ໂດຍ: ວັນເພັງ
ບັນຫານ້ຳຖ້ວມ ເປັນໜຶ່ງບັນຫາທີ່ມີຄວາມສ່ຽງຕໍ່ສຸຂະພາບທີ່ຮ້າຍແຮງ ໂດຍສະເພາະປະຊາຊົນທີ່ກຳລັງປະສົບກັບນໍ້າຖ້ວມໃນປັດຈຸບັນ ແມ່ນມີຄວາມສ່ຽງຕໍ່ພະຍາດຕ່າງໆທີ່ມາກັບນໍ້າຖ້ວມຂັງ-ນໍ້າເປື້ອນ. ດັ່ງນັ້ນ, ທົ່ວສັງຄົມ ກໍຄືປະຊາຊົນຈົ່ງມີສະຕິປ້ອງກັນຕໍ່ພະຍາດຕ່າງໆ.
ປັດຈຸບັນບາງມື້ກໍຍັງມີຝົນຕົກແຮງເກີດມີນໍ້າຖ້ວມ-ນໍ້າຂັງຕາມເສັ້ນທາງ, ໄຮ່ນາຮົ້ວສວນ, ບ້ານເຮືອນຂອງປະຊາຊົນ ແລະ ອື່ນໆ ຢູ່ຫຼາຍແຂວງໃນ ສປປ ລາວ ລວມທັງນະຄອນຫຼວງວຽງຈັນ. ສະນັ້ນ, ນໍ້າຖ້ວມຂັງ, ນໍ້າເປື້ອນ ມັກກໍ່ໃຫ້ເກີດມີບັນຫາພະຍາດຕ່າງໆຕາມມາສູ່ຄົນເຮົາ ໂດຍສະເພາະແມ່ນພະຍາດຕິດຕໍ່ທາງນ້ຳ, ພະຍາດທີ່ມາຈາກອາຫານ, ໄຂ້ຍຸງລາຍ, ໄຂ້ມາເລເລຍ, ການຕິດເຊື້ອພະຍາດຊະນິດຕ່າງໆ ແລະ ບາດເຈັບ ແລະ ພະຍາດອື່ນໆ. ດັ່ງນັ້ນ, ເພື່ອປ້ອງກັນຕົນເອງບໍ່ໃຫ້ເປັນພະຍາດດັ່ງກ່າວທຸກຄົນຕ້ອງເປັນເຈົ້າການ, ດຸໝັ່ນອະນາໄມເຮືອນຊານບ້ານຊ່ອງທັງພາຍໃນ ແລະ ພາຍນອກເຮືອນໃຫ້ເປັນລະບຽບ-ຮຽບຮ້ອຍຢູ່ສະເໝີ ເປັນຕົ້ນບ່ອນທີ່ມີນໍ້າຖ້ວມ-ນໍ້າຂັງ ຕ້ອງອະນາໄມຢູ່ສະເໝີ ເພື່ອບໍ່ໃຫ້ເປັນບ່ອນເພາະພັນຂອງໜອນນໍ້າຍຸງລາຍ. ໃນນັ້ນ, ເວລານອນກໍຕ້ອງນອນໃນມຸ້ງບໍ່ວ່າຈະເປັນຕອນກາງເວັນ ຫຼື ກາງຄືນ, ຈູດທູບຂ້າຍຸງ, ນຸ່ງເຄື່ອງທີ່ມີສີສົດໃສ, ບໍ່ຄວນນຸ່ງເຄື່ອງທີ່ເປັນສີມືດ ຫຼື ສີດຳ ເພື່ອປ້ອງກັນບໍ່ໃຫ້ຍຸງກັດ. ສິ່ງສຳຄັນຕ້ອງສືບຕໍ່ປະຕິບັດຫຼັກການ 5 ປ ທີ່ກະຊວງສາທາລະນະສຸກວາງອອກຢ່າງເຂັ້ມງວດ. ໃນນັ້ນ, ຕ້ອງກິນ, ດື່ມ, ຢູ່ສະອາດໃຫ້ຖືກຫຼັກອະນາໄມ, ກິນອາຫານສຸກ, ປຸງແຕ່ງສຸກດີ, ຫຼີກລ່ຽງອາຫານສຸກໆດິບໆ, ກິນອາຫານໃຫ້ຄົບ 5 ໝູ່ໃນແຕ່ລະວັນເຊັ່ນ: ຊີ້ນ, ປາ, ຜັກ, ໝາກໄມ້ ແລະ ໄຂມັນແມ່ນເປັນການດີ,ຕ້ອງດື່ມນໍ້າທີ່ສະອາດຖືກຫຼັກອະນາໄມເປັນຕົ້ນ ນໍ້າຕົ້ມສຸກ, ນໍ້າອຸ່ນ ຫຼື ນໍ້າສະອາດ, ນໍ້າທີ່ຖືກກັ່ນຕອງ.ເມື່ອຮັບປະທານອາຫານສຳເລັດແລ້ວ, ຄວນຖິ້ມເສດອາຫານໃສ່ບ່ອນທີ່ເໝາະສົມ; ລະວັງອາຫານປົນເປື້ອນ, ອາຫານຖືກນໍ້າຝົນ, ອາຫານບູດເນົ່າ, ແມງວັນຕອມ ແລະ ອື່ນໆ ເພື່ອບໍ່ໃຫ້ເຈັບທ້ອງ-ຖອກທ້ອງ. ຄຽງຄູ່ກັນນີ້, ທ່ານຕ້ອງນອນພັກຜ່ອນໃຫ້ພຽງພໍ, ອອກກຳລັງກາຍອາທິດລະ 2-3 ຄັ້ງຍິ່ງເປັນການດີ. ພຽງເທົ່ານີ້, ເຊື່ອວ່າທ່ານ ແລະ ຄົນໃນຄອບຄົວຈະບໍ່ເປັນພະຍາດຕ່າງໆ, ຈະມີສຸຂະພາບທີ່ດີ ແລະ ແຂງແຮງ.
ສໍາລັບການຮັກສາອາຫານໃຫ້ປອດໄພໃນລະດູຝົນເຊັ່ນ: ຕ້ອງຮັກສາມື, ບ່ອນແຕ່ງກິນ ແລະ ເຄື່ອງແຕ່ງກິນໃຫ້ສະອາດ, ຄວນແຍກອາຫານດິບ ແລະ ອາຫານສຸກອອກຈາກກັນ, ຄວນປຸງແຕ່ງອາຫານໃຫ້ສຸກດີ, ເກັບມ້ຽນອາຫານແຕ່ລະຊະນິດໄວ້ບ່ອນທີ່ມີອຸນຫະພູມທີ່ເໝາະສົມ, ນໍາໃຊ້ນໍ້າສະອາດ ແລະ ວັດຖຸດິບທີ່ສະອາດໃນການແຕ່ງກິນ. ຢ່າງໃດກໍຕາມ, ຖ້າຄົນໃນຄອບຄົວຂອງທ່ານຮູ້ສຶກບໍ່ສະບາຍ ຄວນໄປພົບແພດໝໍໂດຍດ່ວນເພື່ອປຶກສາ, ກວດເບິ່ງອາການແລ້ວກິນຢາຕາມແພດສັ່ງ ແລະ ປິ່ນປົວໃຫ້ທັນເວລາ ເຊື່ອວ່າຖ້າຫາກທ່ານມີສະຕິຕໍ່ການດຳລົງຊີວິດ ກໍຄືການຮັກສາສຸຂະພາບ ກໍຈະເຮັດໃຫ້ທ່ານ ແລະ ຄົນໃນຄອບຄົວມີສຸຂະພາບທີ່ດີ, ແຂງແຮງ ປາສະຈາກພະຍາດຕ່າງໆ ແລະ ຍັງຊ່ວຍການຫຼຸດຜ່ອນການເປັນພະຍາດຕ່າງໆໃນລະດູຝົນ ກໍຄືໃນໄລຍະນໍ້າຖ້ວມນີ້.
ບັນຫານ້ຳຖ້ວມ ເປັນໜຶ່ງບັນຫາທີ່ມີຄວາມສ່ຽງຕໍ່ສຸຂະພາບທີ່ຮ້າຍແຮງ ໂດຍສະເພາະປະຊາຊົນທີ່ກຳລັງປະສົບກັບນໍ້າຖ້ວມໃນປັດຈຸບັນ ແມ່ນມີຄວາມສ່ຽງຕໍ່ພະຍາດຕ່າງໆທີ່ມາກັບນໍ້າຖ້ວມຂັງ-ນໍ້າເປື້ອນ. ດັ່ງນັ້ນ, ທົ່ວສັງຄົມ ກໍຄືປະຊາຊົນຈົ່ງມີສະຕິປ້ອງກັນຕໍ່ພະຍາດຕ່າງໆ.
ປັດຈຸບັນບາງມື້ກໍຍັງມີຝົນຕົກແຮງເກີດມີນໍ້າຖ້ວມ-ນໍ້າຂັງຕາມເສັ້ນທາງ, ໄຮ່ນາຮົ້ວສວນ, ບ້ານເຮືອນຂອງປະຊາຊົນ ແລະ ອື່ນໆ ຢູ່ຫຼາຍແຂວງໃນ ສປປ ລາວ ລວມທັງນະຄອນຫຼວງວຽງຈັນ. ສະນັ້ນ, ນໍ້າຖ້ວມຂັງ, ນໍ້າເປື້ອນ ມັກກໍ່ໃຫ້ເກີດມີບັນຫາພະຍາດຕ່າງໆຕາມມາສູ່ຄົນເຮົາ ໂດຍສະເພາະແມ່ນພະຍາດຕິດຕໍ່ທາງນ້ຳ, ພະຍາດທີ່ມາຈາກອາຫານ, ໄຂ້ຍຸງລາຍ, ໄຂ້ມາເລເລຍ, ການຕິດເຊື້ອພະຍາດຊະນິດຕ່າງໆ ແລະ ບາດເຈັບ ແລະ ພະຍາດອື່ນໆ. ດັ່ງນັ້ນ, ເພື່ອປ້ອງກັນຕົນເອງບໍ່ໃຫ້ເປັນພະຍາດດັ່ງກ່າວທຸກຄົນຕ້ອງເປັນເຈົ້າການ, ດຸໝັ່ນອະນາໄມເຮືອນຊານບ້ານຊ່ອງທັງພາຍໃນ ແລະ ພາຍນອກເຮືອນໃຫ້ເປັນລະບຽບ-ຮຽບຮ້ອຍຢູ່ສະເໝີ ເປັນຕົ້ນບ່ອນທີ່ມີນໍ້າຖ້ວມ-ນໍ້າຂັງ ຕ້ອງອະນາໄມຢູ່ສະເໝີ ເພື່ອບໍ່ໃຫ້ເປັນບ່ອນເພາະພັນຂອງໜອນນໍ້າຍຸງລາຍ. ໃນນັ້ນ, ເວລານອນກໍຕ້ອງນອນໃນມຸ້ງບໍ່ວ່າຈະເປັນຕອນກາງເວັນ ຫຼື ກາງຄືນ, ຈູດທູບຂ້າຍຸງ, ນຸ່ງເຄື່ອງທີ່ມີສີສົດໃສ, ບໍ່ຄວນນຸ່ງເຄື່ອງທີ່ເປັນສີມືດ ຫຼື ສີດຳ ເພື່ອປ້ອງກັນບໍ່ໃຫ້ຍຸງກັດ. ສິ່ງສຳຄັນຕ້ອງສືບຕໍ່ປະຕິບັດຫຼັກການ 5 ປ ທີ່ກະຊວງສາທາລະນະສຸກວາງອອກຢ່າງເຂັ້ມງວດ. ໃນນັ້ນ, ຕ້ອງກິນ, ດື່ມ, ຢູ່ສະອາດໃຫ້ຖືກຫຼັກອະນາໄມ, ກິນອາຫານສຸກ, ປຸງແຕ່ງສຸກດີ, ຫຼີກລ່ຽງອາຫານສຸກໆດິບໆ, ກິນອາຫານໃຫ້ຄົບ 5 ໝູ່ໃນແຕ່ລະວັນເຊັ່ນ: ຊີ້ນ, ປາ, ຜັກ, ໝາກໄມ້ ແລະ ໄຂມັນແມ່ນເປັນການດີ,ຕ້ອງດື່ມນໍ້າທີ່ສະອາດຖືກຫຼັກອະນາໄມເປັນຕົ້ນ ນໍ້າຕົ້ມສຸກ, ນໍ້າອຸ່ນ ຫຼື ນໍ້າສະອາດ, ນໍ້າທີ່ຖືກກັ່ນຕອງ.ເມື່ອຮັບປະທານອາຫານສຳເລັດແລ້ວ, ຄວນຖິ້ມເສດອາຫານໃສ່ບ່ອນທີ່ເໝາະສົມ; ລະວັງອາຫານປົນເປື້ອນ, ອາຫານຖືກນໍ້າຝົນ, ອາຫານບູດເນົ່າ, ແມງວັນຕອມ ແລະ ອື່ນໆ ເພື່ອບໍ່ໃຫ້ເຈັບທ້ອງ-ຖອກທ້ອງ. ຄຽງຄູ່ກັນນີ້, ທ່ານຕ້ອງນອນພັກຜ່ອນໃຫ້ພຽງພໍ, ອອກກຳລັງກາຍອາທິດລະ 2-3 ຄັ້ງຍິ່ງເປັນການດີ. ພຽງເທົ່ານີ້, ເຊື່ອວ່າທ່ານ ແລະ ຄົນໃນຄອບຄົວຈະບໍ່ເປັນພະຍາດຕ່າງໆ, ຈະມີສຸຂະພາບທີ່ດີ ແລະ ແຂງແຮງ.
ສໍາລັບການຮັກສາອາຫານໃຫ້ປອດໄພໃນລະດູຝົນເຊັ່ນ: ຕ້ອງຮັກສາມື, ບ່ອນແຕ່ງກິນ ແລະ ເຄື່ອງແຕ່ງກິນໃຫ້ສະອາດ, ຄວນແຍກອາຫານດິບ ແລະ ອາຫານສຸກອອກຈາກກັນ, ຄວນປຸງແຕ່ງອາຫານໃຫ້ສຸກດີ, ເກັບມ້ຽນອາຫານແຕ່ລະຊະນິດໄວ້ບ່ອນທີ່ມີອຸນຫະພູມທີ່ເໝາະສົມ, ນໍາໃຊ້ນໍ້າສະອາດ ແລະ ວັດຖຸດິບທີ່ສະອາດໃນການແຕ່ງກິນ. ຢ່າງໃດກໍຕາມ, ຖ້າຄົນໃນຄອບຄົວຂອງທ່ານຮູ້ສຶກບໍ່ສະບາຍ ຄວນໄປພົບແພດໝໍໂດຍດ່ວນເພື່ອປຶກສາ, ກວດເບິ່ງອາການແລ້ວກິນຢາຕາມແພດສັ່ງ ແລະ ປິ່ນປົວໃຫ້ທັນເວລາ ເຊື່ອວ່າຖ້າຫາກທ່ານມີສະຕິຕໍ່ການດຳລົງຊີວິດ ກໍຄືການຮັກສາສຸຂະພາບ ກໍຈະເຮັດໃຫ້ທ່ານ ແລະ ຄົນໃນຄອບຄົວມີສຸຂະພາບທີ່ດີ, ແຂງແຮງ ປາສະຈາກພະຍາດຕ່າງໆ ແລະ ຍັງຊ່ວຍການຫຼຸດຜ່ອນການເປັນພະຍາດຕ່າງໆໃນລະດູຝົນ ກໍຄືໃນໄລຍະນໍ້າຖ້ວມນີ້.
