ທ່ານນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ຮອງປະທານປະເທດແຫ່ງ ສປປ ລາວ ພ້ອມຄະນະໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງຈໍາປາສັກໃນວັນທີ 17 ຕຸລາຜ່ານມາ, ມີທ່ານ ວິໄລວົງ ບຸດດາຄໍາ ເຈົ້າແຂວງຈໍາປາສັກ,ມີຄະນະປະຈໍາພັກແຂວງ, ຫົວໜ້າພະແນກທີ່ກ່ຽວຂ້ອງເຂົ້າຮ່ວມ.
ໃນພິທີທ່ານວັນນະໄຊ ຊາດຕະກຸນ ຫົວໜ້າພະແນກ ຖວທ ແຂວງ ໄດ້ລາຍງານຫຍໍ້ກ່ຽວກັບການພັດທະນາວຽກງານການທ່ອງທ່ຽວຂອງແຂວງໃນ 9 ເດືອນປີ 2023 ຜ່ານມາຊຶ່ງໄດ້ຍົກໃຫ້ເຫັນຜົນງານດ້ານດີ, ບັນຫາ ແລະ ຂໍ້ຫຍຸ້ງຍາກ ທີ່ຕິດພັນກັບວຽກງານການທ່ອງທ່ຽວໃນໄລຍະຜ່ານມາ. ພ້ອມນີ້ໄດ້ລາຍງານແຜນວຽກຈຸດສຸມໃນ 3 ເດືອນທ້າຍປີ 2023 ແລະ ການກະກຽມຄວາມພ້ອມໃນການຈັດຕັ້ງປະຕິບັດກິດຈະກຳປີທ່ອງທ່ຽວລາວ 2024 ຢູ່ແຂວງຈຳປາສັກ ຕົ້ນຕໍແມ່ນການກະກຽມດ້ານນິຕິກໍາ, ການປັບປຸງສິ່ງອໍານວຍຄວາມສະດວກດ້ານການທ່ອງທ່ຽວ, ການກະກຽມດ້ານພາຫະນະເພື່ອຮອງຮັບນັກທ່ອງທ່ຽວ, ການກໍ່ສ້າງເສັ້ນທາງເຂົ້າຫາແຫຼ່ງທ່ອງທ່ຽວ, ການຊຸກຍູ້ການຜະລິດສິນຄ້າພາຍໃນເພື່ອທົດແທນການນໍາເຂົ້າ, ການຊຸກຍູ້ສົ່ງເສີມການຜະລິດສິນຄ້າໜຶ່ງເມືືອງ ໜຶ່ງຜະລິດຕະພັນ ເພື່ອເປັນເຄື່ອງທີ່ລະນຶກຕ້ອນຮັບນັກທ່ອງທ່ຽວ, ການຄຸ້ມຄອງລາຄາສິນຄ້າ ແລະ ຄ່າບໍລິການພາຍໃນແຂວງ ຊຶ່ງໄດ້ມີການຕິດຕາມກວດກາຢ່າງເປັນປົກກະຕິ ແລະ ຕໍ່ເນື່ອງ, ການຈັດງານວາງສະແດງ-ຈໍາໜ່າຍ ແລະ ຊື້-ຂາຍສິນຄ້າ, ການເກັບຄ່າທໍານຽມ, ຄ່າວິຊ່າ ແລະ ຄ່າບໍລິການຕ່າງໆພາຍໃນດ່ານ, ການຍາດແຍ່ງການລົງທຶນ ແລະ ການຈັດສັນງົບປະມານເພື່ອຮັບໃຊ້ໃຫ້ແກ່ການພັດທະນາວຽກງານການທ່ອງທ່ຽວ.
ໂອກາດນີ້,ທ່ານນາງ ປານີ ຢາທໍ່ຕູ້ ໄດ້ໃຫ້ກຽດໂອ້ລົມ ໂດຍເນັ້ນໜັກໃຫ້ການນໍາແຂວງເປັນເຈົ້າການໃນການຄົ້ນຄວ້າແກ້ໄຂບັນຫາທີ່ສ້າງຄວາມຫຍຸ້ງຍາກໃຫ້ແກ່ນັກທ່ອງທ່ຽວ ໂດຍສະເພາະແກ້ໄຂບັນຫາການເກັບຄ່າທໍານຽມທາງ ແລະ ຄ່າບໍລິການດ້ານຕ່າງໆຈາກນັກທ່ອງທ່ຽວ. ພ້ອມນີ້ກໍໃຫ້ພົວພັນປະສານສົມທົບ-ຮ່ວມແຮງຮ່ວມໃຈກັບຜູ້ປະກອບການ ແລະ ປະຊາຊົນໃນການພັດທະນາການທ່ອງທ່ຽວ ໃຫ້ກາຍເປັນອຸດສາຫະກໍາການທ່ອງທ່ຽວທີ່ທັນສະໄໝ ເພາະວຽກງານການທ່ອງທ່ຽວ ເປັນວຽກໜຶ່ງທີ່ສໍາຄັນໃນການສ້າງລາຍໄດ້ ເພື່ອແກ້ໄຂຊີວິດການເປັນຢູ່ຂອງປະຊາຊົນ. ຍ້ອນແນວນັ້ນວຽກງານທີ່ຕິດພັນກັບການທ່ອງທ່ຽວ ຕ້ອງຫັນເປັນວິຊາຊີບຮອບດ້ານ ແລະ ຫັນເປັນທັນສະໄໝດ້ວຍຮູບການຕ່າງໆລວມທັງການຄຸ້ມຄອງ, ການໂຄສະນາການທ່ອງທ່ຽວໃຫ້ທັນສະໄໝວ່ອງໄວ ແລະ ຂະຫຍາຍໄປທົ່ວໂລກ.
ທ່ານນາງ ປານີ ຢາທໍ່ຕູ້ ເນັ້ນໜັກຕື່ມອີກວ່າ: ການຈັດຕັ້ງປະຕິບັດວຽກງານການພັດທະນາແຫຼ່ງທ່ອງທ່ຽວ ຕ້ອງມີຈຸດສຸມ ແລະ ກໍານົດເປັນແຜນພັດທະນາໃນແຕ່ລະໄລຍະ ເຮັດໃຫ້ແຫຼ່ງທ່ອງທ່ຽວມີຄຸນນະພາບ ແລະ ປະສິດທິຜົນ, ຄ່າບໍລິການກໍໃຫ້ສົມເຫດສົມຜົນ, ທຸກຄົນຍອມຮັບໄດ້. ນອກນີ້ໃຫ້ເອົາໃຈໃສ່ຊຸກຍູ້ການພັດທະນາແຫຼ່ງທ່ອງທ່ຽວ ໃຫ້ສາມາດແຂ່ງຂັນກັບແຫຼ່ງທ່ອງທ່ຽວຂອງປະເທດຕ່າງໆໃນອະນຸພາກພື້ນ ແລະ ໃນໂລກ. ສິ່ງສຳຄັນຕ້ອງໃຫ້ມີຄວາມຍືນຍົງຕິດພັນກັບການອະນຸລັກປົກປັກຮັກສາວັດທະນະທໍາ-ຮີດຄອງປະເພນີອັນດີງາມຂອງຊາດ, ຂອງທ້ອງຖິ່ນ ແລະ ຕິດພັນກັບການອະນຸລັກຮັກສາດ້ານສະພາບແວດລ້ອມ ທີ່ເອື້ອອໍານວຍໃຫ້ນັກທ່ອງທ່ຽວ ທັງມີຄວາມສະຫງົບກາຍເປັນຂອງທົ່ວປວງຊົນ, ສືບຕໍ່ເສີມຂະຫຍາຍທ່າແຮງດ້ານການທ່ອງທ່ຽວທີ່ແຂວງມີ, ປັບປຸງ ແລະ ສົ່ງເສີມໃຫ້ດີຂຶ້ນ. ເອົາໃຈໃສ່ສ້າງສິ່ງດຶງດູດເພື່ອເຮັດໃຫ້ນັກທ່ອງທ່ຽວເຂົ້າມາທ່ຽວຊົມນັບມື້ຫຼາຍຂຶ້ນ. ບັນດາໜ້າວຽກຕ່າງໆຕ້ອງກໍານົດເປົ້າໝາຍພັດທະນາ ລວມທັງການກໍານົດຜະລິດຕະພັນການທ່ອງທ່ຽວໃນແຕ່ລະເຂດໃຫ້ລະອຽດຈະແຈ້ງ. ພ້ອມດຽວກັນນັ້ນໃຫ້ເອົາໃຈໃສ່ພັດທະນາບຸກຄະລາກອນທີ່ຮັບໃຊ້ໃນວຽກງານການບໍລິການດ້ານການທ່ອງທ່ຽວ, ພາກລັດຕ້ອງເປັນເຈົ້່າການ ແລະ ອໍານວຍຄວາມສະດວກໃນການຄຸ້ມຄອງ ໂດຍສະເພາະດ້ານລາຄາໂຮງແຮມ, ອາຫານ ແລະ ເຄື່ອງດື່ມ ຕ້ອງມີນິຕິກໍາຮອງຮັບຄັກແນ່. ນອກນີ້, ກໍໃຫ້ມີສະຖາບັນສໍາລັບຝຶກອົບຮົມບຸກຄະລາກອນດ້ານການທ່ອງທ່ຽວ, ພະນັກງານນໍາທ່ຽວເພື່ອໃຫ້ເຂົາເຈົ້າມີຄວາມຮູ້ຮອບດ້ານ, ມີຫຼັກໝັ້ນການເມືອງ, ສາມາດກໍາແໜ້ນແນວທາງນະໂຍບາຍຂອງພັກ, ລະບຽບກົດໝາຍ ແລະ ແຜນພັດທະນາເສດຖະກິດ-ສັງຄົມຂອງລັດທີ່ກໍານົດອອກໃນແຕ່ລະໄລຍະ, ສ້າງພະນັກງານນໍາທ່ຽວໃຫ້ເປັນຜູ້ໂຄສະນາເຜີຍແຜ່ແນວທາງນະໂຍບາຍຂອງພັກ- ລັດ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງຂຶ້ນໄປເລື້ອຍໆ. ໃນໂອກາດນີ້, ທ່ານນາງ ປານີ ຢາທໍ່ຕູ້ ໄດ້ເຄື່ອນໄຫວຢ້ຽມຊົມຫ້ອງອັດສຽງ, ຫ້ອງສົ່ງ ແລະ ຫ້ອງກະຈາຍສຽງຂອງສະຖານີວິທະຍຸກະຈາຍສຽງແຂວງ ຕື່ມອີກ.
ຂ່າວ-ພາບ: ທູນທອງໃຈ
ໃນພິທີທ່ານວັນນະໄຊ ຊາດຕະກຸນ ຫົວໜ້າພະແນກ ຖວທ ແຂວງ ໄດ້ລາຍງານຫຍໍ້ກ່ຽວກັບການພັດທະນາວຽກງານການທ່ອງທ່ຽວຂອງແຂວງໃນ 9 ເດືອນປີ 2023 ຜ່ານມາຊຶ່ງໄດ້ຍົກໃຫ້ເຫັນຜົນງານດ້ານດີ, ບັນຫາ ແລະ ຂໍ້ຫຍຸ້ງຍາກ ທີ່ຕິດພັນກັບວຽກງານການທ່ອງທ່ຽວໃນໄລຍະຜ່ານມາ. ພ້ອມນີ້ໄດ້ລາຍງານແຜນວຽກຈຸດສຸມໃນ 3 ເດືອນທ້າຍປີ 2023 ແລະ ການກະກຽມຄວາມພ້ອມໃນການຈັດຕັ້ງປະຕິບັດກິດຈະກຳປີທ່ອງທ່ຽວລາວ 2024 ຢູ່ແຂວງຈຳປາສັກ ຕົ້ນຕໍແມ່ນການກະກຽມດ້ານນິຕິກໍາ, ການປັບປຸງສິ່ງອໍານວຍຄວາມສະດວກດ້ານການທ່ອງທ່ຽວ, ການກະກຽມດ້ານພາຫະນະເພື່ອຮອງຮັບນັກທ່ອງທ່ຽວ, ການກໍ່ສ້າງເສັ້ນທາງເຂົ້າຫາແຫຼ່ງທ່ອງທ່ຽວ, ການຊຸກຍູ້ການຜະລິດສິນຄ້າພາຍໃນເພື່ອທົດແທນການນໍາເຂົ້າ, ການຊຸກຍູ້ສົ່ງເສີມການຜະລິດສິນຄ້າໜຶ່ງເມືືອງ ໜຶ່ງຜະລິດຕະພັນ ເພື່ອເປັນເຄື່ອງທີ່ລະນຶກຕ້ອນຮັບນັກທ່ອງທ່ຽວ, ການຄຸ້ມຄອງລາຄາສິນຄ້າ ແລະ ຄ່າບໍລິການພາຍໃນແຂວງ ຊຶ່ງໄດ້ມີການຕິດຕາມກວດກາຢ່າງເປັນປົກກະຕິ ແລະ ຕໍ່ເນື່ອງ, ການຈັດງານວາງສະແດງ-ຈໍາໜ່າຍ ແລະ ຊື້-ຂາຍສິນຄ້າ, ການເກັບຄ່າທໍານຽມ, ຄ່າວິຊ່າ ແລະ ຄ່າບໍລິການຕ່າງໆພາຍໃນດ່ານ, ການຍາດແຍ່ງການລົງທຶນ ແລະ ການຈັດສັນງົບປະມານເພື່ອຮັບໃຊ້ໃຫ້ແກ່ການພັດທະນາວຽກງານການທ່ອງທ່ຽວ.
ໂອກາດນີ້,ທ່ານນາງ ປານີ ຢາທໍ່ຕູ້ ໄດ້ໃຫ້ກຽດໂອ້ລົມ ໂດຍເນັ້ນໜັກໃຫ້ການນໍາແຂວງເປັນເຈົ້າການໃນການຄົ້ນຄວ້າແກ້ໄຂບັນຫາທີ່ສ້າງຄວາມຫຍຸ້ງຍາກໃຫ້ແກ່ນັກທ່ອງທ່ຽວ ໂດຍສະເພາະແກ້ໄຂບັນຫາການເກັບຄ່າທໍານຽມທາງ ແລະ ຄ່າບໍລິການດ້ານຕ່າງໆຈາກນັກທ່ອງທ່ຽວ. ພ້ອມນີ້ກໍໃຫ້ພົວພັນປະສານສົມທົບ-ຮ່ວມແຮງຮ່ວມໃຈກັບຜູ້ປະກອບການ ແລະ ປະຊາຊົນໃນການພັດທະນາການທ່ອງທ່ຽວ ໃຫ້ກາຍເປັນອຸດສາຫະກໍາການທ່ອງທ່ຽວທີ່ທັນສະໄໝ ເພາະວຽກງານການທ່ອງທ່ຽວ ເປັນວຽກໜຶ່ງທີ່ສໍາຄັນໃນການສ້າງລາຍໄດ້ ເພື່ອແກ້ໄຂຊີວິດການເປັນຢູ່ຂອງປະຊາຊົນ. ຍ້ອນແນວນັ້ນວຽກງານທີ່ຕິດພັນກັບການທ່ອງທ່ຽວ ຕ້ອງຫັນເປັນວິຊາຊີບຮອບດ້ານ ແລະ ຫັນເປັນທັນສະໄໝດ້ວຍຮູບການຕ່າງໆລວມທັງການຄຸ້ມຄອງ, ການໂຄສະນາການທ່ອງທ່ຽວໃຫ້ທັນສະໄໝວ່ອງໄວ ແລະ ຂະຫຍາຍໄປທົ່ວໂລກ.
ທ່ານນາງ ປານີ ຢາທໍ່ຕູ້ ເນັ້ນໜັກຕື່ມອີກວ່າ: ການຈັດຕັ້ງປະຕິບັດວຽກງານການພັດທະນາແຫຼ່ງທ່ອງທ່ຽວ ຕ້ອງມີຈຸດສຸມ ແລະ ກໍານົດເປັນແຜນພັດທະນາໃນແຕ່ລະໄລຍະ ເຮັດໃຫ້ແຫຼ່ງທ່ອງທ່ຽວມີຄຸນນະພາບ ແລະ ປະສິດທິຜົນ, ຄ່າບໍລິການກໍໃຫ້ສົມເຫດສົມຜົນ, ທຸກຄົນຍອມຮັບໄດ້. ນອກນີ້ໃຫ້ເອົາໃຈໃສ່ຊຸກຍູ້ການພັດທະນາແຫຼ່ງທ່ອງທ່ຽວ ໃຫ້ສາມາດແຂ່ງຂັນກັບແຫຼ່ງທ່ອງທ່ຽວຂອງປະເທດຕ່າງໆໃນອະນຸພາກພື້ນ ແລະ ໃນໂລກ. ສິ່ງສຳຄັນຕ້ອງໃຫ້ມີຄວາມຍືນຍົງຕິດພັນກັບການອະນຸລັກປົກປັກຮັກສາວັດທະນະທໍາ-ຮີດຄອງປະເພນີອັນດີງາມຂອງຊາດ, ຂອງທ້ອງຖິ່ນ ແລະ ຕິດພັນກັບການອະນຸລັກຮັກສາດ້ານສະພາບແວດລ້ອມ ທີ່ເອື້ອອໍານວຍໃຫ້ນັກທ່ອງທ່ຽວ ທັງມີຄວາມສະຫງົບກາຍເປັນຂອງທົ່ວປວງຊົນ, ສືບຕໍ່ເສີມຂະຫຍາຍທ່າແຮງດ້ານການທ່ອງທ່ຽວທີ່ແຂວງມີ, ປັບປຸງ ແລະ ສົ່ງເສີມໃຫ້ດີຂຶ້ນ. ເອົາໃຈໃສ່ສ້າງສິ່ງດຶງດູດເພື່ອເຮັດໃຫ້ນັກທ່ອງທ່ຽວເຂົ້າມາທ່ຽວຊົມນັບມື້ຫຼາຍຂຶ້ນ. ບັນດາໜ້າວຽກຕ່າງໆຕ້ອງກໍານົດເປົ້າໝາຍພັດທະນາ ລວມທັງການກໍານົດຜະລິດຕະພັນການທ່ອງທ່ຽວໃນແຕ່ລະເຂດໃຫ້ລະອຽດຈະແຈ້ງ. ພ້ອມດຽວກັນນັ້ນໃຫ້ເອົາໃຈໃສ່ພັດທະນາບຸກຄະລາກອນທີ່ຮັບໃຊ້ໃນວຽກງານການບໍລິການດ້ານການທ່ອງທ່ຽວ, ພາກລັດຕ້ອງເປັນເຈົ້່າການ ແລະ ອໍານວຍຄວາມສະດວກໃນການຄຸ້ມຄອງ ໂດຍສະເພາະດ້ານລາຄາໂຮງແຮມ, ອາຫານ ແລະ ເຄື່ອງດື່ມ ຕ້ອງມີນິຕິກໍາຮອງຮັບຄັກແນ່. ນອກນີ້, ກໍໃຫ້ມີສະຖາບັນສໍາລັບຝຶກອົບຮົມບຸກຄະລາກອນດ້ານການທ່ອງທ່ຽວ, ພະນັກງານນໍາທ່ຽວເພື່ອໃຫ້ເຂົາເຈົ້າມີຄວາມຮູ້ຮອບດ້ານ, ມີຫຼັກໝັ້ນການເມືອງ, ສາມາດກໍາແໜ້ນແນວທາງນະໂຍບາຍຂອງພັກ, ລະບຽບກົດໝາຍ ແລະ ແຜນພັດທະນາເສດຖະກິດ-ສັງຄົມຂອງລັດທີ່ກໍານົດອອກໃນແຕ່ລະໄລຍະ, ສ້າງພະນັກງານນໍາທ່ຽວໃຫ້ເປັນຜູ້ໂຄສະນາເຜີຍແຜ່ແນວທາງນະໂຍບາຍຂອງພັກ- ລັດ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງຂຶ້ນໄປເລື້ອຍໆ. ໃນໂອກາດນີ້, ທ່ານນາງ ປານີ ຢາທໍ່ຕູ້ ໄດ້ເຄື່ອນໄຫວຢ້ຽມຊົມຫ້ອງອັດສຽງ, ຫ້ອງສົ່ງ ແລະ ຫ້ອງກະຈາຍສຽງຂອງສະຖານີວິທະຍຸກະຈາຍສຽງແຂວງ ຕື່ມອີກ.
ຂ່າວ-ພາບ: ທູນທອງໃຈ
