ຂໍ້ມູນຈາກສະຖານທູດ ສປ ຈີນປະຈຳ ສປປລາວໃຫ້ຮູ້ວ່າ: ພວກເຮົາໄດ້ຕິດຕາມຂ່າວເມື່ອບໍ່ດົນມານີ້,ສື່ສັງຄົມອອນລາຍໄດ້ເຜີຍແຜ່ຂ່າວກ່ຽວກັບການປ່ອຍນໍ້າຂະໜາດໃຫຍ່ຂອງເຂື່ອນໄຟຟ້ານໍ້າຕົກຊຽງຮຸ່ງເຮັດໃຫ້ມີຜົນກະທົບຕໍ່ ສປປລາວ, ຜ່ານການກວດສອບ ແລະ ຢັ້ງຢືນວ່າເຂື່ອນໄຟຟ້ານໍ້າຕົກທີ່ກ່ຽວຂ້ອງຂອງ ສປ ຈີນໄດ້ຈັດການນ້ຳຕາມປົກກະຕິ,ປະລິມານນໍ້າໄຫຼອອກຈາກເຂື່ອນໄຟຟ້າຢ່າງສະໝໍ່າສະເໝີ,ຂ່າວທີ່ກ່ຽວກັບການປ່ອຍນໍ້າແມ່ນເປັນພຽງຂ່າວລືໂດຍບໍ່ມີມູນຄວາມຈິງແຕ່ຢ່າງໃດ.
ຄວາມຈິງແລ້ວ, ສປ ຈີນຍາມໃດກໍນຶກເຖິງ ສປປລາວລວມທັງບັນດາປະເທດທີ່ຢູ່ລຸ່ມແມ່ນໍ້າ.ໃນໄລຍະອາທິດນີ້ ໄດ້ມີຝົນຕົກໜັກຕິດຕໍ່ກັນຫຼາຍວັນເຮັດໃຫ້ລະດັບນ້ຳຕາມສາຍນ້ຳຕ່າງໆ ເພີ່ມຂຶ້ນສູງ. ເຂື່ອນໄຟຟ້ານໍ້າຕົກຂອງຈີນບໍ່ພຽງແຕ່ບໍ່ໄດ້ປ່ອຍນໍ້າ,ແຕ່ຍັງໄດ້ປັບປະລິມານການໄຫຼອອກຂອງນ້ຳໃຫ້ໜ້ອຍລົງ,ໜ້ອຍກວ່າໄລຍະດຽວກັນ（ປະມານ30%ຂອງຄ່າສະເລ່ຍປະລິມານນໍ້າໄຫຼກ່ອນເຂື່ອນໄຟຟ້ານໍ້າຕົກທີ່ໄດ້ສ້າງຂຶ້ນ. ການທີ່ ສປປລາວເກີດມີນ້ຳຖ້ວມແມ່ນເກີດຈາກຝົນຕົກໜັກຕິດຕໍ່ກັນຫຼາຍວັນຢູ່ພາຍປະເທດລາວ.
ປະລິມານນໍ້າທີ່ໄຫຼອອກຈາກຈີນກວມພຽງ13,5%ຂອງປະລິມານນໍ້າໃນແມ່ນໍ້າລ້ານຊ້າງ-ແມ່ນ້ຳຂອງ (ແມ່ນ້ຳຂອງຢູ່ຈີນເພິ່ນເອີ້ນວ່າແມ່ນ້ຳລ້ານຊ້າງ),ດັ່ງນັ້ນ,ມີຜົນກະທົບຕໍ່ການໄຫຼຂອງນໍ້າຢູທາງລຸ່ມຈຶ່ງມີຄວາມຈໍາກັດ.ຫຼັງຈາກເຂື່ອນໄຟຟ້ານໍ້າຕົກໄດ້ສ້າງສໍາເລັດແລະ ດໍາເນີນການຜະລິດໄຟຟ້າມາ,ມີບົດບາດຢ່າງຕັ້ງໜ້າໃນການປັບລະດັບນໍ້າໃນລະດູຝົນ ແລະ ການເພີ່ມລະດັບນໍ້າໃນລະດູແລ້ງຢ່າງມີປະສິດທິຜົນ. ໃນເມື່ອປະລິມານນໍ້າຝົນຫຼາຍ,ກໍກັກເກັບນໍ້າຝົນຈໍານວນໜຶ່ງໄວ້ໃນອ່າງເກັບນໍ້າ,ເມື່ອຮອດລະດູແລ້ງມາ,ກໍດໍາເນີນການປ່ອຍນໍ້າລົງສູ່ລຸ່ມ,ດ້ານໜຶ່ງແມ່ນຫຼຸດຜ່ອນການຕ້ານໄພນໍ້າຖ້ວມຂອງລຸ່ມແມ່ນໍ້າຂອງ,ອີກດ້ານໜຶ່ງກໍແມ່ນຕອບສະໜອງຄວາມຕ້ອງການນໍ້າຂອງປະຊາຊົນທີ່ອາໄສຢູ່ຕາມແມ່ນໍ້າຂອງ.ໃນກໍລະນີພິເສດຄືການກວດກາເຂື່ອນໄຟຟ້ານໍ້າຕົກ,ຝ່າຍຈີນຈະແຈ້ງໃຫ້ບັນດາປະເທດທີ່ຢູ່ລຸ່ມແມ່ນໍ້າຂອງ ແລະ ກໍາມາທິການແມ່ນໍ້າຂອງຮັບຊາບກ່ຽວກັບຂໍ້ມູນການບໍລິຫານຈັດການນໍ້າ,ໃນເມື່ອປະເຊີນກັບໄພນໍ້າຖ້ວມຫຼືໄພແຫ້ງແລ້ງທີ່ເປັນຂີດຈໍາກັດ,ຝ່າຍຈີນກໍເຄີຍຈັດການຊ່ວຍເຫຼືອໄພພິບັດທີ່ເກີດຂຶ້ນຢູ່ລຸ່ມແມ່ນໍ້າຂອງເປັນບາງຄັ້ງຄາວ.ພວກເຮົາພວມລະດົມບັນດາອົງການຈັດຕັ້ງຂອງຈີນປະຈໍາລາວ ແລະ ພົນລະເມືອງຈີນທີ່ດຳເນີນທຸລະກິດ, ດຳລົງຊີວິດຢູ່ ສປປລາວເພື່ອຊ່ວຍເຫຼືອບັນເທົາທຸກສຸກເສີນແກ່ຜູ້ປະສົບໄພພິບັດໃນລາວ.