ຂ່າວຕ່າງປະເທດລາຍງານ ເມື່ອທ້າຍອາທິດຜ່ານມາ, ສຳນັກງານພະລັງງານລົມເທິງແຄມຝັ່ງຂອງເຢຍລະມັນ ເປີດເຜີຍວ່າ: ເຢຍລະມັນ ກຳລັງເລັ່ງການຂະຫຍາຍພະລັງງານລົມຕາມແຄມຝັ່ງ, ພວກເຮົາຈະເຫັນກັງຫັນລົມສີຂາວຕັ້ງຢູ່ລະຫວ່າງກາງເດີ່ນ ແລະ ຖະໜົນຫົນທາງໃນລັດບຣັນເດີນບວກ ຂອງເຢຍລະມັນ

ສຳນັກງານພະລັງງານລົມເທິງແຄມຝັ່ງຂອງເຢຍລະມັນຄາດວ່າ: ກຳລັງການຜະລິດພະລັງງານລົມໃໝ່ທີ່ຕິດຕັ້ງໃນໄລຍະເດືອນມັງກອນ-ກັນຍາ 2023 ສູງກວ່າລວມທັງໝົດປີ 2022, ຂະນະທີ່ກຳລັງການຜະລິດພະລັງງານລົມໃໝ່ເທິງແຄມຝັ່ງທີ່ດຳເນີນງານແລ້ວເພີ່ມຂຶ້ນ 50% ຈາກໄລຍະເວລາດຽວກັນຂອງປີຜ່ານມາລວມຢູ່ທີ່ 2.436 ເມກາວັດ ເມື່ອນັບເຖິງເດືອນກັນຍາຜ່ານມາ.

ທັງນີ້, ກັງຫັນລົມຫຼາຍກວ່າໜຶ່ງໃນສາມຂອງເຢຍລະມັນຖືກກໍ່ສ້າງຢູ່ລັດຊະເລສວິດ ຮອນສຕາຍທາງພາກເໜືອຂອງປະເທດ.