ພິທີປະກາດພະນັກງານການນໍາຂັ້ນສູງຂອງແຂວງຄໍາມ່ວນ ອອກພັກການ-ຮັບອຸດໜູນບຳນານ ໄດ້ຈັດຂຶ້ນໃນວັນທີ 3 ກັນຍານີ້ ທີ່ເຮືອນຮັບແຂກເລກ 1 ຂອງແຂວງ ໂດຍການເຂົ້າຮ່ວມຂອງທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ມີຄະນະນໍາຂອງແຂວງ, ພະແນກການ ແລະ ພາກສ່ວນກ່ຽວຂ້ອງເຂົ້າຮ່ວມ. ໂດຍປະຕິບັດຕາມມະຕິຕົກລົງຂອງຄະນະເລຂາທິການສູນພັກສະບັບເລກທີ 129, ລົງວັນທີ 5 ມີຖຸນາ 2024 ວ່າດ້ວຍການອະນຸມັດໃຫ້ ພະນັກງານອອກພັກການ-ຮັບອຸດໜູນບໍານານ: ໂດຍເຫັນດີຕົກລົງໃຫ້ ທ່ານ ສົມພົງ ວັນໄພທອງ ກຳມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ອອກພັກການ-ຮັບອຸດໜູນບໍານານ

ໂອກາດນີ້, ທ່ານ ວັນໄຊ ພອງສະຫວັນ ໄດ້ມີຄໍາເຫັນໂອ້ລົມ ແລະ ສະແດງຄວາມຊົມເຊີຍຕໍ່ຜົນງານການເຄື່ອນໄຫວ ກໍຄືຜົນສໍາເລັດໃນການປະຕິບັດໜ້າທີ່ການເມືອງທິ່ ທ່ານ ສົມພົງ ວັນໄພທອງ ໄດ້ປະກອບສ່ວນ ທາງດ້ານເຫື່ອແຮງ ແລະ ສະຕິປັນຍາເຂົ້າໃນພາລະກິດປະຕິວັດ ທີ່ພັກ-ລັດມອບໝາຍໃຫ້ໃນໄລຍະຜ່ານມາ ດ້ວຍຜົນງານອັນໃຫຍ່ຫລວງ.

(ຂ່າວ: ມະນີວັນ)