ວິທະຍຸກະຈາຍສຽງຫວຽດນາມລາຍງານວ່າ: ຮ່າໂນ້ຍ ໄດ້ເລື່ອນຂັ້ນອີກຄັ້ງໜຶ່ງເມື່ອທຽບໃສ່ປີ 2022, ຢູ່ອັນດັບທີ 96 ໃນຕາຕະລາງຈັດອັນດັບບັນຊີລາຍຊື່ “ນະຄອນທ່ອງທ່ຽວ 100 ແຫ່ງ ທີ່ດີທີ່ສຸດໃນໂລກ” ໂດຍບໍລິສັດໃຫ້ຄຳປຶກສາການທ່ອງທ່ຽວແຖວໜ້າ Resonance Consultancy (ປະເທດການາດາ).

ຂ່າວລະບຸວ່າ: ບໍລິສັດແຫ່ງນີ້ມີສຳນັກງານຕັ້ງຢູ່ ການາດາ ໄດ້ໄຈ້ແຍກນະຄອນຫຼວງກວ່າ 270 ແຫ່ງໃນທົ່ວໂລກ ໂດຍອີງໃສ່ບັນດາມາດຖານ ຄື: ສະຖານທີ່ທ່ອງທ່ຽວ ແລະ ທິວທັດທຳມະຊາດ, ການເຊື່ອມຕໍ່ກັບສະໜາມບິນ, ສວນສາທາລະນະ ແລະ ການບັນເທີງ, ການເຄື່ອນໄຫວດ້ານຊີວິດສັງຄົມຍາມຄ່ຳຄືນ, ພັດຕະຄານ, ຮ້ານອາຫານ… ເຖິງວ່າບໍ່ໃຫຍ່, ບໍ່ຄັບຄາໜາແໜ້ນຄືນະຄອນໂຮ່ຈິມິນກໍຕາມ, ແຕ່ ຮ່າໂນ້ຍ ມີສະຖານທີ່ທ່ອງທ່ຽວ ແລະ ການເຄື່ອນໄຫວຫຼາຍຢ່າງ, ຈາກບັນດາຕະຫຼາດທ້ອງຖິ່ນ ຕະຫຼອດຮອດບັນດາກິດຈະກຳມໍລະດົກ ແລະ ການເຄື່ອນໄຫວດ້ານຊີວິດສັງຄົມໃນຍາມຄ່ຳຄືນທີ່ຟົດຟື້ນ ແລະ ມີກຳລັງດຶງດູດໃຈສະເພາະ. ບັນດາການເຄື່ອນໄຫວກາງແຈ້ງ ແລະ ການຊື້ເຄື່ອງ ແມ່ນບັນດາຈຸດພົ້ນເດັ່ນຂອງນະຄອນຫຼວງ ຂອງ ຫວຽດນາມ.

ນອກຈາກ ຮ່າໂນ້ຍ ແລ້ວ, ສິງກະໂປ (ຢູ່ອັນດັບ 5) ແລະ ບາງກອກ (ຢູ່ອັນດັບ 39) ໂດຍແມ່ນບັນດານະຄອນຂອງອາຊີຕາເວັນອອກສ່ຽງໃຕ້ ນອນໃນນະຄອນທ່ອງທ່ຽວ 100 ແຫ່ງດີທີ່ສຸດໃນໂລກ.