ທ່ານ ສົມສີ ຊາວພິລາ ຫົວໜ້າຫ້ອງການກະສິກໍາ ແລະ ປ່າໄມ້ເມືອງແກ່ນທ້າວ ແຂວງໄຊຍະບູລີ ໄດ້ໃຫ້ສໍາພາດຕໍ່ນັກຂ່າວທ້ອງຖິ່ນວ່າ: ທົ່ວເມືອງແກ່ນທ້າວ ມີເນື້ອທີ່ແຜນການປູກເຂົ້າ ທັງໝົດ 6.550 ກວ່າເຮັກຕາ. ໃນນີ້, ເຂົ້ານາ ເນື້ອທີ່ແຜນການ 6,350 ກວ່າເຮັກຕາ ປັກດໍາສໍາເລັດແລ້ວ 6,000 ກວ່າເຮັກຕາ ເທົ່າກັບ 95,06%ຂອງແຜນການ ແລະ ເຂົ້າເນີນສູງ (ເຂົ້າໄຮ່) ເນື້ອທີ່ແຜນການ 200 ເຮັກຕາ ປະຕິບັດໄດ້ 150 ກວ່າເຮັກຕາ ເທົ່າກັບ 76,76%ຂອງແຜນການ ຄາດວ່າການປັກດໍານາປີ ຈະສໍາເລັດໃນຕົ້ນເດືອນສິງຫານີ້.
ນອກຈາກປູູກເຂົ້າແລ້ວ ຊາວກະສິກອນ ເມືອງແກ່ນທ້າວ ຍັງໄດ້ປູກພືດລະດູຝົນ ເນື້ອທີ່ແຜນການ 21.000 ເຮັກຕາ ປະຕິບັດໄດ້ 20.600 ກວ່າເຮັກຕາ ເທົ່າກັບ 97,07%ຂອງແຜນການ. ໃນນີ້, ພືດສະບຽງອາຫານ ເນື້ອທີ່ແຜນການ 250 ເຮັກຕາ ປະຕິບັດໄດ້ 250 ກວ່າເຮັກຕາ ເທົ່າກັບ 101,80%ຂອງແຜນການ. ພືດທີ່ປູກ ແມ່ນສາລີຫວານ,ຖົ່ວຕ່າງໆ, ເຜືອກ-ມັນ, ໝາກແຕງກົວ, ໝາກເຜັດ, ໝາກເຂືອ ແລະ ພືດອື່ນໆ ແລະ ພືດອຸດສາຫະກໍາເປັນສິນຄ້າ ເນື້ອທີ່ແຜນການ 21.000 ເຮັກຕາ ປະຕິບັດໄດ້ 20.300 ກວ່າເຮັກຕາ ເທົ່າກັບ 97,02%ຂອງແຜນການ ປູກຫຼາຍກວ່າໝູແມ່ນມັນຕົ້ນ 17.600 ກວ່າເຮັກຕາ ເທົ່າກັບ 97,97%ຂອງແຜນການ. ນອກຈາກນີ້, ຍັງໄດ້ປູກໄມ້ກິນໝາກ ປະເພດໝາກຂາມ ເນື້ອທີ່ 300 ກວ່າເຮັກຕາ ແລະ ປູກຢາງພາລາ 1.200 ກວ່າເຮັກຕາ.
ທ່ານ ສົມສີ ຊາວພິລາ ຫົວໜ້າຫ້ອງການກະສິກໍາ ແລະ ປ່າໄມ້ ເມືອງແກ່ນທ້າວ ຍັງໃຫ້ຮູ້ຕື່ມວ່າ: ຫ້ອງການກະສິກໍາ ແລະ ປ່າໄມ້ ເມືອງ ໄດ້ມີແຜນຕ້ານແລ້ງ-ຕ້ານຖ້ວມ ຢ່າງລະອຽດເພື່ອກະກຽມການຊ່ວຍເຫຼືອຊາວກະສິກອນໃຫ້ທ່ວງທັນເວລາ ໂດຍໄດ້ແຕ່ງຕັ້ງພະນັກງານວິຊາການ ລົງສົມທົບກັບອົງການປົກຄອງບ້ານ ແລະ ພໍ່ແມ່ປະຊາຊົນ ຊາວກະສິກອນໃນທົ່ວເມືອງ ໃຫ້ເອົາໃຈໃສ່ສ້າງຊົນລະປະທານ ເໝືອງ-ຝາຍ ທ້ອງຖິ່ນຂອງຕົນ ຕາມບ່ອນທີ່ມີເງື່ອນໄຂ ແລະ ຈົກໜອງ ເພື່ອເກັບກັກນໍ້າ,ກະກຽມຈັກສູບນໍ້າ ແລະ ອື່ນໆ, ປະສານສົມທົບກັບຜູ້ປະກອບການເກັບຊື້ຜົນຜະລິດສົ່ງອອກ ໃຫ້ເກັບຮັກສາແນວພັນພືດໄວ້ຍາມສຸກເສີນ ເປັນຕົ້ນແມ່ນຖົ່ວແດງ,ຖົ່ວດິນ ແລະ ພືດອື່ນໆທີ່ຈໍາເປັນ, ປະສານສົມທົບກັບສາຍຕັ້ງ- ສາຍຂວາງ ເພື່ອຂໍທິດຊີ້ນໍາຢ່າງເປັນປົກກະຕິ. (ຂ່າວ: ແກ່ນທ້າວ)
ນອກຈາກປູູກເຂົ້າແລ້ວ ຊາວກະສິກອນ ເມືອງແກ່ນທ້າວ ຍັງໄດ້ປູກພືດລະດູຝົນ ເນື້ອທີ່ແຜນການ 21.000 ເຮັກຕາ ປະຕິບັດໄດ້ 20.600 ກວ່າເຮັກຕາ ເທົ່າກັບ 97,07%ຂອງແຜນການ. ໃນນີ້, ພືດສະບຽງອາຫານ ເນື້ອທີ່ແຜນການ 250 ເຮັກຕາ ປະຕິບັດໄດ້ 250 ກວ່າເຮັກຕາ ເທົ່າກັບ 101,80%ຂອງແຜນການ. ພືດທີ່ປູກ ແມ່ນສາລີຫວານ,ຖົ່ວຕ່າງໆ, ເຜືອກ-ມັນ, ໝາກແຕງກົວ, ໝາກເຜັດ, ໝາກເຂືອ ແລະ ພືດອື່ນໆ ແລະ ພືດອຸດສາຫະກໍາເປັນສິນຄ້າ ເນື້ອທີ່ແຜນການ 21.000 ເຮັກຕາ ປະຕິບັດໄດ້ 20.300 ກວ່າເຮັກຕາ ເທົ່າກັບ 97,02%ຂອງແຜນການ ປູກຫຼາຍກວ່າໝູແມ່ນມັນຕົ້ນ 17.600 ກວ່າເຮັກຕາ ເທົ່າກັບ 97,97%ຂອງແຜນການ. ນອກຈາກນີ້, ຍັງໄດ້ປູກໄມ້ກິນໝາກ ປະເພດໝາກຂາມ ເນື້ອທີ່ 300 ກວ່າເຮັກຕາ ແລະ ປູກຢາງພາລາ 1.200 ກວ່າເຮັກຕາ.
ທ່ານ ສົມສີ ຊາວພິລາ ຫົວໜ້າຫ້ອງການກະສິກໍາ ແລະ ປ່າໄມ້ ເມືອງແກ່ນທ້າວ ຍັງໃຫ້ຮູ້ຕື່ມວ່າ: ຫ້ອງການກະສິກໍາ ແລະ ປ່າໄມ້ ເມືອງ ໄດ້ມີແຜນຕ້ານແລ້ງ-ຕ້ານຖ້ວມ ຢ່າງລະອຽດເພື່ອກະກຽມການຊ່ວຍເຫຼືອຊາວກະສິກອນໃຫ້ທ່ວງທັນເວລາ ໂດຍໄດ້ແຕ່ງຕັ້ງພະນັກງານວິຊາການ ລົງສົມທົບກັບອົງການປົກຄອງບ້ານ ແລະ ພໍ່ແມ່ປະຊາຊົນ ຊາວກະສິກອນໃນທົ່ວເມືອງ ໃຫ້ເອົາໃຈໃສ່ສ້າງຊົນລະປະທານ ເໝືອງ-ຝາຍ ທ້ອງຖິ່ນຂອງຕົນ ຕາມບ່ອນທີ່ມີເງື່ອນໄຂ ແລະ ຈົກໜອງ ເພື່ອເກັບກັກນໍ້າ,ກະກຽມຈັກສູບນໍ້າ ແລະ ອື່ນໆ, ປະສານສົມທົບກັບຜູ້ປະກອບການເກັບຊື້ຜົນຜະລິດສົ່ງອອກ ໃຫ້ເກັບຮັກສາແນວພັນພືດໄວ້ຍາມສຸກເສີນ ເປັນຕົ້ນແມ່ນຖົ່ວແດງ,ຖົ່ວດິນ ແລະ ພືດອື່ນໆທີ່ຈໍາເປັນ, ປະສານສົມທົບກັບສາຍຕັ້ງ- ສາຍຂວາງ ເພື່ອຂໍທິດຊີ້ນໍາຢ່າງເປັນປົກກະຕິ. (ຂ່າວ: ແກ່ນທ້າວ)
