ພາກລັດ, ນັກວິຊາການ, ຜູ້ນໍາດ້ານອຸດສາຫະກຳ, ນັກລົງທຶນ ແລະ ຜູ້ຊ່ຽວຊານດ້ານພະລັງງານ ຂອງບັນດາປະເທດ ອາຊຽນ ໄດ້ພ້ອມກັນປຶກສາຫາລື ເພື່ອເສີມສ້າງການຮ່ວມມືໃນພາກພື້ນ ແລະ ຄົ້ນຄວ້າການແກ້ໄຂ ເພື່ອພະລັງງານ ທີ່ຍືນຍົງ ເພື່ອອະນາຄົດຂອງອາຊຽນ ໃນກອງປະຊຸມທຸລະກິດພະລັງງານອາຊຽນ ຄັ້ງທີ 24 (AEBF-24) ຊຶ່ງມື້ທໍາອິດຂອງກອງປະຊຸມ ກໍໄດ້ມີການລົງນາມ ລະຫວ່າງ ສູນພະລັງງານອາຊຽນ (ACE) ກັບ ບໍລິສັດຫົວເຫວີຍ ເພື່ອຂັບເຄື່ອນຄວາມພະຍາຍາມດ້ານພະລັງງານໝູນວຽນທົ່ວພາກພື້ນອາຊຽນ, ການເຜີຍແຜ່ບົດສະຫຼຸບດ້ານນະໂຍບາຍ ແລະ ເປີດສູນຂໍ້ມູນພະລັງງານອາຊຽນ.
ກະຊວງພະລັງງານ ແລະ ບໍ່ແຮ່ (ພບ) ໄດ້ຈັດກອງປະຊຸມ AEBF-24 ຂຶ້ນໃນລະຫວ່າງວັນທີ 25-27 ກັນຍານີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ຊຶ່ງໃນວັນທີ 25 ກັນຍານີ້ ກອງປະຊຸມດັ່ງກ່າວໄດ້ເປີດຂຶ້ນຢ່າງເປັນທາງການ ໂດຍການກ່າວເປີດຂອງ ທ່ານ ສຸກວິສັນ ຄິນສະໝອນ ຮອງຫົວໜ້າກົມແຜນການ ແລະ ການຮ່ວມມື ກະຊວງ ພບ ແລະ ທ່ານ ແອນດີ້ ຕິຣຕາ ຫົວໜ້າຝ່າຍບໍລິຫານ ສູນພະລັງງານອາຊຽນ ທັງເປັນປະທານກອງປະຊຸມ AEBF-24 ໂດຍມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ສຸກວິສັນ ຄິນສະໝອນ ໄດ້ກ່າວວ່າ: ການເປັນປະທານອາຊຽນຂອງ ສປປ ລາວ ພາຍໃຕ້ຄຳຂວັນ “ເພີ່ມທະວີການເຊື່ອມຈອດ ແລະ ຄວາມຍືນຍົງ” ສະແດງໃຫ້ເຫັນເຖິງຄໍາໝັ້ນສັນຍາຮ່ວມກັນ ໃນການສ້າງຄວາມໝັ້ນຄົງດ້ານພະລັງງານ ແລະ ການປ່ຽນຜ່ານໄປສູ່ພະລັງງານທີ່ເປັນມິດຕໍ່ສິ່ງແວດລ້ອມ ແລະ ແຫຼ່ງພະລັງງານແບບຍືນຍົງ. ໃນຂະນະທີ່ ອາຊຽນໄດ້ພ້ອມກັນມີສ່ວນຮ່ວມໃນການສົນທະນາ ແບ່ງປັນການປະຕິບັດທີ່ດີທີ່ສຸດ ແລະ ສ້າງການເຊື່ອມຕໍ່ທີ່ຍືນຍົງ ເຊື່ອມຕໍ່ພາກພື້ນອາຊຽນ ເພື່ອສ້າງການປ່ຽນແປງທາງບວກດ້ານພະລັງງານໂລກ.
ທ່ານ ແອນດີ້ ຕິຣຕາ ກ່າວວ່າ: ກອງປະຊຸມ AEBF-24 ຖືເປັນບາດກ້າວສຳຄັນໃນຄວາມພະຍາຍາມທີ່ຕໍ່ເນື່ອງຂອງພວກເຮົາໃນການເສີມສ້າງການຮ່ວມມືດ້ານພະລັງງານໃນລະດັບພາກພື້ນ; ກອງປະຊຸມຄັ້ງນີ້, ເປັນເວທີທີ່ມີບົດບາດສຳຄັນໃນການຂັບເຄື່ອນການດຳເນີນແຜນງານການຮ່ວມມື ດ້ານພະລັງງານອາຊຽນ (APAEC) ພວກເຮົາມຸ່ງໝັ້ນທີ່ຈະຮ່ວມກັນພັດທະນາຄວາມໝັ້ນຄົງດ້ານພະລັງງານ, ການເຂົ້າເຖິງ, ຄວາມສາມາດໃນການຈ່າຍ ແລະ ຄວາມຍືນຍົງ ຊຶ່ງເປັນການວາງຮາກຖານສຳລັບອະນາຄົດທີ່ໝັ້ນຄົງ ແລະ ຍືນຍົງຂອງທົ່ວອາຊຽນ.
ກອງປະຊຸມ AEBF-24 ໄດ້ເນັ້ນຢໍ້າເຖິງຄວາມສໍາຄັນຂອງການຮ່ວມມືໃນລະດັບພາກພື້ນໃນການຈັດການກັບສິ່ງທ້າທາຍດ້ານພະລັງງານທີ່ເລັ່ງດ່ວນ, ສະທ້ອນໃຫ້ເຫັນເຖິງຄວາມມຸ່ງງໝັ້ນຮ່ວມກັນ ໃນການສົ່ງເສີມຄວາມໝັ້ນຄົງດ້ານພະລັງງານ, ການເຂົ້າເຖິງ ແລະ ຄວາມຍືນຍົງທົ່ວພາກພື້ນອາຊຽນ ໄດ້ເນັ້ນຢ້ຳເຖິງບົດບາດຂອງການເປັນເວທີທີ່ສຳຄັນຂອງການເຈລະຈາ, ປຶກສາຫາລື ແລະ ການຮ່ວມມື ຊຶ່ງມື້ທໍາອິດຂອງກອງປະຊຸມ ຍັງໄດ້ມີກອງປະຊຸມບັນດາປະເທດອາຊຽນ ກ່ຽວກັບ ພະລັງງານ ແລະ ສິ່ງແວດລ້ອມ ຄັ້ງທີ 4 (4th AICEE) ຊຶ່ງຜູ້ຊ່ຽວຊານ ແລະ ນັກວິຊາການໄດ້ຫາລືກ່ຽວກັບແນວທາງທີ່ເປັນນະວັດຕະກຳໃໝ່ ສຳຫຼັບສິ່ງທ້າທາຍດ້ານພະລັງງານ ແລະ ສິ່ງແວດລ້ອມໃນພາກພື້ນ.
ກອງປະຊຸມຄັ້ງນີ້, ບັນດາຜູ້ຊຽວຊານຍັງບັນຍາຍໃນເຊີງປະຕິບັດການ ແລະ ນໍາສະເໜີເຕັກນິກ ເພື່ອໃຫ້ຜູ້ເຂົ້າຮ່ວມມີສ່ວນຮ່ວມໃນການພັດທະນານະໂຍບາຍພະລັງງານ, ຄວາມກ້າວໜ້າທາງເຕັກໂນໂລຊີ ແລະ ໂອກາດໃນການລົງທຶນ; ພ້ອມນີ້, ກໍຍັງມີການຈັດວາງສະແດງເຕັກໂນໂລຊີ ແລະ ໂຊລູຊັນທີ່ທັນສະໄໝ ຈາກພາກສ່ວນຕ່າງໆໃນທົ່ວອາຊຽນ. ຂະນະທີ່, ການບັນຍານຫົວຂໍ້ຕ່າງໆ ຈະຊ່ວຍໃນການປັບປຸງດ້ານພະລັງງານໝູນວຽນ, ປະສິດທິພາບໃນການໃຊ້ພະລັງງານ ແລະ ຄວາມໝັ້ນຄົງດ້ານພະລັງງານ ຊຶ່ງກອງປະຊຸມ AEBF-24 ມີເປົ້າໝາຍເພື່ອຍົກລະດັບການຮ່ວມມືດ້ານພະລັງງານ ໃນການບັນລຸຄວາມຕ້ອງການພະລັງງານທີ່ເພີ່ມຂຶ້ນຂອງພາກພື້ນ ຊຶ່ງຫົວໃຈສຳຄັນຂອງການບັນຍາຍ ກໍຄືຄວາມຄິດລິເລີ່ມທີ່ສຳຄັນ ເຊັນ: ເຄືອຂ່າຍພະລັງງານອາຊຽນ (APG); ການດັກຈັບ, ການໃຊ້ປະໂຫຍດ ແລະ ການກັກເກັບກາກບອນ (CCUS); ທ່າອ່ຽງການພັດທະນາພະລັງງານໝູນວຽນ ແລະ ປະສິດທິພາບການໃຊ້ພະລັງງານ ແລະ ການເປີດບົດລາຍງານຫຼັກຂອງ ACE, ການຄາດຄະເນດ້ານພະລັງງານອາຊຽນ ຄັ້ງທີ 8 (AEO8).
(ຂ່າວ: ສຸກສະຫວັນ, ພາບ: ບຸນອູ້ມ)
ກະຊວງພະລັງງານ ແລະ ບໍ່ແຮ່ (ພບ) ໄດ້ຈັດກອງປະຊຸມ AEBF-24 ຂຶ້ນໃນລະຫວ່າງວັນທີ 25-27 ກັນຍານີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ຊຶ່ງໃນວັນທີ 25 ກັນຍານີ້ ກອງປະຊຸມດັ່ງກ່າວໄດ້ເປີດຂຶ້ນຢ່າງເປັນທາງການ ໂດຍການກ່າວເປີດຂອງ ທ່ານ ສຸກວິສັນ ຄິນສະໝອນ ຮອງຫົວໜ້າກົມແຜນການ ແລະ ການຮ່ວມມື ກະຊວງ ພບ ແລະ ທ່ານ ແອນດີ້ ຕິຣຕາ ຫົວໜ້າຝ່າຍບໍລິຫານ ສູນພະລັງງານອາຊຽນ ທັງເປັນປະທານກອງປະຊຸມ AEBF-24 ໂດຍມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ສຸກວິສັນ ຄິນສະໝອນ ໄດ້ກ່າວວ່າ: ການເປັນປະທານອາຊຽນຂອງ ສປປ ລາວ ພາຍໃຕ້ຄຳຂວັນ “ເພີ່ມທະວີການເຊື່ອມຈອດ ແລະ ຄວາມຍືນຍົງ” ສະແດງໃຫ້ເຫັນເຖິງຄໍາໝັ້ນສັນຍາຮ່ວມກັນ ໃນການສ້າງຄວາມໝັ້ນຄົງດ້ານພະລັງງານ ແລະ ການປ່ຽນຜ່ານໄປສູ່ພະລັງງານທີ່ເປັນມິດຕໍ່ສິ່ງແວດລ້ອມ ແລະ ແຫຼ່ງພະລັງງານແບບຍືນຍົງ. ໃນຂະນະທີ່ ອາຊຽນໄດ້ພ້ອມກັນມີສ່ວນຮ່ວມໃນການສົນທະນາ ແບ່ງປັນການປະຕິບັດທີ່ດີທີ່ສຸດ ແລະ ສ້າງການເຊື່ອມຕໍ່ທີ່ຍືນຍົງ ເຊື່ອມຕໍ່ພາກພື້ນອາຊຽນ ເພື່ອສ້າງການປ່ຽນແປງທາງບວກດ້ານພະລັງງານໂລກ.
ທ່ານ ແອນດີ້ ຕິຣຕາ ກ່າວວ່າ: ກອງປະຊຸມ AEBF-24 ຖືເປັນບາດກ້າວສຳຄັນໃນຄວາມພະຍາຍາມທີ່ຕໍ່ເນື່ອງຂອງພວກເຮົາໃນການເສີມສ້າງການຮ່ວມມືດ້ານພະລັງງານໃນລະດັບພາກພື້ນ; ກອງປະຊຸມຄັ້ງນີ້, ເປັນເວທີທີ່ມີບົດບາດສຳຄັນໃນການຂັບເຄື່ອນການດຳເນີນແຜນງານການຮ່ວມມື ດ້ານພະລັງງານອາຊຽນ (APAEC) ພວກເຮົາມຸ່ງໝັ້ນທີ່ຈະຮ່ວມກັນພັດທະນາຄວາມໝັ້ນຄົງດ້ານພະລັງງານ, ການເຂົ້າເຖິງ, ຄວາມສາມາດໃນການຈ່າຍ ແລະ ຄວາມຍືນຍົງ ຊຶ່ງເປັນການວາງຮາກຖານສຳລັບອະນາຄົດທີ່ໝັ້ນຄົງ ແລະ ຍືນຍົງຂອງທົ່ວອາຊຽນ.
ກອງປະຊຸມ AEBF-24 ໄດ້ເນັ້ນຢໍ້າເຖິງຄວາມສໍາຄັນຂອງການຮ່ວມມືໃນລະດັບພາກພື້ນໃນການຈັດການກັບສິ່ງທ້າທາຍດ້ານພະລັງງານທີ່ເລັ່ງດ່ວນ, ສະທ້ອນໃຫ້ເຫັນເຖິງຄວາມມຸ່ງງໝັ້ນຮ່ວມກັນ ໃນການສົ່ງເສີມຄວາມໝັ້ນຄົງດ້ານພະລັງງານ, ການເຂົ້າເຖິງ ແລະ ຄວາມຍືນຍົງທົ່ວພາກພື້ນອາຊຽນ ໄດ້ເນັ້ນຢ້ຳເຖິງບົດບາດຂອງການເປັນເວທີທີ່ສຳຄັນຂອງການເຈລະຈາ, ປຶກສາຫາລື ແລະ ການຮ່ວມມື ຊຶ່ງມື້ທໍາອິດຂອງກອງປະຊຸມ ຍັງໄດ້ມີກອງປະຊຸມບັນດາປະເທດອາຊຽນ ກ່ຽວກັບ ພະລັງງານ ແລະ ສິ່ງແວດລ້ອມ ຄັ້ງທີ 4 (4th AICEE) ຊຶ່ງຜູ້ຊ່ຽວຊານ ແລະ ນັກວິຊາການໄດ້ຫາລືກ່ຽວກັບແນວທາງທີ່ເປັນນະວັດຕະກຳໃໝ່ ສຳຫຼັບສິ່ງທ້າທາຍດ້ານພະລັງງານ ແລະ ສິ່ງແວດລ້ອມໃນພາກພື້ນ.
ກອງປະຊຸມຄັ້ງນີ້, ບັນດາຜູ້ຊຽວຊານຍັງບັນຍາຍໃນເຊີງປະຕິບັດການ ແລະ ນໍາສະເໜີເຕັກນິກ ເພື່ອໃຫ້ຜູ້ເຂົ້າຮ່ວມມີສ່ວນຮ່ວມໃນການພັດທະນານະໂຍບາຍພະລັງງານ, ຄວາມກ້າວໜ້າທາງເຕັກໂນໂລຊີ ແລະ ໂອກາດໃນການລົງທຶນ; ພ້ອມນີ້, ກໍຍັງມີການຈັດວາງສະແດງເຕັກໂນໂລຊີ ແລະ ໂຊລູຊັນທີ່ທັນສະໄໝ ຈາກພາກສ່ວນຕ່າງໆໃນທົ່ວອາຊຽນ. ຂະນະທີ່, ການບັນຍານຫົວຂໍ້ຕ່າງໆ ຈະຊ່ວຍໃນການປັບປຸງດ້ານພະລັງງານໝູນວຽນ, ປະສິດທິພາບໃນການໃຊ້ພະລັງງານ ແລະ ຄວາມໝັ້ນຄົງດ້ານພະລັງງານ ຊຶ່ງກອງປະຊຸມ AEBF-24 ມີເປົ້າໝາຍເພື່ອຍົກລະດັບການຮ່ວມມືດ້ານພະລັງງານ ໃນການບັນລຸຄວາມຕ້ອງການພະລັງງານທີ່ເພີ່ມຂຶ້ນຂອງພາກພື້ນ ຊຶ່ງຫົວໃຈສຳຄັນຂອງການບັນຍາຍ ກໍຄືຄວາມຄິດລິເລີ່ມທີ່ສຳຄັນ ເຊັນ: ເຄືອຂ່າຍພະລັງງານອາຊຽນ (APG); ການດັກຈັບ, ການໃຊ້ປະໂຫຍດ ແລະ ການກັກເກັບກາກບອນ (CCUS); ທ່າອ່ຽງການພັດທະນາພະລັງງານໝູນວຽນ ແລະ ປະສິດທິພາບການໃຊ້ພະລັງງານ ແລະ ການເປີດບົດລາຍງານຫຼັກຂອງ ACE, ການຄາດຄະເນດ້ານພະລັງງານອາຊຽນ ຄັ້ງທີ 8 (AEO8).
(ຂ່າວ: ສຸກສະຫວັນ, ພາບ: ບຸນອູ້ມ)
