ໃນໂອກາດທີທ່ານ ນາງ ວາດສະໜາ ສີລິມາ ປະທານແນວລາວສ້າງຊາດແຂວງ ຈຳປາສັກ ພ້ອມຄະນະ ລົງມາເຄື່ອໄຫວເຮັດຢູ່ເມືອງ ມຸນລະປາໂມກ ເມື່ອບໍ່ດົນມານີ້, ທີ່ຫ້ອງວ່າການເມືອງ ເພື່ອຍູ້ວຽກງານຮອບດ້ານ ຕິດພັນກັບການເຜີຍແຜ່ມະຕິ 04 ຂອງກົມການເມືອງສູນກາງພັກ, ຊຶ່ງທ່ານໄດ້ໂອ້ລົມ ກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ໜາກຜົນ ແລະ ຜົນງານທີ່ຍາດມາໄດ້ໃນໄລຍະຜ່ານມາ, ພ້ອມນັ້ນກໍຕ້ອງເອົາໃຈໃສ່ໃນການຕິດຕາມກວດກາຄືນບັນດາມະຕິຂອງຕົນວ່າຈັດຕັ້ງສຳເລັດຮອດຂັ້ນໃດແລ້ວ, ເອົາໃຈໃສ່ປັບປຸງແບບແຜນວິທີການເຮັດວຽກ, ມີການຕິດຕາມ, ກວດກາເຮັດວຽກເປັນໜູ່ຄະນະບຸກຄົນຮັບຜິດຊອບ ແລະ ເອົາໃຈໃສ່ໃນການຈັດຕັ້ງປະຕິບັດມະຕິ 04 ວ່າດ້ວຍການສ້າງເສດຖະກິດເອກະລາດເປັນເຈົ້າຕົນເອງ ເພື່ອເປັນການພັດທະນາຊີວິດການເປັນຢູ່ຂອງຕົນເອງ ກໍຄືຄອບຄົວໃຫ້ດີຂຶ້ນເປັນຕົ້ນ ເອົາໃຈໃສ່ໃນການປູກ, ການລ້ຽງ, ເອົາໃຈໃສ່ໃນວຽກງານສຶກສາອົບຮົມການເມືອງ-ແນວຄິດເປັນຫຼັກ ເພາະວ່າວຽກງານສຶກສາອົບຮົບການເມືອງ-ແນວຄິດແມ່ນວຽກງານໜຶ່ງທີ່ສຳຄັນໃນຖັນແຖວພະນັກງານ-ລັດຖະກອນ, ສະມາຊິກພັກ ພວກເຮົາຕ້ອງໄດ້ຮັບຮູ້ເຂົ້າໃຈ. ນອກຈາກນັ້ນ ກໍຕ້ອງເອົາ ໃຈໃສ່ໃນການສ້າງຂະບວນການຕ່າງໆເພື່ອຂຳນັບຮັບຕ້ອນວັນສຳຄັນຕ່າງໆຂອງພັກ-ຂອງຊາດໂດຍສະເພາະກໍເພື່ອຂຳນັບຮັບຕ້ອນກອງປະຊຸມໃຫຍ່ 3 ຂັ້ນຂອງພັກ ໃຫ້ເປັນຂະບວນຝົດພື້ນ ແລະ ກວ້າງຂວ້າງ ແລະ ປະເມີນຄືນໃນການຈັດຕັ້ງປະຕິບັດເນື້ອໃນຂໍ້ແຂງຂັ້ນຂອງແຕ່ລະອົງການຈັດຕັ້ງເພື່ອສະຫຼຸບຕີລະຄາໃນການຈັດຕັ້ງປະຕິບັດ, ຮຽກຮ້ອງມາຍັງທຸກອົງການຈັດຕັ້ງຈົ່ງພ້ອມກັນຮັກສາມູນເຊື້ອຄວາມສາມັກຄີປອງດອງ ປົກປັກຮັກສາມູນເຊື້ອອັນດີງາມຂອງຊາດ ແລະ ສືບຕໍ່ປົກປັກຮັກສາພັດທະນາປະເທດຊາດ ບ້ານເມືອງໃຫ້ມີຄວາມຈະເລີນຮຸ່ງເຮືອງພັດທະນາກ້າວໜ້າຂຶ້ນໄປເລື້ອຍໆ ຕາມແນວທາງຂອງພັກ-ລັດວາງອອກ. ພ້ອມດຽວກັນນັ້ນ ທ່ານ ປະທານແນວລາວສ້າງຊາດແຂວງ ຍັງໄດ້ມອບຄອມຈຳນວນໜຶ່ງ ໃຫ້ແນວລາວສ້າງຊາດເມືອງ ເພື່ອນຳໃຊ້ເຂົ້າໃນໜ້າທີ່ວຽກງານວິຊາສະເພາະຂອງຕົນ, ຮັບໂດຍທ່ານ ໄພວັນ ໄຊລາດທິວົງ ປະທານແນວລາວສ້າງຊາດເມືອງ ມຸນລະປາໂມກ.

(ພາບ-ຂ່າວ: ສິດຕາ ເພັດວົງສາ)