ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ຄະນະກຳມະການໂອແລັມປີກ ສາກົນ - Olympic (IOC) ໄດ້ສະເໜີເງື່ອນໄຂ ສຳລັບບັນດາປະເທດທີ່ຈະເປັນເຈົ້າພາບຈັດງານແຂ່ງຂັນກິລາ ໂອແລັມປີກ ກ່ຽວກັບບັນດາປະເທດທີ່ຫັນເອົາກິລາເປັນການເມືອງແມ່ນຍາກທີ່ຈະຍາດແຍ່ງເອົາສິດຈັດງານໂອແລັມປີກ.

ບົດຄຳເຫັນໃນກອງປະຊຸມປະຈຳປີຂອງ IOC ຊຶ່ງຈັດຂຶ້ນຢູ່ນະຄອນມຸມໄບ ຂອງປະເທດອິນເດຍ, ທ່ານນາງ ໂກລິນດາ ກຣາບາ ກິຕາໂຣວິກ ສະມາຊິກຂອງ IOC ແລະ ເປັນອະດີດປະທານາທິບໍດີ ກຣົວຊີ ໃຫ້ຮູ້ວ່າ: IOC ໄດ້ຖືສຳຄັນກ່ຽວກັບການຫັນກິລາເປັນການເມືອງທີ່ນັບມື້ນັບເພີ່ມຂຶ້ນ ແມ່ນບັນຫາທີ່ຕ້ອງໄດ້ເອົາໃສ່ໃຈ ໃນບົດລາຍງານເຖິງບັນດາການນຳຂົງເຂດກິລາທົ່ວໂລກ ກ່ຽວກັບບັນດາປະເທດທີ່ຢາກຈະເປັນເຈົ້າພາບຈັດງານໂອແລັມປິກໃນອະນາຄົດ.

ກ່ອນໜ້ານັ້ນ, IOC ກໍໄດ້ສະເໜີຂັ້ນຕອນເລືອກຕັ້ງໃໝ່ເພື່ອຫຼີກລ່ຽງສະພາບການບັນດາປະເທດຂົນຂວາຍດຶງດູດບັດລົງຄະແນນສຽງ. ດັ່ງນັ້ນ, ປະເທດທີ່ຈະເປັນເຈົ້າພາບຈັດໂອແລັມປີກ ແລະ ມີຄວາມສາມາດບົ່ມຊ້ອນ ຈະໄດ້ເຮັດວຽກແບບປິດລັບກັບ IOC. ອົສຕຣາລີ ແມ່ນປະເທດທຳອິດທີ່ໄດ້ຄັດເລືອກຕາມວິທີການນີ້ ແລະ ກາຍເປັນປະເທດເຈົ້າພາບຈັດໂອແລັມປີກ 2032.