ເພື່ອສືບຕໍ່ກະກຽມຄວາມພ້ອມ ໃຫ້ແກ່ການຈັດກອງປະຊຸມລັດຖະມົນຕີພະລັງງານອາຊຽນ, ໃນວັນທີ 25 ກັນຍານີ້ ກະຊວງພະລັງງານ ແລະ ບໍ່ແຮ່ (ພບ) ໄດ້ຈັດ 2 ກອງປະຊຸມລະດັບເຈົ້າໜ້າທີ່ອາວຸໂສ ຊຶ່ງແມ່ນກອງປະຊຸມກອງປະຊຸມເຈົ້າໜ້າທີ່ອາວຸໂສພະລັງງານອາຊຽນ +3 (SOME+3) ແລະ ກອງປະຊຸມເຈົ້າໜ້າທີ່ອາວຸໂສພະລັງງານອາຊີຕາເວັນອອກ (SOME+8) ໂດຍທັງ 2 ກອງປະຊຸມນີ້ ດຳເນີນພາຍໃຕ້ການເປັນປະທານຂອງ ທ່ານ ອາຄົມເດດ ວົງໄຊ ຫົວໜ້າກົມແຜນການ ແລະ ການຮ່ວມມື ກະຊວງພະລັງງານ ແລະ ບໍ່ແຮ່, ຫົວໜ້າເຈົ້າໜ້າທີ່ອາວຸໂສພະລັງງານອາຊຽນ ແຫ່ງ ສປປ ລາວ ຊຶ່ງມີຫົວໜ້າເຈົ້າໜ້າທີ່ອາວຸໂສພະລັງງານອາຊຽນ ພ້ອມດ້ວຍຄະນະຜູ້ແທນຈາກ 10 ປະເທດອາຊຽນ,ປະເທດ ຕີມໍແລັດສະເຕ ໃນນາມປະເທດສັງເກດການ ແລະ ທຸກພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມ SOME+3 (ສປ ຈີນ, ຢີປຸ່ນ, ສ ເກົາຫຼີ) ໄດ້ປຶກສາຫາລື ເພື່ອກະກຽມໃຫ້ແກ່ກອງປະຊຸມລັດຖະມົນຕີພະລັງງານອາຊຽນ + 3 ຄັ້ງທີ 21 ຊຶ່ງມີຈຸດປະສົງເພື່ອເປັນການກະກຽມບົດສະຫຼຸບລາຍງານຂອງບັນດາກິດຈະກຳ/ແຜນງານຕ່າງໆ ໃຫ້ແກ່ກອງປະຊຸມປະຊຸມລັດຖະມົນຕີພະລັງງານອາຊຽນ+3 ໂດຍສະເພາະແມ່ນການຊ່ວຍເຫຼືອຂອງບັນດາປະເທດ +3 ທີ່ໃຫ້ການຊ່ວຍເຫຼືອອາຊຽນ ຕິດພັນກັບແຜນປະຕິບັດພະລັງງານອາຊຽນ APAEC 2021-2025 ໃນການພັດທະນາພະລັງງານອາຊຽນເປັນຕົ້້ນ: ຄວາມໝັ້ນຄົງດ້ານພະລັງງານ,; ຕະຫຼາດນໍ້າມັນ ແລະ ອາຍແກັດ; ພະລັງງານໃໝ່ ແລະ ພະລັງງານຜະລິດຄືນໃໝ່ (RE), ການປະຢັດພະລັງງານ; ພະລັງງານສະອາດ.
ໃນຕອນບ່າຍຂອງວັນດຽວກນນີ້, ໄດ້ຈັດກອງປະຊຸມ SOME+8 (ອົສຕຣາລີ, ສປ ຈີນ, ອິນເດຍ, ຍີ່ປຸ່ນ, ນິວຊີແລນ, ສ ເກົາຫຼີ, ລັດເຊຍ ແລະ ອາເມຣິກາ) ເພື່ອກະກຽມໃຫ້ແກ່ກອງປະຊຸມລັດຖະມົນຕີອາຊີຕາເວັນອອກ ຄັ້ງທີ 18. ຈຸດປະສົງເພື່ອລາຍງານກ່ຽວກັບການຈັດຕັ້ງປະຕິບັດບັນດາກິດຈະກໍາພາຍໃຕ້ກອບອາຊີຕາເວັນອອກດ້ານພະລັງງານ ແລະ ແຜນວຽກຕໍ່ໜ້າເປັນຕົ້້ນ: ການປັບປຸງ ແລະ ພັດທະນານະໂຍບາຍທີ່ກ່ຽວຂ້ອງໃນອາຊຽນ ແລະ ປະເທດໃນອາຊີຕາເວັນອອກ (EAS); ຂໍ້ລິເລີ່ມຫຼັກ ແລະ ການພັດທະນານະໂຍບາຍກ່ຽວກັບຄວາມໝັ້ນຄົງທາງດ້ານພະລັງງານ ແລະ ການຫັນໄປສູ່ພະລັງງານສະອາດໃນປະເທດ EAS; ການແລກປ່ຽນຖອດຖອນບົດຮຽນກ່ຽວກັບນະໂຍບາຍ ແລະ ການປະຢັດພະລັງງານເພື່ອສິ່ງແວດລ້ອມ.
ຜົນກອງປະຊຸມທີ່ຈັດຂຶ້ນໃນວັນທີ 25 ກັນຍານີ້ ໄດ້ສະແດງໃຫ້ເຫັນເຖິງຄວາມພະຍາຍາມຂອງອາຊຽນ ໃນການເພີ່ມສັດສ່ວນນໍາໃຊ້ພະລັງງານຈາກແຫຼ່ງພະລັງງານທົດແທນໃຫ້ບັນລຸ 23% ພາຍໃນປີ 2025, ສຳຄັນແມ່ນການແບ່ງປັນຂໍ້ມູນຈາກບັນດາປະເທດອາຊຽນ ທີ່ເປັນຕົວຊ່ວຍໃຫ້ອາຊຽນພັດທະນາກອບການດໍາເນີນງານ ເພື່ອການພັດທະນາພະລັງງານໝູນວຽນໃນໄລຍະຍາວ. ນອກຈາກນີ້, ອັນພົ້ນເດັ່ນທີ່ສໍາຄັນ ແມ່ນການປະເມີນໃຫ້ເຫັນເຖິງຄວາມຕ້ອງການພະລັງງານໃນອາຊຽນທີ່ຈະເພີ່ມຂຶ້ນ ເປັນສາມເທົ່າຕົວ ໃນປີ 2050 ຊຶ່ງມີຄວາມຈໍາເປັນທີ່ອາຊຽນເຮົາ ຈະຕ້ອງໄດ້ກຽມພ້ອມໃນການກໍານົດແນວທາງໃນຫຼາຍດ້ານ ໂດຍສະເພາະຂໍ້ມູນທີ່ລົງເລິກ ເພື່ອຈະສາມາດກໍານົດການວາງແຜນ ແລະ ການແກ້ໄຂບັນຫາໃນໄຍລະຍາວໄດ້ຢ່າງເໝາະສົມ ຕອບສະໜອງກັບຄວາມຕ້ອງການພະລັງງານທີ່ເພີ່ມຂຶ້ນ ເພື່ອຫຼຸດການເພິ່ງພາພະລັງງານຈາກແຫຼ່ງໃດແຫຼ່ງໜຶ່ງຫຼາຍເກີນໄປ ເພື່ອຊ່ວຍເສີມສ້າງຄວາມໝັ້ນຄົງດ້ານພະລັງງານ.
(ຂ່າວ: ສຸກສະຫວັນ, ພາບ: ບຸນອູ້ມ)
ກອງປະຊຸມ SOME+3 (ສປ ຈີນ, ຢີປຸ່ນ, ສ ເກົາຫຼີ) ໄດ້ປຶກສາຫາລື ເພື່ອກະກຽມໃຫ້ແກ່ກອງປະຊຸມລັດຖະມົນຕີພະລັງງານອາຊຽນ + 3 ຄັ້ງທີ 21 ຊຶ່ງມີຈຸດປະສົງເພື່ອເປັນການກະກຽມບົດສະຫຼຸບລາຍງານຂອງບັນດາກິດຈະກຳ/ແຜນງານຕ່າງໆ ໃຫ້ແກ່ກອງປະຊຸມປະຊຸມລັດຖະມົນຕີພະລັງງານອາຊຽນ+3 ໂດຍສະເພາະແມ່ນການຊ່ວຍເຫຼືອຂອງບັນດາປະເທດ +3 ທີ່ໃຫ້ການຊ່ວຍເຫຼືອອາຊຽນ ຕິດພັນກັບແຜນປະຕິບັດພະລັງງານອາຊຽນ APAEC 2021-2025 ໃນການພັດທະນາພະລັງງານອາຊຽນເປັນຕົ້້ນ: ຄວາມໝັ້ນຄົງດ້ານພະລັງງານ,; ຕະຫຼາດນໍ້າມັນ ແລະ ອາຍແກັດ; ພະລັງງານໃໝ່ ແລະ ພະລັງງານຜະລິດຄືນໃໝ່ (RE), ການປະຢັດພະລັງງານ; ພະລັງງານສະອາດ.
ໃນຕອນບ່າຍຂອງວັນດຽວກນນີ້, ໄດ້ຈັດກອງປະຊຸມ SOME+8 (ອົສຕຣາລີ, ສປ ຈີນ, ອິນເດຍ, ຍີ່ປຸ່ນ, ນິວຊີແລນ, ສ ເກົາຫຼີ, ລັດເຊຍ ແລະ ອາເມຣິກາ) ເພື່ອກະກຽມໃຫ້ແກ່ກອງປະຊຸມລັດຖະມົນຕີອາຊີຕາເວັນອອກ ຄັ້ງທີ 18. ຈຸດປະສົງເພື່ອລາຍງານກ່ຽວກັບການຈັດຕັ້ງປະຕິບັດບັນດາກິດຈະກໍາພາຍໃຕ້ກອບອາຊີຕາເວັນອອກດ້ານພະລັງງານ ແລະ ແຜນວຽກຕໍ່ໜ້າເປັນຕົ້້ນ: ການປັບປຸງ ແລະ ພັດທະນານະໂຍບາຍທີ່ກ່ຽວຂ້ອງໃນອາຊຽນ ແລະ ປະເທດໃນອາຊີຕາເວັນອອກ (EAS); ຂໍ້ລິເລີ່ມຫຼັກ ແລະ ການພັດທະນານະໂຍບາຍກ່ຽວກັບຄວາມໝັ້ນຄົງທາງດ້ານພະລັງງານ ແລະ ການຫັນໄປສູ່ພະລັງງານສະອາດໃນປະເທດ EAS; ການແລກປ່ຽນຖອດຖອນບົດຮຽນກ່ຽວກັບນະໂຍບາຍ ແລະ ການປະຢັດພະລັງງານເພື່ອສິ່ງແວດລ້ອມ.
ຜົນກອງປະຊຸມທີ່ຈັດຂຶ້ນໃນວັນທີ 25 ກັນຍານີ້ ໄດ້ສະແດງໃຫ້ເຫັນເຖິງຄວາມພະຍາຍາມຂອງອາຊຽນ ໃນການເພີ່ມສັດສ່ວນນໍາໃຊ້ພະລັງງານຈາກແຫຼ່ງພະລັງງານທົດແທນໃຫ້ບັນລຸ 23% ພາຍໃນປີ 2025, ສຳຄັນແມ່ນການແບ່ງປັນຂໍ້ມູນຈາກບັນດາປະເທດອາຊຽນ ທີ່ເປັນຕົວຊ່ວຍໃຫ້ອາຊຽນພັດທະນາກອບການດໍາເນີນງານ ເພື່ອການພັດທະນາພະລັງງານໝູນວຽນໃນໄລຍະຍາວ. ນອກຈາກນີ້, ອັນພົ້ນເດັ່ນທີ່ສໍາຄັນ ແມ່ນການປະເມີນໃຫ້ເຫັນເຖິງຄວາມຕ້ອງການພະລັງງານໃນອາຊຽນທີ່ຈະເພີ່ມຂຶ້ນ ເປັນສາມເທົ່າຕົວ ໃນປີ 2050 ຊຶ່ງມີຄວາມຈໍາເປັນທີ່ອາຊຽນເຮົາ ຈະຕ້ອງໄດ້ກຽມພ້ອມໃນການກໍານົດແນວທາງໃນຫຼາຍດ້ານ ໂດຍສະເພາະຂໍ້ມູນທີ່ລົງເລິກ ເພື່ອຈະສາມາດກໍານົດການວາງແຜນ ແລະ ການແກ້ໄຂບັນຫາໃນໄຍລະຍາວໄດ້ຢ່າງເໝາະສົມ ຕອບສະໜອງກັບຄວາມຕ້ອງການພະລັງງານທີ່ເພີ່ມຂຶ້ນ ເພື່ອຫຼຸດການເພິ່ງພາພະລັງງານຈາກແຫຼ່ງໃດແຫຼ່ງໜຶ່ງຫຼາຍເກີນໄປ ເພື່ອຊ່ວຍເສີມສ້າງຄວາມໝັ້ນຄົງດ້ານພະລັງງານ.
(ຂ່າວ: ສຸກສະຫວັນ, ພາບ: ບຸນອູ້ມ)
