ກົມເຄຫາ ແລະຜັງເມືອງ, ກະຊວງໂຍທາທິການ ແລະ ຂົນສົ່ງ(ຍທຂ) ແລະ ເຄືອຂ່າຍຕົວເມືອງອັດສະລິຍະອາຊຽນ (ASEAN Smart Cities Network (ASCN)) ໄດ້ຈັດກອງປະຊຸມປະຈຳປີວຽກງານເຄືອຂ່າຍຕົວເມືອງອັດສະລິຍະອາຊຽນຄັ້ງທີ 7ຂຶ້ນໃນວັນທີ 30 ກໍລະກົດ 2024 ທີ່ແຂວງຫຼວງພະບາງ ໂດຍການເປັນປະທານຂອງ ທ່ານ ງາມປະສົງ ເມືອງມະນີ ລັດຖະມົນຕີ ຍທຂ; ມີບັນດາປະເທດສະມາຊິກເຂົ້າຮ່ວມ.
ທ່ານ ງາມປະສົງ ເມືອງມະນີ ໄດ້ກ່າວວ່າ: ການພັດທະນາການເຕັກໂນໂລຊີທີ່ທັນສະໄໝ ຈຳເປັນຕ້ອງມີການລົງທຶນຈຳນວນຫຼາຍ ໃນລະບົບໂຄງລ່າງພື້ໜຖານ ແລະການສ້າງຂີດຄວາມສາມາດ, ນອກຈາກນັ້ນ ການຄຸ້ມຄອງຂໍ້ມູນທີ່ເຂັ້ມແຂງ ແມ່ນມີຄວາມຈຳເປັນ ເພື່ອຮັບປະກັນຄວາມເປັນສ່ວນຕົວ ແລະ ຄວາມປອດໄພຂອງຂໍ້ມູນຂ່າວສານ, ຄວາມຮັບຮູ້ ແລະເຂົ້າໃຈຂອງປະຊາຊົນ ແລະ ການຍອມຮັບວິທີແກ້ໄຂທີ່ສະຫຼາດ ແມ່ນມີຄວາມສຳຄັນຢ່າງຍິ່ງ ເພື່ອຮັບປະກັນການຈັດຕັ້ງປະຕິບັດໃຫ້ມີຜົນສຳເລັດ. ກອງປະຊຸມໄດ້ແລກປ່ຽນປະສົບການໃນການຈັດຕັ້ງປະຕິບັດໂຄງການເມືອງອັດສະລິຍະຂອງຕົນ ແລະປຶກສາຫາລື ກ່ຽວກັບຄວາມພະຍາຍາມຂອງພາກພື້ນ ໃນການເສີມຂະຫຍາຍທາງເລືອກດ້ານການເງິນໃຫ້ແກ່ບັນດາຕົວເມືອງອັດສະລິຍະ ໃນການຈັດຕັ້ງປະຕິບັດໂຄງການຕ່າງໆ ລວມທັງການເພີ່ມທະວີການສະໜັບ ສະໜູນທາງດ້ານເຕັກນິກ ແລະ ການສ້າງຂີດຄວາມສາມາດໃຫ້ແກ່ຕົວເມືອງ, ພິຈາລະນາທິດທາງ ແລະຄວາມພະຍາຍາມຂອງອາຊຽນ ຫຼັງຈາກປີ 2025 ໃນການສ້າງຕົວເມືອງອັດສະລິຍະ ແລະ ຍືນຍົງແລະ ການເຂົ້າຮ່ວມຂອງບັນດາຄູ່ຮ່ວມພັດທະນາຂອງອາຊຽນ ໃນການລະດົມແຫຼ່ງຊັບພະຍາກອນຕ່າງໆ.
ທ່ານ ວຽງນາມ ດວງພະຈັນ, ຫົວໜ້າກົມເຄຫາ ແລະຜັງເມືອງ ກະຊວງ ຍທຂໄດ້ໃຫ້ຮູ້
ວ່າ: ຄວາມຕ້ອງການດ້ານນະວັດຕະກໍາ ແລະການແກ້ໄຂບັນຫາແບບຍືນຍົງ ກຳລັງຂະຫຍາຍຕົວເພີ່ມຂຶ້ນ ເນື່ອງຈາກບັນດາຕົວເມືອງຂອງພວກເຮົາຂະຫຍາຍຕົວຢ່າງຕໍ່ເນື່ອງ.ກອງປະຊຸມຄັ້ງນີ້ ແມ່ນເວທີປາໄສທີ່ສຳຄັນໃນການຮ່ວມມື, ແລກປ່ຽນຂໍ້ມູນຂ່າວສານແລະຄວາມພະຍາຍາມຂອງພວກເຮົາເພື່ອສ້າງອະນາຄົດທີ່ດີກວ່າສໍາລັບເຄືອຂ່າຍຕົວເມືອງອັດສະລິຍະຂອງອາຊຽນ.ໂອກາດນີ້ ຜູ້ຕາງໜ້າຈາກອົງການ UN-ESCAP, UN-Habitat, ທະນາຄານພັດທະນາອາຊີ (ADB), ສູນພັດທະນາຕົວເມືອງ ສປ ຈີນ, ກະຊວງ ທີ່ດິນໂຄງລ່າງພື້ນຖານຂົນສົ່ງ ແລະ ທ່ອງທ່ຽວ ປະເທດຍີ່ປຸ່ນ, ກະຊວງ ທີ່ດິນ, ໂຄງລ່າງພື້ນຖານ ແລະ ຂົນສົ່ງ ປະເທດ ສ.ເກົາຫຼີ ແລະກະຊວງ ຄົມມະນາຄົມຂົນສົ່ງ ຂອງ ສ. ອາເມລິກາໄດ້ເຂົ້າຮ່ວມກອງປະຊຸມໂຕະມົນ ເພື່ອປຶກສາຫາລື ກ່ຽວກັບການຮ່ວມມືໃນການພັດທະນາຕົວເມືອງອັດສະລິຍະ ແລະແບບຍືນຍົງ.ພ້ອມນັ້ນໃນວັນທີ 31 ກໍລະກົດ 2024 ກໍໄດ້ມີກອງປະຊຸມ ປຶກສາຫາລືກ່ຽວກັບບົດຮຽນ, ແນວຄວາມຄິດ ແລະ ການແກ້ໄຂນະວັດຕະກຳ ກ່ຽວກັບການພັດທະນາຕົວເມືອງທີ່ອັດສະລິຍະ ແລະ ຍືນຍົງ, ໂດຍຄໍານຶງເຖິງກາລະໂອກາດ ແລະສິ່ງທ້າທາຍ ຈາກການຫັນເປັນຕົວເມືອງຢ່າງວ່ອງໄວໃນບັນດາປະເທດອາຊຽນ(ຂ່າວ: ຍທຂ)
ທ່ານ ງາມປະສົງ ເມືອງມະນີ ໄດ້ກ່າວວ່າ: ການພັດທະນາການເຕັກໂນໂລຊີທີ່ທັນສະໄໝ ຈຳເປັນຕ້ອງມີການລົງທຶນຈຳນວນຫຼາຍ ໃນລະບົບໂຄງລ່າງພື້ໜຖານ ແລະການສ້າງຂີດຄວາມສາມາດ, ນອກຈາກນັ້ນ ການຄຸ້ມຄອງຂໍ້ມູນທີ່ເຂັ້ມແຂງ ແມ່ນມີຄວາມຈຳເປັນ ເພື່ອຮັບປະກັນຄວາມເປັນສ່ວນຕົວ ແລະ ຄວາມປອດໄພຂອງຂໍ້ມູນຂ່າວສານ, ຄວາມຮັບຮູ້ ແລະເຂົ້າໃຈຂອງປະຊາຊົນ ແລະ ການຍອມຮັບວິທີແກ້ໄຂທີ່ສະຫຼາດ ແມ່ນມີຄວາມສຳຄັນຢ່າງຍິ່ງ ເພື່ອຮັບປະກັນການຈັດຕັ້ງປະຕິບັດໃຫ້ມີຜົນສຳເລັດ. ກອງປະຊຸມໄດ້ແລກປ່ຽນປະສົບການໃນການຈັດຕັ້ງປະຕິບັດໂຄງການເມືອງອັດສະລິຍະຂອງຕົນ ແລະປຶກສາຫາລື ກ່ຽວກັບຄວາມພະຍາຍາມຂອງພາກພື້ນ ໃນການເສີມຂະຫຍາຍທາງເລືອກດ້ານການເງິນໃຫ້ແກ່ບັນດາຕົວເມືອງອັດສະລິຍະ ໃນການຈັດຕັ້ງປະຕິບັດໂຄງການຕ່າງໆ ລວມທັງການເພີ່ມທະວີການສະໜັບ ສະໜູນທາງດ້ານເຕັກນິກ ແລະ ການສ້າງຂີດຄວາມສາມາດໃຫ້ແກ່ຕົວເມືອງ, ພິຈາລະນາທິດທາງ ແລະຄວາມພະຍາຍາມຂອງອາຊຽນ ຫຼັງຈາກປີ 2025 ໃນການສ້າງຕົວເມືອງອັດສະລິຍະ ແລະ ຍືນຍົງແລະ ການເຂົ້າຮ່ວມຂອງບັນດາຄູ່ຮ່ວມພັດທະນາຂອງອາຊຽນ ໃນການລະດົມແຫຼ່ງຊັບພະຍາກອນຕ່າງໆ.
ທ່ານ ວຽງນາມ ດວງພະຈັນ, ຫົວໜ້າກົມເຄຫາ ແລະຜັງເມືອງ ກະຊວງ ຍທຂໄດ້ໃຫ້ຮູ້
ວ່າ: ຄວາມຕ້ອງການດ້ານນະວັດຕະກໍາ ແລະການແກ້ໄຂບັນຫາແບບຍືນຍົງ ກຳລັງຂະຫຍາຍຕົວເພີ່ມຂຶ້ນ ເນື່ອງຈາກບັນດາຕົວເມືອງຂອງພວກເຮົາຂະຫຍາຍຕົວຢ່າງຕໍ່ເນື່ອງ.ກອງປະຊຸມຄັ້ງນີ້ ແມ່ນເວທີປາໄສທີ່ສຳຄັນໃນການຮ່ວມມື, ແລກປ່ຽນຂໍ້ມູນຂ່າວສານແລະຄວາມພະຍາຍາມຂອງພວກເຮົາເພື່ອສ້າງອະນາຄົດທີ່ດີກວ່າສໍາລັບເຄືອຂ່າຍຕົວເມືອງອັດສະລິຍະຂອງອາຊຽນ.ໂອກາດນີ້ ຜູ້ຕາງໜ້າຈາກອົງການ UN-ESCAP, UN-Habitat, ທະນາຄານພັດທະນາອາຊີ (ADB), ສູນພັດທະນາຕົວເມືອງ ສປ ຈີນ, ກະຊວງ ທີ່ດິນໂຄງລ່າງພື້ນຖານຂົນສົ່ງ ແລະ ທ່ອງທ່ຽວ ປະເທດຍີ່ປຸ່ນ, ກະຊວງ ທີ່ດິນ, ໂຄງລ່າງພື້ນຖານ ແລະ ຂົນສົ່ງ ປະເທດ ສ.ເກົາຫຼີ ແລະກະຊວງ ຄົມມະນາຄົມຂົນສົ່ງ ຂອງ ສ. ອາເມລິກາໄດ້ເຂົ້າຮ່ວມກອງປະຊຸມໂຕະມົນ ເພື່ອປຶກສາຫາລື ກ່ຽວກັບການຮ່ວມມືໃນການພັດທະນາຕົວເມືອງອັດສະລິຍະ ແລະແບບຍືນຍົງ.ພ້ອມນັ້ນໃນວັນທີ 31 ກໍລະກົດ 2024 ກໍໄດ້ມີກອງປະຊຸມ ປຶກສາຫາລືກ່ຽວກັບບົດຮຽນ, ແນວຄວາມຄິດ ແລະ ການແກ້ໄຂນະວັດຕະກຳ ກ່ຽວກັບການພັດທະນາຕົວເມືອງທີ່ອັດສະລິຍະ ແລະ ຍືນຍົງ, ໂດຍຄໍານຶງເຖິງກາລະໂອກາດ ແລະສິ່ງທ້າທາຍ ຈາກການຫັນເປັນຕົວເມືອງຢ່າງວ່ອງໄວໃນບັນດາປະເທດອາຊຽນ(ຂ່າວ: ຍທຂ)
