ໂດຍ: ສຳນານ ພົມພັກດີ

ບັນດາຄາດໝາຍ ແລະ ຕົວຊີ້ວັດ ໃນປີ 2024 ແຂວງໄຊສົມບູນ ລວມຍອດຜະລິດ ຕະພັນພາຍໃນ (GDP) ຂະຫຍາຍຕົວໃນລະດັບ 7,5% ມີມູມຄ່າທັງໜົດ 2.542,84 ຕື້ກີບ ສະເລ່ຍຫົວຄົນໃຫ້ບັນລຸໄດ້ 24,90 ລ້ານກີບ ເທົ່າກັບ 1.106 ໂດລາ, ໃນຂະນະດຽວກັນການເກັບລາຍຮັບງົບປະມານໄດ້ 887,27 ຕື້ກີບ ເທົ່າກັບ 251,92% ຂອງແຜນປີ, ທຽບໃສ່ປີຜ່ານມາ ເພີ່ມຂຶ້ນ 76,52% ແລະ ປະຕິບັດລາຍຈ່າຍໄດ້ 159,16 ຕື້ກີບ ເທົ່າກັບ 62,94% ຂອງແຜນການປີ; ສ່ວນການສົ່ງອອກສິນຄ້າບັນລຸ 1,94 ລ້ານໂດລາ ທຽບໃສ່ແຜນການປີ ປະຕິບັດໄດ້ລື່ນຄາດໜາຍ.

ວຽກງານຈຸດສຸມຕົ້ນຕໍ: ໄດ້ເອົາໃຈໃສ່ສົມທົບກັບຂະແໜງກ່ຽວຂ້ອງທີ່ເກັບກຳຂໍ້ມູນ ແລະ ນຳໃຊ້ເຄື່ອງມືທາງສະຖິຕິ ເພື່ອສັງລວມ, ວິໄຈບັນດາຂໍ້ມູນຕ່າງໆ, ສາມາດຕີຈັງຫວະການຂະຫຍາຍຕົວຂອງເສດຖະກິດຢ່າງຊັດເຈນຫຼາຍຂຶ້ນ; ສະຫຼຸບວຽກງານການເງິນ ຕາມດໍາລັດ 414/ລບ ຕິດພັນກັບວາລະແຫ່ງຊາດ ວ່າດ້ວຍ ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນໃນ 6 ເດືອນຕົ້ນປີ 2024 ແລະ ວາງທິດທາງແຜນການ 6 ເດືອນທ້າຍປີ 2024 ຂອງຂະແໜງການເງິນ ທົ່ວແຂວງ ໃນນັ້ນ, ແຕ່ປີ 2021, 2022 ແລະ 2023 ມີຈໍານວນໂຄງການທັງໜົດ 46 ໂຄງການ ມີມູນຄ່າທັງໜົດ 242.702,09 ລ້ານກີບ; ສະຫຼຸບລາຍງານ ກ່ຽວກັບການຈັດຕັ້ງປະຕິບັດ ວຽກງານການຂຶ້ນບັນຊີຊັບສິນທີ່ຢຶດ, ອາຍັດ ແລະ ຮິບເປັນຂອງລັດ ຕາມດໍາລັດ ສະບັບເລກທີ 280/ລບ ປະຈໍາປີ 2023, ລົງສໍາຫຼວດຖານຂໍ້ມູນຄືນ ແລະ ຈັດສັນແບ່ງແຜນລາຍຮັບຄຸ້ມຄອງຊັບສິນແຫ່ງລັດ ໃຫ້ກັບບັນດາເມືອງ 5 ເມືອງ ເພື່ອເປັນບ່ອນອີງໃນການຈັດຕັ້ງປະຕິບັດ ຈັດເກັບລາຍຮັບໃນ ປີ 2024.

ພ້ອມນີ້ ໄດ້ສູ້ຊົນຄົ້ນຄວ້າ ແລະ ລະດົມແຫຼ່ງທຶນພັດທະນາບັນລຸໄດ້ດັ່ງນີ້: ການລົງທຶນຂອງລັດ (ລວມ 9 ບ້ວງ) 158 ໂຄງການ ມູມຄ່າ 3.950,66 ຕື້ກີບ, ໄດ້ຮັບງົບປະມານ ມາຊໍາລະ ປີ 2024 ມູມຄ່າ 168.180,24 ລ້ານກີບ; ບ້ວງງົບປະມານໂຄງການຕາມດໍາລັດ 414 /ລບ ຈໍານວນ 30 ໂຄງການ ມູມຄ່າ 227,35 ຕື້ກີບ ໄດ້ຮັບ LMK ງົບປະມານຊໍາລະ ປີ 2024 ຈໍານວນ 92,90 ຕື້ກີບ, ການລົງທຶນເອກະຊົນພາຍໃນ ແລະ ຕ່າງປະເທດ ຈໍານວນ 14 ໂຄງການ ມີມູນຄ່າ 1,200 ຕື້ກີບ ແລະ 32,79 ລ້ານໂດລາ; ການຊ່ວຍເຫຼືອທາງການເພື່ອການພັດທະນາ ແລະ ການຊ່ວຍເຫຼືອສອງຝ່າຍ ແຜນປີ 2024 ຊໍາລະ ປີ 2024 ຈໍານວນ 352,63 ລ້ານກີບ; ປ່ອຍສິນເຊື່ອຈາກທະນາຄານ ຂອງແຂວງໄຊສົມບູນ ແຜນ 6 ເດືອນຕົ້ນປີ 2024 ໃຫ້ໄດ້ຈຳນວນ 31,72 ຕື້ກີບ; ກອງທຶນພັດທະນາໄຊສົມບູນ ຈໍານວນ 32,75 ຕື້ກີບ.

ສຳ​ລັບການລົງທຶນຂອງລັດ ປີ 2024 ແຂວງໄຊສົມບູນໄດ້ຮັບອະນຸມັດງົບປະມານຊໍາລະບັນດາໂຄງການລົງທຶນ​ຂອງລັດ ທັງໝົດ 168.180,24 ລ້ານກີບ, ລວມມີທັງໝົດ 9 ບ້ວງທຶນ, ມີໂຄງການທັງໜົດທົ່ວແຂວງ 158 ໂຄງການຄື: ບ້ວງທຶນປົກກະຕິ ໂຄງການປະເພດ I, II, III ແລະ IV (ມູນຄ່າຫຼາຍກວ່າ 20 ຕື້ກີບຂຶ້ນໄປ) ຈໍານວນ 13 ໂຄງການ ໄດ້ຮັບທຶນອະນຸມັດທັງໝົດ 4.800 ລ້ານກີບ; ບ້ວງທຶນພັດທະນາໄຊສົມບູນ 14 ໂຄງການ ໄດ້ຮັບອະນຸມັດທຶນທັງໝົດ 132.000 ລ້ານກີບ; ບ້ວງທຶນໂຄງການເປົ້າໝາຍສະເພາະຈຳນວນ 2 ໂຄງການ ໄດ້ຮັບອະນຸມັດທຶນທັງໝົດ 4.000 ລ້ານກີບ; ບ້ວງທຶນສົມທົບ ODA ຈຳນວນ 4 ໂຄງການ ໄດ້ຮັບອະນຸມັດທຶນທັງໝົດ 352,63 ລ້ານກີບ; ບ້ວງຟື້ນຟູໄພພິບັດ ຈໍານວນ 11 ໂຄງການ ໄດ້ຮັບອະນຸມັດທຶນທັງໝົດ 4.170 ລ້ານກີບ; ບ້ວງທຶນພັດທະນາຊົນນະບົດ ລຶບລ້າງຄວາມທຸກຍາກ ຈໍານວນ 8 ໂຄງການ ໄດ້ຮັບທຶນອະນຸມັດທັງໝົດ 3.200 ລ້ານກີບ; ບ້ວງທຶນປົກກະຕິ ໂຄງການປະເພດ V (20 ຕື້ກີບລົງມາ ຂັ້ນແຂວງຄຸ້ມຄອງ) ໄດ້ຮັບອະນຸມັດງົບປະມານທັງໝົດ 8.900 ລ້ານກີບ; ບ້ວງທຶນຈັດສັນພູມລຳເນົາ ແລະ ບ່ອນທຳມາຫາກິນຖາວອນປະຊາຊົນຂັ້ນແຂວງ ໄດ້ຮັບອະນຸມັດງົບປະມານທັງໝົດ 1.657,61 ລ້ານກີບ; ບ້ວງທຶນຈົດຮັບ-ຈົດຈ່າຍ (ກະຊວງການເງິນຄຸ້ມຄອງ) ຈໍານວນ 4 ໂຄງການໄດ້ຮັບອະນຸມັດງົບປະມານທັງໝົດ 9.100 ລ້ານກີບ; ໄດ້ສຳເລັດການແຈ້ງແຜນລົງທຶນຂ​ອງລັດປີ 2024 ບ້ວງສູນກາງຮັບຜິດຊອບ ໃຫ້ບັນດາພາກສ່ວນກ່ຽວຂ້ອງ ແລະ ບັນດາເມືອງຈັດຕັ້ງປະຕິບັດໃຫ້ສຳເລັດຕາມແຜນການ ແລະ ຖືກຕ້ອງຕາມກົດໜາຍການລົງທຶນຂອງລັດຢ່າງເຂັ້ມງວດ; ຈັດແບ່ງໂຄງການປະເພດ V ທີ່ມີມູນຄ່າ 20 ຕື້ກີບລົງມາ ທີ່ຂັ້ນແຂວງຮັບຜິດຊອບ ສົ່ງໃຫ້ສະພາປະຊາຊົນຂັ້ນແຂວງຮັບຮອງ; ໄດ້ສໍາເລັດການຄົ້ນຄວ້າຈຳນວນໂຄງການລົງທຶນຂອງລັດທີ່ເປັນໜີ້ສິນ ເພື່ອກະກຽມສະເໜີງົບປະມານເກີນແຜນ ປີ 2023.