ໃນວັນທີ 17 ຕຸລາ ຜ່ານມານີ້, ທ່ານ ເພັດ ພົມພິພັກ ລັດຖະມົນຕີ ກະຊວງກະສິກຳ ແລະ ປ່າໄມ້, ທ່ານ ວັນໄຊ ຟອງສະຫວັນ ເຈົ້າແຂວງຄຳມ່ວນ ພ້ອມດ້ວຍຄະນະ ລົງຊຸກຍູ້ການຜະລິດກະສິກຳ ຢູ່ເມືອງ ປາກຊ່ອງ ແຂວງຈຳປາສັກ ໂດຍການຕ້ອນຮັບຂອງ ທ່ານ ສົມລິດ ວິລະວົງ ຫົວໜ້າພະແນກກະສິກຳ ແລະ ປ່າໄມ້ ແຂວງຈຳປາສັກ ພ້ອມດ້ວຍຫົວໜ້າຫ້ອງການກະສິກຳ ແລະ ປ່າໄມ້ ເມືອງປາກຊ່ອງ ແລະ ພາກ ສ່ວນທີ່ກ່ຽວຂ້ອງໃຫ້ການຕ້ອນຮັບຢ່າງອົບອຸ່ນ.
ໃນການລົງເຄື່ອນໄຫວໃນຄັ້ງນີ້ ຄະນະດັ່ງກ່າວ ກໍໄດ້ລົງຢ້ຽມຢາມ ບໍລິສັດ ລາວຟາມ ເປັນຟາມລ້ຽງງົວພັນຊີ້ນ ຂອງທ່ານ ດາວັນ ບຸບຜາພັນ ຊຶ່ງຕັ້ງຢູ່ເຂດຄຸ້ມຄອງຂອງບ້ານຫ້ວຍກອງ ກຸ່ມທີ 9 ເມືອງປາກຊ່ອງ ແຂວງຈຳປາສັກ ຫ່າງຈາກເມືອງປາກຊ່ອງໄປທາງທິດຕາເວັນອອກສ່ຽງໃຕ້ປະມານ 33 ກິໂລແມັດ ຊຶ່ງມີເນື້ອທີ່ດິນທັງໝົດ 113 ເຮັກຕາ ໃນນັ້ນເນື້ອທີ່ດິນປູກຫຍ້າ 90 ເຮັກຕາ ຊຶ່ງເປັນຟາມລ້ຽງງົວພັນຊີ້ນ ມີ 5 ສາຍພັນ ເຊັ່ນ: ພັນແອງກັຊ, ຊາລູເລ, ບຣາມັນ, ພັນບັກຄິວ, ພັນບິຊມາດເຕີ້, ປັດຈຸບັນມີງົວທັງໝົດ 1.120 ກວ່າໂຕ, ໃນຟາມດັ່ງກ່າວໄດ້ມີວິຊາການດ້ານສັດຕະວະແພດ, ນັກວິຊາການດ້ານການປະສົມພັນທຽມ ແລະ ພະນັກງານພາຍໃນຟາມລ້ຽງງົວ, ສຳລັບການໃຫ້ອາຫານງົວແມ່ນ 3 ຄາບຄື: ຕອນເຊົ້າໃຫ້ຮຳອ່ອນ, ທ່ຽງ ແລະ ແລງຈະໃຫ້ຫຍ້າບົດ ພ້ອມນີ້ທາງຟາມຍັງມີຫ້ອງແລັບ ເພື່ອຜະລິດນ້ຳເຊືິ້ອ, ງົວ ແລະ ແຜນໃນຕໍ່ໜ້າທາງຟາມຈະຂະຫຍາຍຟາມຕື່ມຢູ່ນະຄອນຫຼວງວຽງຈັນ, ໃນການຜະລິດລູກງົວ, ການຮີດນ້ຳເຊື່ອເພື່ອບໍລິການປະສົມທຽມໃຫ້ປະຊາຊົນ ພ້ອມທັງສ້າງເປັນຟາມຕົວແບບ ໃນການລ້ຽງງົວເປັນສິນຄ້າ, ໃນການລົງຢ້ຽມຢາມລາວຟາມໃນຄັ້ງນີ້ ທ່ານລັດຖະມົນຕິກະຊວງກະສິກຳ ແລະ ປ່າໄມ້ ໄດ້ຍ້ອງຍໍຊົມເຊີຍ ແລະ ໃຫ້ສືບຕໍ່ຂະຫຍາຍໃຫ້ຫຼາຍກວ່າເກົ່າ, ສ້າງສູດອາຫານທີ່ເປັນຂອງຟາມເອງ, ສ້າງບຸກຄະລາກອນດ້ານວິຊາການຕ່າງໆ ເພຶື່ອຂະຫຍາຍແນວພັນງົວພາຍໃນຟາມ ແລະ ພ້ອມທັງສົ່ງເສີມປະຊາຊົນລ້ຽງ.
ເວລາຕໍ່ມາຄະນະດັ່ງກ່າວໄດ້ລົງຢ້ຽມຢາມ ສວນປູກຖົ່ວລຽນ ຂອງ ບໍລິສັດ ດາຍຖັງ ເບື້ຶອງຕົ້ນບໍລິສັດດັ່ງກ່າວໄດ້ລົງທຶນປູກໝາກນອດ ເພື່ອສົ່ງອອກເປັນສິນຄ້າ ເວລາຕໍ່ມາເຫັນໄດ້ວ່າການປູກໝາກ ນອດມີອາຍຸ ແລະ ໃຫ້ຜົນເກັບກ້ຽວພຽງແຕ່ 3 ປີ ເພື່ອເຮັດໃຫ້ມີຄວາມຍືນຍົງ ແລະ ໄປຕາມທິດຂອງລັດຖະບານ ກໍຄືກະຊວງກະສິກຳ ແລະ ປ່າໄມ້ ວາງອອກໃນການສົ່ງເສີມການຜະລິດທີ່ເປັນສິນຄ້າ ສີຂຽວ ແລະ ຍືນຍົງ ດັ່ງນັ້ນບໍລິສັດຈຶ່ງຫັນມາປູກຖົ່ວລຽນ ໃນເນື້ອທີ່ 700 ກວ່າເຮັກຕາ ມາເຖິງປັດຈຸບັນນີ້ປູກຖົ່ວລຽນມາໄດ້ 3 ປີ, ເພື່ອເປັນການປັບປຸງດິນ ແລະ ເປັນການສ້າງລາຍຮັບເພີ່ມ ທາງບໍລິສັດ ກໍໄດ້ປູກພືດເສີມເປັນຕົ້ນ ການປູກໝາກກ້ວຍ, ສາລີ ສັບຫວ່າງຕົ້ນຖົ່ວລຽນນຳຕື່ມອີກ.
(ຂ່າວ-ພາບ: ຂ່າວສານກະສິກຳ ປ່າໄມ້)
ໃນການລົງເຄື່ອນໄຫວໃນຄັ້ງນີ້ ຄະນະດັ່ງກ່າວ ກໍໄດ້ລົງຢ້ຽມຢາມ ບໍລິສັດ ລາວຟາມ ເປັນຟາມລ້ຽງງົວພັນຊີ້ນ ຂອງທ່ານ ດາວັນ ບຸບຜາພັນ ຊຶ່ງຕັ້ງຢູ່ເຂດຄຸ້ມຄອງຂອງບ້ານຫ້ວຍກອງ ກຸ່ມທີ 9 ເມືອງປາກຊ່ອງ ແຂວງຈຳປາສັກ ຫ່າງຈາກເມືອງປາກຊ່ອງໄປທາງທິດຕາເວັນອອກສ່ຽງໃຕ້ປະມານ 33 ກິໂລແມັດ ຊຶ່ງມີເນື້ອທີ່ດິນທັງໝົດ 113 ເຮັກຕາ ໃນນັ້ນເນື້ອທີ່ດິນປູກຫຍ້າ 90 ເຮັກຕາ ຊຶ່ງເປັນຟາມລ້ຽງງົວພັນຊີ້ນ ມີ 5 ສາຍພັນ ເຊັ່ນ: ພັນແອງກັຊ, ຊາລູເລ, ບຣາມັນ, ພັນບັກຄິວ, ພັນບິຊມາດເຕີ້, ປັດຈຸບັນມີງົວທັງໝົດ 1.120 ກວ່າໂຕ, ໃນຟາມດັ່ງກ່າວໄດ້ມີວິຊາການດ້ານສັດຕະວະແພດ, ນັກວິຊາການດ້ານການປະສົມພັນທຽມ ແລະ ພະນັກງານພາຍໃນຟາມລ້ຽງງົວ, ສຳລັບການໃຫ້ອາຫານງົວແມ່ນ 3 ຄາບຄື: ຕອນເຊົ້າໃຫ້ຮຳອ່ອນ, ທ່ຽງ ແລະ ແລງຈະໃຫ້ຫຍ້າບົດ ພ້ອມນີ້ທາງຟາມຍັງມີຫ້ອງແລັບ ເພື່ອຜະລິດນ້ຳເຊືິ້ອ, ງົວ ແລະ ແຜນໃນຕໍ່ໜ້າທາງຟາມຈະຂະຫຍາຍຟາມຕື່ມຢູ່ນະຄອນຫຼວງວຽງຈັນ, ໃນການຜະລິດລູກງົວ, ການຮີດນ້ຳເຊື່ອເພື່ອບໍລິການປະສົມທຽມໃຫ້ປະຊາຊົນ ພ້ອມທັງສ້າງເປັນຟາມຕົວແບບ ໃນການລ້ຽງງົວເປັນສິນຄ້າ, ໃນການລົງຢ້ຽມຢາມລາວຟາມໃນຄັ້ງນີ້ ທ່ານລັດຖະມົນຕິກະຊວງກະສິກຳ ແລະ ປ່າໄມ້ ໄດ້ຍ້ອງຍໍຊົມເຊີຍ ແລະ ໃຫ້ສືບຕໍ່ຂະຫຍາຍໃຫ້ຫຼາຍກວ່າເກົ່າ, ສ້າງສູດອາຫານທີ່ເປັນຂອງຟາມເອງ, ສ້າງບຸກຄະລາກອນດ້ານວິຊາການຕ່າງໆ ເພຶື່ອຂະຫຍາຍແນວພັນງົວພາຍໃນຟາມ ແລະ ພ້ອມທັງສົ່ງເສີມປະຊາຊົນລ້ຽງ.
ເວລາຕໍ່ມາຄະນະດັ່ງກ່າວໄດ້ລົງຢ້ຽມຢາມ ສວນປູກຖົ່ວລຽນ ຂອງ ບໍລິສັດ ດາຍຖັງ ເບື້ຶອງຕົ້ນບໍລິສັດດັ່ງກ່າວໄດ້ລົງທຶນປູກໝາກນອດ ເພື່ອສົ່ງອອກເປັນສິນຄ້າ ເວລາຕໍ່ມາເຫັນໄດ້ວ່າການປູກໝາກ ນອດມີອາຍຸ ແລະ ໃຫ້ຜົນເກັບກ້ຽວພຽງແຕ່ 3 ປີ ເພື່ອເຮັດໃຫ້ມີຄວາມຍືນຍົງ ແລະ ໄປຕາມທິດຂອງລັດຖະບານ ກໍຄືກະຊວງກະສິກຳ ແລະ ປ່າໄມ້ ວາງອອກໃນການສົ່ງເສີມການຜະລິດທີ່ເປັນສິນຄ້າ ສີຂຽວ ແລະ ຍືນຍົງ ດັ່ງນັ້ນບໍລິສັດຈຶ່ງຫັນມາປູກຖົ່ວລຽນ ໃນເນື້ອທີ່ 700 ກວ່າເຮັກຕາ ມາເຖິງປັດຈຸບັນນີ້ປູກຖົ່ວລຽນມາໄດ້ 3 ປີ, ເພື່ອເປັນການປັບປຸງດິນ ແລະ ເປັນການສ້າງລາຍຮັບເພີ່ມ ທາງບໍລິສັດ ກໍໄດ້ປູກພືດເສີມເປັນຕົ້ນ ການປູກໝາກກ້ວຍ, ສາລີ ສັບຫວ່າງຕົ້ນຖົ່ວລຽນນຳຕື່ມອີກ.
(ຂ່າວ-ພາບ: ຂ່າວສານກະສິກຳ ປ່າໄມ້)
