ວັນທີ 29 ສິງຫາ ນີ້, ທ່ານ ນາງ ອິນລາວັນ ແກ້ວບຸນພັນ ຮອງປະທານສູນກາງແນວລາວສ້າງຊາດໄດ້ລົງຕິດຕາມສະພາບນໍ້າຖ້ວມຢູ່ເມືອງຫາດຊາຍຟອງ ແລະ ເມືອງສີໂຄດຕະບອງ ນະຄອນຫຼວງວຽງຈັນ ທີ່ມີລະດັບນໍ້າເພີ່ມຂຶ້ນຢ່າງໄວວາ ເຮັດໃຫ້ນໍ້າຖ້ວມ ເຮືອນຂອງປະຊາຊົນທີ່ຢູ່ເຂດຕໍ່າ, ການນໍານະຄອນຫຼວງວຽງຈັນ ແລະ ແນວລາວສ້າງຊາດນະຄອນຫຼວງວຽງຈັນ ກໍໄດ້ສົມທົບການນໍາເມືອງ, ແນວລາວສ້າງຊາດເມືອງ ໄດ້ລະດົມກໍາລັງແຮງຊາວໜຸ່ມ, ທະຫານ, ອົງການປົກຄອງບ້ານ ແລະ ປະຊາຊົນບ້ານກ່ຽວຂ້ອງ ຮ່ວມແຮງຮ່ວມໃຈຊ່ວຍກັນຮ່າຍດິນຊາຍປ້ານຄັນຄູກັນນໍ້າເຂົ້າ.

ພ້ອມກັນນີ້, ຄະນະນໍາແຕ່ລະທ່ານທີ່ລົງໃຫ້ກໍາລັງໃຈ ກໍໄດ້ເຕືອນໃຫ້ປະຊາຊົນ ທີ່ຕັ້ງເຮືອນຢູ່ເຂດຕໍ່າ ຫຼື ລຽບຕາມແຄມແມ່ນໍ້າ ຈົ່ງມີສະຕິເພີ່ມຂຶ້ນ.

(ຂ່າວ-ພາບ:ສນຊ)