ພິທີເປີດຊຸດຮຽນທິດສະດີການເມືອງແລະການປົກຄອງລະບົບ6ເດືອນຂັ້ນກາງຮຸ່ນທີII ຂອງແຂວງຜົ້ງສາລີໄດ້ຈັດຂຶ້ນໃນຕອນເຊົ້າຂອງວັນທີ30ກໍລະກົດນີ້, ທີ່ໂຮງຮຽນການເມືອງການປົກຄອງແຂວງ, ໂດຍການເປັນກຽດເຂົ້າຮ່ວມຂອງທ່ານຄຳຜອຍວັນນະສານກຳມະການສູນກາງພັກ, ເລຂາພັກແຂວງ, ເຈົ້າແຂວງຜົ້ງສາລີ, ມີທ່ານຈັນສີແສງສົມພູກຳມະການພັກແຂວງ, ຫົວໜ້າໂຮງຮຽນການເມືອງແລະການປົກຄອງແຂວງຜົ້ງສາລີ, ມີບັນດາທ່ານຫົວໜ້າ-ຮອງຫົວໜ້າພະແນກການອ້ອມຂ້າງແຂວງ, ຄູອາຈານຕະຫຼອດຮອດນັກສຶກສາພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ໃນພິທີ, ຄະນະຈັດຕັ້ງໄດ້ຂຶ້ນຜ່ານຂໍ້ຕົກລົງຂອງສະຖາບັນການເມືອງແລະການປົກຄອງແຫ່ງຊາດສະບັບເລກທີ929/ສມປຊວ່າດ້ວຍການອະນຸມັດເປີດຊຸດຮຽນລະບົບຂັ້ນກາງຮຸ່ນທີII ຢູ່ໂຮງຮຽນການເມືອງການແລະການປົກຄອງແຂວງຜົ້ງສາລີ, ຜ່ານມະຕິຕົກລົງຂອງຄະນະປະຈຳພັກແຂວງສະບັບເລກທີ291/ຄພຂວ່າດ້ວຍການຄັດເລືອກພະນັກງານນໍາພາຄຸ້ມຄອງໄປຮຽນທິດສະດີການເມືອງ-ການປົກຄອງຂັ້ນກາງຮຸ່ນທີII ຢູ່ໂຮງຮຽນການເມືອງ-ການປົກຄອງແຂວງຜົ້ງສາລີປະຈຳສົກປີ2024ຊຶ່ງລວມມີຈໍານວນ55ສະຫາຍ, ຍິງ10ສະຫາຍ.
ໂອກາດນີ້ທ່ານຈັນສີແສງສົມພູກໍໄດ້ມີຄຳເຫັນກ່າວວ່າ: ການເປີດຊຸດຮຽນທິດສະດີການເມືອງແລະການປົກຄອງໃນຄັ້ງນີ້ສຸດທີ່ມີຄວາມໝາຍ, ຄວາມສໍາຄັນເປັນຢ່າງຍິ່ງແລະຈະໃຊ້ເວລາຈັດຕັ້ງປະຕິບັດຕາມໂຄງການຫຼັກສູດ6ເດືອນເຕັມ, ເພື່ອແນໃສ່ບໍາລຸງກໍ່ສ້າງພະນັກງານນໍາພາ-ຄຸ້ມຄອງຢູ່ແຂວງຜົ້ງສາລີໃຫ້ມີການຫັນປ່ຽນໃໝ່ທີ່ຕັ້ງໜ້າທາງດ້ານທິດສະດີການເມືອງແລະການປົກຄອງແລະແນວທາງແຜນນະໂຍບາຍຂອງພັກ-ກົດຫມາຍຂອງລັດໃຫ້ສູງຂຶ້ນ, ເພື່ອຕອບສະໜອງໃນໜ້າທີ່ການເມືອງໃນຍຸກສະໃໝ່ປັດຈຸບັນກໍຄືໃນສະເພາະໜ້າແລະຍາວນານເທື່ອລະກ້າວຕາມທິດນໍາຂອງພັກທີ່ວ່າ: ສ້າງພະນັກງານສືບທອດປ່ຽນແທນທີ່ມີຄຸນນະພາບທາງດ້ານວິທະຍາສາດ, ເຕັກນິກ, ເຕັກໂນໂລຊີທີ່ກ້າວໜ້າຂອງມວນມະນຸດ, ສ້າງພະນັກງານມີຄຸນທາດການເມືອງ, ມີຄຸນສົມບັດສິນທໍາປະຕິວັດ, ມີມາດຖານເງື່ອນໄຂທີ່ດີ, ທີ່ເກັ່ງກ້າ, ເປັນແບບຢ່າງນໍາໜ້າທີ່ດີໃນລະບົບການເມືອງ, ຈົງຮັກພັກດີເພື່ອຮັບໃຊ້ຊາດ, ຮັບໃຊ້ປະຊາຊົນຢ່າງແທ້ຈິງ; ຈາກນັ້ນທ່ານນາງວອນສຸລິວັນຮອງຫົວໜ້າໂຮງຮຽນການເມືອງ - ການປົກຄອງແຂວງຜົ້ງສາລີກໍໄດ້ຂຶ້ນຜ່ານແຜນການຮຽນ - ການສອນທິດສະດີການເມືອງແລະການປົກຄອງລະບົບ6ເດືອນຂັ້ນກາງຮຸ່ນທີII ຊຶ່ງຊຸດຮຽນທິດສະດີການເມືອງຊັ້ນກາງໃຊ້ເວລາຮຽນທັງໝົດ6ເດືອນເທົ່າກັບ29ອາທິດຫຼືເທົ່າກັບ145ວັນ, ໃນນັ້ນ: ມີວິຊາຮຽນຈຳນວນທັງໝົດ14ວິຊາຮຽນ, ແບ່ງອອກເປັນ7ກຸ່ມວິຊາຮຽນແລະຂຽນບົດຈົບຂັ້ນ, ລວມທັງໝົດເທົ່າກັບ720ຊົ່ວໂມງຫຼື45ໜ່ວຍກິດລະອຽດມີຄື: ບັນຍາຍ370ຊົ່ວໂມງ, ຄົ້ນຄວ້າແລະກຽມສໍາມະນາ45ຊົ່ວໂມງ, ສຳມະນາ91ຊົ່ວໂມງ, ແກ້ຂໍ້ຂ້ອງໃຈ39ຊົ່ວໂມງ, ທວນເສັງ10ຊົ່ວໂມງ, ຂຽນບົດລາຍງານແລະບົດເກັບກ່ຽວ56ຊົ່ວໂມງ, ເສັງຂຽນ16ຊົ່ວໂມງ, ທັດສະນະສຶກສາ4ຊົ່ວໂມງ, ວິຊາບັງຄັບແລະຫົວຂໍ້ລາຍງານເພີ່ມ28ຊົ່ວໂມງ, ແນະນໍາຫົວຂໍ້ແລະແນະນໍາຂຽນບົດ4ຊົ່ວໂມງ, ແນະນໍາປ້ອງກັນ4ຊົ່ວໂມງ, ປ້ອງກັນບົດ7ຊົ່ວໂມງ, ລົງເກັບກຳຂໍ້ມູນແລະຂຽນບົດ46ຊົ່ວໂມງ.
ໂອກາດທີ່ມີຄວາມໝາຍຄວາມສຳຄັນນີ້, ທ່ານຄຳຜອຍວັນນະສານເຈົ້າແຂວງຜົ້ງສາລີໄດ້ຮຽກຮ້ອງໃຫ້ບັນດາສະຫາຍຄູອາຈານຈົ່ງພ້ອມກັນຍົກສູງຫນ້າທີ່ຄວາມຮັບຜິດຊອບທີ່ໄດ້ຮັບການມອບຫມາຍໂດຍສະເພາະການຄົ້ນຄ້ວາຫຼັກສູດການສິດສອນຕ້ອງຮັບປະກັນລັກສະນະວິທະຍາສາດ, ຮັບປະກັນການສົ່ງຄວາມຮູ້ໃຫ້ນັກສຶກສາໃຫ້ມີລັກສະນະທິດສະດີແລະຕິດພັນກັບພຶດຕິກໍາຕົວຈິງໃຫ້ກ້ວາງຂວາງແລະເລິກເຊິ່ງໄປຄຽງຄູ່ກັບຍຸກສະໄໝປັດຈຸບັນ, ເປັນເຈົ້າການຍົກສູງສະຕິແລະເຄົາລົບລະບຽບໃນການຂຶ້ນຫ້ອງລົງຫ້ອງຕ້ອງຖືກກັບໂມງເວລາຢ່າງເຂັ້ມງວດ, ຫ້າມມາຊ້າແລະເລີກໄວ, ທັງຮັບປະກັນການສອນດີ-ຮຽນເກັ່ງທີ່ມີຄຸນນະພາບແລະມີຜົນສໍາເລັດ. ພ້ອມກັນນັ້ນນັກສຶກສາກໍຕ້ອງຖືສໍາຄັນອັນດັບໜຶ່ງຕໍ່ວຽກງານຄົ້ນຄ້ວາຮໍ່າຮຽນທິດສະດີການເມືອງແລະການປົກຄອງ, ແນວທາງນະໂຍບາຍຂອງພັກແລະກົດໝາຍຂອງລັດໃນຊຸດນີ້ດ້ວຍຄວາມຈູບຈ້າວຫ້າວຫັນ, ປະຕິບັດວາລະຕາຕະລາງການຮຽນ - ການສອນໃຫ້ດີແລະຮຽນສໍາເລັດແລ້ວເປັນຜູ້ທີ່ໄດ້ຮັບການພັດທະນາທາງທິດສະດີມາກ - ເລນິນຂັ້ນກາງມີຄວາມຮູ້, ຄວາມສາມາດແລະມີຄຸນນະພາບສູງ, ເພື່ອຮອງຮັບການປະຕິບັດໜ້າທີ່ການເມືອງທີ່ໄດ້ຮັບການມອບໝາຍທີ່ມີປະສິດຕິພາບແລະປະສິດຕິຜົນສູງ.
ໃນໂອກາດດັ່ງກ່າວນີ້, ໄດ້ມອບໃບຍ້ອງຍໍໃຫ້ແກ່ບຸກຄົນທີ່ມີຜົນງານດີເດັ່ນໃນການແຂ່ງຂັນຮັກຊາດແລະພັດທະນາປະຈຳປີ2023ໃຫ້ແກ່ພະນັກງານລັດຖະກອນຢູ່ໂຮງຮຽນການເມືອງແລະການປົກຄອງແຂວງຈຳນວນ15ທ່ານ, ຍິງ7ທ່ານ, ພ້ອມກັນນີ້ໄດ້ມອບໃບຍ້ອງຍໍໃຫ້ແກ່ພະແນກອຸດສາຫະກຳແລະການຄ້າແຂວງທີ່ໄດ້ປະກອບສ່ວນຊ່ວຍເຫຼື່ອເງິນສົດຈຳນວນ5.200.000ເຂົ້າໃນການພັດທະນາໂຮງຮຽນການເມືອງການປົກຄອງແຂວງຕື່ມອີກ.(ພາບ-ຂ່າວ: ແສງຄຳສາລີວັນ)
ໃນພິທີ, ຄະນະຈັດຕັ້ງໄດ້ຂຶ້ນຜ່ານຂໍ້ຕົກລົງຂອງສະຖາບັນການເມືອງແລະການປົກຄອງແຫ່ງຊາດສະບັບເລກທີ929/ສມປຊວ່າດ້ວຍການອະນຸມັດເປີດຊຸດຮຽນລະບົບຂັ້ນກາງຮຸ່ນທີII ຢູ່ໂຮງຮຽນການເມືອງການແລະການປົກຄອງແຂວງຜົ້ງສາລີ, ຜ່ານມະຕິຕົກລົງຂອງຄະນະປະຈຳພັກແຂວງສະບັບເລກທີ291/ຄພຂວ່າດ້ວຍການຄັດເລືອກພະນັກງານນໍາພາຄຸ້ມຄອງໄປຮຽນທິດສະດີການເມືອງ-ການປົກຄອງຂັ້ນກາງຮຸ່ນທີII ຢູ່ໂຮງຮຽນການເມືອງ-ການປົກຄອງແຂວງຜົ້ງສາລີປະຈຳສົກປີ2024ຊຶ່ງລວມມີຈໍານວນ55ສະຫາຍ, ຍິງ10ສະຫາຍ.
ໂອກາດນີ້ທ່ານຈັນສີແສງສົມພູກໍໄດ້ມີຄຳເຫັນກ່າວວ່າ: ການເປີດຊຸດຮຽນທິດສະດີການເມືອງແລະການປົກຄອງໃນຄັ້ງນີ້ສຸດທີ່ມີຄວາມໝາຍ, ຄວາມສໍາຄັນເປັນຢ່າງຍິ່ງແລະຈະໃຊ້ເວລາຈັດຕັ້ງປະຕິບັດຕາມໂຄງການຫຼັກສູດ6ເດືອນເຕັມ, ເພື່ອແນໃສ່ບໍາລຸງກໍ່ສ້າງພະນັກງານນໍາພາ-ຄຸ້ມຄອງຢູ່ແຂວງຜົ້ງສາລີໃຫ້ມີການຫັນປ່ຽນໃໝ່ທີ່ຕັ້ງໜ້າທາງດ້ານທິດສະດີການເມືອງແລະການປົກຄອງແລະແນວທາງແຜນນະໂຍບາຍຂອງພັກ-ກົດຫມາຍຂອງລັດໃຫ້ສູງຂຶ້ນ, ເພື່ອຕອບສະໜອງໃນໜ້າທີ່ການເມືອງໃນຍຸກສະໃໝ່ປັດຈຸບັນກໍຄືໃນສະເພາະໜ້າແລະຍາວນານເທື່ອລະກ້າວຕາມທິດນໍາຂອງພັກທີ່ວ່າ: ສ້າງພະນັກງານສືບທອດປ່ຽນແທນທີ່ມີຄຸນນະພາບທາງດ້ານວິທະຍາສາດ, ເຕັກນິກ, ເຕັກໂນໂລຊີທີ່ກ້າວໜ້າຂອງມວນມະນຸດ, ສ້າງພະນັກງານມີຄຸນທາດການເມືອງ, ມີຄຸນສົມບັດສິນທໍາປະຕິວັດ, ມີມາດຖານເງື່ອນໄຂທີ່ດີ, ທີ່ເກັ່ງກ້າ, ເປັນແບບຢ່າງນໍາໜ້າທີ່ດີໃນລະບົບການເມືອງ, ຈົງຮັກພັກດີເພື່ອຮັບໃຊ້ຊາດ, ຮັບໃຊ້ປະຊາຊົນຢ່າງແທ້ຈິງ; ຈາກນັ້ນທ່ານນາງວອນສຸລິວັນຮອງຫົວໜ້າໂຮງຮຽນການເມືອງ - ການປົກຄອງແຂວງຜົ້ງສາລີກໍໄດ້ຂຶ້ນຜ່ານແຜນການຮຽນ - ການສອນທິດສະດີການເມືອງແລະການປົກຄອງລະບົບ6ເດືອນຂັ້ນກາງຮຸ່ນທີII ຊຶ່ງຊຸດຮຽນທິດສະດີການເມືອງຊັ້ນກາງໃຊ້ເວລາຮຽນທັງໝົດ6ເດືອນເທົ່າກັບ29ອາທິດຫຼືເທົ່າກັບ145ວັນ, ໃນນັ້ນ: ມີວິຊາຮຽນຈຳນວນທັງໝົດ14ວິຊາຮຽນ, ແບ່ງອອກເປັນ7ກຸ່ມວິຊາຮຽນແລະຂຽນບົດຈົບຂັ້ນ, ລວມທັງໝົດເທົ່າກັບ720ຊົ່ວໂມງຫຼື45ໜ່ວຍກິດລະອຽດມີຄື: ບັນຍາຍ370ຊົ່ວໂມງ, ຄົ້ນຄວ້າແລະກຽມສໍາມະນາ45ຊົ່ວໂມງ, ສຳມະນາ91ຊົ່ວໂມງ, ແກ້ຂໍ້ຂ້ອງໃຈ39ຊົ່ວໂມງ, ທວນເສັງ10ຊົ່ວໂມງ, ຂຽນບົດລາຍງານແລະບົດເກັບກ່ຽວ56ຊົ່ວໂມງ, ເສັງຂຽນ16ຊົ່ວໂມງ, ທັດສະນະສຶກສາ4ຊົ່ວໂມງ, ວິຊາບັງຄັບແລະຫົວຂໍ້ລາຍງານເພີ່ມ28ຊົ່ວໂມງ, ແນະນໍາຫົວຂໍ້ແລະແນະນໍາຂຽນບົດ4ຊົ່ວໂມງ, ແນະນໍາປ້ອງກັນ4ຊົ່ວໂມງ, ປ້ອງກັນບົດ7ຊົ່ວໂມງ, ລົງເກັບກຳຂໍ້ມູນແລະຂຽນບົດ46ຊົ່ວໂມງ.
ໂອກາດທີ່ມີຄວາມໝາຍຄວາມສຳຄັນນີ້, ທ່ານຄຳຜອຍວັນນະສານເຈົ້າແຂວງຜົ້ງສາລີໄດ້ຮຽກຮ້ອງໃຫ້ບັນດາສະຫາຍຄູອາຈານຈົ່ງພ້ອມກັນຍົກສູງຫນ້າທີ່ຄວາມຮັບຜິດຊອບທີ່ໄດ້ຮັບການມອບຫມາຍໂດຍສະເພາະການຄົ້ນຄ້ວາຫຼັກສູດການສິດສອນຕ້ອງຮັບປະກັນລັກສະນະວິທະຍາສາດ, ຮັບປະກັນການສົ່ງຄວາມຮູ້ໃຫ້ນັກສຶກສາໃຫ້ມີລັກສະນະທິດສະດີແລະຕິດພັນກັບພຶດຕິກໍາຕົວຈິງໃຫ້ກ້ວາງຂວາງແລະເລິກເຊິ່ງໄປຄຽງຄູ່ກັບຍຸກສະໄໝປັດຈຸບັນ, ເປັນເຈົ້າການຍົກສູງສະຕິແລະເຄົາລົບລະບຽບໃນການຂຶ້ນຫ້ອງລົງຫ້ອງຕ້ອງຖືກກັບໂມງເວລາຢ່າງເຂັ້ມງວດ, ຫ້າມມາຊ້າແລະເລີກໄວ, ທັງຮັບປະກັນການສອນດີ-ຮຽນເກັ່ງທີ່ມີຄຸນນະພາບແລະມີຜົນສໍາເລັດ. ພ້ອມກັນນັ້ນນັກສຶກສາກໍຕ້ອງຖືສໍາຄັນອັນດັບໜຶ່ງຕໍ່ວຽກງານຄົ້ນຄ້ວາຮໍ່າຮຽນທິດສະດີການເມືອງແລະການປົກຄອງ, ແນວທາງນະໂຍບາຍຂອງພັກແລະກົດໝາຍຂອງລັດໃນຊຸດນີ້ດ້ວຍຄວາມຈູບຈ້າວຫ້າວຫັນ, ປະຕິບັດວາລະຕາຕະລາງການຮຽນ - ການສອນໃຫ້ດີແລະຮຽນສໍາເລັດແລ້ວເປັນຜູ້ທີ່ໄດ້ຮັບການພັດທະນາທາງທິດສະດີມາກ - ເລນິນຂັ້ນກາງມີຄວາມຮູ້, ຄວາມສາມາດແລະມີຄຸນນະພາບສູງ, ເພື່ອຮອງຮັບການປະຕິບັດໜ້າທີ່ການເມືອງທີ່ໄດ້ຮັບການມອບໝາຍທີ່ມີປະສິດຕິພາບແລະປະສິດຕິຜົນສູງ.
ໃນໂອກາດດັ່ງກ່າວນີ້, ໄດ້ມອບໃບຍ້ອງຍໍໃຫ້ແກ່ບຸກຄົນທີ່ມີຜົນງານດີເດັ່ນໃນການແຂ່ງຂັນຮັກຊາດແລະພັດທະນາປະຈຳປີ2023ໃຫ້ແກ່ພະນັກງານລັດຖະກອນຢູ່ໂຮງຮຽນການເມືອງແລະການປົກຄອງແຂວງຈຳນວນ15ທ່ານ, ຍິງ7ທ່ານ, ພ້ອມກັນນີ້ໄດ້ມອບໃບຍ້ອງຍໍໃຫ້ແກ່ພະແນກອຸດສາຫະກຳແລະການຄ້າແຂວງທີ່ໄດ້ປະກອບສ່ວນຊ່ວຍເຫຼື່ອເງິນສົດຈຳນວນ5.200.000ເຂົ້າໃນການພັດທະນາໂຮງຮຽນການເມືອງການປົກຄອງແຂວງຕື່ມອີກ.(ພາບ-ຂ່າວ: ແສງຄຳສາລີວັນ)
