ຂ່າວຕ່າງປະເທດລາຍງານ ເມື່ອບໍ່ດົນມານີ້, ທ່ານ ວະລາດີເມຍ ປູຕິນ ປະທານາທິບໍດີຣັດເຊຍໄດ້ເປີດເຜີຍບົດລາຍງານໂດຍລະບຸວ່າ: ເສດຖະກິດຣັດເຊຍມີທ່າອ່ຽງຂະຫຍາຍຕົວ 3% ໃນປີ 2023 ຊຶ່ງຖືວ່າເປັນຜົນຮັບທີ່ດີ.

ທ່ານ ວະລາດີເມຍ ປູຕິນ ກ່າວວ່າ: ປັດຈຸບັນເສດຖະກິດຣັດເຊຍມີສະຖຽນລະພາບ ແລະ ການຂະຫຍາຍຕົວຂອງໂຕເລກລວມຍອດຜະລິດຕະພັນພາຍໃນປະເທດ (GDP) ອາດຈະຢູ່ທີ່ 3% ໃນປີນີ້ ສ່ວນອັດຕາການວ່າງງານຍັງຄົງຢູ່ໃນລະດັບທີ່ຕ່ຳກວ່າ 3%. ທ່ານກ່າວຕື່ມວ່າ: ສຳລັບພາບລວມ ຣັດເຊຍກຳລັງດຳເນີນແຜນການທາງດ້ານເສດຖະກິດ ແລະ ແຜນການພັດທະນາສັງຄົມ ຊຶ່ງສິ່ງທີ່ສຳຄັນຄື ໂຄງສ້າງເສດຖະກິດຣັດເຊຍກຳລັງປ່ຽນແປງໄປ ແລະ ເປັນການປ່ຽນແປງໃນຮູບແບບໂຄງສ້າງທີ່ບໍ່ໄດ້ປະກົດມາດົນແລ້ວ.

ທ່ານ ວະລາດີເມຍ ປູຕິນ ກ່າວຕື່ມວ່າ: ພາກທຸລະກິດນ້ຳມັນ, ແກັສ ກວມອັດຕາສ່ວນ 3% ຂະນະທີ່ພາກການຜະລິດທາງດ້ານອຸດສາຫະກຳກວມອັດຕາສ່ວນ 43% ຂອງການຂະຫຍາຍຕົວທາງດ້ານເສດຖະກິດ.