ວັນທີ26ກໍລະກົດ2024, ແຂວງສາລະວັນຈັດກອງປະຊຸມລະດົມແນວຄວາມຄິດວຽກງານການບໍລິການແບບປະຕູດຽວຂັ້ນເມືອງແລະການວາງແຜນຈັດສັນ, ພັດທະນາໂຄງລ່າງ, ການສ້າງປະໂຫຍດຈາກດ່ານສາກົນປາກຕະພານຢູ່ເມືອງລະຄອນເພັງແລະເມືອງຄົງເຊໂດນຕິດພັນກັບການທ່ອງທ່ຽວ, ທີ່ຫ້ອງປະຊຸມສະໂມສອນແຂວງ, ໂດຍການເປັນປະທານຂອງທ່ານດາວວົງພອນແກ້ວເຈົ້າແຂວງສາລະວັນ, ມີທ່ານຮອງເຈົ້າແຂວງ, ທ່ານເຈົ້າເມືອງ, ຫົວໜ້າ-ຮອງຫົວໜ້າພະແນກການອ້ອມຂ້າງແຂວງເຂົ້າຮ່ວມ.
ທ່ານເວີນມະນີມຸ່ງສີວົງສາຫົວໜ້າພະແນກພາຍໃນແຂວງໄດ້ລາຍງານໂດຍຫຍໍ້ກ່ຽວກັບການກະກຽມຄວາມພ້ອມໃນການຈັດຕັ້ງປະຕິບັດວຽກງານປະຕູດຽວຢູ່8ຕົວເມືອງທົ່ວແຂວງພາຍຫຼັງໄດ້ຈັດກອງປະຊຸມຊຸກຍູ້ການຈັດຕັ້ງປະຕິບັດວຽກງານກົນໄກການບໍລິການຜ່ານປະຕູດຽວຮ່ວມກັບກະຊວງພາຍໃນກໍໄດ້ອອກແຈ້ງການໃຫ້8ເມືອງລາຍງານການຈັດຕັ້ງປະຕິບັດວຽກງານບໍລິການຜ່ານປະຕູດຽວພ້ອມທັງຊຸກຍູ້, ແນະນໍາບັນດາເມືອງ, ຜ່ານການຈັດຕັ້ງປະຕິບັດເຫັນວ່າເມືອງຄົງເຊໂດນເປັນເມືອງທໍາອິດທີ່ມີຄວາມພ້ອມໃນການຈັດຕັ້ງປະຕິບັດວຽກງານປະຕູດຽວ ຊຶ່ງການປະຕິບັດກົນໄກຜ່ານປະຕູດຽວແມ່ນແນໃສ່ປັບປຸງການພົວພັນລະຫວ່າງອົງການບໍລິຫານລັດກັບອົງການຈັດຕັ້ງຕ່າງໆແລະປະຊາຊົນໃຫ້ມີການປ່ຽນແປງໃໝ່ຢ່າງເລິກເຊິ່ງ, ຫຼຸດຜ່ອນຄວາມຫຍຸ້ງຍາກລຳຄານໃຈໃຫ້ແກ່ປະຊາຊົນ; ຕ້ານແລະສະກັດກັ້ນພະຍາດອາດຍາສິດ, ສໍ້ລາດບັງຫຼວງ, ຮັບສິນບົນໃນຖັນແຖວພະນັກງານ-ລັດຖະກອນແລະແນໃສ່ຍົກສູງຄວາມສັກສິດແລະປະສິດທິຜົນຂອງການຄຸ້ມຄອງບໍລິຫານລັດ. “ກົນໄກການບໍລິການຜ່ານປະຕູດຽວ”ແມ່ນກົນໄກການແກ້ໄຂວຽກງານໃຫ້ແກ່ການຈັດຕັ້ງແລະປະຊາຊົນທີ່ນອນຢູ່ໃນຂອບເຂດສິດຂອງອົງການບໍລິຫານລັດນັບແຕ່ຂອດຮັບຄໍາສະເໜີ, ຮັບເອກະສານຂອງການຈັດຕັ້ງແລະປະຊາຊົນຈົນຮອດຂອດສົ່ງຜົນຕອບ, ສົ່ງເອກະສານຄືນໂດຍຜ່ານໜ່ວຍບໍລິການຂອງລັດພຽງບ່ອນດຽວ. ການຈັດຕັ້ງປະຕິບັດຫຼັກການການປະຕິບັດກົນໄກ “ການບໍລິການຜ່ານປະຕູດຽວ" ຈະໄດ້ກຳນົດຂັ້ນຕອນຂອງການແກ້ໄຂແລະຈໍລະຈອນເອກະສານຈະຕ້ອງກະທັດຮັດ, ຈະແຈ້ງ, ງ່າຍດາຍແລະສອດຄ່ອງກັບກົດໝາຍ; ສິດ, ໜ້າທີ່ແລະຄວາມຮັບຜິດຊອບຂອງອົງການປົກຄອງທ້ອງຖິ່ນແຕ່ລະຂັ້ນ, ແຕ່ລະພາກສ່ວນທີ່ກ່ຽວຂ້ອງແລະລະບົບການພົວພັນປະສານງານຂອງພາກສ່ວນດັ່ງກ່າວຕ້ອງຈະແຈ້ງ; ທຸກລະບຽບການບໍລິການ, ຄ່າທຳນຽມແລະກຳນົດໄລຍະເວລາຈະຕ້ອງຕິດປະກາດໄວ້ຢ່າງເປີດເຜີຍໃຫ້ຜູ້ມາພົວພັນວຽກງານໄດ້ຮູ້ແລະໄດ້ເຫັນຢ່າງຈະແຈ້ງ; ຮັບຄໍາຮ້ອງ, ຄໍາສະເໜີຫຼືເອກະສານຕ່າງໆຂອງປະຊາຊົນຢູ່ພຽງຈຸດດຽວ, ແກ້ໄຂວຽກງານໃຫ້ມີຄວາມສະດວກ, ວ່ອງໄວແລະທັນເວລາ. ຈາກນັ້ນກໍ່ໄດ້ຮ່ວມກັນລະດົມແນວຄວາມຄິດປຶກສາຫາລືໃນການກະກຽມຄວາມພ້ອມ, ຂໍ້ສະດວກຫຍຸ້ງຍາກດ້ານບຸກຄະລາກອນ, ການຈັດຕັ້ງປະຕິບັດໃຫ້ມີຄວາມສອດຄ່ອງເພື່ອເຮັດໃຫ້ການເຄື່ອນໄຫວຽກງານປະຕູດຽວໃຫ້ໄດ້ຮັບຜົນດີຂຶ້ນ; ພ້ອມນັ້ນຜູ້ເຂົ້າຮ່ວມກອງປະຊຸມກໍໄດ້ຮັບຟັງການລານຍງານການວາງແຜນຈັດສັນ,ພັດທະນາໂຄງລ່າງ, ການສ້າງປະໂຫຍດຈາກດ່ານສາກົນປາກຕະພານຢູ່ເມືອງລະຄອນເພັງແລະເມືອງຄົງເຊໂດນຕິດພັນກັບການທ່ອງທ່ຽວພ້ອມທັງຮ່ວມກັນປະກອບຄຳຄິດເຫັນປຶກສາຫາລືເພື່ອເຮັດໃຫ້ການຈັດຕັ້ງປະຕິບັດວຽກງານດັ່ງກ່າວໃຫ້ມີປະສິດພາບຂຶ້ນຕື່ມ. (ພາບ-ຂ່າວ: ທິດລານີໂຄດໂຍທາ)
ທ່ານເວີນມະນີມຸ່ງສີວົງສາຫົວໜ້າພະແນກພາຍໃນແຂວງໄດ້ລາຍງານໂດຍຫຍໍ້ກ່ຽວກັບການກະກຽມຄວາມພ້ອມໃນການຈັດຕັ້ງປະຕິບັດວຽກງານປະຕູດຽວຢູ່8ຕົວເມືອງທົ່ວແຂວງພາຍຫຼັງໄດ້ຈັດກອງປະຊຸມຊຸກຍູ້ການຈັດຕັ້ງປະຕິບັດວຽກງານກົນໄກການບໍລິການຜ່ານປະຕູດຽວຮ່ວມກັບກະຊວງພາຍໃນກໍໄດ້ອອກແຈ້ງການໃຫ້8ເມືອງລາຍງານການຈັດຕັ້ງປະຕິບັດວຽກງານບໍລິການຜ່ານປະຕູດຽວພ້ອມທັງຊຸກຍູ້, ແນະນໍາບັນດາເມືອງ, ຜ່ານການຈັດຕັ້ງປະຕິບັດເຫັນວ່າເມືອງຄົງເຊໂດນເປັນເມືອງທໍາອິດທີ່ມີຄວາມພ້ອມໃນການຈັດຕັ້ງປະຕິບັດວຽກງານປະຕູດຽວ ຊຶ່ງການປະຕິບັດກົນໄກຜ່ານປະຕູດຽວແມ່ນແນໃສ່ປັບປຸງການພົວພັນລະຫວ່າງອົງການບໍລິຫານລັດກັບອົງການຈັດຕັ້ງຕ່າງໆແລະປະຊາຊົນໃຫ້ມີການປ່ຽນແປງໃໝ່ຢ່າງເລິກເຊິ່ງ, ຫຼຸດຜ່ອນຄວາມຫຍຸ້ງຍາກລຳຄານໃຈໃຫ້ແກ່ປະຊາຊົນ; ຕ້ານແລະສະກັດກັ້ນພະຍາດອາດຍາສິດ, ສໍ້ລາດບັງຫຼວງ, ຮັບສິນບົນໃນຖັນແຖວພະນັກງານ-ລັດຖະກອນແລະແນໃສ່ຍົກສູງຄວາມສັກສິດແລະປະສິດທິຜົນຂອງການຄຸ້ມຄອງບໍລິຫານລັດ. “ກົນໄກການບໍລິການຜ່ານປະຕູດຽວ”ແມ່ນກົນໄກການແກ້ໄຂວຽກງານໃຫ້ແກ່ການຈັດຕັ້ງແລະປະຊາຊົນທີ່ນອນຢູ່ໃນຂອບເຂດສິດຂອງອົງການບໍລິຫານລັດນັບແຕ່ຂອດຮັບຄໍາສະເໜີ, ຮັບເອກະສານຂອງການຈັດຕັ້ງແລະປະຊາຊົນຈົນຮອດຂອດສົ່ງຜົນຕອບ, ສົ່ງເອກະສານຄືນໂດຍຜ່ານໜ່ວຍບໍລິການຂອງລັດພຽງບ່ອນດຽວ. ການຈັດຕັ້ງປະຕິບັດຫຼັກການການປະຕິບັດກົນໄກ “ການບໍລິການຜ່ານປະຕູດຽວ" ຈະໄດ້ກຳນົດຂັ້ນຕອນຂອງການແກ້ໄຂແລະຈໍລະຈອນເອກະສານຈະຕ້ອງກະທັດຮັດ, ຈະແຈ້ງ, ງ່າຍດາຍແລະສອດຄ່ອງກັບກົດໝາຍ; ສິດ, ໜ້າທີ່ແລະຄວາມຮັບຜິດຊອບຂອງອົງການປົກຄອງທ້ອງຖິ່ນແຕ່ລະຂັ້ນ, ແຕ່ລະພາກສ່ວນທີ່ກ່ຽວຂ້ອງແລະລະບົບການພົວພັນປະສານງານຂອງພາກສ່ວນດັ່ງກ່າວຕ້ອງຈະແຈ້ງ; ທຸກລະບຽບການບໍລິການ, ຄ່າທຳນຽມແລະກຳນົດໄລຍະເວລາຈະຕ້ອງຕິດປະກາດໄວ້ຢ່າງເປີດເຜີຍໃຫ້ຜູ້ມາພົວພັນວຽກງານໄດ້ຮູ້ແລະໄດ້ເຫັນຢ່າງຈະແຈ້ງ; ຮັບຄໍາຮ້ອງ, ຄໍາສະເໜີຫຼືເອກະສານຕ່າງໆຂອງປະຊາຊົນຢູ່ພຽງຈຸດດຽວ, ແກ້ໄຂວຽກງານໃຫ້ມີຄວາມສະດວກ, ວ່ອງໄວແລະທັນເວລາ. ຈາກນັ້ນກໍ່ໄດ້ຮ່ວມກັນລະດົມແນວຄວາມຄິດປຶກສາຫາລືໃນການກະກຽມຄວາມພ້ອມ, ຂໍ້ສະດວກຫຍຸ້ງຍາກດ້ານບຸກຄະລາກອນ, ການຈັດຕັ້ງປະຕິບັດໃຫ້ມີຄວາມສອດຄ່ອງເພື່ອເຮັດໃຫ້ການເຄື່ອນໄຫວຽກງານປະຕູດຽວໃຫ້ໄດ້ຮັບຜົນດີຂຶ້ນ; ພ້ອມນັ້ນຜູ້ເຂົ້າຮ່ວມກອງປະຊຸມກໍໄດ້ຮັບຟັງການລານຍງານການວາງແຜນຈັດສັນ,ພັດທະນາໂຄງລ່າງ, ການສ້າງປະໂຫຍດຈາກດ່ານສາກົນປາກຕະພານຢູ່ເມືອງລະຄອນເພັງແລະເມືອງຄົງເຊໂດນຕິດພັນກັບການທ່ອງທ່ຽວພ້ອມທັງຮ່ວມກັນປະກອບຄຳຄິດເຫັນປຶກສາຫາລືເພື່ອເຮັດໃຫ້ການຈັດຕັ້ງປະຕິບັດວຽກງານດັ່ງກ່າວໃຫ້ມີປະສິດພາບຂຶ້ນຕື່ມ. (ພາບ-ຂ່າວ: ທິດລານີໂຄດໂຍທາ)
