ວ່າດ້ວຍການແບ່ງຄວາມຮັບຜິດຊອບຂອງຄະນະຊີ້ນໍາຂັ້ນແຂວງໃນການສໍາຫຼວດພົນລະເມືອງແລະທີ່ຢູ່ອາໄສປີ 2025 ແລະຜ່ານຂໍ້ຕົກລົງເລກທີ 789/ຈຂ.ຊຍ, ລົງວັນທີ 23 ພຶດສະພາ 2024 ວ່າດ້ວຍການແຕ່ງຕັ້ງຄະນະຫ້ອງການສໍາຫຼວດພົນລະເມືອງແລະທີ່ຢູ່ອາໄສຄັ້ງທີV ປີ 2025 ແຂວງໄຊຍະບູລີໂດຍເຈົ້າແຂວງໄຊຍະບູລີແຕ່ງຕັ້ງທ່ານສອນສະຫວັນຈັນທະວົງຮອງຫົວໜ້າພະແນກແຜນການແລະການລົງທຶນແຂວງຜູ້ຊີ້ນໍາວຽກງານສະຖິຕິເປັນຫົວໜ້າຫ້ອງການຮັບຜິດຊອບຊີ້ນໍາລວມພ້ອມແຕ່ງຕັ້ງຮອງແລະຄະນະຄົບຊຸດພ້ອມນີ້ກໍໄດ້ແບ່ງຄວາມຮັບຜິດຊອບ, ໜ້າທີ່ແຕ່ລະທ່ານໃນຫ້ອງການສໍາຫຼວດພົນລະເມືອງທີ່ຢູ່ອາໄສປີ 2025. ຕອນທ້າຍປະທານກອງປະຊຸມໄດ້ມີຄໍາເຫັນເຈາະຈີ້ມແລະບັນດາຜູ້ເຂົ້າຮ່ວມໄດ້ພ້ອມກັນປະກອບຄວາມຄິດຄວາມເຫັນຢ່າງກົງໄປກົງມາເພື່ອໃຫ້ເປັນເອກະພາບກັນສິ່ງສໍາຄັນເມື່ອສໍາເລັດກອງປະຊຸມຄັ້ງນີ້ຄະນະຊີ້ນໍາຂັ້ນແຂວງຂັ້ນເມືອງຕ້ອງໄດ້ສ້າງແຜນລົງໂຄສະນາເຜີຍແຜ່ໃຫ້ຮາກຖານບ້ານແລະປະຊາຊົນເຂົ້າໃຈເຖິງຄວາມສໍາຄັນໃນບັ້ນສໍາຫຼວດພົນລະເມືອງທີ່ຢູ່ອາໄສຄັ້ງທີV ປີ 2025 ທຸກຄົນເປັນພົນລະເມືອງລາວຕ້ອງມີສ່ວນຮ່ວມທັງຮັບປະກັນເຮັດໃຫ້ການສໍາຫຼວດພົນລະເມືອງທີ່ຢູ່ອາໄສຄັງທີV ປີ 2025 ມີຄວາມວ່ອງໄວ, ຖືກຕ້ອງ, ຊັດເຈນແລະມີຄວາມປອດໄພ. (ຂ່າວ: ບຸນທີ)
