ກອງປະຊຸມ ຄະນະສະເພາະກິດກະຊວງປ້ອງກັນປະເທດລົງຕິດຕາມ, ເກັບກກກກຳຂໍ້ມູນ ແລະ ຊຸກຍູ້ ບໍລິສັດລັດວິສາຫະກິດພັດທະນາກະສິກຳສາຂາແຂວງບໍ່ແກ້ວ ໄດ້ຈັດຂຶ້ນໃນວັນທີ 7 ກັນຍາຜ່ານມາ, ໂດຍການເປັນປະທານຂອງສະຫາຍ ພັນເອກ ບຸດສະດີ ອິນທະລັງສີ ຮອງຫົວໜ້າຫ້ອງວ່າການກະຊວງປ້ອງກັນປະເທດ, ມີ ສະຫາຍ ໄຂ່ແກ້ວ ດາລາວົງ ຮອງຫົວໜ້າຜູ້ອຳນວຍການໃຫຍ່ບໍລິສັດ ລັດວິສາຫະກິດພັດທະນາກະສິກຳ-ອຸດສາຫະກຳບໍລິການ ແລະ ການຄ້າຂາອອກ-ຂາເຂົ້າ ສຳນັກງານໃຫຍ່ ນະຄອນຫຼວງວຽງຈັນ, ມີພາກສ່ວນກ່ຽວຂ້ອງເຂົ້າຮ່ວມ.

ໃນກອງປະຊຸມ ສະຫາຍ ຄຳຕາ ຄຸດສະຫັວນ ອຳນວຍການບໍລິສັດ ລັດວິສາຫະກິດພັດທະນາກະສິກຳ-ອຸດສາຫະກຳ ບໍລິການ ແລະ ການຄ້າສາຂາ ແຂວງບໍ່ແກ້ວ ໄດ້ຜ່ານບົດລາຍງານການເຄື່ອນໄຫວໃນໄລຍະຜ່ານມາ ເຫັນວ່າບໍລິສັດລັດວິສາຫະກິດພັດທະນາກະສິກຳ-ອຸດສາຫະກຳ ບໍລິການ ແລະ ການຄ້າ ສາຂາແຂວງບໍ່ແກ້ວ ທີ່ຂຶ້ນກັບກະຊວງປ້ອງກັນປະເທດ. ຊຶ່ງສະຫາຍໄດ້ຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ ແລະ ບາງບົດຮຽນທີ່ຖອດຖອນໄດ້. ນັບແຕ່ວັນສ້າງຕັ້ງຈົນມາເຖິງປັດຈຸບັນແມ່ນມີການປັບປຸງແກ້ໄຂຂຶ້ນຍ່າງບໍ່ຍຸດຢັ້ງ ເສດຖະກິດ-ສັງຄົມ ມີການເຕີບໃຫ່ຍຂະຫຍາຍຕົວຢ່າງຕໍ່ເນື່ອງ, ສ້າງທ່າແຮງບົ່ມຊ້ອນທາງດ້ານຊັບພະຍາກອນທຳມະຊາດພາຍໃນແຂວງໃຫ້ມີປະສິດທິພາບ ແລະ ຮັບຜົນປະໂຫຍດສູງສຸດ ເພື່ອຕອບສະໜອງແຫຼ່ງສະບຽງອາຫານພືດກະສິກຳ-ອຸດສາຫະກຳການຄ້າ ໃຫ້ແກ່ພະນັກງານທະຫານ-ຕຳຫຼວດ ຕະຫຼອດຮອດ ພໍ່ແມ່ປະຊາຊົນບັນດາເຜົ່າ ແລະ ສາກົນ.

ທ້າຍກອງປະຊຸມ ສະຫາຍ ພັນເອກ ບຸດສະດີ ອິນທະລັງສີ ໄດ້ຮຽກຮ້ອງໃຫ້ບໍລິສັດລັດວິສາຫະກິດພັດທະນາກະສິກຳ-ອຸດສາຫະກຳ ບໍລິການ ແລະ ການຄ້າ ສາຂາແຂວງບໍ່ແກ້ວ ແຕ່ລະຂັ້ນຕ້ອງຮັກສາຄວາມສາມັກຄີເປັນເອກະພາບພາຍໃນໝູ່ຄະນະ, ເອົາໃຈໃສ່ປັບປຸງກໍ່ສ້າງພະນັກງານໃຫ້ໜັກແໜ້ນເຂັ້ມແຂງ, ກຳແໜ້ນໜ້າທີ່ການເມືອງຂອງຕົນ ກໍຄືຂອງກອງທັບແຕ່ລະໄລຍະ, ປັບປຸງກໍ່ສ້າງແບບແຜນວິທີ່ເຮັດວຽກ ເເລະ ກຳເເໜ້ນວິຊາສະເພາະ ສາມາດໝູນໃຊ້ເຂົ້າໃນວຽກງານຕົວຈິງໃຫ້ມີປະສິດທິຜົນສູງ.

(ພາບ-ຂ່າວໂດຍ: ວໍລະສິດ ພິດສະຫາຍ