ວັນທີ 4 ກັນຍາ 2024 ນີ້, ຢູ່ເມືອງເງິນ ແຂວງໄຊຍະບູລີ, ທ່ານ ເພັງນິລັນ ຄໍາພັນເພັງ ຮອງເລຂາພັກແຂວງ ປະທານສະພາແຫ່ງຊາດ ປະຈໍາເຂດເລືອກຕັ້ງທີ 7 ແຂວງໄຊຍະບູລີ ປະທານສະພາປະຊາຊົນແຂວງ (ສສຂ) ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມເບິ່ງສະພາບຜົນເສຍຫາຍ ໄພພິບັດນໍ້າຖ້ວມເມືອງເງິນ ໃນຄັ້ງວັນທີ 21 ສິງຫາ 2024 ຜ່ານມາ,

ການລົງເຄື່ອນໄຫວຕິດຕາມຄັ້ງນີ້, ທ່ານ ໄດ້ນໍາເອົາເງິນ ຈໍານວນ 7 ລ້ານກີບ ມອບໃຫ້ຄະນະກໍາມະການຄຸ້ມຄອງໄພພິບັດຂັ້ນເມືອງ, ຮັບໂດຍທ່ານ ທະວີສັກ ໄຊຍະວົງ ເລຂາພັກເມືອງ ເຈົ້າເມືອງໆເງິນ. ຈາກນັ້ນ ກໍໄດ້ພ້ອມກັນລົງເບິ່ງພື້ນທີ່ຕົວຈິງ ທີ່ຖືກຜົນກະທົບໄພພິນໍ້າຖ້ວມ, ເປັນຕົ້ນແມ່ນຂົວຂ້າມນໍ້າຍາງເສັ້ນທາງເວັນຕົວເມືອງ, ມີຮອຍແຕກ ແລະ ຊຸດໂຕລົງ ລົດບັນທຸກໜັກບໍ່ສາມາດເດີນຜ່ານໄດ້. ໂອກາດດຽວກັນນີ້ ທາງທິມງານກໍໄດ້ໄປເບິ່ງບ້ານເຮືອນປະຊາຊົນ (ບ້ານແກ້ວດອນຄູນ) ແລະ ຕິດຕາມກວດເບິ່ງທົ່ງນາຮົ້ວສວນຂອງປະຊາຊົນທີ່ຖືກນໍ້າຖ້ວມຕື່ມອີກ.

(ຂ່າວ ສຸລີຍາ ແສງເດືອນ)