ຂ່າວສານຊີອາໄອອລາຍງານວ່າ: ໃນຊຸມປີຜ່ານມາ, ໝາກຖົ່ວລຽນ ທີ່ຖືກເອີ້ນວ່າເປັນ “ລາຊາແຫ່ງໝາກໄມ້” ໄດ້ຮັບຄວາມນິຍົມຊົມຊອບຈາກຜູ້ບໍລິໂພກຊາວຈີນນັບມື້ນັບຫຼາຍຂຶ້ນ. ໂຕເລກຂໍ້ມູນຈາກອົງການຟາວສະຫະປະຊາຊາດສະແດງໃຫ້ເຫັນວ່າ: ໝາກຖົ່ວລຽນ 95% ໃນທົ່ວໂລກໄດ້ສົ່ງເຂົ້າປະເທດຈີນ. ຕາມສະຖິຕິຂອງອົງການພາສີແຫ່ງຊາດຈີນສະແດງໃຫ້ເຫັນວ່າ: ຍອດປະລິມານການນຳເຂົ້າໝາກຖົ່ວທຽນສົດຂອງຈີນໃນປີ 2023 ໄດ້ບັນລຸເຖິງ 6,7 ຕື້ໂດລາ; ໃນນັ້ນ, ສ່ວນຫຼວງຫຼາຍແມ່ນມາຈາກພາກພື້ນອາຊີຕາເວັນອອກສ່ຽງໃຕ້.
ເພື່ອຕອບສະໜອງຕາມຄວາມຕ້ອງການອັນມະຫາສານຂອງຕະຫຼາດຈີນທີ່ມີຕໍ່ໝາກຖົ່ວລຽນ, ຫຼາຍປະເທດໃນອາຊີຕາເວັນອອກສ່ຽງໃຕ້ໄດ້ເລີ່ມມີການເຄື່ອນໄຫວຕົວຈິງ. ຕະຫຼອດ 12 ປີຜ່ານມາ, ຜົນຜະລິດໝາກຖົ່ວລຽນຂອງໄທໄດ້ເພີ່ມຂຶ້ນເກືອບ 2 ເທົ່າ, ຊາວກະສິກອນຫວຽດນາມຈຳນວນຫຼວງຫຼາຍທີ່ເຄີຍປູກກາເຟໃນເມື່ອກ່ອນ ກໍໄດ້ຫັນມາປູກໝາກຖົ່ວລຽນ. ໃນຊຸມປີຜ່ານມາ, ລາວກໍເລີ່ມພັດທະນາຂະແໜງການປູກໝາກຖົ່ວລຽນເຊັ່ນດຽວກັນ. ຕາມການລາຍງານຂ່າວຂອງໜັງສືພິມ “ວຽນຈັນທາມ”, ໃນໄລຍະມໍ່ໆມານີ້, ບໍລິສັດກະສິກຳແຫ່ງໜຶ່ງຂອງເມືອງປາກຊ່ອງ ທາງພາກໃຕ້ຂອງລາວກຽມຈະຂະຫຍາຍສວນປູກໝາກຖົ່ວລຽນຂອງຕົນ ເພື່ອຕອບສະໜອງຕາມຄວາມຕ້ອງການພາຍໃນປະເທດລາວ ທີ່ນັບມື້ນັບເຕີບໃຫຍ່ຂະຫຍາຍຕົວ ແລະ ກຽມຈະສົ່ງອອກໄປຕະຫຼາດຈີນໃນປີ 2025. ສ່ວນສະມາຄົມການຄ້າກະສິກຳລາວ, ຜູ້ຕາງໜ້າຂະແໜງການປູກໝາກຖົ່ວລຽນລາວ ແລະ ນັກທຸລະກິດນຳເຂົ້າຜະລິດຕະພັນກະສິກຳຈີນ ກໍໄດ້ຈັດກອງປະຊຸມ 3 ຝ່າຍ, ນັກທຸລະກິດປູກໝາກຖົ່ວລຽນລາວກໍຕັ້ງໜ້າຄົ້ນຄວ້າໂອກາດເຂົ້າສູ່ຕະຫຼາດຈີນເຊັ່ນດຽວກັນ.
ການຂົນສົ່ງໝາກໄມ້ເຂດຮ້ອນຕ່າງໆ ເຊັ່ນ: ໝາກຖົ່ວລຽນ, ໝາກກ້ວຍເປັນຕົ້ນຕ້ອງແຂ່ງກັບເວລາ ຍ້ອນວ່າໝາກໄມ້ສົດສຸກແລ້ວຈະເປື່ອຍງ່າຍ. ການຂົນສົ່ງຕາມທາງລົດໄຟເປັນຮູບແບບການຂົນສົ່ງທີ່ລາຄາຖືກ ແລະ ໄວ້ໃຈໄດ້ທີ່ສຸດ. ໃນຖານະເປັນພາກສ່ວນສຳຄັນໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ທາງລົດໄຟຈີນ-ລາວໄດ້ເປັນພະລັງຂັບເຄື່ອນທີ່ແຂງແຮງໃຫ້ແກ່ການພັດທະນາຂອງປະເທດລາວ. ທາງລົດໄຟສາຍນີ້ເລີ່ມເປີດບໍລິການຕັ້ງແຕ່ເດືອນທັນວາປີ 2021, ຖ້າຂີ່ລົດໄຟຕາມທາງລົດໄຟຈີນ-ລາວ ຈາກນະຄອນຫຼວງວຽງຈັນໄປເຖິງນະຄອນຄຸນໝິງ ທີ່ເປັນສູນການຄ້າຕົ້ນຕໍທາງພາກຕາເວັນຕົກສ່ຽງໃຕ້ຂອງຈີນ, ດຽວນີ້ເສຍເວລາບໍ່ເຖິງ 10 ຊົ່ວໂມງ. ທາງລົດໄຟຈີນ-ລາວໄດ້ປ່ຽນແປງສະພາບການສົ່ງອອກໝາກໄມ້ເຂດຮ້ອນຂອງໄທ ແລະ ລາວຢ່າງເຖິງຖອງ, ໝາກຖົ່ວລຽນຂອງໄທ ແລະ ໝາກກ້ວຍຂອງລາວໄດ້ສົ່ງເຂົ້າຕະຫຼາດຈີນໂດຍຜ່ານທາງລົດໄຟສາຍນີ້ນັບມື້ນັບຫຼາຍຂຶ້ນ.
ຫວ່າງມໍ່ໆມານີ້, ຂະບວນລົດໄຟຂົນສົ່ງສິນຄ້າແຊ່ເຢັນຈາກນະຄອນຫຼວງວຽງຈັນຂອງລາວຫານະຄອນຫຼວງປັກກິ່ງຂອງຈີນໄດ້ຂົນສົ່ງໝາກກ້ວຍຄຸນນະພາບດີ 390 ໂຕນໄດ້ເດີນທາງອອກຈາກສະຖານີວຽງຈັນໃຕ້ຜ່ານທາງລົດໄຟຈີນ-ລາວເດີນທາງໄປເຖິງນະຄອນຫຼວງປັກກິ່ງຂອງຈີນ. ພາຍຫຼັງເປີດຂະບວນລົດໄຟແຊ່ເຢັນດັ່ງກ່າວແລ້ວ, ສ່ວນແບ່ງໃນຕະຫຼາດນະຄອນຫຼວງປັກກິ່ງຂອງໝາກກ້ວຍລາວ ຈະສາມາດເພີ່ມຂຶ້ນຈາກ 30% ເປັນ 50% ຂຶ້ນໄປ.
ລັດຖະບານລາວກໍໄດ້ “ຝາກຄວາມຫວັງ” ຕໍ່ຂະແໜງການປູກໝາກຖົ່ວລຽນ ແລະ ຫວັງວ່າ ຂະແໜງການດັ່ງກ່າວຈະສາມາດຊ່ວຍຫຼຸດຜ່ອນຄວາມທຸກຍາກ. ໃນເວລາລົງກວດກາສວນປູກໝາກຖົ່ວລຽນທາງພາກໃຕ້, ທ່ານສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວໄດ້ຮຽກຮ້ອງໃຫ້ນັກລົງທຶນພະຍາຍາມສ້າງໂອກາດປະກອບອາຊີບ ແລະ ເພີ່ມທະວີການສ້າງພື້ນຖານໂຄງລ່າງຂອງທ້ອງຖິ່ນ ພ້ອມດຽວກັນກໍຮັບປະກັນມາດຕະຖານດ້ານການອະນຸລັກສິ່ງແວດລ້ອມ.
ເພື່ອຕອບສະໜອງຕາມຄວາມຕ້ອງການອັນມະຫາສານຂອງຕະຫຼາດຈີນທີ່ມີຕໍ່ໝາກຖົ່ວລຽນ, ຫຼາຍປະເທດໃນອາຊີຕາເວັນອອກສ່ຽງໃຕ້ໄດ້ເລີ່ມມີການເຄື່ອນໄຫວຕົວຈິງ. ຕະຫຼອດ 12 ປີຜ່ານມາ, ຜົນຜະລິດໝາກຖົ່ວລຽນຂອງໄທໄດ້ເພີ່ມຂຶ້ນເກືອບ 2 ເທົ່າ, ຊາວກະສິກອນຫວຽດນາມຈຳນວນຫຼວງຫຼາຍທີ່ເຄີຍປູກກາເຟໃນເມື່ອກ່ອນ ກໍໄດ້ຫັນມາປູກໝາກຖົ່ວລຽນ. ໃນຊຸມປີຜ່ານມາ, ລາວກໍເລີ່ມພັດທະນາຂະແໜງການປູກໝາກຖົ່ວລຽນເຊັ່ນດຽວກັນ. ຕາມການລາຍງານຂ່າວຂອງໜັງສືພິມ “ວຽນຈັນທາມ”, ໃນໄລຍະມໍ່ໆມານີ້, ບໍລິສັດກະສິກຳແຫ່ງໜຶ່ງຂອງເມືອງປາກຊ່ອງ ທາງພາກໃຕ້ຂອງລາວກຽມຈະຂະຫຍາຍສວນປູກໝາກຖົ່ວລຽນຂອງຕົນ ເພື່ອຕອບສະໜອງຕາມຄວາມຕ້ອງການພາຍໃນປະເທດລາວ ທີ່ນັບມື້ນັບເຕີບໃຫຍ່ຂະຫຍາຍຕົວ ແລະ ກຽມຈະສົ່ງອອກໄປຕະຫຼາດຈີນໃນປີ 2025. ສ່ວນສະມາຄົມການຄ້າກະສິກຳລາວ, ຜູ້ຕາງໜ້າຂະແໜງການປູກໝາກຖົ່ວລຽນລາວ ແລະ ນັກທຸລະກິດນຳເຂົ້າຜະລິດຕະພັນກະສິກຳຈີນ ກໍໄດ້ຈັດກອງປະຊຸມ 3 ຝ່າຍ, ນັກທຸລະກິດປູກໝາກຖົ່ວລຽນລາວກໍຕັ້ງໜ້າຄົ້ນຄວ້າໂອກາດເຂົ້າສູ່ຕະຫຼາດຈີນເຊັ່ນດຽວກັນ.
ການຂົນສົ່ງໝາກໄມ້ເຂດຮ້ອນຕ່າງໆ ເຊັ່ນ: ໝາກຖົ່ວລຽນ, ໝາກກ້ວຍເປັນຕົ້ນຕ້ອງແຂ່ງກັບເວລາ ຍ້ອນວ່າໝາກໄມ້ສົດສຸກແລ້ວຈະເປື່ອຍງ່າຍ. ການຂົນສົ່ງຕາມທາງລົດໄຟເປັນຮູບແບບການຂົນສົ່ງທີ່ລາຄາຖືກ ແລະ ໄວ້ໃຈໄດ້ທີ່ສຸດ. ໃນຖານະເປັນພາກສ່ວນສຳຄັນໃນການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ທາງລົດໄຟຈີນ-ລາວໄດ້ເປັນພະລັງຂັບເຄື່ອນທີ່ແຂງແຮງໃຫ້ແກ່ການພັດທະນາຂອງປະເທດລາວ. ທາງລົດໄຟສາຍນີ້ເລີ່ມເປີດບໍລິການຕັ້ງແຕ່ເດືອນທັນວາປີ 2021, ຖ້າຂີ່ລົດໄຟຕາມທາງລົດໄຟຈີນ-ລາວ ຈາກນະຄອນຫຼວງວຽງຈັນໄປເຖິງນະຄອນຄຸນໝິງ ທີ່ເປັນສູນການຄ້າຕົ້ນຕໍທາງພາກຕາເວັນຕົກສ່ຽງໃຕ້ຂອງຈີນ, ດຽວນີ້ເສຍເວລາບໍ່ເຖິງ 10 ຊົ່ວໂມງ. ທາງລົດໄຟຈີນ-ລາວໄດ້ປ່ຽນແປງສະພາບການສົ່ງອອກໝາກໄມ້ເຂດຮ້ອນຂອງໄທ ແລະ ລາວຢ່າງເຖິງຖອງ, ໝາກຖົ່ວລຽນຂອງໄທ ແລະ ໝາກກ້ວຍຂອງລາວໄດ້ສົ່ງເຂົ້າຕະຫຼາດຈີນໂດຍຜ່ານທາງລົດໄຟສາຍນີ້ນັບມື້ນັບຫຼາຍຂຶ້ນ.
ຫວ່າງມໍ່ໆມານີ້, ຂະບວນລົດໄຟຂົນສົ່ງສິນຄ້າແຊ່ເຢັນຈາກນະຄອນຫຼວງວຽງຈັນຂອງລາວຫານະຄອນຫຼວງປັກກິ່ງຂອງຈີນໄດ້ຂົນສົ່ງໝາກກ້ວຍຄຸນນະພາບດີ 390 ໂຕນໄດ້ເດີນທາງອອກຈາກສະຖານີວຽງຈັນໃຕ້ຜ່ານທາງລົດໄຟຈີນ-ລາວເດີນທາງໄປເຖິງນະຄອນຫຼວງປັກກິ່ງຂອງຈີນ. ພາຍຫຼັງເປີດຂະບວນລົດໄຟແຊ່ເຢັນດັ່ງກ່າວແລ້ວ, ສ່ວນແບ່ງໃນຕະຫຼາດນະຄອນຫຼວງປັກກິ່ງຂອງໝາກກ້ວຍລາວ ຈະສາມາດເພີ່ມຂຶ້ນຈາກ 30% ເປັນ 50% ຂຶ້ນໄປ.
ລັດຖະບານລາວກໍໄດ້ “ຝາກຄວາມຫວັງ” ຕໍ່ຂະແໜງການປູກໝາກຖົ່ວລຽນ ແລະ ຫວັງວ່າ ຂະແໜງການດັ່ງກ່າວຈະສາມາດຊ່ວຍຫຼຸດຜ່ອນຄວາມທຸກຍາກ. ໃນເວລາລົງກວດກາສວນປູກໝາກຖົ່ວລຽນທາງພາກໃຕ້, ທ່ານສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວໄດ້ຮຽກຮ້ອງໃຫ້ນັກລົງທຶນພະຍາຍາມສ້າງໂອກາດປະກອບອາຊີບ ແລະ ເພີ່ມທະວີການສ້າງພື້ນຖານໂຄງລ່າງຂອງທ້ອງຖິ່ນ ພ້ອມດຽວກັນກໍຮັບປະກັນມາດຕະຖານດ້ານການອະນຸລັກສິ່ງແວດລ້ອມ.
