ວັນທີ 6 ກັນຍາ ຜ່ານມາ, ພາຍຸໄຕ້ຝຸ່ນຫົວໃຫຍ່ທີ່ຊື່ວ່າຢະກີຫຼື YAGI ໄດ້ເຄື່ອນເຂົ້າສູ່ນະຄອນເວີນຊາງແຂວງໄຫຫຼຳແລະເມືອງສູເວີນແຂວງກວາງຕຸ້ງຂອງຈີນ. ພາຍຸໄຕ້ຝຸ່ນຮຸນແຮງທີ່ເກີດຂຶ້ນໃນຄັ້ງນີ້ບໍ່ພຽງແຕ່ພັດຖະຫຼົ່ມເຂົ້າຈີນເປັນເວລາຍາວນານເທົ່ານັ້ນ, ຍັງໄດ້ທຳລາຍຂອບເຂດຢ່າງກວ້າງຂວາງຊຶ່ງໄດ້ສ້າງໄພພິບັດອັນໜັກໜ່ວງໃຫ້ແກ່ແຂວງໄຫຫຼຳແລະແຂວງກວາງຕຸ້ງ, ໄດ້ທຳລາຍສິ່ງກໍ່ສ້າງພື້ນຖານໂຄງລ່າງ, ໄຟຟ້າມອດແລະສັນຍານຂອງການສື່ສານຖືກຕັດຂາດເປັນບໍລິເວນກວ້າງ, ນອກນີ້ຍັງມີເຮືອນຊານຫຼາຍຫຼັງໄດ້ຮັບຄວາມເສຍຫາຍ.
ກ່ຽວກັບວຽກງານປ້ອງກັນແລະຊ່ວຍເຫຼືອກູ້ໄພ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນກ່າວເນັ້ນໜັກວ່າ: ຕ້ອງຈັດເອົາການຮັບປະກັນຄວາມປອດໄພດ້ານຊີວິດແລະ ຊັບສິນຂອງປະຊາຊົນໄວ້ເປັນອັນດັບທີໜຶ່ງຢ່າງສະເໝີຕົ້ນສະເໝີປາຍ. ພາຍຫຼັງໄພພິບັດເກີດຂຶ້ນແລ້ວ, ສູນກາງພັກແລະລັດຖະບານຈີນໄດ້ໃຫ້ຄວາມສຳຄັນເປັນຢ່າງສູງ, ທ່ານສີຈິ້ນຜິງໄດ້ໃຫ້ຄຳຊີ້ນຳທີ່ສຳຄັນໃນທັນທີໂດຍກ່າວເນັ້ນວ່າ: ຕ້ອງເກັບກຳສະພາບຄວາມເສຍຫາຍໃນໄພພິບັດໂດຍໄວເພື່ອຈັດສັນກຳລັງເຂົ້າຊ່ວຍເຫຼືອໄດ້ຢ່າງວ່ອງໄວ.
ເພື່ອຮັບມືກັບໄພພິບັດຂະໜາດໃຫຍ່ຄັ້ງນີ້, ກະຊວງການເງິນ, ກະຊວງບໍລິຫານຈັດການວຽກງານສຸກເສີນຈີນໄດ້ນຳໃຊ້ງົບປະມານຊ່ວຍເຫຼືອ 270 ລ້ານຢວນໂດຍດ່ວນຊຶ່ງຕົ້ນຕໍຈະໃຊ້ເຂົ້າໃນການສະໜັບສະໜູນແຂວງໄຫຫຼຳ, ແຂວງກວາງຕຸ້ງແລະແຂວງກວາງຊີເພື່ອຊ່ວຍເຫຼືອແລະຄົ້ນຫາປະຊາຊົນຜູ້ປະສົບໄພ, ຈັດສັນແລະຍົກຍ້າຍປະຊາຊົນ, ຟື້ນຟູເຮືອນຊານທີ່ໄດ້ຮັບຄວາມເສຍຫາຍແລະອື່ນໆ, ພະຍາຍາມຫຼຸດຈຳນວນຜູ້ເສຍຊີວິດແລະຜູ້ບາດເຈັບໃຫ້ໜ້ອຍທີ່ສຸດພ້ອມທັງຫຼຸດຜົນກະທົບຈາກໄພພິບັດທີ່ມີຕໍ່ຊີວິດການເປັນຢູ່ຂອງປະຊາຊົນໃຫ້ໜ້ອຍລົງຢ່າງສຸດຂີດ.
ການປ້ອງກັນໄພນ້ຳຖ້ວມແລະຊ່ວຍເຫຼືອກູ້ໄພຕ້ອງເນັ້ນໃສ່ເລື່ອງ “ຄົນ”. ໃນການຮັບມືກັບພາຍຸໄຕ້ຝຸ່ນຢະກີ, ວຽກງານສຳຄັນຢ່າງໜຶ່ງກໍແມ່ນຍົກຍ້າຍປະຊາຊົນຢ່າງທັນການ. ຕາມສະຖິຕິ, ໃນຕອນເຊົ້າວັນທີ 6 ກັນຍານີ້ກ່ອນທີ່ພາຍຸໄຕ້ຝຸ່ນຈະເລີ່ມເຄື່ອນຂຶ້ນບົກ, ທົ່ວແຂວງໄຫຫຼຳໄດ້ຍົກຍ້າຍປະຊາຊົນ 4 ແສນກວ່າຄົນ,ມີເຮືອ ແລະກຳປັ່ນປະເພດຕ່າງໆ 34.000 ກວ່າລຳໄດ້ເຂົ້າທຽບທ່າເພື່ອລີ້ໄພ. ການຍົກຍ້າຍປະຊາຊົນແລະເຮືອຫຼາຍປານນີ້ພາຍໃນເວລາສັ້ນ, ນີ້ບໍ່ແມ່ນເລື່ອງງ່າຍ.
ແນ່ນອນແລ້ວວ່າ, ບໍ່ພຽງແຕ່ການຍົກຍ້າຍປະຊາຊົນເທົ່ານັ້ນ, ສະພາບການຕ່າງໆ ທີ່ວ່າ“ທຸກສິ່ງທຸກຢ່າງເພື່ອຄວາມປອດໄພຂອງປະຊາຊົນ” ໄດ້ປະກົດໃຫ້ເຫັນຢູ່ເລື້ອຍໆໃນທ້ອງຖິ່ນຕ່າງໆ. ຕົວຢ່າງຄື: ເມືອງຕ່າງໆຂອງແຂວງໄຫຫຼຳໄດ້ເປີດຊ່ອງທາງສີຂຽວສຳລັບແມ່ຍິງຖືພາແລະເກີດລູກ, ໄດ້ກວດກາແມ່ມານທີ່ຖືພາ 38 ອາທິດຂຶ້ນໄປ, ໃຫ້ແມ່ມານເຫຼົ່ານີ້ເຂົ້ານອນໂຮງໝໍເພື່ອເຝົ້າຮັກສາຄວາມປອດໄພຂອງແມ່ ແລະເດັກ; ທ້ອງຖິ່ນຕ່າງໆໄດ້ຕິດຕໍ່ພົວພັນກັບວິສາຫະກິດສະໜອງວັດຖຸຄ້ຳປະກັນຕ່າງໆ ເພື່ອຈັດສັນແລະສະສົມເຄື່ອງໃຊ້ປະຈຳວັນທີ່ຈຳເປັນ; ພາກສ່ວນທີ່ກ່ຽວຂ້ອງໄດ້ເຜີຍແຜ່ວິທີຕ່າງໆໃນການເພີ່ມຄວາມໝັ້ນຄົງຂອງປະຕູ ແລະປ່ອງຢ້ຽມ ເພື່ອຊີ້ນຳຄົນທັງຫຼາຍເຮັດວຽກປ້ອງກັນຄວາມປອດໄພໃຫ້ດີ. ມາດຕະການຕ້ານໄພເຫຼົ່ານີ້ ໄດ້ສ້າງກຳແພງທີ່ໝັ້ນຄົງເພື່ອປົກປ້ອງຊີວິດແລະຊັບສິນຂອງປະຊາຊົນ.
ໄພພິບັດກໍແມ່ນຄຳສັ່ງ. ພາຍຫຼັງພາຍຸໄຕ້ຝຸ່ນຜ່ານພົ້ນໄປແລ້ວ, ກໍມີບາງທ້ອງຖິ່ນຂາດນ້ຳ, ຂາດໄຟຟ້າແລະເສັ້ນທາງຖືກຕັດຂາດ. ເພື່ອຟື້ນຟູການຜະລິດແລະຊີວິດການເປັນຢູ່ໃຫ້ເປັນປົກກະຕິໂດຍໄວ, ກອງທັບປົດປ່ອຍປະຊາຊົນຈີນແລະ ເຈົ້າໜ້າທີ່ຕຳຫຼວດທ້ອງຖິ່ນຕ່າງໆໄດ້ພາກັນມຸ່ງໜ້າໄປສູ່ເຂດປະສົບໄພຢ່າງວ່ອງໄວ ເພື່ອໄປຊ່ວຍເຫຼືອກູ້ໄພ. ນອກນີ້, ພະນັກງານດັບເພີງຂອງທ້ອງຖິ່ນຕ່າງໆໄດ້ສູ້ຊົນຢູ່ແນວໜ້າ, ຊ່ວຍເຫຼືອປະຊາຊົນທີ່ຕົກຄ້າງຢູ່ໃນພາຍຸໄຕ້ຝຸ່ນ. ປະຊາຊົນຫຼາຍຄົນເວົ້າວ່າ: “ເມື່ອເຫັນພວກເຈົ້າມາແລ້ວ, ພວກເຮົາກໍຮູ້ສຶກໄວ້ວາງໃຈຫຼາຍ.”
ພາຍຸໄຕ້ຝຸ່ນຢະກີໄດ້ສ້າງຜົນເສຍຫາຍດ້ານຊີວິດແລະຊັບສິນໃຫ້ແກ່ແຂວງໄຫຫຼຳແລະແຂວງກວາງຕຸ້ງ. ພັກແລະລັດຖະບານຈີນໄດ້ຮັບມືຢ່າງວ່ອງໄວ, ທະຫານແລະຕຳຫຼວດກໍໄດ້ມຸ່ງໜ້າໄປສູ່ເຂດປະສົບໄພຢ່າງທັນການ, ເຮັດໃຫ້ພວກເຮົາຮູ້ແລ້ວວ່າ: “ປະຊາຊົນຢູ່ເໜືອທຸກສິ່ງທຸກຢ່າງແລະຊີວິດຢູ່ເໜືອທຸກສິ່ງທຸກຢ່າງ” ນີ້ບໍ່ໄດ້ເປັນພຽງແຕ່ຄຳຂວັນເທົ່ານັ້ນ, ຫາກແມ່ນຈັດຕັ້ງປະຕິບັດຢ່າງຈິງໃຈໃນກໍລະນີຕ່າງໆ. ໃນອະນາຄົດ, ຄຽງຄູ່ກັບວຽກງານຊ່ວຍເຫຼືອແລະ ວຽກງານສ້າງສາຫຼັງໄພພິບັດຈະໄດ້ດຳເນີນໄປຢ່າງເປັນລະບຽບ, ການຜະລິດແລະ ຊີວິດການເປັນຢູ່ຂອງປະຊາຊົນໃນເຂດປະສົບໄພຍ່ອມຈະສາມາດຟື້ນຟູຄວາມເປັນປົກກະຕິຄືນໂດຍໄວ.
ກ່ຽວກັບວຽກງານປ້ອງກັນແລະຊ່ວຍເຫຼືອກູ້ໄພ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນກ່າວເນັ້ນໜັກວ່າ: ຕ້ອງຈັດເອົາການຮັບປະກັນຄວາມປອດໄພດ້ານຊີວິດແລະ ຊັບສິນຂອງປະຊາຊົນໄວ້ເປັນອັນດັບທີໜຶ່ງຢ່າງສະເໝີຕົ້ນສະເໝີປາຍ. ພາຍຫຼັງໄພພິບັດເກີດຂຶ້ນແລ້ວ, ສູນກາງພັກແລະລັດຖະບານຈີນໄດ້ໃຫ້ຄວາມສຳຄັນເປັນຢ່າງສູງ, ທ່ານສີຈິ້ນຜິງໄດ້ໃຫ້ຄຳຊີ້ນຳທີ່ສຳຄັນໃນທັນທີໂດຍກ່າວເນັ້ນວ່າ: ຕ້ອງເກັບກຳສະພາບຄວາມເສຍຫາຍໃນໄພພິບັດໂດຍໄວເພື່ອຈັດສັນກຳລັງເຂົ້າຊ່ວຍເຫຼືອໄດ້ຢ່າງວ່ອງໄວ.
ເພື່ອຮັບມືກັບໄພພິບັດຂະໜາດໃຫຍ່ຄັ້ງນີ້, ກະຊວງການເງິນ, ກະຊວງບໍລິຫານຈັດການວຽກງານສຸກເສີນຈີນໄດ້ນຳໃຊ້ງົບປະມານຊ່ວຍເຫຼືອ 270 ລ້ານຢວນໂດຍດ່ວນຊຶ່ງຕົ້ນຕໍຈະໃຊ້ເຂົ້າໃນການສະໜັບສະໜູນແຂວງໄຫຫຼຳ, ແຂວງກວາງຕຸ້ງແລະແຂວງກວາງຊີເພື່ອຊ່ວຍເຫຼືອແລະຄົ້ນຫາປະຊາຊົນຜູ້ປະສົບໄພ, ຈັດສັນແລະຍົກຍ້າຍປະຊາຊົນ, ຟື້ນຟູເຮືອນຊານທີ່ໄດ້ຮັບຄວາມເສຍຫາຍແລະອື່ນໆ, ພະຍາຍາມຫຼຸດຈຳນວນຜູ້ເສຍຊີວິດແລະຜູ້ບາດເຈັບໃຫ້ໜ້ອຍທີ່ສຸດພ້ອມທັງຫຼຸດຜົນກະທົບຈາກໄພພິບັດທີ່ມີຕໍ່ຊີວິດການເປັນຢູ່ຂອງປະຊາຊົນໃຫ້ໜ້ອຍລົງຢ່າງສຸດຂີດ.
ການປ້ອງກັນໄພນ້ຳຖ້ວມແລະຊ່ວຍເຫຼືອກູ້ໄພຕ້ອງເນັ້ນໃສ່ເລື່ອງ “ຄົນ”. ໃນການຮັບມືກັບພາຍຸໄຕ້ຝຸ່ນຢະກີ, ວຽກງານສຳຄັນຢ່າງໜຶ່ງກໍແມ່ນຍົກຍ້າຍປະຊາຊົນຢ່າງທັນການ. ຕາມສະຖິຕິ, ໃນຕອນເຊົ້າວັນທີ 6 ກັນຍານີ້ກ່ອນທີ່ພາຍຸໄຕ້ຝຸ່ນຈະເລີ່ມເຄື່ອນຂຶ້ນບົກ, ທົ່ວແຂວງໄຫຫຼຳໄດ້ຍົກຍ້າຍປະຊາຊົນ 4 ແສນກວ່າຄົນ,ມີເຮືອ ແລະກຳປັ່ນປະເພດຕ່າງໆ 34.000 ກວ່າລຳໄດ້ເຂົ້າທຽບທ່າເພື່ອລີ້ໄພ. ການຍົກຍ້າຍປະຊາຊົນແລະເຮືອຫຼາຍປານນີ້ພາຍໃນເວລາສັ້ນ, ນີ້ບໍ່ແມ່ນເລື່ອງງ່າຍ.
ແນ່ນອນແລ້ວວ່າ, ບໍ່ພຽງແຕ່ການຍົກຍ້າຍປະຊາຊົນເທົ່ານັ້ນ, ສະພາບການຕ່າງໆ ທີ່ວ່າ“ທຸກສິ່ງທຸກຢ່າງເພື່ອຄວາມປອດໄພຂອງປະຊາຊົນ” ໄດ້ປະກົດໃຫ້ເຫັນຢູ່ເລື້ອຍໆໃນທ້ອງຖິ່ນຕ່າງໆ. ຕົວຢ່າງຄື: ເມືອງຕ່າງໆຂອງແຂວງໄຫຫຼຳໄດ້ເປີດຊ່ອງທາງສີຂຽວສຳລັບແມ່ຍິງຖືພາແລະເກີດລູກ, ໄດ້ກວດກາແມ່ມານທີ່ຖືພາ 38 ອາທິດຂຶ້ນໄປ, ໃຫ້ແມ່ມານເຫຼົ່ານີ້ເຂົ້ານອນໂຮງໝໍເພື່ອເຝົ້າຮັກສາຄວາມປອດໄພຂອງແມ່ ແລະເດັກ; ທ້ອງຖິ່ນຕ່າງໆໄດ້ຕິດຕໍ່ພົວພັນກັບວິສາຫະກິດສະໜອງວັດຖຸຄ້ຳປະກັນຕ່າງໆ ເພື່ອຈັດສັນແລະສະສົມເຄື່ອງໃຊ້ປະຈຳວັນທີ່ຈຳເປັນ; ພາກສ່ວນທີ່ກ່ຽວຂ້ອງໄດ້ເຜີຍແຜ່ວິທີຕ່າງໆໃນການເພີ່ມຄວາມໝັ້ນຄົງຂອງປະຕູ ແລະປ່ອງຢ້ຽມ ເພື່ອຊີ້ນຳຄົນທັງຫຼາຍເຮັດວຽກປ້ອງກັນຄວາມປອດໄພໃຫ້ດີ. ມາດຕະການຕ້ານໄພເຫຼົ່ານີ້ ໄດ້ສ້າງກຳແພງທີ່ໝັ້ນຄົງເພື່ອປົກປ້ອງຊີວິດແລະຊັບສິນຂອງປະຊາຊົນ.
ໄພພິບັດກໍແມ່ນຄຳສັ່ງ. ພາຍຫຼັງພາຍຸໄຕ້ຝຸ່ນຜ່ານພົ້ນໄປແລ້ວ, ກໍມີບາງທ້ອງຖິ່ນຂາດນ້ຳ, ຂາດໄຟຟ້າແລະເສັ້ນທາງຖືກຕັດຂາດ. ເພື່ອຟື້ນຟູການຜະລິດແລະຊີວິດການເປັນຢູ່ໃຫ້ເປັນປົກກະຕິໂດຍໄວ, ກອງທັບປົດປ່ອຍປະຊາຊົນຈີນແລະ ເຈົ້າໜ້າທີ່ຕຳຫຼວດທ້ອງຖິ່ນຕ່າງໆໄດ້ພາກັນມຸ່ງໜ້າໄປສູ່ເຂດປະສົບໄພຢ່າງວ່ອງໄວ ເພື່ອໄປຊ່ວຍເຫຼືອກູ້ໄພ. ນອກນີ້, ພະນັກງານດັບເພີງຂອງທ້ອງຖິ່ນຕ່າງໆໄດ້ສູ້ຊົນຢູ່ແນວໜ້າ, ຊ່ວຍເຫຼືອປະຊາຊົນທີ່ຕົກຄ້າງຢູ່ໃນພາຍຸໄຕ້ຝຸ່ນ. ປະຊາຊົນຫຼາຍຄົນເວົ້າວ່າ: “ເມື່ອເຫັນພວກເຈົ້າມາແລ້ວ, ພວກເຮົາກໍຮູ້ສຶກໄວ້ວາງໃຈຫຼາຍ.”
ພາຍຸໄຕ້ຝຸ່ນຢະກີໄດ້ສ້າງຜົນເສຍຫາຍດ້ານຊີວິດແລະຊັບສິນໃຫ້ແກ່ແຂວງໄຫຫຼຳແລະແຂວງກວາງຕຸ້ງ. ພັກແລະລັດຖະບານຈີນໄດ້ຮັບມືຢ່າງວ່ອງໄວ, ທະຫານແລະຕຳຫຼວດກໍໄດ້ມຸ່ງໜ້າໄປສູ່ເຂດປະສົບໄພຢ່າງທັນການ, ເຮັດໃຫ້ພວກເຮົາຮູ້ແລ້ວວ່າ: “ປະຊາຊົນຢູ່ເໜືອທຸກສິ່ງທຸກຢ່າງແລະຊີວິດຢູ່ເໜືອທຸກສິ່ງທຸກຢ່າງ” ນີ້ບໍ່ໄດ້ເປັນພຽງແຕ່ຄຳຂວັນເທົ່ານັ້ນ, ຫາກແມ່ນຈັດຕັ້ງປະຕິບັດຢ່າງຈິງໃຈໃນກໍລະນີຕ່າງໆ. ໃນອະນາຄົດ, ຄຽງຄູ່ກັບວຽກງານຊ່ວຍເຫຼືອແລະ ວຽກງານສ້າງສາຫຼັງໄພພິບັດຈະໄດ້ດຳເນີນໄປຢ່າງເປັນລະບຽບ, ການຜະລິດແລະ ຊີວິດການເປັນຢູ່ຂອງປະຊາຊົນໃນເຂດປະສົບໄພຍ່ອມຈະສາມາດຟື້ນຟູຄວາມເປັນປົກກະຕິຄືນໂດຍໄວ.
