ໃນວັນທີ6 ກັນຍາຜ່ານມາ, ບໍລິສັດລາວຟອດຊີຕີ ຊຶ່ງເປັນຕົວແທນຜູ້ຈັດຈຳໜ່າຍຜະລິດຕະພັນລົດຟອດຢ່າງເປັນທາງການໃນປະເທດລາວ ໄດ້ເພີ່ມຂະຫຍາຍການບໍລິການເພື່ອໃຫ້ໃກ້ຊິດ ແລະ ຕອບສະໜອງຄວາມຕ້ອງການຂອງກຸ່ມລູກຄ້າໄດ້ຢ່າງພຽງພໍໍຈຶ່ງໄດ້ກໍ່ຕັ້ງເສີມຂະຫຍາຍສາຂາໃຫ້ບໍລິການບັນດາລູກຄ້າເຂດເມືອງໄຊທານີ, ເມືອງໄຊເສດຖາ ແລະ ເຂດອື່ນໆ.

ເຂົ້າຮ່ວມໃນພິທີເປີດ ແລະ ເປັນສັກຂີພິຍານ ໂດຍມີ ທ່ານ ທະນົງສິນ ກັນລະຍາ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ, ທ່ານ ຄຣິສຕຽນ ວິດແມນ ຮອງປະທານກຸ່ມບໍລິສັດ ອາເອັມເອ (RMA), ທ່ານ ບີຈູ່ ນາລາຍານານ ຜູ້ອຳນວຍການບໍລິຫານກຸ່ມບໍລິສັດລົົດຍົນ ອາເອັມເອ ລາວ ( RMA Laos)ແລະ ທ່ານ ວິລາພັນ ບຣາລີ ຜູ້ຈັດການຝ່າຍການຕະຫຼາດ ແລະ ພັດທະນາສາຍສຳພັນ ພ້ອມດ້ວຍລູກຄ້າ.

ບໍລິສັດ ລາວຟອດຊີຕີ ແມ່ນໜຶ່ງບໍລິສັດຈັດຈຳໜ່າຍລົດຍົນຊັ້ນນຳຂອງໂລກທີ່ມີຄຸນນະພາບ ແລະ ສະມັດຖະພາບທີ່ເໜືອຊັ້ນ ພາຍໃຕ້ຄວາມສຳເລັດນີ້ແມ່ນໄດ້ມາຈາກການຊີ້ນຳ ແລະ ບໍລິຫານໂດຍບໍລິສັດລະດັບສາກົນ ນັ້ນກໍຄືບໍລິສັດRMA, ຕັ້ງແຕ່ປີ 1994 ເປັນຕົ້ນມາ RMA ໄດ້ເລີ່ມເຂົ້າມາສູ່ປະເທດລາວ ແລະ ກາຍເປັນຜູ້ນຳໃນຂະແໜງການຕ່າງໆບໍ່ວ່າຈະເປັນລົດຍົນ, ການກະສິກຳ ແລະ ພື້ນຖານໂຄງລ່າງ. ບໍລິສັດລາວຟອດຊີຕີເລີ່ມສ້າງຕັ້ງຂຶ້ນໃນ ປີ2004 ແລະ ໄດ້ເລີ່ມນໍາເຂົ້າຜະລິດຕະພັນລົດຟອດຢ່າງເປັນທາງການ, ເພື່ອໃຫ້ບໍລິການລູກຄ້າຢ່າງທົ່ວເຖິງ ຕອບສະໜອງກັບຄວາມຕ້ອງການຂອງລູກຄ້າ ຈຶ່ງຂະຫຍາຍສາຂາ ໂດຍເປີດຫ້ອງຂາຍສາຂາພະຂາວຂຶ້ນ ຊຶ່ງບໍ່ພຽງແຕ່ເປັນສູນກາງການຂາຍເທົ່ານັ້ນ ແຕ່ຍັງເປັນການເປີດປະຕູເພື່ອໃຫ້ການບໍລິການ ຂົງເຂດເມືອງໄຊທານີ ແລະ ເມືອງອື່ນໆ ໝັ້ນໃຈໄດ້ວ່າລູກຄ້າຂອງລາວຟອດທຸກຄົນສາມາດເຂົ້າເຖິງການບໍລິການໄດ້ຢ່າງທົ່ວເຖິງທີ່ RMA, ການບໍລິການລູກຄ້າໃຫ້ດີທີ່ສຸດຄືໝາກຫົວໃຈທຸກຢ່າງທີ່ພວກເຮົາປະຕິບັດໃນປັດຈຸບັນ. ການເປີດຫ້ອງຂາຍໃນມື້ນີ້, ບໍ່ພຽງແຕ່ວາງສະແດງລົດຍົນເທົ່ານັ້ນ, ແຕ່ຍັງເປັນການເປີດປະຕູສູ່ສິ່ງທ້າທາຍ ແລະ ຄວາມເປັນໄປໄດ້ໃໝ່ໆສຳລັບລູກຄ້າ ຊຶ່ງຈະເປັນຍານພາຫະນະທີ່ສົມບູນແບບ ແລະ ຕອບສະໜອງຄວາມຕ້ອງການ, ບໍ່ວ່າຈະເປັນການຮັບໃຊ້ວຽກປະຈຳວັນ, ການພະຈົນໄພ ຫຼື ການເດີນທາງໃນແຕ່ລະມື້.

(ຂ່າວ-ພາບ: ແສງຈັນ)