ນະຄອນຫຼວງວຽງຈັນ ສຳເລັດການເປັນເຈົ້າພາບຈັດກອງປະຊຸມເຈົ້າຄອງນະຄອນຫຼວງອາຊຽນ ປີ 2024 ຢ່າງຈົບງາມ ພ້ອມສົ່ງມອບທຸງເຈົ້າພາບການເປັນປະທານກອງປະຊຸມເຈົ້າຄອງນະຄອນຫຼວງອາຊຽນ ໃຫ້ນະຄອນຫຼວງກົວລາລໍາເປີ ປະເທດມາເລເຊຍ ເປັນເຈົ້າພາບຈັດກອງປະຊຸມໃນປີ 2025.
ກອງປະຊຸມເຈົ້າຄອງນະຄອນຫຼວງອາຊຽນ (MGMAC), ກອງປະຊຸມເວທີເຈົ້ານະຄອນອາຊຽນ (AMF) ແລະ ກອງປະຊຸມເຄືອຂ່າຍບັນດານະຄອນອາຊີຕາເວັນອອກສ່ຽງໃຕ້ຂອງສະມາຄົມບັນດາເຈົ້າຄອງນະຄອນທີ່ນໍາໃຊ້ພາສາຝຣັ່ງ ທີ່ໄດ້ເປີດຂຶ້ນໃນວັນທີ 17ກັນຍາຜ່ານມາ, ມາຮອດວັນທີ 19 ກັນຍານີ້ ກໍໄດ້ປິດລົງດ້ວຍຜົນສຳເລັດຢ່າງຈົບງາມໂດຍການເປັນປະທານຂອງ ທ່ານ ອາດສະພັງທອງ ສີພັນດອນເຈົ້າຄອງນວ, ມີບັນດາຄະນະຜູ້ແທນນະຄອນຫຼວງອາຊຽນ ແລະ ນະຄອນອາຊຽນ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ອາດສະພັງທອງ ສີພັນດອນ ກ່າວວ່າ: ເບິ່ງລວມແລ້ວ, ການປຶກສາຫາລືການແລກປ່ຽນປະສົບການ ແລະ ການສະໜອງຂໍ້ມູນຕາມຄໍາຂວັນ: ເພີ່ມທະວີການເຊື່ອມຈອດ ແລະ ຄວາມເຂັ້ມແຂງ ເພື່ອການພັດທະນາເເບບຍືນຍົງ ຂອງບັນດານະຄອນອາຊຽນ ແລະ5 ຫົວຂໍ້: ຕົວເມືອງທີ່ໜ້າຢູ່ ແລະ ຍືນຍົງ; ການທ່ອງທ່ຽວສີຂຽວ; ການພັດທະນາເສດຖະກິດແບບຍືນຍົງ; ຕົວເມືອງທີ່ມີຄວາມຍືນຍົງດ້ານສິ່ງແວດລ້ອມ ແລະ ຄວາມເຂັ້ມແຂງທົນທານຕໍ່ການປ່ຽນແປງສະພາບອາກາດ ທີ່ໄດ້ຍົກຂຶ້ນມາແມ່ນດີຫຼາຍ ແລະ ມີຄວາມໝາຍສໍາຄັນຢ່າງຍິ່ງຊຶ່ງສ່ອງແສງເຖິງຄວາມຈໍາເປັນທີ່ຕ້ອງໄດ້ມີການເພີ່ມທະວີຕໍ່ການເຊື່ອມຈອດຂອງບັນດານະຄອນອາຊຽນ ເພື່ອສ້າງຄວາມເຂັ້ມແຂງຮ່ວມກັນໃນອະນາຄົດ.
ພ້ອມນີ້, ທ່ານອາດສະພັງທອງ ສີພັນດອນ ກໍໄດ້ສະແດງຄວາມຂອບໃຈຕໍ່ການໃຫ້ແນວຄວາມຄິດ, ຂໍ້ສະເໜີແນະຢ່າງຫ້າວຫັນຂອງບັນດານະຄອນພັດທະນາແລ້ວ ທີ່ມີປະສົບການຫຼາຍໃນການພັດທະນາຕົວເມືອງ ແລະ ຊົມເຊີຍບັນດານະຄອນທີ່ໄດ້ຮ່ວມກັນປະກອບຄໍາເຫັນໃນກອງປະຊຸມຄັ້ງນີ້ ແລະ ຫວັງວ່າບັນດານະຄອນຈະຫາຊ່ອງທາງຊ່ວຍເຫຼືອຊຶ່ງກັນແລະກັນ ເຮັດແນວໃດເພື່ອຮັດແຄບຄວາມແຕກໂຕນກັນດ້ານຄຸນນະພາບຊີວິດຂອງຊາວເມືອງ ແລະ ຊາວນະຄອນອາຊຽນໃຫ້ດີຂຶ້ນຢ່າງບໍ່ຢຸດຢັ້ງ.
ການເຊື່ອມຈອດອາຊຽນ ແມ່ນຄວາມຮຽກຮ້ອງຕ້ອງການ ທີ່ບໍ່ພຽງແຕ່ແມ່ນພາກລັດຖະບານຂັ້ນສູນກາງ, ຫາກຍັງແມ່ນຂັ້ນທ້ອງຖິ່ນ ແລະ ປະຊາຊົນອາຊຽນ ອີກດ້ວຍ. ສະນັ້ນ, ນວ ຈຶ່ງເຫັນແຈ້ງຄວາມຮັບຜິດຊອບ ແລະ ພັນທະໜ້າທີ່ຂອງຕົນໃນພາລະກິດການເຊື່ອມຈອດອາຊຽນຊຶ່ງພັນທະໜ້າທີ່ສຳຄັນແມ່ນບໍ່ພຽງແຕ່ຈະສ້າງນະຄອນໃຫ້ເປັນນະຄອນທີ່ມີຄວາມຍືນຍົງ, ຫາກຍັງຕ້ອງເປັນນະຄອນທີ່ໜ້າຢູ່ທັງຮັບປະກັນຄວາມປອດໄພຈາກການປ່ຽນແປງສະພາບອາກາດ, ສີຂຽວ ແລະມີຄວາມສີວິໄລອີກດ້ວຍ.
ທ່ານ ອາດສະພັງທອງ ສີພັນດອນ ຍັງມີຄວາມປິຕິຍິນດີເປັນຢ່າງຍິ່ງ ຕໍ່ບັນດາຄະນະຜູ້ແທນຂອງນະຄອນຫຼວງອາຊຽນແລະ ວິຊາການ ໂດຍສະເພາະນະຄອນຫຼວງກົວລາລໍາເປີປະເທດມາເລເຊຍ ຈະເປັນເຈົ້າພາບກອງປະຊຸມເຈົ້າຄອງນະຄອນຫຼວງອາຊຽນ ແລະ ກອງປະຊຸມເວທີເຈົ້ານະຄອນອາຊຽນ ໃນປີ 2025 ທີ່ຈະມາເຖິງ.
(ຂ່າວ: ວັນເພັງ-ພາບ: ສຸກສະຫວັນ)
ກອງປະຊຸມເຈົ້າຄອງນະຄອນຫຼວງອາຊຽນ (MGMAC), ກອງປະຊຸມເວທີເຈົ້ານະຄອນອາຊຽນ (AMF) ແລະ ກອງປະຊຸມເຄືອຂ່າຍບັນດານະຄອນອາຊີຕາເວັນອອກສ່ຽງໃຕ້ຂອງສະມາຄົມບັນດາເຈົ້າຄອງນະຄອນທີ່ນໍາໃຊ້ພາສາຝຣັ່ງ ທີ່ໄດ້ເປີດຂຶ້ນໃນວັນທີ 17ກັນຍາຜ່ານມາ, ມາຮອດວັນທີ 19 ກັນຍານີ້ ກໍໄດ້ປິດລົງດ້ວຍຜົນສຳເລັດຢ່າງຈົບງາມໂດຍການເປັນປະທານຂອງ ທ່ານ ອາດສະພັງທອງ ສີພັນດອນເຈົ້າຄອງນວ, ມີບັນດາຄະນະຜູ້ແທນນະຄອນຫຼວງອາຊຽນ ແລະ ນະຄອນອາຊຽນ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ອາດສະພັງທອງ ສີພັນດອນ ກ່າວວ່າ: ເບິ່ງລວມແລ້ວ, ການປຶກສາຫາລືການແລກປ່ຽນປະສົບການ ແລະ ການສະໜອງຂໍ້ມູນຕາມຄໍາຂວັນ: ເພີ່ມທະວີການເຊື່ອມຈອດ ແລະ ຄວາມເຂັ້ມແຂງ ເພື່ອການພັດທະນາເເບບຍືນຍົງ ຂອງບັນດານະຄອນອາຊຽນ ແລະ5 ຫົວຂໍ້: ຕົວເມືອງທີ່ໜ້າຢູ່ ແລະ ຍືນຍົງ; ການທ່ອງທ່ຽວສີຂຽວ; ການພັດທະນາເສດຖະກິດແບບຍືນຍົງ; ຕົວເມືອງທີ່ມີຄວາມຍືນຍົງດ້ານສິ່ງແວດລ້ອມ ແລະ ຄວາມເຂັ້ມແຂງທົນທານຕໍ່ການປ່ຽນແປງສະພາບອາກາດ ທີ່ໄດ້ຍົກຂຶ້ນມາແມ່ນດີຫຼາຍ ແລະ ມີຄວາມໝາຍສໍາຄັນຢ່າງຍິ່ງຊຶ່ງສ່ອງແສງເຖິງຄວາມຈໍາເປັນທີ່ຕ້ອງໄດ້ມີການເພີ່ມທະວີຕໍ່ການເຊື່ອມຈອດຂອງບັນດານະຄອນອາຊຽນ ເພື່ອສ້າງຄວາມເຂັ້ມແຂງຮ່ວມກັນໃນອະນາຄົດ.
ພ້ອມນີ້, ທ່ານອາດສະພັງທອງ ສີພັນດອນ ກໍໄດ້ສະແດງຄວາມຂອບໃຈຕໍ່ການໃຫ້ແນວຄວາມຄິດ, ຂໍ້ສະເໜີແນະຢ່າງຫ້າວຫັນຂອງບັນດານະຄອນພັດທະນາແລ້ວ ທີ່ມີປະສົບການຫຼາຍໃນການພັດທະນາຕົວເມືອງ ແລະ ຊົມເຊີຍບັນດານະຄອນທີ່ໄດ້ຮ່ວມກັນປະກອບຄໍາເຫັນໃນກອງປະຊຸມຄັ້ງນີ້ ແລະ ຫວັງວ່າບັນດານະຄອນຈະຫາຊ່ອງທາງຊ່ວຍເຫຼືອຊຶ່ງກັນແລະກັນ ເຮັດແນວໃດເພື່ອຮັດແຄບຄວາມແຕກໂຕນກັນດ້ານຄຸນນະພາບຊີວິດຂອງຊາວເມືອງ ແລະ ຊາວນະຄອນອາຊຽນໃຫ້ດີຂຶ້ນຢ່າງບໍ່ຢຸດຢັ້ງ.
ການເຊື່ອມຈອດອາຊຽນ ແມ່ນຄວາມຮຽກຮ້ອງຕ້ອງການ ທີ່ບໍ່ພຽງແຕ່ແມ່ນພາກລັດຖະບານຂັ້ນສູນກາງ, ຫາກຍັງແມ່ນຂັ້ນທ້ອງຖິ່ນ ແລະ ປະຊາຊົນອາຊຽນ ອີກດ້ວຍ. ສະນັ້ນ, ນວ ຈຶ່ງເຫັນແຈ້ງຄວາມຮັບຜິດຊອບ ແລະ ພັນທະໜ້າທີ່ຂອງຕົນໃນພາລະກິດການເຊື່ອມຈອດອາຊຽນຊຶ່ງພັນທະໜ້າທີ່ສຳຄັນແມ່ນບໍ່ພຽງແຕ່ຈະສ້າງນະຄອນໃຫ້ເປັນນະຄອນທີ່ມີຄວາມຍືນຍົງ, ຫາກຍັງຕ້ອງເປັນນະຄອນທີ່ໜ້າຢູ່ທັງຮັບປະກັນຄວາມປອດໄພຈາກການປ່ຽນແປງສະພາບອາກາດ, ສີຂຽວ ແລະມີຄວາມສີວິໄລອີກດ້ວຍ.
ທ່ານ ອາດສະພັງທອງ ສີພັນດອນ ຍັງມີຄວາມປິຕິຍິນດີເປັນຢ່າງຍິ່ງ ຕໍ່ບັນດາຄະນະຜູ້ແທນຂອງນະຄອນຫຼວງອາຊຽນແລະ ວິຊາການ ໂດຍສະເພາະນະຄອນຫຼວງກົວລາລໍາເປີປະເທດມາເລເຊຍ ຈະເປັນເຈົ້າພາບກອງປະຊຸມເຈົ້າຄອງນະຄອນຫຼວງອາຊຽນ ແລະ ກອງປະຊຸມເວທີເຈົ້ານະຄອນອາຊຽນ ໃນປີ 2025 ທີ່ຈະມາເຖິງ.
(ຂ່າວ: ວັນເພັງ-ພາບ: ສຸກສະຫວັນ)
