ຂ່າວສານຊີອາໄອລາຍງານ ເມື່ອທ້າຍອາທິດຜ່ານມາ, ກອງປະຊຸມເຫຼັກກ້າສາກົນຈີນຄັ້ງທີ 12ແລະ ກອງປະຊຸມເວທີປຶກຫາລືການປະດິດສ້າງຫຼໍ່ຫຼອມໂລຫະແບບກາກບອນຕ່ຳຂອງໂລກ 2023 ທີ່ຈັດຂຶ້ນຢູ່ນະຄອນຊຽງໄຮ້ ສປ ຈີນ ໃຫ້ຮູ້ວ່າ: ປີ 2023, ປະລິມານການຜະລິດເຫຼັກກ້າຂອງຈີນໄດ້ເຕີບໂຕຢ່າງໝັ້ນທ່ຽງ, ກວມອັດຕາສ່ວນຂອງຍອດປະລິມານການຜະລິດທົ່ວໂລກເພີ່ມຂຶ້ນອີກ. ຂະແໜງການເຫຼັກກ້າໄດ້ເລັ່ງຫັນປ່ຽນຮູບແບບການພັດທະນາຕາມທິດສີຂຽວ ແລະ ກາກບອນຕ່ຳ ກໍຄືປັບປຸງໃຫ້ມີລະດັບສູງຂຶ້ນ.

ອີງຕາມຂໍ້ມູນສະຖິຕິສະແດງໃຫ້ເຫັນວ່າ: ປີ 2022 ຜ່ານມາ, ປະລິມານການຜະລິດເຫຼັກກ້າຂອງຈີນ ກວມ 53,9% ຂອງຍອດປະລິມານທົ່ວໂລກ. ຂະແໜງການເຫຼັກກ້າຂອງຈີນໄດ້ສືບຕໍ່ຊຸກຍູ້ການລະບາຍກາກບອນຕ່ຳທີ່ສຸດ ແລະ ມີປະສິດທິພາບປະສິດທິຜົນສູງສຸດ, ວິສາຫະກິດຕ່າງໆທີ່ມີຄວາມສາມາດດ້ານການຜະລິດລວມທັງໝົດຫຼາຍກວ່າ 500 ລ້ານໂຕນ ຫຼື ກຳລັງປະຕິບັດການປັບປຸງການຜະລິດແບບລະບາຍກາກບອນຕ່ຳທີ່ສຸດ, ປະລິມານການລະບາຍມົນລະພິດຂອງວິສາຫະກິດເຫຼັກກ້າທີ່ສຳຄັນໄດ້ບັນລຸລະດັບຄວາມກ້າວໜ້າຂອງໂລກແລ້ວ.