ໜັງເຄັມ(ໜັງຍໍາ) ຄຽງຄູ່ກັບເຂົ້າໜຽວ ຂອງຄົນລາວມາຕັ້ງແຕ່ດົນນານ ກາຍເປັນທີ່ນິຍົມຊົມຊື້ ຂອງຄົນຕ່າງປະເທດເປັນຈໍານວນຫຼາຍ ດັ່ງຜະລິດຕະພັນໂບນິຕາໜັງເຄັມ ສົ່ງອອກໄປຫຼາຍປະເທດ ຈົນເປັນທີ່ຮູ້ຈັກ ຂອງຄົນລາວ ແລະ ຄົນຕ່າງປະເທດ.
ທ່ານ ນາງ ໂບນິຕາ ວົງມີໄຊ ປະຊາຊົນ ບ້ານຫ້ອມ, ເມືອງຫາດຊາຍຟອງ, ນະຄອນຫຼວງວຽງຈັນ ໃຫ້ສໍາພາດວ່າ: ກ່ອນຈະມາເຮັດອາຊີບນີ້ ແມ່ນຂາຍເຄື່ອງອອນລາຍທົ່ວໄປມາກ່ອນ ແຕ່ຍ້ອນການລະບາດຂອງພະຍາດໂຄວິດ-19 ເຮັດໃຫ້ຂາຍເຄື່ອງບໍ່ໄດ້ ຈຶ່ງເປັນຈຸດເລີ່ມຕົ້ນ ໃນການຫາອາຊີບໃໝ່ ແລະ ໄດ້ມາເຮັດໜັງເຄັມຂາຍ. ສາເຫດທີ່ເລືອກອາຊີບນີ້ ສ່ວນໜຶ່ງກໍເນື່ອງຈາກມີຍາດຕິພີ່ນ້ອງ ເຮັດທຸລະກິດກ່ຽວກັບຄ້າ-ຂາຍຊີ້ນຢູ່ທາງພາກໃຕ້ ເລີຍມີວັດຖຸດິບໃນການຜະລິດ ໂດຍເບື້ອງຕົ້ນທີ່ເຮັດກໍລອງຜິດລອງຖືກ ມາຫຼາຍຄັ້ງກວ່າຈະໄດ້ໜັງເຄັມທີ່ແຊບ ທັງເປັນທີ່ຍອມຮັບຈາກລູກຄ້າ ໂດຍສະເພາະແມ່ນປະເທດເພື່ອນບ້ານໃກ້ຄຽງ ແລະ ຍັງມີຕົວແທນຈໍາໜ່າຍເກືອບທຸກແຂວງທົ່ວປະເທດ. ສິ່ງທີ່ສາມາດເຮັດໃຫ້ຜະລິດຕະພັນຂອງຕົນມີຍອດຂາຍສູງ ນອກຈາກຄວາມແຊບທີ່ເປັນເອກະລັກແລ້ວ ແມ່ນຍ້ອນການໂຄສະນາ ໂດຍໃຊ້ສື່ອອນລາຍເປັນຫຼັກ ບໍ່ວ່າຈະເປັນແອັບຕິກຕ໋ອກ, ເຟສບຸກ ຈຶ່ງສາມາດເຂົ້າເຖິງລູກຄ້າຢ່າງກວ້າງຂວາງທັງພາຍໃນ ແລະ ຕ່າງປະເທດທີ່ມັກກິນອາຫານລາວພື້ນບ້ານແທ້ໆ ໂດຍສະເພາະແມ່ນຈີ່ໜັງຈໍ້າແຈ່ວປາແດກ ກັບເຂົ້າໜຽວຮ້ອນໆ ທີ່ມີຈຸດພິເສດທີ່ແຕກຕ່າງຈາກໜັງເຄັມທົ່ວໄປ ຄື: ເວລາຈີ່ອອກມາແລ້ວ ເຮັດໃຫ້ໜັງເຄັມ ມີຄວາມໜຽວ ແລະ ອ່ອນນຸ້ມ ເຖິງຈະຈີ່ແຕ່ຕອນເຊົ້າ ກໍສາມາດເກັບຮັກສາໄວ້ກິນຕອນແລງໄດ້ ແຕ່ຕ້ອງບໍ່ໃຫ້ຖືກລົມ ແລະ ປະໄວ້ໃນອຸນຫະພູມປົກກະຕິທົ່ວໄປ. ຜະລິດຕະພັນໜັງເຄັມ ເລີ່ມມາແຕ່ປີ 2020 ຈົນຮອດປັດຈຸບັນ. ຈຸດປະສົງ ເພື່ອຢາກຍົກລະດັບ ຜະລິດຕະພັນໜັງເຄັມທີ່ເປັນ ຂອງຄົນລາວ ແປຮູບ ໃຫ້ເປັນຫຼາຍໆສູດອາຫານ ແລະ ໄດ້ຄວາມຄິດມາຈາກໝູ່ເພື່ອນ ບໍ່ຢາກໃຫ້ເປັນພຽງແຕ່ໜັງເຄັມຈີ່ເທົ່ານັ້ນ ຈຶ່ງຄິດສູດຂຶ້ນມາ ຄື: ໜັງເຄັມຈີ່ສໍາເລັດຮູບ, ໜັງເຄັມທອດ, ໜັງເຄັມຕົ້ມ ແລະ ໃນປັດຈຸບັນ ມີຜະລິດຕະພັນໃໝ່ ຄື: ໜັງທອດ ພ້ອມຮັບປະທານໄດ້(ໝາຍຄວາມວ່າ ເປີດຊອງອອກມາແລ້ວ ສາມາດຮັບປະທານໄດ້ເລີຍ). ຄຽງຄູ່ກັນນີ້ ເພື່ອບໍລິການລູກຄ້າ ທີ່ຊົມໃຊ້ຜະລິດຕະພັນມາໂດຍຕະຫຼອດ ທາງຮ້ານຈຶ່ງຄົ້ນຄິດສູດນໍ້າແຈ່ວອອກມາ ຄື: ໝາຍຄວາມວ່າ ລູກຄ້າທ່ານໃດ ຊື້ຜະລິດຕະພັນໜັງພາຍໃນຮ້ານຈະແຖມແຈ່ວໃຫ້ພ້ອມ ແລະ ພະຍາຍາມຄິດຄົ້ນສູດ ແລະ ວິທີການຜະລິດ ປຸງແຕ່ງ, ເພີ່ມຄວາມແຊບໃນການກິນໜັງເຄັມຂຶ້ນຕື່ມ ມີຄວາມອ່ອນ, ນຸ້ມນວນ, ບໍ່ແຂງ, ຈີ່ຕອນເຊົ້າປະໄວ້ກິນຕອນແລງກໍໄດ້ ຊຶ່ງສູດນີ້ໄດ້ເປັນຈຸດມັດໃຈລູກຄ້າທັງພາຍໃນ ແລະ ຕ່າງປະເທດ, ມາຮອດປັດຈຸບັນ ຜະລິດຕະພັນ ມີ: ສົ້ມໜັງຄວາຍຕື່ມອີກ ແຕ່ຍັງບໍ່ທັນໄດ້ເປີດໂຕເທື່ອ ມີແຕ່ສັ່ງຜ່ານທາງອອນລາຍເທົ່ານັ້ນ.
ມາເຖິງປັດຈຸບັນ, ຜະລິດຕະພັນ ມີການຕອບຮັບຈາກສັງຄົມເປັນຢ່າງດີ ຊຶ່ງສະແດງໃຫ້ເຫັນວ່າ ລູກຄ້າເກົ່າໄດ້ກັບຄືນມາຊື້ຄືນຢ່າງສະໝໍ່າສະເໝີ ນັບທັງພາຍໃນ ແລະ ຕ່າງປະເທດ ທັງເປັນຕົວແທນຈໍາໜ່າຍ ໄດ້ແກ່: ປະເທດມຽນມາ, ສ.ເກົາຫຼີ, ໄທ, ຈີນ, ຫວຽດນາມ ແລະ ອົດສະຕຣາລີ. ໂອກາດນີ້ ທ່ານນາງໂບນິຕາ ສະແດງຄວາມຂອບໃຈມາຍັງລູກຄ້າທຸກໆທ່ານ ທີ່ໄດ້ໃຫ້ການສະໜັບສະໜູນ, ຊົມໃຊ້ຜະລິດຕະພັນໜັງເຄັມມາໂດຍຕະຫຼອດ, ຖ້າຫາກວ່າ ບໍ່ມີລູກຄ້າໃຫ້ການສະໜັບສະໜູນ ກໍຈະບໍ່ມີຜະລິດຕະພັນ ໂບນິຕາໜັງເຄັມເຖິງທຸກວັນນີ້.
ທ່ານ ນາງ ໂບນິຕາ ວົງມີໄຊ ກ່າວຕື່ມວ່າ: ຄຽງຄູ່ກັບການຜະລິດແລະສົ່ງອອກນັ້ນ ຂໍ້ຫຍຸ້ງຍາກ ແມ່ນການນໍາເອົາວັດຖຸດິບເຂົ້າມາປຸງແຕ່ງ ຍ້ອນວ່າ ຈະເນັ້ນສະໜັບສະໜູນສິນຄ້າຂອງຄົນລາວເຮົາເປັນຫຼັກ ບາງໄລຍະ ວັດຖຸດິບ(ໜັງຄວາຍ) ອາດຈະຕອບສະໜອງບໍ່ພຽງພໍ. ເຖິງຢ່າງໃດກໍຕາມ ຜະລິດຕະພັນດັ່ງກ່າວຍັງໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງປະເທດ ຍ້ອນວ່າ ໄດ້ສ້າງວຽກເຮັດງານທໍາໃຫ້ກັບຊາວໜຸ່ມລາວເຮົາ ເຖິງ 56ຄົນ, ນະໂຍບາຍຕໍ່ພະນັກງານ ຕໍ່າສຸດ 2.500.000ກີບ-4.500.000ກີບ/ຄົນ/ເດືອນ, ທ່ານນາງ ພອນທິດາ ປ້ອງທຸມມາ ໃຫ້ສໍາພາດວ່າ: ເປັນພະນັກງານ ມາໄດ້ 2ປີແລ້ວ ເຫັນວ່າ ມີສະຫວັດດີການດີ, ເຈົ້າຂອງກິດຈະການຮັກແພງພະນັກງານທຸກໆຄົນເໝືອນກັບຄົນພາຍໃນຄອບຄົວດຽວກັນ, ເງິນທີ່ໄດ້ຮັບໃນແຕ່ລະເດືອນ ແມ່ນສາມາດຕອບສະໜອງກັບຄ່າຊົມໃຊ້ພາຍໃນເດືອນຢ່າງເປັນປົກກະຕິ ຊຶ່ງວຽກແຕ່ລະວັນ ແມ່ນແພັກອາຫານດ້ວຍຖົງຢາງສູນອາກາດ ຕິດນໍ້າໜັກທີ່ໄດ້ມາດຕະຖານ ແລະ ຮັກສາຄວາມສະອາດເປັນຫຼັກ ເພື່ອໃຫ້ລູກຄ້າໄດ້ບໍລິໂພກອາຫານທີ່ຖືກຫຼັກອະນາໄມ. ສຳລັບທ່ານໃດທີ່ຕ້ອງການກິນໜັງເຄັມແຊບໆ ຫຼື ຢາກເປັນຕົວແທນຈໍາໜ່າຍ ກໍສາມາດຕິດຕໍ່ສອບຖາມໄດ້ ຜ່ານເບີໂທ 020 23239290 ຫຼື ເຟສບຸກ Bonita ໂບນິຕາ ຂາຍງານແບນລິຂະສິດ 1ກິໂລ(ໜັງດິບ) ລາຄາ 85.000 ກີບ-190.000 ກີບ, ແຈ່ວຊີຟູດ, ນໍ້າຍໍາ ລາຄາຂາຍເລີ່ມຕົ້ນ 25.000ກີບ/ຕຸກ-45.000 ກີບ/ຕຸກ. ພ້ອມດຽວກັນນີ້ ຍັງໄດ້ບອກສູດການຈີ່ໜັງຕື່ມອີກວ່າ: ຖ້າຢາກໃຫ້ໜັງສວຍງາມ ແລະ ອ່ອນ ຕອນຈີ່ໜັງຕ້ອງໃຊ້ໄຟແຮງໆ ເພື່ອໃຫ້ໜັງໄໝ້ທຸກສ່ວນໂດຍລະອຽດ ຫຼັງຈາກນັ້ນກໍໃຊ້ມີດຂູດອັນດໍາໆອອກ ແລ້ວໃຊ້ຄ້ອນໜັກໆ ຫຼື ຄ້ອນຕີທຸບແຮງໆ ຈຶ່ງຈະໄດ້ໜັງທີ່ອ່ອນ.
ແຜນການໃນຕໍ່ໜ້າ ຢາກຂະຫຍາຍຕະຫຼາດອອກໄປຢ່າງກວ້າງຂວາງ ພ້ອມທັງວາງແຜນ ໃຫ້ລູກຄ້າໄດ້ເຂົ້າເຖິງ, ຊົມໃຊ້ຜະລິດຕະພັນຢ່າງສະດວກ ແລະ ງ່າຍຂຶ້ນ ໂດຍຈະນໍາເອົາຜະລິດຕະພັນດັ່ງກ່າວ ລົງຮ້ານຂາຍເຄື່ອງໃຫຍ່-ນ້ອຍທົ່ວໆໄປ.(ໂດຍ: ແສງຈັນ)
ທ່ານ ນາງ ໂບນິຕາ ວົງມີໄຊ ປະຊາຊົນ ບ້ານຫ້ອມ, ເມືອງຫາດຊາຍຟອງ, ນະຄອນຫຼວງວຽງຈັນ ໃຫ້ສໍາພາດວ່າ: ກ່ອນຈະມາເຮັດອາຊີບນີ້ ແມ່ນຂາຍເຄື່ອງອອນລາຍທົ່ວໄປມາກ່ອນ ແຕ່ຍ້ອນການລະບາດຂອງພະຍາດໂຄວິດ-19 ເຮັດໃຫ້ຂາຍເຄື່ອງບໍ່ໄດ້ ຈຶ່ງເປັນຈຸດເລີ່ມຕົ້ນ ໃນການຫາອາຊີບໃໝ່ ແລະ ໄດ້ມາເຮັດໜັງເຄັມຂາຍ. ສາເຫດທີ່ເລືອກອາຊີບນີ້ ສ່ວນໜຶ່ງກໍເນື່ອງຈາກມີຍາດຕິພີ່ນ້ອງ ເຮັດທຸລະກິດກ່ຽວກັບຄ້າ-ຂາຍຊີ້ນຢູ່ທາງພາກໃຕ້ ເລີຍມີວັດຖຸດິບໃນການຜະລິດ ໂດຍເບື້ອງຕົ້ນທີ່ເຮັດກໍລອງຜິດລອງຖືກ ມາຫຼາຍຄັ້ງກວ່າຈະໄດ້ໜັງເຄັມທີ່ແຊບ ທັງເປັນທີ່ຍອມຮັບຈາກລູກຄ້າ ໂດຍສະເພາະແມ່ນປະເທດເພື່ອນບ້ານໃກ້ຄຽງ ແລະ ຍັງມີຕົວແທນຈໍາໜ່າຍເກືອບທຸກແຂວງທົ່ວປະເທດ. ສິ່ງທີ່ສາມາດເຮັດໃຫ້ຜະລິດຕະພັນຂອງຕົນມີຍອດຂາຍສູງ ນອກຈາກຄວາມແຊບທີ່ເປັນເອກະລັກແລ້ວ ແມ່ນຍ້ອນການໂຄສະນາ ໂດຍໃຊ້ສື່ອອນລາຍເປັນຫຼັກ ບໍ່ວ່າຈະເປັນແອັບຕິກຕ໋ອກ, ເຟສບຸກ ຈຶ່ງສາມາດເຂົ້າເຖິງລູກຄ້າຢ່າງກວ້າງຂວາງທັງພາຍໃນ ແລະ ຕ່າງປະເທດທີ່ມັກກິນອາຫານລາວພື້ນບ້ານແທ້ໆ ໂດຍສະເພາະແມ່ນຈີ່ໜັງຈໍ້າແຈ່ວປາແດກ ກັບເຂົ້າໜຽວຮ້ອນໆ ທີ່ມີຈຸດພິເສດທີ່ແຕກຕ່າງຈາກໜັງເຄັມທົ່ວໄປ ຄື: ເວລາຈີ່ອອກມາແລ້ວ ເຮັດໃຫ້ໜັງເຄັມ ມີຄວາມໜຽວ ແລະ ອ່ອນນຸ້ມ ເຖິງຈະຈີ່ແຕ່ຕອນເຊົ້າ ກໍສາມາດເກັບຮັກສາໄວ້ກິນຕອນແລງໄດ້ ແຕ່ຕ້ອງບໍ່ໃຫ້ຖືກລົມ ແລະ ປະໄວ້ໃນອຸນຫະພູມປົກກະຕິທົ່ວໄປ. ຜະລິດຕະພັນໜັງເຄັມ ເລີ່ມມາແຕ່ປີ 2020 ຈົນຮອດປັດຈຸບັນ. ຈຸດປະສົງ ເພື່ອຢາກຍົກລະດັບ ຜະລິດຕະພັນໜັງເຄັມທີ່ເປັນ ຂອງຄົນລາວ ແປຮູບ ໃຫ້ເປັນຫຼາຍໆສູດອາຫານ ແລະ ໄດ້ຄວາມຄິດມາຈາກໝູ່ເພື່ອນ ບໍ່ຢາກໃຫ້ເປັນພຽງແຕ່ໜັງເຄັມຈີ່ເທົ່ານັ້ນ ຈຶ່ງຄິດສູດຂຶ້ນມາ ຄື: ໜັງເຄັມຈີ່ສໍາເລັດຮູບ, ໜັງເຄັມທອດ, ໜັງເຄັມຕົ້ມ ແລະ ໃນປັດຈຸບັນ ມີຜະລິດຕະພັນໃໝ່ ຄື: ໜັງທອດ ພ້ອມຮັບປະທານໄດ້(ໝາຍຄວາມວ່າ ເປີດຊອງອອກມາແລ້ວ ສາມາດຮັບປະທານໄດ້ເລີຍ). ຄຽງຄູ່ກັນນີ້ ເພື່ອບໍລິການລູກຄ້າ ທີ່ຊົມໃຊ້ຜະລິດຕະພັນມາໂດຍຕະຫຼອດ ທາງຮ້ານຈຶ່ງຄົ້ນຄິດສູດນໍ້າແຈ່ວອອກມາ ຄື: ໝາຍຄວາມວ່າ ລູກຄ້າທ່ານໃດ ຊື້ຜະລິດຕະພັນໜັງພາຍໃນຮ້ານຈະແຖມແຈ່ວໃຫ້ພ້ອມ ແລະ ພະຍາຍາມຄິດຄົ້ນສູດ ແລະ ວິທີການຜະລິດ ປຸງແຕ່ງ, ເພີ່ມຄວາມແຊບໃນການກິນໜັງເຄັມຂຶ້ນຕື່ມ ມີຄວາມອ່ອນ, ນຸ້ມນວນ, ບໍ່ແຂງ, ຈີ່ຕອນເຊົ້າປະໄວ້ກິນຕອນແລງກໍໄດ້ ຊຶ່ງສູດນີ້ໄດ້ເປັນຈຸດມັດໃຈລູກຄ້າທັງພາຍໃນ ແລະ ຕ່າງປະເທດ, ມາຮອດປັດຈຸບັນ ຜະລິດຕະພັນ ມີ: ສົ້ມໜັງຄວາຍຕື່ມອີກ ແຕ່ຍັງບໍ່ທັນໄດ້ເປີດໂຕເທື່ອ ມີແຕ່ສັ່ງຜ່ານທາງອອນລາຍເທົ່ານັ້ນ.
ມາເຖິງປັດຈຸບັນ, ຜະລິດຕະພັນ ມີການຕອບຮັບຈາກສັງຄົມເປັນຢ່າງດີ ຊຶ່ງສະແດງໃຫ້ເຫັນວ່າ ລູກຄ້າເກົ່າໄດ້ກັບຄືນມາຊື້ຄືນຢ່າງສະໝໍ່າສະເໝີ ນັບທັງພາຍໃນ ແລະ ຕ່າງປະເທດ ທັງເປັນຕົວແທນຈໍາໜ່າຍ ໄດ້ແກ່: ປະເທດມຽນມາ, ສ.ເກົາຫຼີ, ໄທ, ຈີນ, ຫວຽດນາມ ແລະ ອົດສະຕຣາລີ. ໂອກາດນີ້ ທ່ານນາງໂບນິຕາ ສະແດງຄວາມຂອບໃຈມາຍັງລູກຄ້າທຸກໆທ່ານ ທີ່ໄດ້ໃຫ້ການສະໜັບສະໜູນ, ຊົມໃຊ້ຜະລິດຕະພັນໜັງເຄັມມາໂດຍຕະຫຼອດ, ຖ້າຫາກວ່າ ບໍ່ມີລູກຄ້າໃຫ້ການສະໜັບສະໜູນ ກໍຈະບໍ່ມີຜະລິດຕະພັນ ໂບນິຕາໜັງເຄັມເຖິງທຸກວັນນີ້.
ທ່ານ ນາງ ໂບນິຕາ ວົງມີໄຊ ກ່າວຕື່ມວ່າ: ຄຽງຄູ່ກັບການຜະລິດແລະສົ່ງອອກນັ້ນ ຂໍ້ຫຍຸ້ງຍາກ ແມ່ນການນໍາເອົາວັດຖຸດິບເຂົ້າມາປຸງແຕ່ງ ຍ້ອນວ່າ ຈະເນັ້ນສະໜັບສະໜູນສິນຄ້າຂອງຄົນລາວເຮົາເປັນຫຼັກ ບາງໄລຍະ ວັດຖຸດິບ(ໜັງຄວາຍ) ອາດຈະຕອບສະໜອງບໍ່ພຽງພໍ. ເຖິງຢ່າງໃດກໍຕາມ ຜະລິດຕະພັນດັ່ງກ່າວຍັງໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງປະເທດ ຍ້ອນວ່າ ໄດ້ສ້າງວຽກເຮັດງານທໍາໃຫ້ກັບຊາວໜຸ່ມລາວເຮົາ ເຖິງ 56ຄົນ, ນະໂຍບາຍຕໍ່ພະນັກງານ ຕໍ່າສຸດ 2.500.000ກີບ-4.500.000ກີບ/ຄົນ/ເດືອນ, ທ່ານນາງ ພອນທິດາ ປ້ອງທຸມມາ ໃຫ້ສໍາພາດວ່າ: ເປັນພະນັກງານ ມາໄດ້ 2ປີແລ້ວ ເຫັນວ່າ ມີສະຫວັດດີການດີ, ເຈົ້າຂອງກິດຈະການຮັກແພງພະນັກງານທຸກໆຄົນເໝືອນກັບຄົນພາຍໃນຄອບຄົວດຽວກັນ, ເງິນທີ່ໄດ້ຮັບໃນແຕ່ລະເດືອນ ແມ່ນສາມາດຕອບສະໜອງກັບຄ່າຊົມໃຊ້ພາຍໃນເດືອນຢ່າງເປັນປົກກະຕິ ຊຶ່ງວຽກແຕ່ລະວັນ ແມ່ນແພັກອາຫານດ້ວຍຖົງຢາງສູນອາກາດ ຕິດນໍ້າໜັກທີ່ໄດ້ມາດຕະຖານ ແລະ ຮັກສາຄວາມສະອາດເປັນຫຼັກ ເພື່ອໃຫ້ລູກຄ້າໄດ້ບໍລິໂພກອາຫານທີ່ຖືກຫຼັກອະນາໄມ. ສຳລັບທ່ານໃດທີ່ຕ້ອງການກິນໜັງເຄັມແຊບໆ ຫຼື ຢາກເປັນຕົວແທນຈໍາໜ່າຍ ກໍສາມາດຕິດຕໍ່ສອບຖາມໄດ້ ຜ່ານເບີໂທ 020 23239290 ຫຼື ເຟສບຸກ Bonita ໂບນິຕາ ຂາຍງານແບນລິຂະສິດ 1ກິໂລ(ໜັງດິບ) ລາຄາ 85.000 ກີບ-190.000 ກີບ, ແຈ່ວຊີຟູດ, ນໍ້າຍໍາ ລາຄາຂາຍເລີ່ມຕົ້ນ 25.000ກີບ/ຕຸກ-45.000 ກີບ/ຕຸກ. ພ້ອມດຽວກັນນີ້ ຍັງໄດ້ບອກສູດການຈີ່ໜັງຕື່ມອີກວ່າ: ຖ້າຢາກໃຫ້ໜັງສວຍງາມ ແລະ ອ່ອນ ຕອນຈີ່ໜັງຕ້ອງໃຊ້ໄຟແຮງໆ ເພື່ອໃຫ້ໜັງໄໝ້ທຸກສ່ວນໂດຍລະອຽດ ຫຼັງຈາກນັ້ນກໍໃຊ້ມີດຂູດອັນດໍາໆອອກ ແລ້ວໃຊ້ຄ້ອນໜັກໆ ຫຼື ຄ້ອນຕີທຸບແຮງໆ ຈຶ່ງຈະໄດ້ໜັງທີ່ອ່ອນ.
ແຜນການໃນຕໍ່ໜ້າ ຢາກຂະຫຍາຍຕະຫຼາດອອກໄປຢ່າງກວ້າງຂວາງ ພ້ອມທັງວາງແຜນ ໃຫ້ລູກຄ້າໄດ້ເຂົ້າເຖິງ, ຊົມໃຊ້ຜະລິດຕະພັນຢ່າງສະດວກ ແລະ ງ່າຍຂຶ້ນ ໂດຍຈະນໍາເອົາຜະລິດຕະພັນດັ່ງກ່າວ ລົງຮ້ານຂາຍເຄື່ອງໃຫຍ່-ນ້ອຍທົ່ວໆໄປ.(ໂດຍ: ແສງຈັນ)
