ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ (ນວ) ໄດ້ກ່າວຖະແຫຼງຂ່າວຜົນສຳເລັດຂອງກອງປະຊຸມເຈົ້າຄອງນະຄອນຫຼວງອາຊຽນ (MGMAC), ກອງປະຊຸມເວທີເຈົ້ານະຄອນອາຊຽນ(AMF) ແລະ ກອງປະຊຸມເຄືອຂ່າຍບັນດານະຄອນອາຊີຕາເວັນອອກສ່ຽງໃຕ້ຂອງສະມາຄົມບັນດາເຈົ້າຄອງນະຄອນທີ່ນໍາໃຊ້ພາສາຝຣັ່ງ(RVASE AIMF)ຕໍ່ສື່ມວນຊົນໃນວັນທີ 19 ກັນຍານີ້ ທີ່ ນະຄອນຫຼວງວຽງຈັນ ສປປ ລາວວ່າ:
ສະເພາະກອງປະຊຸມ (RVAS/AIMF) ມີຜູ້ແທນຈາກ 3 ປະເທດ ເຂົ້າຮ່ວມ ຄື: ສປປ ລາວ, ກຳປູເຈຍ ແລະ ຫວຽດນາມ ຊຶ່ງກອງປະຊຸມ ໄດ້ປຶກສາຫາລືກ່ຽວກັບວຽກງານການທ່ອງທ່ຽວ ແລະ ວາງແຜນວຽກຈຸດສຸມໃນຕໍ່ໜ້າຂອງຕົນ.
ກອງປະຊຸມໃນຄັ້ງນີ້, ນວ ໄດ້ກຳນົດຄໍາຂວັນຂອງກອງປະຊຸມຄື: “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງ ເພື່ອການພັດທະນາແບບຍືນຍົງ ຂອງບັນດານະຄອນອາຊຽນ” ຊຶ່ງສອດຄ່ອງກັບຄໍາຂວັນການເປັນປະທານອາຊຽນຂອງ ສປປ ລາວ ໃນປີ 2024ຄື: “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”ກອງປະຊຸມໄດ້ກໍານົດ 5 ຂົງເຂດວຽກງານທີ່ສໍາຄັນ ເພື່ອນໍາມາປຶກສາຫາລືຄື: (1) ຕົວເມືອງທີ່ໜ້າຢູ່ ແລະ ຍືນຍົງ, (2) ການທ່ອງທ່ຽວສີຂຽວ, (3) ການພັດທະນາເສດຖະກິດແບບຍືນຍົງ, (4) ຕົວເມືອງທີ່ມີຄວາມຍືນຍົງທາງດ້ານສິ່ງແວດລ້ອມ; (5) ຄວາມເຂັ້ມແຂງທາງດ້ານການປ່ຽນແປງດິນຟ້າອາກາດ.
ກອງປະຊຸມໄດ້ມີການແລກປ່ຽນທັດສະນະ ແລະ ປະກອບຄໍາເຫັນຢ່າງກົງໄປກົງມາ ແລະ ສ້າງສັນ ທັງໄດ້ທົບທວນຄືນເຖິງຄວາມໝາຍໝັ້ນ ແລະ ຄວາມພະຍາຍາມໃນກອງປະຊຸມເຈົ້າຄອງນະຄອນຫຼວງອາຊຽນ ທີ່ໄດ້ຈັດຂຶ້ນຜ່ານມານັບແຕ່ກອງປະຊຸມເຈົ້າຄອງນະຄອນຫຼວງອາຊຽນ ຄັ້ງທີ 1 ທີ່ໄດ້ຈັດຂຶ້ນຢູ່ ນະຄອນຫຼວງຈາກາຕາປະເທດອິນໂດເນເຊຍ ໃນປີ 2013 ຈົນເຖິງປັດຈຸບັນ.
ພວກເຮົາໄດ້ຢໍ້າຄືນຄວາມໝາຍໝັ້ນຂອງບັນດານະຄອນຫຼວງອາຊຽນ ໃນການສົ່ງເສີມນະວັດຕະກຳໃໝ່ ແລະ ລະດົມແຫຼ່ງຊັບພະຍາກອນ ໃນການຂັບເຄື່ອນການພັດທະນາຕົວເມືອງແບບຍືນຍົງ ເພື່ອໃຫ້ສອດຄ່ອງກັບວາລະ 2030, ສັນຍາປາຣີ ແລະ ເປົ້າໝາຍລະດັບໂລກໃນວາລະໃໝ່ ແຫ່ງການພັດທະນາຕົວເມືອງ; ເນັ້ນໜັກເຖິງຄວາມສຳຄັນຂອງການເພີ່ມທະວີສ້າງສາຍພົວພັນຄູ່ຮ່ວມມື ພາຍໃນ ແລະ ລະຫວ່າງພາກພື້ນຕື່ມອີກ ເພື່ອເຮັດໃຫ້ອາຊີຕາເວັນອອກສ່ຽງໃຕ້ເປັນເຂດທີ່ໜ້າຢູ່, ເປັນສູນກາງຂອງການເຕີບໂຕດ້ານເສດຖະກິດຂອງພາກພື້ນ ແລະ ເປັນກົນໄກຂັບເຄື່ອນໃນການຈະເລີນເຕີບໂຕຂອງໂລກເພື່ອໃຫ້ບັນລຸວິໄສທັດປະຊາຄົມອາຊຽນ 2025 ແລະ ຍົກສູງຄວາມສຳຄັນຂອງກົນໄກທີ່ມີອາຊຽນເປັນຜູ້ນໍາພາ ເປັນເວທີເປີດກວ້າງການຮ່ວມມື ແລະ ແລກປ່ຽນກັບບັນດານະຄອນ ແລະ ອົງການປົກຄອງທ້ອງຖິ່ນຈາກບັນດາຄູ່ຮ່ວມມືພາຍນອກຂອງອາຊຽນ ເພື່ອເພີ່ມທະວີການເຊື່ອມຈອດ ແລະ ການພັດທະນາແບບຍືນຍົງຢູ່ບັນດານະຄອນອາຊຽນ.
ພ້ອມນັ້ນ, ຍັງໄດ້ຮັບຮອງເອົາຖະແຫຼງການນວດັ່ງນີ້:
1.ເພີ່ມທະວີການເຊື່ອມຈອດ: ຮັບຮູ້ເຖິງຄວາມສໍາຄັນຂອງການເຊື່ອມຈອດໃນການອໍານວຍຄວາມສະດວກໃຫ້ແກ່ການຂະຫຍາຍຕົວຂອງເສດຖະກິດ, ຄວາມສາມັກຄີປອງດອງຂອງສັງຄົມ ແລະ ການແລກປ່ຽນວັດທະນະທໍາ ລະຫວ່າງ ບັນດານະຄອນຫຼວງອາຊຽນ. ພວກເຮົາໃຫ້ຄໍາໝັ້ນສັນຍາວ່າຈະເພີ່ມທະວີຄວາມເຂັ້ມແຂງຂອງເຄືອຂ່າຍການຂົນສົ່ງ, ພື້ນຖານໂຄງລ່າງດີຈີຕອນ, ການເຊື່ອມໂຍງທາງດ້ານປະຊາກອນ ເປັນຕົ້ນການສຶກສາ, ວັດທະນະທໍາ ແລະ ການທ່ອງທ່ຽວ ເພື່ອຮັບປະກັນການເຊື່ອມໂຍງ ແລະ ການຮ່ວມມືຢ່າງບໍ່ຢຸດຢັ້ງ;
2.ການສ້າງຄວາມເຂັ້ມແຂງ: ຮັບຮູ້ເຖິງບັນດາສິ່ງທ້າທາຍທີ່ເກີດຂຶ້ນຍ້ອນການປ່ຽນແປງສະພາບດິນຟ້າອາກາດ, ການຫັນເປັນຕົວເມືອງ ແລະ ປັດໄຈສິ່ງແວດລ້ອມອື່ນໆ, ຢຶດໝັ້ນໃນການເສີມຂະຫຍາຍຄວາມເຂັ້ມແຂງ ດ້ວຍການລົງທຶນໃສ່ການວາງຜັງເມືອງແບບຍືນຍົງ, ປັບປຸງມາດຕະການຮັບມືກັບການປ່ຽນແປງດິນຟ້າອາກາດ ແລະ ໄພພິບັດຕ່າງໆ ເພື່ອປົກປ້ອງປະຊາຊົນ, ຊຸມຊົນ ແລະ ລະບົບນິເວດ;
3.ສ້າງຄວາມເຂັ້ມແຂງໃຫ້ແກ່ຊຸມຊົນ: ໂດຍເນັ້ນໃສ່ຄວາມສໍາຄັນຂອງການພັດທະນາແບບກວມລວມ ແລະ ມີສ່ວນຮ່ວມ, ພວກເຮົາພະຍາຍາມສ້າງຄວາມເຂັ້ມແຂງໃຫ້ຊຸມຊົນທ້ອງຖິ່ນໂດຍສະເພາະກຸ່ມຄົນທີ່ມີຄວາມສ່ຽງ ດ້ວຍການເຂົ້າເຖິງການດໍາລົງຊີວິດທີ່ບໍ່ກະທົບຈາກໄພຂົ່ມຂູ່ຈາກທໍາມະຊາດ, ເຂົ້າເຖິງການສຶກສາທີ່ມີຄຸນນະພາບ, ເຂົ້າເຖິງການຮັກສາສຸຂະພາບ ແລະ ການບໍລິການສັງຄົມ. ຈະຢຶດຖືເອົາການເສີມຂະຫຍາຍຄວາມເປັນເຈົ້າການ ແລະ ຄວາມຮັບຜິດຊອບຂອງພົນລະເມືອງຕໍ່ການພັດທະນາຕົວເມືອງແບບຍືນຍົງ;
4.ສົ່ງເສີມນະວັດຕະກໍາ: ຖືເອົານະວັດຕະກໍາ ແລະ ເຕັກໂນໂລຊີ ເປັນຕົວຂັບເຄື່ອນຕົວເມືອງແບບຍືນຍົງ, ໝາຍໝັ້ນທີ່ຈະສົ່ງເສີມການລິເລີ່ມຂອງນະຄອນອັດສະລິຍະ, ການຫັນເປັນດີຈີຕອນ ແລະ ເຕັກໂນໂລຊີສີຂຽວ, ຈະຊຸກຍູ້ການຮ່ວມມື ລະຫວ່າງ ບັນດານະຄອນຂອງອາຊຽນ, ນັກວິຊາການ ແລະ ພາກເອກະຊົນ ເພື່ອໝູນໃຊ້ນະວັດຕະກໍາເພື່ອການພັດທະນາແບບຍືນຍົງ;
5.ສົ່ງເສີມການແລກປ່ຽນວັດທະນະທໍາ: ຮັບຮູ້ເຖິງຄວາມອຸດົມສົມບູນ ແລະ ຫຼາກຫຼາຍຂອງວັດທະນະທໍາອາຊຽນ, ໃຫ້ຄໍາໝັ້ນສັນຍາຈະສົ່ງເສີມການແລກປ່ຽນວັດທະນະທໍາ ແລະ ປົກປັກຮັກສາມໍລະດົກຕົກທອດ ຈາກບັນພະບູລຸດ, ຈະເຄົາລົບເອກະລັກທາງວັດທະນະທໍາຂອງກັນ ແລະ ກັນ ພ້ອມທັງເສີມຂະຫຍາຍຄວາມເຂົ້າໃຈ, ການຮ່ວມມື ຊຶ່ງກັນ ແລະ ກັນ;
6.ຄວາມໝາຍໝັ້ນໃນການເປັນຄູ່ຮ່ວມມື: ຮັບຮູ້ເຖິງຄວາມສໍາຄັນຂອງການຮ່ວມມືຫຼາຍຝ່າຍ, ຈະຢຶດໝັ້ນການຮ່ວມມືກັບສະຖາບັນອາຊຽນ, ອົງການຈັດຕັ້ງສາກົນ, ພາກເອກະຊົນ ແລະ ພາກສ່ວນທີ່ກ່ຽວຂ້ອງ, ຈະພ້ອມກັນພະຍາຍາມ ເພື່ອບັນລຸເປົ້າໝາຍການພັດທະນາແບບຍືນຍົງ.
ທ່ານ ອາດສະພັງທອງ ສີພັນດອນ ຍັງໄດ້ສະແດງຄວາມຂອບໃຈຢ່າງຈິງໃຈມາຍັງ ບັນດາທ່ານເຈົ້າຄອງ-ຮອງເຈົ້າຄອງນະຄອນຫຼວງອາຊຽນ, ບັນດາທ່ານເຈົ້ານະຄອນ, ການນໍາຂັ້ນທ້ອງຖິ່ນ ພ້ອມທັງບັນດາຊ່ຽວຊານ, ວິຊາການ, ຜູ້ຕາງໜ້າຈາກຄູ່ຮ່ວມມື ແລະ ພາກສ່ວນຕ່າງໆ ສໍາລັບການຮ່ວມມືອັນດີ, ການປະກອບສ່ວນຢ່າງຫ້າວຫັນ ແລະ ການປຶກສາຫາລືຢ່າງສ້າງສັນ ຊຶ່ງເຮັດໃຫ້ກອງປະຊຸມໄດ້ຮັບຜົນສໍາເລັດ ຊຶ່ງເປັນການສ້າງພື້ນຖານອັນດີ ໃຫ້ແກ່ກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ບັນດາກອງປະຊຸມສຸດຍອດອື່ນໆທີ່ກ່ຽວຂ້ອງ ຊຶ່ງຈະຈັດຂຶ້ນໃນຕົ້ນເດືອນຕຸລາປີ 2024 ທີ່ ນະຄອນຫຼວງວຽງຈັນ ໃຫ້ໄດ້ຮັບຜົນສໍາເລັດ.
(ຂ່າວ: ວັນເພັງ-ພາບ: ສຸກສະຫວັນ)
ສະເພາະກອງປະຊຸມ (RVAS/AIMF) ມີຜູ້ແທນຈາກ 3 ປະເທດ ເຂົ້າຮ່ວມ ຄື: ສປປ ລາວ, ກຳປູເຈຍ ແລະ ຫວຽດນາມ ຊຶ່ງກອງປະຊຸມ ໄດ້ປຶກສາຫາລືກ່ຽວກັບວຽກງານການທ່ອງທ່ຽວ ແລະ ວາງແຜນວຽກຈຸດສຸມໃນຕໍ່ໜ້າຂອງຕົນ.
ກອງປະຊຸມໃນຄັ້ງນີ້, ນວ ໄດ້ກຳນົດຄໍາຂວັນຂອງກອງປະຊຸມຄື: “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງ ເພື່ອການພັດທະນາແບບຍືນຍົງ ຂອງບັນດານະຄອນອາຊຽນ” ຊຶ່ງສອດຄ່ອງກັບຄໍາຂວັນການເປັນປະທານອາຊຽນຂອງ ສປປ ລາວ ໃນປີ 2024ຄື: “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”ກອງປະຊຸມໄດ້ກໍານົດ 5 ຂົງເຂດວຽກງານທີ່ສໍາຄັນ ເພື່ອນໍາມາປຶກສາຫາລືຄື: (1) ຕົວເມືອງທີ່ໜ້າຢູ່ ແລະ ຍືນຍົງ, (2) ການທ່ອງທ່ຽວສີຂຽວ, (3) ການພັດທະນາເສດຖະກິດແບບຍືນຍົງ, (4) ຕົວເມືອງທີ່ມີຄວາມຍືນຍົງທາງດ້ານສິ່ງແວດລ້ອມ; (5) ຄວາມເຂັ້ມແຂງທາງດ້ານການປ່ຽນແປງດິນຟ້າອາກາດ.
ກອງປະຊຸມໄດ້ມີການແລກປ່ຽນທັດສະນະ ແລະ ປະກອບຄໍາເຫັນຢ່າງກົງໄປກົງມາ ແລະ ສ້າງສັນ ທັງໄດ້ທົບທວນຄືນເຖິງຄວາມໝາຍໝັ້ນ ແລະ ຄວາມພະຍາຍາມໃນກອງປະຊຸມເຈົ້າຄອງນະຄອນຫຼວງອາຊຽນ ທີ່ໄດ້ຈັດຂຶ້ນຜ່ານມານັບແຕ່ກອງປະຊຸມເຈົ້າຄອງນະຄອນຫຼວງອາຊຽນ ຄັ້ງທີ 1 ທີ່ໄດ້ຈັດຂຶ້ນຢູ່ ນະຄອນຫຼວງຈາກາຕາປະເທດອິນໂດເນເຊຍ ໃນປີ 2013 ຈົນເຖິງປັດຈຸບັນ.
ພວກເຮົາໄດ້ຢໍ້າຄືນຄວາມໝາຍໝັ້ນຂອງບັນດານະຄອນຫຼວງອາຊຽນ ໃນການສົ່ງເສີມນະວັດຕະກຳໃໝ່ ແລະ ລະດົມແຫຼ່ງຊັບພະຍາກອນ ໃນການຂັບເຄື່ອນການພັດທະນາຕົວເມືອງແບບຍືນຍົງ ເພື່ອໃຫ້ສອດຄ່ອງກັບວາລະ 2030, ສັນຍາປາຣີ ແລະ ເປົ້າໝາຍລະດັບໂລກໃນວາລະໃໝ່ ແຫ່ງການພັດທະນາຕົວເມືອງ; ເນັ້ນໜັກເຖິງຄວາມສຳຄັນຂອງການເພີ່ມທະວີສ້າງສາຍພົວພັນຄູ່ຮ່ວມມື ພາຍໃນ ແລະ ລະຫວ່າງພາກພື້ນຕື່ມອີກ ເພື່ອເຮັດໃຫ້ອາຊີຕາເວັນອອກສ່ຽງໃຕ້ເປັນເຂດທີ່ໜ້າຢູ່, ເປັນສູນກາງຂອງການເຕີບໂຕດ້ານເສດຖະກິດຂອງພາກພື້ນ ແລະ ເປັນກົນໄກຂັບເຄື່ອນໃນການຈະເລີນເຕີບໂຕຂອງໂລກເພື່ອໃຫ້ບັນລຸວິໄສທັດປະຊາຄົມອາຊຽນ 2025 ແລະ ຍົກສູງຄວາມສຳຄັນຂອງກົນໄກທີ່ມີອາຊຽນເປັນຜູ້ນໍາພາ ເປັນເວທີເປີດກວ້າງການຮ່ວມມື ແລະ ແລກປ່ຽນກັບບັນດານະຄອນ ແລະ ອົງການປົກຄອງທ້ອງຖິ່ນຈາກບັນດາຄູ່ຮ່ວມມືພາຍນອກຂອງອາຊຽນ ເພື່ອເພີ່ມທະວີການເຊື່ອມຈອດ ແລະ ການພັດທະນາແບບຍືນຍົງຢູ່ບັນດານະຄອນອາຊຽນ.
ພ້ອມນັ້ນ, ຍັງໄດ້ຮັບຮອງເອົາຖະແຫຼງການນວດັ່ງນີ້:
1.ເພີ່ມທະວີການເຊື່ອມຈອດ: ຮັບຮູ້ເຖິງຄວາມສໍາຄັນຂອງການເຊື່ອມຈອດໃນການອໍານວຍຄວາມສະດວກໃຫ້ແກ່ການຂະຫຍາຍຕົວຂອງເສດຖະກິດ, ຄວາມສາມັກຄີປອງດອງຂອງສັງຄົມ ແລະ ການແລກປ່ຽນວັດທະນະທໍາ ລະຫວ່າງ ບັນດານະຄອນຫຼວງອາຊຽນ. ພວກເຮົາໃຫ້ຄໍາໝັ້ນສັນຍາວ່າຈະເພີ່ມທະວີຄວາມເຂັ້ມແຂງຂອງເຄືອຂ່າຍການຂົນສົ່ງ, ພື້ນຖານໂຄງລ່າງດີຈີຕອນ, ການເຊື່ອມໂຍງທາງດ້ານປະຊາກອນ ເປັນຕົ້ນການສຶກສາ, ວັດທະນະທໍາ ແລະ ການທ່ອງທ່ຽວ ເພື່ອຮັບປະກັນການເຊື່ອມໂຍງ ແລະ ການຮ່ວມມືຢ່າງບໍ່ຢຸດຢັ້ງ;
2.ການສ້າງຄວາມເຂັ້ມແຂງ: ຮັບຮູ້ເຖິງບັນດາສິ່ງທ້າທາຍທີ່ເກີດຂຶ້ນຍ້ອນການປ່ຽນແປງສະພາບດິນຟ້າອາກາດ, ການຫັນເປັນຕົວເມືອງ ແລະ ປັດໄຈສິ່ງແວດລ້ອມອື່ນໆ, ຢຶດໝັ້ນໃນການເສີມຂະຫຍາຍຄວາມເຂັ້ມແຂງ ດ້ວຍການລົງທຶນໃສ່ການວາງຜັງເມືອງແບບຍືນຍົງ, ປັບປຸງມາດຕະການຮັບມືກັບການປ່ຽນແປງດິນຟ້າອາກາດ ແລະ ໄພພິບັດຕ່າງໆ ເພື່ອປົກປ້ອງປະຊາຊົນ, ຊຸມຊົນ ແລະ ລະບົບນິເວດ;
3.ສ້າງຄວາມເຂັ້ມແຂງໃຫ້ແກ່ຊຸມຊົນ: ໂດຍເນັ້ນໃສ່ຄວາມສໍາຄັນຂອງການພັດທະນາແບບກວມລວມ ແລະ ມີສ່ວນຮ່ວມ, ພວກເຮົາພະຍາຍາມສ້າງຄວາມເຂັ້ມແຂງໃຫ້ຊຸມຊົນທ້ອງຖິ່ນໂດຍສະເພາະກຸ່ມຄົນທີ່ມີຄວາມສ່ຽງ ດ້ວຍການເຂົ້າເຖິງການດໍາລົງຊີວິດທີ່ບໍ່ກະທົບຈາກໄພຂົ່ມຂູ່ຈາກທໍາມະຊາດ, ເຂົ້າເຖິງການສຶກສາທີ່ມີຄຸນນະພາບ, ເຂົ້າເຖິງການຮັກສາສຸຂະພາບ ແລະ ການບໍລິການສັງຄົມ. ຈະຢຶດຖືເອົາການເສີມຂະຫຍາຍຄວາມເປັນເຈົ້າການ ແລະ ຄວາມຮັບຜິດຊອບຂອງພົນລະເມືອງຕໍ່ການພັດທະນາຕົວເມືອງແບບຍືນຍົງ;
4.ສົ່ງເສີມນະວັດຕະກໍາ: ຖືເອົານະວັດຕະກໍາ ແລະ ເຕັກໂນໂລຊີ ເປັນຕົວຂັບເຄື່ອນຕົວເມືອງແບບຍືນຍົງ, ໝາຍໝັ້ນທີ່ຈະສົ່ງເສີມການລິເລີ່ມຂອງນະຄອນອັດສະລິຍະ, ການຫັນເປັນດີຈີຕອນ ແລະ ເຕັກໂນໂລຊີສີຂຽວ, ຈະຊຸກຍູ້ການຮ່ວມມື ລະຫວ່າງ ບັນດານະຄອນຂອງອາຊຽນ, ນັກວິຊາການ ແລະ ພາກເອກະຊົນ ເພື່ອໝູນໃຊ້ນະວັດຕະກໍາເພື່ອການພັດທະນາແບບຍືນຍົງ;
5.ສົ່ງເສີມການແລກປ່ຽນວັດທະນະທໍາ: ຮັບຮູ້ເຖິງຄວາມອຸດົມສົມບູນ ແລະ ຫຼາກຫຼາຍຂອງວັດທະນະທໍາອາຊຽນ, ໃຫ້ຄໍາໝັ້ນສັນຍາຈະສົ່ງເສີມການແລກປ່ຽນວັດທະນະທໍາ ແລະ ປົກປັກຮັກສາມໍລະດົກຕົກທອດ ຈາກບັນພະບູລຸດ, ຈະເຄົາລົບເອກະລັກທາງວັດທະນະທໍາຂອງກັນ ແລະ ກັນ ພ້ອມທັງເສີມຂະຫຍາຍຄວາມເຂົ້າໃຈ, ການຮ່ວມມື ຊຶ່ງກັນ ແລະ ກັນ;
6.ຄວາມໝາຍໝັ້ນໃນການເປັນຄູ່ຮ່ວມມື: ຮັບຮູ້ເຖິງຄວາມສໍາຄັນຂອງການຮ່ວມມືຫຼາຍຝ່າຍ, ຈະຢຶດໝັ້ນການຮ່ວມມືກັບສະຖາບັນອາຊຽນ, ອົງການຈັດຕັ້ງສາກົນ, ພາກເອກະຊົນ ແລະ ພາກສ່ວນທີ່ກ່ຽວຂ້ອງ, ຈະພ້ອມກັນພະຍາຍາມ ເພື່ອບັນລຸເປົ້າໝາຍການພັດທະນາແບບຍືນຍົງ.
ທ່ານ ອາດສະພັງທອງ ສີພັນດອນ ຍັງໄດ້ສະແດງຄວາມຂອບໃຈຢ່າງຈິງໃຈມາຍັງ ບັນດາທ່ານເຈົ້າຄອງ-ຮອງເຈົ້າຄອງນະຄອນຫຼວງອາຊຽນ, ບັນດາທ່ານເຈົ້ານະຄອນ, ການນໍາຂັ້ນທ້ອງຖິ່ນ ພ້ອມທັງບັນດາຊ່ຽວຊານ, ວິຊາການ, ຜູ້ຕາງໜ້າຈາກຄູ່ຮ່ວມມື ແລະ ພາກສ່ວນຕ່າງໆ ສໍາລັບການຮ່ວມມືອັນດີ, ການປະກອບສ່ວນຢ່າງຫ້າວຫັນ ແລະ ການປຶກສາຫາລືຢ່າງສ້າງສັນ ຊຶ່ງເຮັດໃຫ້ກອງປະຊຸມໄດ້ຮັບຜົນສໍາເລັດ ຊຶ່ງເປັນການສ້າງພື້ນຖານອັນດີ ໃຫ້ແກ່ກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ບັນດາກອງປະຊຸມສຸດຍອດອື່ນໆທີ່ກ່ຽວຂ້ອງ ຊຶ່ງຈະຈັດຂຶ້ນໃນຕົ້ນເດືອນຕຸລາປີ 2024 ທີ່ ນະຄອນຫຼວງວຽງຈັນ ໃຫ້ໄດ້ຮັບຜົນສໍາເລັດ.
(ຂ່າວ: ວັນເພັງ-ພາບ: ສຸກສະຫວັນ)
